田中日本料理

营业中

休息中

昨日同老公去開元朗， 顺便提早慶祝生日，見到店外好多人，于是就决定试下。 5：15pm， 仲要等15mins 先可入座。 第一，要排队登记，但登记完冇飛派，有D 人外賣， 有D 人刚到冇排队就想o甘登记， 一度引起混乱，之后先开始派飛。 第二，之后有个女人从店里走出来介绍特价食物，入去2mins出番来讲价钱改啦（of coz 改贵左） 第三，入座前，个女人仲不停问“你们睇o岩野食未？”我就觉得奇怪，点解唔可以入座后先咩？ 第四，到坐低准备落order， 我们本来想order 串烧鸡软骨，个女人答“今日冇” o甘我们唯有再睇下，个女人居然 “嗨”一声，好似好唔耐烦。于是老公就点了 《三文鱼手圈》 & 《刺身拼盤》 第五：食物约3mins就到，此速度令我觉得你们一早就整好。 刚开始食第一件刺身， 有个侍应行过来问 “仲要唔要落单？” 我心想 “大佬，我o岩开始食就问我仲落唔落order ？”我即刻答 “唔驶啦”。 5：50pm ， 埋单走！！！！ NO NEXT TIME!!!!!!!!!!!!!

去開元朗，當然又是食田中的時候！每次食田中，都覺得抵食又好食！是日點了﹕$158壽司併盤﹕有15件壽司，全部大大件，4件三文魚、3件帶子、2件魷魚軍艦、2件鰻魚、2件北寄貝，仲有2件甜蝦!!!全部都非常大件，非常新鮮~~~三文魚勁大片肥美，帶子真係賣飛佛，非常鮮味，而且大大隻，鰻魚亦非常大件美味，北寄貝壽司則由2塊北寄貝舖面，正得不得了！甜蝦又係賣飛佛，成隻手指咁大隻，仲有頭有尾，蝦頭d汁都啜埋，好鮮甜！帶子刺身(16片)﹕雖然唔算好大隻，但勝味鮮甜味美，一件一啖，人間極品~吉焉炸蠔卷﹕總共4件，非常大件，蠔應該是即炸的，即使包了入卷，入口時仍有香脆之感，還有暖暖的感覺！蟹子沙律﹕青瓜絲略嫌不夠幼，有改善的空間，沙律醬和蟹柳亦略嫌太少~~三文魚刺身﹕非常的厚切，非常新鮮，色澤油潤，但其實切薄一點口感會更好吃(個人喜好)~~還點了三色刺身拼盤外賣~~3個人，埋單約$500~~~由於所有食物也非常新鮮美味，而且大大件，貨真價實，值回票價啦~!至於服務和環境，還是不要太高要求，總算有求必應，有張枱食飯，就是如此~~~食物質素已經贏晒~!期待下次~~!

朋友要搬出元朗到好遠遠既地方諗住搵一間元朗比較出名既食店食餐飯好同學話不如田中啦:出名態度差但勁抵食佢地見我著校服就即刻比左個學生餐餐牌過黎.叫左個三文魚扒炒飯 連野食3x蚊落單老闆娘串串貢><等左陣就有得食 賣相還可以, 用一塊煎蛋蓋住成碗飯. 蛋上再放一塊三文魚扒, 15cm長倒, 幾香十分之大份, 揭開塊蛋發現d飯多到不得了!食食下更發現飯內收埋左約兩塊半三文魚扒.個飯幾好, 好香, 同個扒好夾面豉湯幾得意, 有北寄背粒食完冇耐就比人收晒d野. 撞岩佢地午休比人趕埋單to conclude, 咁既價錢咁大份真係抵到不得了, o係沙田咁既價錢要食到咁飽我諗冇邊幾間不過服務態度有待改善

今晚第一次去食,特登早些去, 6:30pm去到唔使等位,叫咗三文魚刺身,軟殼蟹卷物,鰻魚壽司,蟹籽沙律,雜錦天婦羅,燒羊扒,樣樣都好好味,三文魚刺身有六件,超肥美,$5X 都算抵.軟殼蟹卷物都好脆,大大件,好正~鰻魚壽司又厚又多汁,好入味,雜錦天婦羅嘅炸蝦天婦羅有三條,好新鮮,其他天婦羅有南瓜,茄子,蕃薯,冬菇都唔錯,燒羊扒有兩件,但較小和筋多,唔係好得,蟹籽沙律份量好多,但差唔多全部都係青瓜絲,唔多蟹柳,$3X,普通,下次唔會叫~估唔到呢間壽司店名不虛傳,食到飽一飽,好滿足,尤其是三文魚刺身,必叫,超正!!~

