生生市場 (捷榮樓)

营业中

休息中

呢日去開元朗，在市中心路過依間專賣韓國食品店嘅生生市場，款式種類好多，有熟食亦有生醬油蟹，天氣咁熱想食啲開胃野嘅飯卷、炸雞、韓式炒粉絲等，即刻入店內揀番啲韓式食品返屋企先 ~韓式雜菜粉絲午餐盒        $80午餐盒裡面有多款食材，韓式炒粉絲，粉絲彈牙爽口，配料豐富，帶香甜好美味，微辣爽口嘅泡菜，蓮藕醬汁入味，豆芽及菠菜帶清新麻油香，適合拌飯。配合蔬菜味噌湯，湯味清甜，洋葱鮮菇爽口，不錯嘅午餐盒。 蜜糖牛油無骨炸雞         $58去咗骨嘅炸雞，方便易食，韓國雞肉味香，質地嫩滑唔乾身，而且有肉汁，炸到外脆內軟，而依度嘅炸雞有獨門技巧製法，炸出嚟唔油膩又鮮嫩酥脆嘅雞件，沾滿香甜嘅蜜糖牛油，口感層次更豐富更惹味。甜辣無骨炸雞          $58炸至金黃嘅無骨雞塊，外脆內軟，好香口，雞肉鮮嫩，入面有肉汁，食落唔油膩，外層沾滿甜辣醬汁，微辣香甜，越食越滋味。烤牛肉紫菜飯捲          $53餡料豐富嘅牛肉紫菜飯捲，牛肉香濃，肉質鮮嫩，配搭埋其他食材有紫菜、青瓜、蛋、紅蘿蔔、脆瓜、生菜等，喜歡好多材料，清爽鮮甜，食出唔同味道，多種層次，好美味。

今晚終於有機會去元朗生生市場買外賣，真係好開心呀！😆 呢間韓國餐廳啲野食真係夠哂正宗，食完有返去韓國旅行嘅感覺！🇰🇷我哋叫咗個2-3人套餐，份量啱啱好，啲嘢食又新鮮又足料。吞拿魚紫菜飯捲好足料，吞拿魚同紫菜味道夾到絕，飯粒煙韌唔會太濕，食落去好滿足！🍣 人蔘雞湯一打開已經聞到香味，雞肉好嫩滑，湯底夠晒濃郁，飲完成個人都暖晒，好滋補！🍲甜辣無骨炸雞真係超正，外皮脆卜卜，甜辣醬汁好惹味，唔會太辣又唔會太甜，啱晒香港人口味！🍗 新鮮辣泡菜爽口又夠辣，食落去好開胃，配飯一流！🥬 青葡萄汁同甜米露都好特別，青葡萄汁清新解渴，甜米露飲落去有淡淡米香，食完咁多重口味嘢飲返啲清新飲品真係啱晒！🍇🥤另外加咗份韓式炒粉絲，粉絲煙韌唔會太油，配料多，味道好香，食到停唔到口！🍜 整體嚟講，生生市場啲韓國菜真係有水準，價錢合理，份量足，服務又好，外賣包裝都好細心，返到屋企都仲熱辣辣！👍下次一定會再幫襯，推介比鍾意韓國菜嘅朋友！😋

抵食又好味 韓食外賣專門店🤤又要介紹小編不斷encore的韓式外賣小店「生生市場」俾大家了，未食過真系要去食。佢地而家有埋下午茶便當，星期一至五（14:00-18:00）就有得供應，小編有時收工都買返個，份量都夠晒夜晚食🤩便當有得揀紫菜飯卷同炸雞口味：小編就揀左必食的辣豬肉紫菜飯捲、甜辣炸雞配韓式粉絲、豬肉餃子，仲有泡菜同甜酸漬蘿蔔。咁多野食都只系$49！而且好好味！🤯辣豬肉紫菜飯捲每次都必點的就是辣豬肉紫菜飯卷，豬肉帶甜辣味，蔬菜爽脆，非常足料，和紫菜包飯亦好夾！其他都正常發揮，特別想提及甜酸漬蘿蔔，小編估唔到咁好食酸酸甜甜的蘿蔔作為開胃菜或者總結都很不錯，同時蘿蔔非常爽脆。鍾意食呢啲漬物嘅一定唔好錯過呢個蘿蔔❤️除咗便當之外，小編都叫咗其他嘢食：吞拿魚紫菜飯捲一樣都咁好食，吞拿魚好多，魚味超濃，同啲配菜好夾，超正👍一大份有12件，超抵食。香蒜蜜糖炸雞小編最愛的炸雞，香蒜蜜糖味，無骨炸雞啖啖肉，雞肉質嫰滑，拎到返屋企，外皮依然脆卜卜，大推。人蔘雞湯今次仲試咗人蔘雞湯，呢款好啱長輩口味，人蔘雞湯雞足足有半隻咁多，仲要配埋一大碗白飯。湯底食到少少蔥花，淡淡人蔘味，以$68呢個價錢嚟講好抵食

