田中日本料理

营业中

休息中

元朗真係好鬼多好嘢食，今日同朋友慶祝生日，所以入咗去元朗搵佢食飯。佢呢個元朗地膽提議我地去呢間壽司店。朋友話呢間平時都要排隊，但今晚我哋勁好彩，好快就有位。朋友 提議我哋叫一碟share 因為size好大，所以我哋兩個女仔叫咗一碟雜錦壽司＄228/15件，好在淨係點咗一碟，因為我哋爭啲食唔晒。刺身好新鮮，每件都好有光澤，重點嘅事，啲飯勁大件，個人最鍾意三文魚，每一件都係厚切。海膽壽司都係另一個推薦，好鮮甜，完全無腥味。最好嘅係佢哋唔使加一，每個都係百零蚊，但食到勁飽，下次可以多啲人嚟食，試到唔同嘅嘢。

每次入元朗必定幫襯呢間以大份足料的壽司作招徠的壽司店…可能係yoho town新商場開幕分薄了人流，今天只需等15分鐘就有座位了……有鑑於過去食唔晒要打包的經驗，今次量力而為叫了3碟壽司，一碟沙律，一個刺身飯……三式壽司:帶子併甜蝦，魚子，海膽呢款壽司上的海膽同魚子太少，吃落只有帶子的味道……不如單鈍order帶子壽司會開心一點蟹肉蟹膏壽司: 蟹膏勁香濃，如非已叫了刺身飯，真的打算encore 維持田中的特色，火灸三文魚腩壽司大大件，不過油脂唔多，不夠香口…雜錦刺身飯: 刺身份量極豐富，三文魚及甜蝦尚算新鮮女友為了吃菜還叫了一份蟹子沙律,份量接近樓上刺身飯那麼多，她吃完沙律已經差不多投降吃不下其他了……

Sushi is fresh , good quality and big. The restaurant is clean and tidy. Prices are good for this quality. The salmon, eel, and sea urchin sushi and soft shell crab roll were all good. It's quite busy and you may have to queue to get a table but they limit each table to 45 mins and so you shouldn't have to wait too long to get a table. Will go back again.

壽司同刺身本身聽落去系好普通既食物，但如果有其他gimmick元素加落去就吾同講法，成件事會吾同左，今次食呢間壽司刺身店既gimmick就系巨型。先後叫左2件鰻魚壽司同埋6片三文魚刺身，聽聞鰻魚壽司系呢度既招牌菜，一睇到即刻O左咀條鰻魚既長度足足成個盒咁長！鰻魚肉質軟稔，食落去啖啖肉咁，比人感覺好豐富三文魚刺身相信吾洗多講了，睇圖就知有咩料到，每一片都系超厚！！！好鮮味，買相亦十分討好呀。開頭其實系諗住淨系叫3片刺身，因為諗淨系兩件鰻魚壽司加3片三文魚邊有可能飽？但食完就發現呢個諗法完全錯曬，其實一路食鰻魚壽司，一路食三文魚，食到第4片三文魚已經好飽～食食下亦不忘幫佢影番張大頭🤣

很多年沒有來元朗食日式料理，是晚見到"田中"並非想像中咁多人等，就即管試試。兩人叫了蟹膏蟹柳壽司，呑拿魚蓉壽司，雜錦天婦羅，餃子雞翼，章魚小丸子，小食八爪魚。八爪魚醬汁太多一pat pat, 要撥開醬汁來吃。天婦羅粉漿不夠鬆脆，蕃薯南瓜無味。章魚小丸子是炸的，不是燒的，很膩口，好像也找不到章魚粒在內。唯有壽司的確是美味，新鮮，又很大件，滿足感完勝連鎖店"元X"！如果下次再來，應該只會吃壽司。至於用餐時間限45分鐘，也有好處，就是大家也不用等位等太久。

田中係元朗出晒名食日本野😍😍真係大件夾抵食🍣🍱🍜🍲🍛🍢一黎就一定要食三文魚腩 可惜今日賣晒 唯有叫三文魚真係好厚呀片片都😎😎😎👍🏻不過個吞拿魚我就覺得一般般啦🙈🙈🙈另外又叫左個黑蒜豬軟骨烏冬好中意個豬軟骨 燘得好多身 又入味加埋烏冬一齊食 好味呀💕💕呢個係特級火山卷上面放了赤蝦同小小海膽😛😛外層沾上左粒粒蟹子 增加左唔少口感入面包住有玉子燒 青瓜 蟹柳仲叫左赤蝦刺身 好味呀 樣樣都大大份再黎軟殼蟹卷 個蟹炸得真係好正 外脆內滑本身好中意食重皮蟹 感覺好多唔同既口感 好味 但真係食幾舊都飽啦真係每碟都好大好多 一定會好飽 平均每人百零蚊就可以捧住個肚走最後叫左個雜錦天婦羅 真係飽到食唔晒次次都眼闊肚窄但次次食完都好滿足 隔多一陣屋企人一定又會再話 要去食田中😂😂😂

住左元朗差唔多3年，都未食過呢個馳名嘅田中，實在慚愧。最近小妹終於的起心肝，同frd子過黎試一試。攞左位之後，waitresss 姐姐叫我地叫左野食先，叫完等叫位入去。叫左三份巨型壽司，再黎個雲吞雞翼（因為太好奇佢會係咩樣），另外再叫左d串燒。巨型壽司真係堅有驚喜，鰻魚壽司個鰻魚好長，三文魚同軟殼蟹壽司大到幾啖先食得曬，真系食3、4件都已經飽啦！不過要數最正嘅都係雲吞雞翼，雞翼去骨，個d肉咬落去個口感唔講真係以為食緊雲吞，好過癮！

