田記魚蛋牛腩專門店 (碧街)

营业中

休息中

呢間喺太子同埋油麻地都有分店嘅牛腩麵鋪有唔少人推薦。今日試過就知佢大份又抵食。淨雲吞 $32七粒雲吞大大粒夠飽滿，口感彈牙味道仲好鮮甜，食得到鮮蝦嘅比例好多。湯入面仲有幾條生菜，營養均衡少少。牛三寶飯 $60牛三寶包括牛腩、牛筋、牛肚。炆得夠腍夠入味。牛筋滑到幾乎唔使咬。牛肚淨係選用金錢肚，用料幾靚。值得一讚係白飯份量好多，大概有三細碗，男仔都夠食。每款飯類仲有附送紫菜湯。崩沙牛腩飯 $57呢款用咗崩沙牛腩，肥瘦更均勻，仲有一層滑溜嘅膠質。值得加錢食。

想食魚蛋粉，路過這間粉面店看到牛三寶綜合晒我最喜歡的配菜，一定要試一試。牛三寶河粉$48一碗粉裏面有齊牛腩、牛筋、牛肚，一次過滿足晒三個願望。所有配料都好林好入味，河粉很滑，湯底亦都好濃郁。崩沙腩河粉$45崩沙腩真的特別好吃，有很重的牛味，爽遠又唔會硬，這碗粉還配上白蘿蔔，白蘿蔔清甜，配上一起吃，正。炸魚皮$25炸魚皮十分香脆，又不會太口，薄脆的感覺，點一點湯，更好吃。另外我們還點了一個芥蘭和豆漿，這個晚餐十分圓滿。

如果你係想搵一間高質素既粉麵鋪黎田記就岩喇，首先方便，係油麻地地鐵站A1出口行幾步就到，而且好好食！價錢中等，性價比唔錯👍🏼崩沙牛腩拼牛丸湯河 ($52)崩沙牛腩拼牛肚湯河 ($65)腐乳通菜 ($15)跟餐飲品加$7夜晚去到好好彩仲有崩沙牛腩，貪心嘅我想試多啲就嗌左雙拼，果然雙拼非常出色，無論係崩沙牛腩，牛肚，牛丸都係水準之上。首先崩沙牛腩入味而且軟淋，咬落去肥瘦啱啱好，有啲位置甚至覺得好鬆化，果然崩沙位係唔同啲。牛肚都處理得幾好，位置斬得靚，而且軟硬非常適中，至於牛丸見到雙拼得兩粒就覺得唔夠喉，因為好好食，有牛味同咬落去有肉汁爆出黎，相當Juicy！至於通菜同飲品都表現正常。今次一試覺得呢間粉麵鋪好好食，下次有機會要試埋佢嘅牛雜同雲吞

同老公一直都係牛粉，朋友介紹左呢間田記牛腩比我地，收工專程黎到😊 太多選擇，最後揀左店員推介既招牌崩沙牛腩和牛雜，街坊小店店員十分友善👍🏻跟左一款紫菜湯，十分足料，味道清清地跟牛腩幾配，不錯。牛雜大大碟以為會放好多白蘿蔔，原來好足料！牛雜用左佢地既秘制汁燜，個人較喜歡牛肚😋口感爽口而且入味👍🏻牛肺及腸也燜得腍身，牛味濃用黎餸啤酒一流😋😋要贊一下白蘿蔔很入味，中和了肥膩感很快被我們K.O了！崩沙牛腩飯橫隔膜位置牛腩，半肥瘦最佳，牛腩燜得腍身香濃入味，有水準呢！小店位置方便，價錢親民會再幫襯呢！

Openrice 睇左最多人介紹系崩沙牛腩，可惜12點零黎食已經冇左，睇黎食呢個崩沙腩要睇運數。🥢招牌牛腩河粉🥢 $32牛腩肥瘦均勻，炆到好鬆化，湯底濃郁甘香帶肉味，河粉太多，一個女仔食會飽到上心口。早兩日都食左牛腩河，份量相若味道一樣吾錯，價錢同呢到差成一截，所以呢到性價比好高。🥢牛三寶飯🥢 $52初初以為甘大兜餸實系底下鋪左好多蘿蔔，點知得兩舊，好多都系肉，牛筋腍滑、牛肚爽口入味，牛腩肉味濃，最正都系個湯汁，清甜郁厚，就甘飲會有d鹹，所以自制左湯飯。🥢淨墨魚丸🥢$31大大粒既墨丸真系好彈牙紮實，好足料，吾系一段超市貨色。