尋日媽咪無煮飯…話出街請我食…哈哈…去左田中…媽咪早到過我…等左10分鐘左右啦…劃好紙就遞單…約等多10分鐘左右…就可以入去…可能得兩個人…又唔算等太耐…之前試過3個人…等左個幾鐘一坐低…冇幾分鐘d野就送黎有冇咁好效率今次叫左個刺身拼盤三文魚 x 6 - 超正, 夠厚, 冇雪味帶子 x 4 - 超正, 好甜, 好新鮮海膽 (半板) - ok, 不過不失北寄貝 x 4 - 正, 好甜 (平時我唔係好食呢款都覺得好味)甜蝦 x 5 - 正呀, 最鍾意食甜蝦, 好鮮甜呀章紅魚 x 3 - 平時我唔食呢d魚都覺得好味盤炒雜菜都好正…又夠熱…唔似出面果d細細兜咁…其實仲叫左個洋風燒茄子…哈哈…不過唔記得影相…一黎到就比我同媽咪開刀切黎食…真係堅好味…雖然佢有寫住堂食限時45分鐘…so far我同媽媽食都o岩o岩好夠時間…其間d waitress都有人黎斟過茶…雖然見佢地好忙…不過服務都算係咁…d地方就係迫左小小…而且坐我後面個婆婆不停挨後撞我張凳埋單走人…翻兜地方 - 田中…正

我的太太很喜歡到這間日本食店食晚餐,因為貪佢夠抵食夾大件.每次去到佢都要排長龍,次次排隊時間都起碼預30分鐘,為咗你哋唔好佔張枱咁耐,在排隊時佢哋都會比定張餐紙你劃定嘢食,而且仲喺店舖入面寫明用餐時間得45分鐘.幾大碟,但味道較淡.塊八爪魚幾大塊,但啲飯竟然係熱的.壽司幾大件,料還算新鮮.幾好味,但一定要襯熱食,凍咗味道差好遠.抵食,但水準唔係話好好,但兩個人2佰幾蚊,食到好飽,以這價錢已經算唔錯.

今晚3人行去了食田中因為日本既關係少左好多人食...但都要排隊首先佢會要你叫左野食先但我覺得咁樣唔好..因為如果你唔叫左野食先佢會唔俾你入...就算係你之後既台號但叫野食先過你...佢都會俾左佢入先所以我地決定是旦叫左1,2樣先佢既安排入座方式唔得佢出野食都出得快既叫了三文魚刺身 , 天富羅 , 一個鍋物SO FAR OK...唔係特別好味...但D WAITOR真係無咩禮貌

因為係田中既常客，所以知道幾時唔洗排隊，同最抵食既野係乜。午後既兩點鐘入場，通常都唔洗排隊，星期六都係咁 ; 又因為田中想吸引多d呢段時段既食客，所以有兩款比較抵食既定食，係中午時段先有，晚市係無得食既: 三文魚腩碎飯定食($49)，同魚生飯定食($68)。今日就揀左魚生飯定食:材料有三文魚刺身、三文魚腩碎、北寄貝、甜蝦、八爪魚、蟹子魷魚、帶子。我揀左跟壽司飯同麵豉湯，另有一塊吉列三文魚柳送。總體黎講，魚生刺身新鮮係standard，味道唔錯架~係個三塊三文魚刺身出左事:個三塊三文魚，每塊都好似我手指尾咁細條但我見前面有位叔叔叫左同一樣野，三文魚塊d 「size」就正常好多(起碼會有兩隻食指咁闊)。拿~咁咪唔夠專業囉。d壽司飯其實都麻麻地，有d爛爛地，唔夠「粒」狀喇。拿~就算依家真係多人去到唔憂做，都唔可以輕易放棄食物既質素架~下次如果再去，又遇到同樣情況，我諗我會直接同佢講:「d三文魚會唔會細左d呢？」，哈哈

係元朗都住左好一排.食過田中都好幾次!不過依家真係差左好好好多!今晚同左屋企人去.等位等左45mins.先講野食.個三文魚頭煲帶孫...羅肉拎到埋黎.. 唔係一粒粒既. 係一pak.. 手卷可接受炸天fu羅.. 係好大件. 不過好似冇炸過咁.到服務.一入到去. 我地3個人. 同另外3個唔識既一張枱. 冇所謂啦. 人多呀ma.坐低見唔夠碗. 好聲好條問佢拎.個人好唔gur. 周哂眉話 "枱到米有囉!!!!"話佢知唔夠. 就係next 枱拎起兩隻飛埋黎!又表現到勁唔gur!真係嬲到呢!total食左253元正不過唔抵死