田中的一貫作風，要45分鐘內離坐。要在門外點餐後才可入坐，以往一坐下一兩分鐘就會出食物。今晚卻十分鐘卻未上食物。第一樣上枱是海膽(細板)$65，極迷你，而海膽不是一粒粒的，是一糊狀。一看便知質素極差，心不禁一沉。連搭枱的兩個食客一看都竊竊私語，說很差很貴。 我只是嘗了半粒試味，味道不新鮮，怕肚子痛!本來想吃三文魚腩，但沽清了。 點了三文魚手卷$28。 三文魚沒有味道，亦瘦得可憐，一看紋理就知油脂太少。鹽燒雞翼$32，香脆，夠熱蟹肉蟹膏壽司$22，係蟹柳絲，不是蟹肉，但蟹膏香濃，整體美味鹽燒虎蝦$52，肉質爽口，但沒有蝦味蟹子沙律$38，最抵的，很大碗，蟹子亦多全部食物一上齊，店員就馬上將落單紙放到前台結帳，一心趕客。 食得太急、坐得太迫，而且食物質數下降了，可以放手，不再回頭!**回家後跟朋友也肚痛，再回想一下那份海膽.......

我来这里吃了好几次，份量很足，味道不错，值得分享。这里出名的是三文鱼刺身和鱼生饭，三文鱼头锅也不错。价格大众化，但是要等一会儿才有位，要吃好嘢是要耐心的啦，来元朗可以考虑一下。

田中可以話由細食到大，小學已經幫襯，主打大大碟，加上味道唔錯，可以話性價比極高。搬左屋後有一排冇食，今日咁岩經過元朗，就去田中食晚飯回味下，點知令人大失所望晚餐時間只有單點，點左個照燒鰻魚飯同千色魚生飯。原本期望見到大大條鰻魚，可惜只要幾件不太大的鰻魚塊，亦沒有任何伴碟。鰻魚味道十分普通，魚肉不厚沒有彈性，只有燒汁味道。魚生飯比鰻魚飯味道要好，魚生份量不算少，舖滿飯面，而且種類極多，就是大雜燴的感覺。點之前向店員確定沒有希靈魚才點，可是食的時候發現裏面有希靈魚好耐冇食田中，感覺質素比以前差左好多，好失望。只可以講絕對能飽肚，但好味就講唔上，短期內都唔考慮再幫襯。

元朗搵食樂趣多。相信大家都知道元朗好多小店美食，串皇，B仔，壽司都特別過人特別出名，經常要排隊。要填好哂食乜先入去（可加單），食45分鐘，座位好逼，多數爆滿。田中巨型壽司名不虛傳，一舊＝人地3舊，刺身相對變大，但味道依然鮮美，點會輸呢？一舊一啖都食唔哂，咁大舊飯握得實，好過元氣，師傅有料到鰻魚壽司大舊好食，但貴。帆立貝、燒三文魚等都一定要食，大家食完一舊又一舊，啖啖肉。大食嘅人一定要叫滑蛋雞扒飯，洋蔥入味，超大碗，驚死食唔飽你，每次都食唔哂

周末帶媽媽到元朗行下食下唔好彩 千揀萬揀 揀咗哩間田中由入門口到埋單要係45分鐘內完成對老人家嚟講 真係好辛苦食完都唔知咩味道只有留底咗 油溢味 因為最後食果碟係 軟殼蟹卷到卷為止啱啱好80字好難寫 因為食得好辛苦

一月忙到爆炸，好辛苦終於捱到星期六同我的最愛拍拖拖，今日去左元朗食午餐。其實唔係第一次黎食，不過就第一次黎食下午，我自已覺得食lunch仲好，因為夜晚太多人，要等勁耐，而且要食得好急。三文魚壽司同樣保持到水準，雞扒蛋飯非常大碗，我們2個人食都嫌多，雞軟骨串一般般，乾身左，正。

之前食過幾次田中，感覺還可以。不過今日同女友再去食，叫左個雜錦刺身拼盤、鰻魚手卷和一個雞肉蛋飯，先講個拼盤，海膽有雪藏味仲要無甜味食左兩粒頂唔順，三文魚刺身有骨仲要腥既，食咁多次三文魚刺身第一次食到腥既其他除左帶子和甜蝦還可以，整體黎講唔新鮮、質素差，仲有個鰻魚手卷細細個鰻魚又少。最後叫左個雞肉蛋飯幾好食，份量又大又抵食，最好食係呢樣不過作為一間壽司刺身店來說反而是飯類有質素未免有些可悲，價格加了希望質素也能保持吧！連放題刺身都比它新鮮甜美，這樣太過沒質素了

由舊舖已經跟住食開，而加轉咗新舖，都一定繼續支持玉子壽司，阿仔勁愛，個甜到啱啱好，仲有蛋汁火灸三文魚腩壽司，大件到呢，見到就開心，個魚油仲可以填滿晒口腔嘅感覺刺身，一定必食，夠口感，夠新鮮仲有成6款，超滿足鮟康魚肝 有少少腥味，但可以接受到，值得一試必食，必食。喺出面真係唔容易搵到咁嘅 size 嘅鰻魚，個鰻魚仲要好好食天婦羅蝦，個槳整得好，成餐飯最1後先食土埋佢，放佢咁耐，個槳咬落去仲脆，蝦本身都已經爽口羊架，唔太騷炒雜菇，好香，味道唔太咸