好耐無食牛腩麵啦~今日去開旺角，好友話上次食過呢間田記魚蛋牛腩專門店，對佢個崩沙牛腩讚口不絕，話一定要帶我去試下。田記位於油麻地碧街，地鐵站一出就係，好方便~晚飯時間坐滿人，等左差唔多十分鐘先有位，咁多人幫襯，相信真係唔錯!崩沙牛腩米粉口感爽滑帶膏脂，煙韌彈牙有嚼勁，燜得香滑入味，食落軟稔有肉味!八大件崩沙腩再配清甜無渣白蘿蔔，好抵食。牛三寶麵有齊牛腩、牛肚、牛筋，牛腩滑溜嫩口，入口即化；牛肚香濃爽脆好彈牙；牛筋綿軟爽滑，豐腴不膩味。淨魚三寶有齊魚蛋、魚片頭、魚皮餃，招牌之一既魚蛋鮮嫩彈牙，魚味到位；魚片頭軟腍甘香，魚味足；魚皮餃香嫩細膩，內餡新鮮。蠔油芥蘭最後叫返碟油菜，芥蘭新鮮翠綠，清脆味美。

這間田記魚蛋牛腩專門店，之前在太子曾經吃過分店，上次吃的牛腩充滿牛味，而且又入味，份量又多，於是今天再來油麻地吃這分店。天氣寒冷，一定要吃點牛肉暖暖身。牛魔王河粉來到牛腩專門店，一定要叫牛腩吧！但我三心兩意，還是點這個牛魔王河粉好。河粉吸晒湯汁，惹味。牛魔王有牛腩、牛筋、牛腸、牛蒡、牛費和牛肚，牛腩軟稔，牛肺有咬口，又夠入味。炸醬麵炸醬肉碎甜甜的，帶有少少辣味，配上麵條後，非常開胃！魚三寶 點了個魚三寶，有魚蛋、魚片頭和魚皮餃，魚蛋彈牙，是白魚蛋非油炸，健康；魚皮餃大大隻，魚皮餃煙煙韌韌；魚片頭口感十足。豆漿店內還有提供暖豆漿，冬天凍冰冰，最好就是來一杯暖豆漿暖身吧。

在油麻地交收完準備回家，走近地鐵站A1出口時忽然想吃粉麵，便進來試試看看餐牌，崩沙腩最出名，點來試一下崩沙牛腩麵$45崩沙腩是牛的橫隔膜位置，兩邊是口感帶點煙韌的筋膜，中間是炆得軟腍且入味的牛腩，一咬下香濃的牛味，相當好吃旁邊幾件白蘿白沒有渣，味道清甜，中和牛肉膩感，貼心的配菜牛三寶米粉$48包含牛腩，牛肚和牛筋三款份量不少，全部炆得入味且嫩口，特別一讚牛筋，軟腍之餘帶點煙韌的骨膠原感覺，正淨水餃$32水餃皮很薄，餡肉足料有大地魚香味，蝦肉彈牙而且無沙（重點！），不會只得死咸，湯底還配了幾片生菜生菜$15(要腩汁）吃太多肉要另加生菜中和一下，份量比想像中多，西生菜吃得出新鮮爽脆豆漿+$7點粉麵後追加飲品+$7，可揀奶茶咖啡之類，價錢公道，我們點了豆漿，原支送上，不會太甜，味道不錯總括來說位置方便，味道有驚喜，下次會再來

又系掛住牛牛時間，是日同HONEY去左油麻地哩間田記魚蛋牛腩專門店，見到佢有個牌寫崩沙腩，真的好想食~~入到去，熱情的姐姐也介紹崩沙腩最好食，所以我點左崩沙腩河，HONEY點左牛三寶，另外也點左淨魚三寶，同埋一碟腐乳芥蘭，另外點左支豆漿，崩沙腩河崩沙腩河一上來，真的有唔少的崩沙腩，食落真的好有牛味，另外都有唔少半肥廋的感覺~~冬天食佢真的好WARM的感覺~~牛三寶HONEY的牛三寶真的好多料，牛肚同牛筋都好滑，同埋唔會咬唔開，仲要系，HONEY食完話真的飽，淨魚三寶淨魚三寶有魚皮餃，魚片頭同埋白魚旦，魚旦真的有彈性，同埋有菜在底，腐乳芥蘭腐乳芥蘭的腐乳真的好多，同埋撈埋D腐乳在河粉到食，真的好味~~~豆漿作為我地的結尾~~~~有時食下哩D粉麵，都好開心，下次再來真的要再食佢的崩沙腩~~~

2020年11月21日 星期六今日同老婆上去佢油麻地既親戚屋企食飯，由於時間尚早，加上其他表兄弟姊妹又未到，所以我哋決定係油麻地附近行吓先行到覺得餓餓地，咁岩又見到有間粉麵店，所以諗都冇諗就入左去食入到去望吓個餐牌，發現基本粉麵店有嘅食物都有提供，而且價錢仲要唔太貴，其中仲可以叫牛魔王拼盤，岩晒鍾意食牛既我，不過由於怕太大份，所以最後淨係叫咗凈牛腩叫完野食等左無耐，炸魚皮就送到，金黃色而且仲有微暖，咬落去好香脆，如果浸埋湯一齊食會更加滋味之後有凈魚三寶，分別係魚片、魚蛋同魚皮餃，三款都好彈牙，有咬口而且充滿魚既鮮味，就連湯都係鮮魚湯添跟住有主菜凈牛腩，牛腩煮得好腍，但唔會過熟，中間既肉仲係有少少粉紅色，食到停唔到口最後埋單大約百五蚊左右，好有香港既味道，希望唔會失傳