다파！！！！🤩 呢間生生市場係專門做韓式料理及炸雞的外賣店，買份韓國料理返屋企煲韓劇，呢度真係快靚正之選。店舖面積不算很大，但食物的種類多到令你花多眼亂，各種味道的炸雞，韓式飯卷，仲有我最鍾意嘅各種韓式拌菜😍。今日叫左個2人套餐同韓式炒粉絲，套餐食物包括有炸雞，湯，飯卷，泡菜。甜辣無骨炸雞😋😋😋😋😋無骨炸雞啖啖肉，外層薄薄的脆漿裹滿了甜辣醬。甜甜地唔會好辣，小朋友都食到。令人食完一嚿又一舊停唔到口。烤牛肉紫菜飯卷😋😋😋😋飯卷中間配料豐富，有紅蘿蔔絲，青瓜絲，雞蛋，烤牛肉，醃蘿蔔。一口咬下去，口感豐富，而且紫菜好有麻油香味。泡菜豬肉湯😋😋😋😋套餐有多款湯可以選擇，唔食辣可以揀人蔘雞湯，我就揀咗泡菜豬肉湯。泡菜湯的配料有豬腩肉，金菇，豆腐還有泡菜。泡菜湯辣辣地，配飯一流。新鮮辣製泡菜😋😋😋😋😋可以選擇原味泡菜或者新鮮泡菜，店員推介新鮮泡菜。原味泡菜醃製的時間比較長，味道較酸，適合用作泡菜湯。新鮮泡菜因為醃製時間比較短，冇咁重口味，甜甜地辣辣地，我超級鍾意，必食之選。韓式炒粉絲😋😋😋😋炒粉絲的配料很豐富，紅蘿蔔絲，黑木耳，冬菇絲，椰菜絲。粉絲口感彈牙，同配料一齊食十分清爽，很香麻油味。生生市

今日路過元朗，我被一間招牌上印滿大大隻韓文字的韓式餐廳吸引住「生生市場」！餐牌真係超多款式選擇😍花多眼亂，真係樣樣都想食！今晚唔想煮飯，就買外賣返屋企食啦，同屋企人一齊當晚餐，感受濃濃韓風🇰🇷😋揀左「2-3人套餐」🧀 芝士紫菜飯捲：拉絲芝士＋紫菜香氣，越食越唔停得口。-🐔 半隻人蔘雞湯：暖入心又滋補，湯底清甜無負擔。-🍗 原味無骨炸雞：外脆內嫩，香口唔油膩。-🥬 新鮮菠菜泡菜：微辣爽口，好開胃。-🍊 飲品罐裝（濟州島橙汁 ＋ 🍇 青葡萄汁）：果味濃郁，清爽解膩。另外仲試埋，韓式炒粉絲：粉絲煙韌，醬香濃厚，配料豐富！生生市場 (元朗)元朗教育路2-6號捷榮樓地下C號舖

住元朗好友推介韓式外賣店《生生市場》街坊價又好食。我選左香脆韓國豬肉餃子$48: 餃子豬肉餡料十足，脹卜卜餃子 炸得香脆可口很美味。原味無骨炸雞$49: 雞肉質嫰滑又啖啖肉，外皮鬆脆很美味。海鮮煎餅$65: 頗厚身邊位煎得香脆，有蝦、魷魚粒、香蔥，好有鮮味。炒年糕$45: 年糕軟腍可口，有雞蛋半隻、魚糕，醬汁小小辣好惹味。下午茶便當星期一至五（2點至6點）K1下午茶餐$49: 有烤牛肉紫菜飯捲、炸雞、餃子、韓式粉絲、泡菜、醃蘿蔔 ：有4件飯捲牛肉鮮嫩，韓式粉絲美味，甜辣炸雞2件香脆口，餃子1隻酥脆，超級抵食值得推介👍

