田中日本料理

营业中

休息中

田中話說朋友話要帶我去澳洲牛奶公司（日本版）⋯⋯⋯⋯。原來係元朗田中🙈第一次去，等位期間已經要order所有嘅食物😱分量好大件，但係品質一般🤔。從來冇見過蟹子沙律，係咁大碗，對到成座山咁高。見到隔離枱嘅三文魚刺身，真係好厚身，可惜賣晒啦。限時45分鐘，雖然而家生活好繁忙，但係呢個時間真係好趕，同埋座位好迫，同人一齊搭枱，感覺真係有啲奇怪，如果係食一碗粉面，就話冇所謂啫，食一次就夠啦。不過多謝朋友帶我去體驗🙈

是日大大件壽司特別推薦，因為真係好大件，好抵食，夠新鮮!真係唔講得笑，黎到元朗突然又想食日本野，第一時間真係會諗起田中。我記得4年前我去過一次，同4年後，我夠膽講2次經驗同食品質素係一樣無分別，都係咁新鮮油甘魚魚生，呢款個職員話無壽司只有魚生，厚度岩岩好，食落唔會太溜呢個三文魚壽司，認真不得了，講真對我黎講食完呢4件都已經飽哂 不過我係咁易都食左1件，另外3件叫男朋友仔食哂睇落雖然好大件，但唔會太薄亦唔會過份厚，大大件食個感覺真係好爽好豪食1件個feel正過食3件正常size，仲更加有飽感，因為佢地d飯係實的的雜錦魚生烏冬沙律龍蝦壽司，同樣都係大大件，但對我黎講咸左少少呢個係我重點推介黑豚肉荔枝燒，宇宙級好味! 真係唔講得笑，但呢個要熱食，佢燒左都無影響到粒荔枝，依然係咁多汁。以上開飯食評，只係本小姐個人食後試後感

第一次黎田中食飯，可能係星期六晚既關係，六點半門口已經堆滿人群，點完餐都等左15分鐘就入得，熟食比刺身同壽司黎得仲快，可能係因為大部份人都係嗌刺身啦。好大碟好抵食！超厚切三文魚，但冇乜味一樣大大件，但味道爭啲！又大件燒得又香，呢個無得輸！海膽新鮮，魚子夠香，吞拿魚同蟹肉就略為失色

今次係第一食田中，意外係open rice見到呢間個個都話好大件又好似好好味咁就同男朋友試下啦!7點幾8點去到，門口已經有好多人等位，我地拎完飛就拎左張紙落單先叫左5樣野，三文魚壽司，好大件幾好食牛肉鍋,好多牛肉好甜好好食😍軟殼蟹反卷，幾好食，食到呢到已經有dd飽唐揚魷魚，個味唔錯，幾香口，值得食仲有個雞軟骨冇影，但呢個就麻麻地，唔特別推啦~總括黎講幾滿足，但45分鐘太趕啦，搞到似松鼠咁係咁食都冇乜點同男友講野。。。一餐飯嘅交流時間冇左，但想食好野食嘅都可以一試嘅😁

真係抵食之選！聽講呢間餐廳每晚都要等位，所以今日決定6點就黎到！咁早當然唔洗排啦！但食食下好快滿座，真受歡迎！係大大舊既三文魚壽司（$28）一舊等於2舊既份量，三文魚勁長又新鮮，唔好以為三文魚先係咁，其他壽司刺身都好大份，落單要三思啊！軟殻蟹反卷（$48）呢個好抵食，軟殻蟹好大隻，岩岩炸起熱辣辣，仲要黏上滿滿既蟹子日式牛肉鍋（$58）個湯底好甜，牛肉都幾多，呢間餐廳真大方饅魚炒飯（$68）第一次食咁多饅魚既炒飯，d料真係好足，價錢真係好抵！眼寬肚窄既我今餐食左百幾蚊已經勁飽仲要食淨一大個飯，明天可帶飯囉☺️