田記其實都幾出名架, 我就係附近讀書既, 讀書個陣成日都黎食無他既, 因為呢度又平又抵食環境都唔算差, 食得都算幾舒服, 而且野食既選擇都幾多, 岩哂一班FD黎個快午餐牛根飯呢度既牛根飯係我最愛, 一碗滿滿的牛根加上牛腩汁既味道, 餸飯一流, 而且仲有瑤紫菜湯送埋, 唔洗再點野飲都仲得友人就點左個崩沙腩米線, 崩沙腩比起普通既牛腩貴一點, 但係口感同味道都係差很遠!! 所以必點崩沙腩!!崩沙腩肥瘦適中, 唔會覺得好肥又唔會食到太柴, 所以個口感同味道都係一流架

今日食既呢間係位於油麻地已經很久的一家老店田記粉麵這裡最出名的就是牛腩或是牛雜, 價錢不算貴但是很美味鐘意食飯既都可以叫飯黎食, 其實價錢差唔多, 不過我個人就鐘意食粉麵比較多今日食既就係牛三寶河, 所謂的牛三寶有牛腩牛肚, 48蚊的價錢就已經有包埋個麵, 份量都唔少架超大片的牛肚, 相比起出面食到既牛肚呢度唔單止份量過人, 而且味道過人!! 吸收哂腩汁既味道, 又淋又滑加埋個野飲都只係需要7蚊, 唔貴而且食得飽肚又好味!!

今晚睇7點半喎，M佬仲未收工？所以睇戲前嘅晚餐要食啲快嘢先得，一出油麻地地鐵站見到呢間田記魚蛋牛腩專門店，入面都有唔少食客，相信都唔差啦，所以快靚正就食碗雲吞麵再去睇戲啦。我哋雖然趕時間，所以食得好快，但佢嘅味道確實唔錯，下次嚟油麻地都會再幫襯。蠔油菜心唔知點解每次食雲吞麵都一定要叫碟油菜，先算完美。菜心唔會overcooked，夠鮮嫩。淨魚三寶舖頭嘅名稱特別加入魚蛋專門店，所以我哋除咗每人一碗麵食，再share呢個淨魚三寶，入邊有魚蛋、魚片頭同魚皮餃，每樣3粒，魚蛋同魚片頭係自家製作，所以魚香豐富又彈牙。牛魔王河粉舖頭嘅名稱除咗魚蛋，仲特別寫上牛腩，其實舖頭內充滿住牛肉嘅濃香味，我哋就別咗呢碗牛魔王河粉，河粉好滑溜，索晒腩汁，好好味。至於牛魔王即係有齊牛腩、牛筋、牛腸、牛肺、牛膀同牛肚，份量勁多！牛腩軟腍，横向紋理，肉味香濃；至於牛肺好有咬口；牛肚勁入味。更重點係，食完呢碗麵唔會好口喝，證明味精唔多。炸醬麵我就叫咗碗炸醬麵，麵底好多，一啲都唔辣，撈勻個麵底，充滿炸醬肉汁，唔錯。

行開太子塘尾道見肚餓，同朋友見到間魚蛋面店，門面都是是正正，就入去食左先。呢度真係好多唔同款式野揀，平民價岩曬附近街坊，見D野食咁抵食，都忍唔住點多幾分。我們兩個女仔點了出名的崩沙牛腩米線，老闆介紹，實屬佳品，裡面有蘿蔔，好多塊牛腩，而且彈牙好味，正啊。來多個豬手麵，又係多人揀的，腩汁夠香，成個豬手都整得好滑好煙韌，好正啊。食兩碗麵都唔夠侯，見蘿蔔好食，叫多份淨蘿蔔同腐乳通菜，再來多客淨雲吞，同炸魚皮。蘿蔔大大舊，通菜又好新鮮，雲吞是自家包的，魚皮炸得夠脆，總之整體全部都好食，兩個女仔都食得曬真係夠誇張。點埋嘢飲，埋單都係$140 ，每人都係$70，勁抵啊，得閒來食都得啊。

油麻地A1出口行幾步有間粉麵餐廳, 前排經過, 見到人流不斷, 門外展示餐牌價錢亦唔貴, 今日等埋丫妹收工一齊試試。餐廳內跟傳統粉麵裝修格局一樣, 地方整潔我就揀左呢度招牌----崩沙腩河粉 崩沙腩份量都幾多, 質地腍軟又多汁, 牛味濃郁亦不失肉香, 湯底清甜, 配上容易索湯又滑的河粉同埋超林白蘿蔔, 超正!牛丸幼麵牛丸一共有五粒, 口感彈牙, 內裡有肉汁滲出, 牛味香口, 幼麵爽口夠彈粉麵類加$7配野飲, 揀左豆漿凈魚皮餃餃皮厚薄剛好, 餡料帶有鮮甜魚香, 一碗有半打, 抵食!淨魚片味道鮮甜有彈性, 正!