行完南生圍, 第一個目標是次次經過也人潮不段的田中估唔到是日未夠五點半也有十幾廿人等緊侯店員全是九十後, 行動快但無活力個個粗粗魯魯的樣子, 相比旺角食店的服務比她更好 一間小店完全地體驗了速食文化, 枱枱客一坐下立即可以落單更勁是唔使幾分鐘一般壽司等也送到枱上 相信原因不雖多講吧 火焰三文魚腩壽司: 巨形…真係好巨….還是第一次食如此巨形壽司, 其實覺得幾得意, 自問唔係咀細也要三啖隊一件 預左以大取勝味道只是一P記超市級數 三文魚壽司 : 三文魚雖然厚身但無魚味 加洲卷 : 方死食你唔飽, 六“大”件食到命都無 珍寶帶子壽司 : 肥肥白白帶子比到驚喜我, 有鮮味喎, 收貨 海鮮雜菜窩 : 呢個最正常, 樣樣有小小, 當食返小小熱野暖胃都唔錯 兩人埋單 $150 又唔使加一又唔收小費, 市場定位正確無可厚非 但對食物有點點要求的我, 試一次就算數了

晚餐時間... 是比較多人的~ 不過50分鐘的大馬路旁等候時間... 真的不是一段很愉快的時間~ 還有這家店是要在排隊的時候落單的一進入店舖第一個印象是像茶餐廳。店員分配了一個4人位給我們5人，堂哥於是問店員可否換到另一張5人桌，店員立刻有點黑臉和不滿地說:「一樣架wo...最多加張椅俾你lor!」okay，辛苦哂佢。坐下大概3分鐘就開始上食物。三文魚壽司: 嘩嘩嘩嘩嘩! 三文魚很長很厚很好食，分量一件等於三件普通壽司。但飯就很普通，很硬。吃刺身比較好。鰻魚飯: 鰻魚和飯是分開的，普通。拼盤: 那塊巨形的飯...傻眼。我只吃了海膽，味道有點怪...其實，除了三文魚壽司之外好像沒甚麼特別~

外買自取都要30分鐘後先有得攞!!大刺身拼盤 ~ 刺身有八款之多, 片片都係厚厚的, 甜蝦都有七隻之多, 樣樣都新鮮非常, 但海膽就十分一般, 味道好怪!!鰻魚壽司 ~ size 十分大, 不過鰻魚硬咗d!

我由讀書時期已經聽人講過元朗有間d壽司拳頭甘大，今日終於去見識了企係大馬路食住風甘等都係野~入到去真係好多人d侍應一定要好瘦先得!唔係就麻煩了~我唔係坐通道位，所以無之前d人所講俾人撞，不過真係好迫囉~仲有一碟串燒雞皮，好好好好好多油，我同我個fd完全無掂過，好彩係最後先黎，如果唔係無哂胃口。係呢度食野完全表現速食文化!仲有~~~如果d地方可以乾淨d就好喇~

今晚同佬公食飯﹐ 雖然好似好多人等檯,但只係10 min左右就入得.晌外面等已經要落埋單叫order, it's ok.D 食物同食評一樣﹐ 好新鮮﹐ 好大件﹐ 上得好快。但係D service 就好差,都知道限食45min, 我地2個人, 都唔會食咁耐la.D staff keep 咁住行來行去等收碟咁樣, D位已經好迫, 成日撞到D 食客!最差係有個waiter 晌我食緊手卷時﹐ 1 手晌我面前打橫伸過去收我地隻碟﹐而撞都我手上既手卷,立即無晒胃口 la.... 還好似冇事咁行開 jor...又有個waiter來收碟, 隻手撞跌我檯面成碟豉油﹐重趕住走人... what the hxxxl !!!我地2個人都食jor $160, 食到D咁既service 就好嬲 lor!suggesting 各位有晒心理準備先好去la!

住响元朗n年, 今次第二次食, 陪bf嚟試, 食晏會好啲, 相對地少人, 不過星期日開中午十二點, 我十一點五十分去到, 已經人頭湧湧, 最終都等咗約廿分鐘知規舉, 入座前已落定order, 一坐低就有得食, 得四十五分鐘, 食晏就啱啱好Sunday都有定食餐, 知道呢度啲嘢份量大, 所以兩個人只係叫咗:魚生飯定食($6x) – 有魚生飯+一件炸三文魚扒+一碗麵豉湯, 以份量計都好抵食, 魚生都算多三文魚手卷(特價兩件$3x) – 三文魚四大件, 不過個人覺得呢度啲三文魚冇乜味, 只係得個’大’字蟹籽沙律($4x) – 一大堆的蟹子, 青瓜&菜絲爽脆食物整體上只算ok, 環境就一般啦, 係迫咗少少不過招呼又冇其他人講到咁差, 門口做接待的小妹妹有問必答, 待應都快手快腳, 都係想做多啲生意啫, 有時忙起上嚟, 我都笑唔出啦~