食之前已經聽過田中已經易左手, 有人話水準有下降,我就即管試一試係咪先.....由於係LUNCH食,所以唔洗點等位, 睇到MENU同以前都唔太大分別, 價錢亦無調高, OK啦, 抵食到左D食物黎左啦, 首先就係個鰻魚拉麵. 呢D日本餐廳既拉麵9成都係用粉開架啦, 麵亦唔會特別出色. 所以呢兩方面都唔著墨太多,只要湯唔太鹹/太淡;麵唔太淋/太硬已經係可接受.想講既係佢既鰻魚, 真係薄得有D誇張, 我知道LUNCH SIZE點會都細少少,但係唔代表可以唔理質素架嘛, D鰻魚又薄又乾, 真係麻麻, BTW 呢個價錢都合理既,因為至少SIZE夠大, 夠飽肚.另一個三文魚碎飯就抵讚, 足料係最大可取之處, 三文魚亦算新鮮,有肥有瘦, 唔錯唔錯, 佢仲有甜蝦同北寄貝, 加分啦!!!結論係, 易手後食物質素差左係無可口非既, 但係價錢仍然係平,所以都算抵食夾大件. 而我認為佢易手後有一點係可取既, 就係..............................唔洗等位等唔耐,同埋入到去唔洗趕羊式咁樣限時進食囉! 

開左超過十五年的田中，在元朗無人不識吧！多條巴士線一入元朗必經公路，入口位正正見到「它」唔知點解許多人慕名而來食也有不少人一聽到「食田中」就會講「唔係呀嗎」我自己咁多年都食過好幾次...無論日頭／夜晚，每次都好多人要等位的人數：2位地點：元朗青山公路12號地下Walk in：香港人食壽司未必睇季節的 XD環境：暗暗柔光、座位不算舒服、兩個人一定要搭枱服務：客人很多，全體店員都好快手食物：魚生飯、3客壽司附送麵鼓湯 味道還可以雜錦魚生飯＄88五款魚生整體都算大大件三文魚少左D鮮魚味八爪魚刺身比較乾三文魚壽司 ＄28夠長是賣點吧！真係好好食？同魚生飯的三文魚一樣，味道有點淡其實其他地方有仲好食的北寄貝壽司  ＄28有水感，唔會乾一件有兩塊 XD個人喜好要食...魚生飯已經有都要另外叫帶子壽司 ＄32大大件、鮮甜的、好肥美其實兩個人食呢四樣只係岩岩唔肚餓唔會飽的 哈哈唔緊要啦 都係口痕想止下姐

黎到元朗見好多人排緊隊 都知一定係好野喇！壽司好食 特別係三文魚、吞拿魚 鮮甜而且大件 至於海膽 要左加拿大的 覺得還好 軟殼蟹也是值得一讚 才幾十蚊就有4隻！味道也不錯 

好耐無黎食lu，男友人未試過，就帶佢黎試下。以前要等好耐位，而家唔洗等可以就咁入。野食依然好大份，又好食，鍾意個壽司好長，蟹籽沙律又超大碗，最後差少少未飽，獨食多個鹽燒雞翼，好味。

一直有用OpenRice搜尋美食但是寫食評實在太少xd 今天參觀完高鐵以後, 正在找元朗有什麼好吃的朋友推薦這間, 一直都聽說很好吃但沒吃過的田中~立馬就用跑的速度走去~門口大大的張貼著 "用餐時間45分鐘"這句的確嚇壞了我這種很喜歡慢慢享受食物的人沒關係, 反正來了就試一下!坐下看看桌子上面的餐牌點了兩客壽司來嘗嘗三文魚壽司 ($28) 滿貴的, 但是來到的時候覺得還滿厚的還有有點長~(比起來在b仔旁邊那間專門吃長壽司的, 這邊好像有點失色~.~)飯有點大, 吃了兩件已經很飽, 但是三文魚是新鮮, 不錯吃還有八爪魚壽司 ($24), 的確是第一次看到這樣兩塊八爪魚在一件壽司飯上面~.~但是也是新鮮的說, 吃起來也不乾, 但缺點是下面的飯..還有點熱.. 這個令人有點囧還有點了加州卷, 那個我覺得飯也是有點太多但是那個醬ok好吃, 可以接受.um, 45分鐘的用餐時間, 雖然在發票上面明確寫了(2:00)這樣但是過了45分鐘還沒有趕我們走, 最後我們吃到2:15~下一次來試一下熟吃, 但是壽司我覺得還好, 沒有聽說"很好吃很好吃"那種感覺~