成日行過元朗千色匯都冇發現呢間舖頭，直至今日同朋友過嚟元朗食嘢，佢話呢間啲嘢食幾好味。見到佢餐單啲菜式都幾豐富，下次公司聚會嘅時候可以考慮吓…呢間。依家就先點住個套餐食吓先，個套餐都幾正，可以一次過試晒店舖入面幾款菜式。 佢比完錢之後都等咗一陣先拎到餐，首先個飯卷好夠味，入面材料好多，味道真係唔錯，然後佢個泡菜仲正，好爽脆又唔會太辣又好夠酸，本身見到佢單賣都可以揀泡菜，單賣有分新鮮泡菜，同普通泡菜，都問過職員話建議選擇新鮮嘅泡菜。 另外仲有兩件炸雞同炸餃子，味道唔錯。

去元朗探完嫲嫲，順便買外賣番屋企食。見到有間專做外賣店既韓國餐廳，就揀呢間。地方好方便，就喺大馬路附近，千色對面，買完外賣可以去千色行住街等。不過其實都唔洗等好耐，落單後10分鐘都拎到。下午茶時間，有個tea set 好抵食。$49有一人份量，有主食2款+小食2款+前菜，可以一次過食幾款菜式。另外再叫左其他食物比爸爸一齊食。呢間外賣店比人感覺好衞生又穩陣，佢d 外賣大部分用透明膠封好晒，唔怕拎番屋企途中，或外賣員運送途中倒瀉。Tea set：（$49）🍗烤牛肉紫菜飯捲4件烤牛肉香嫩多汁，搭配醃蘿蔔、菠菜同蛋絲，口感超豐富！🍗韓式炒粉絲粉絲Q彈有咬口，拌入蘑菇、紅蘿蔔同菠菜，芝麻同麻油香點綴得剛剛好。🍗甜辣無骨炸雞2件冇骨雞件食起上黎好方便。配上甜辣醬，辣味唔多，適合食唔到辣既人，甜甜酸酸好開胃😋🍗香脆韓國豬肉餃子1件外賣炸餃子黎講，佢都算keep 到香脆🍗原味辣泡菜夠辣度，好似韓國泡菜😋🍗甜酸漬蘿蔔🍗雜菜煎蛋捲（$55）加左雜菜，營養成分更高。蛋捲煎得金黃蓬鬆，內餡有紅蘿蔔同雜菜，口感層次豐富！而且每一件蛋捲都好大件，食多2件都夠飽。🍗吞拿魚紫菜飯捲（$53）牛肉豬肉既紫菜飯捲食得多，

元朗呢間「韓國 生生市場」真係街坊福音！匿埋係街舖入面，環境簡潔但夠晒乾淨，一坐低就聞到陣陣烤肉香。必試佢哋嘅醬醃烤牛肉，85蚊一碟分量超足，牛肉切得厚薄適中，醃料甜甜辣辣好惹味，烤到邊緣微焦，入口嫩到出汁，配埋生菜同蒜片，一啖落去超滿足！牛肉紫菜飯卷53蚊有6大件，飯粒夠黏，牛肉碎勁香，咬落仲有脆卜卜嘅芽菜，口感好豐富。海鮮煎餅65蚊夠晒大件，邊位煎到金黃酥脆，入面有蝦有貝類，鮮味十足，點埋韓式醬汁真係停唔到口。最驚喜係韓式炒粉絲，價錢平到笑，粉絲炒得乾身唔黐底，帶住少少焦香，配料又多，絕對係抵食首選。埋單先二百幾，兩個人吃到捧住個肚走，元朗想食平靚正韓料？呢間絕對要試！

今天我去了一間韓式外賣店，試左佢哋嘅下午茶套餐，性價比勁高！下午茶套餐套餐裡有四件烤牛肉紫菜飯卷，牛肉鮮嫩，搭配新鮮的蔬菜，味道超棒！還有韓式粉絲，甜辣炸雞，兩件的份量啱啱好，外面酥脆，裡面嫩滑，配甜辣醬真係令人食到停唔到！旁邊還有豬肉餃子，餡料豐富，沾上醬油更好吃。蜜糖牛油無骨炸雞除了套餐，我仲點左蜜糖牛油無骨炸雞，炸雞外脆內嫩，蜜糖同牛油嘅搭配今我好驚喜，甜而不膩。芝士紫菜飯卷芝士味濃，跟紫菜超搭。而且份量好多！韓式牛肉炒粉絲最後仲叫左一個韓式牛肉炒粉絲，牛肉嫩滑，成個碗面都係牛肉，粉絲吸收了牛肉嘅精華。同埋我好鐘意韓式炒粉絲，甜甜地咁，真係好好食！