元朗確係特別多食壽司店，仲要出哂名size係加大碼甘款，但慘在間間都長龍樂園甘。今次我地七點左右到，等左大半個鐘終於有台。依舊係門口畫定食咩，之後入座即刻有得起筷。北寄貝，爽甜，一件有兩大塊。蟹棒，就普通。三文魚好正，長長的尾巴，係好新鮮。鐵板牛油帶子，雖然得四大粒，但都好香，再有d菇食下。一口芝士年糕，推介，咬落去成舊芝士係湧出黎，記得趁熱食。牡丹蝦壽司，兩大隻，又係超爽！串燒牛舌，同我想要既有出入。本人鍾意爽口個種，但距係好稔同有d酥味三文魚剌身，非常厚切，超抵食，只係$48！雖然都好耐無去，但都無失望，依然keep到新鮮同大件既水準！

想食高質日本野要等位係好正常的晚晚都好多人 6:00開始就有龍就算8點幾9點都好多人想食就早d排隊啦！呢到出名啲刺身好大嚿真係好大嚿滿足左視覺味覺享受！三文魚好厚身！仲叫左鰻魚壽司(未影就忍唔住食左)真係好大條!!!!好肥美熟食就大大碟 正正常常 夠鑊氣不過黎到都係刺身做重點！

呢間日本野係元朗既熱店之一，晚晚都會排曬長龍，我去果日都唔例外，仲要誇張到入座後限時食四十五分鐘，店員真係係剩返五分鐘既時候提我地要快啲埋單，食得慢少少都唔得掂🤤👁‍🗨 豬扒烏冬 💲45呢一日咁岩想食豬扒，所以就叫左個豬扒烏冬，雖然之前見到有人話佢既豬扒好明顯係翻炸既，但係想食就吾理照叫😂好在我呢塊都還好，個皮唔會話好韌但亦都唔會話好脆，豬扒正正常常咁啦🤔至於個烏冬都算大碗彈牙🍜咁既價錢食個晚餐不過不失😳🔛 整體評分（7/10）

天氣不穩定☁️決定提早吃晚餐，到步之後門口已經有幾個人在等位竟然不需要等位就入座，原來只可以進餐45分鐘，一般應該都有90分鐘，應該破了所有餐廳要求進餐時間的紀錄吧吧餐牌選擇眼花撩亂，不過我的目的是想試試壽司的質素，菜式比較一般，所以沒有選擇其他食物。這間餐廳的壽司全部大大件，見到很開心啊特別是我很喜歡吃鰻魚，以前鰻魚很便宜，現在愈賣愈貴不過這份鰻魚好不錯，味道與坊間壽司店無異，勝在夠大夠紮實章魚小丸子沒什麼特別，也吃不出章魚，比街上的小丸子更遜色。三文魚腩刺身油脂分佈得很平均，入口即溶，滿口油脂翻滾，很爽喔店內還有築地直送的刺身，不過我就無肚消受這間是中平價的壽司店，喜歡性價比的朋友可以一試

是日上司請我們成班組員午餐，我們搭兩個站輕鐵食元朗人至愛的田中~~~剩睇餐牌都知道每個SET LUNCH的份量係幾咁豐富，由於我們一行六位女士，所以只叫5個餐就足夠~~~見到個刺身真係覺得好豐富~~~餐湯幾好飲~~~拉麵都不錯~~~呢度之所以出名係因為有大件夾抵食的壽司~~~豬扒飯都不錯~~~海鮮煲的豆腐原來係超市買的盒豆腐~~~見到手券真係覺得超大件，相對連鎖式的壽司店真係抵食~~~6位女氏食5個餐飽到有食剩D白飯，如果有男同事去食真係可以食得晒=]