今天我去了一間韓式外賣店，試左佢哋嘅下午茶套餐，性價比勁高！下午茶套餐套餐裡有四件烤牛肉紫菜飯卷，牛肉鮮嫩，搭配新鮮的蔬菜，味道超棒！還有韓式粉絲，甜辣炸雞，兩件的份量啱啱好，外面酥脆，裡面嫩滑，配甜辣醬真係令人食到停唔到！旁邊還有豬肉餃子，餡料豐富，沾上醬油更好吃。蜜糖牛油無骨炸雞除了套餐，我仲點左蜜糖牛油無骨炸雞，炸雞外脆內嫩，蜜糖同牛油嘅搭配今我好驚喜，甜而不膩。芝士紫菜飯卷芝士味濃，跟紫菜超搭。而且份量好多！韓式牛肉炒粉絲最後仲叫左一個韓式牛肉炒粉絲，牛肉嫩滑，成個碗面都係牛肉，粉絲吸收了牛肉嘅精華。同埋我好鐘意韓式炒粉絲，甜甜地咁，真係好好食！

天氣熱辣辣，唔想開爐煮飯，呢間外賣成日都會幫襯。每日新鮮製作嘅韓式外賣小店，味道超地道！🌶️ 必食佢哋嘅「韓式牛肋排湯」($110)🥩，湯底濃郁香甜，牛肉軟嫩入味，仲有蘿蔔同粉絲，飲完成身暖粒粒☀️。 🍙「烤牛肉紫菜飯捲」($53)同「吞拿魚紫菜飯捲」($53)都係人氣之選！飯捲包得紮實，餡料爆滿🤤，牛肉香濃多汁，吞拿魚鮮味十足，配埋青瓜、蛋同醃蘿蔔，口感超豐富～ 🥢「涼拌豆芽」($28)爽脆開胃，麻油香好突出，係完美嘅前菜選擇！

原本行去街市買餸, 路過一家韓食外賣專門店, 本打算買醬油蟹, 但見到有熟食套餐, 讚! 天氣超熱根本唔想煮, 買個套餐一次過食勻晒人氣韓食! ✨ 辣豬肉紫菜飯捲 - 餡料爆滿！微辣豬肉+爽脆蔬菜，一口一件停唔到！✨人蔘雞湯 (半隻) - 連埋 白飯一碗！雞肉嫩滑，湯底甘香，撈飯食一流！✨ 招牌原味無骨炸雞 – 外皮脆、雞肉 juicy！✨ 新鮮辣泡菜 – 超讚！爽脆解膩，酸辣夠勁，正宗韓式風味！✨ 韓式飲品2罐, 好多韓系飲品選擇啊! 最後再加個韓式炒粉絲 - 粉絲Q彈，配料豐富，甜甜哋好滋味！套餐價錢好抵, 套餐係2-3人份, 但基本都食唔晒! 

每次想食韓國嘢 首選一定係生生市場味道同價錢都係CP值以上佢哋而家平日仲出咗下午茶set 而且份量都唔少 變相更加抵食👍🏻今次我就買咗兩份下午茶加小菜❤️🔷烤牛肉&辣豬肉紫菜飯捲🍙飯捲包得實淨 紫菜脆口 仲有啲芝麻香烤牛肉juicy唔乾身 豬肉辣得嚟香口加埋啲醃蘿蔔絲好開胃🔷原味&甜辣無骨炸雞🍗炸雞外皮香脆肉嫩仲有肉汁甜辣醬唔會太辣 重點係冇骨 啖啖肉超正🔷韓式炒魚🍢魚糕軟糯 煙煙韌韌 醬汁甜辣 好快就食晒🔷涼拌波菜&新鮮辣泡菜🥬波菜鮮甜爽口 好香麻油味泡菜爽脆唔會太酸 辣度啱啱好用黎做小菜 送飯一流 🔷魚餅串湯🍲湯底清甜有蘿蔔同蔥香 魚餅吸晒湯汁 人均$100左右就食到 性價比高炸雞同飯捲必encore👍🏻