生生市場 (捷榮樓)

营业中

休息中

呢間地道韓國外賣店，超多唔同款嘅韓國菜可以買外賣！係價錢比出邊嘅韓國餐廳平啲～見到佢哋有好多唔同嘅套餐，不過最後都係決定散叫🤣🤣烤牛肉紫菜飯卷同辣豬肉紫菜飯卷都係$53，份量都幾多㗎，我哋四個人share食都好夠喉，另外仲叫咗甜辣炸雞（細)，話就話細分，但其實都好多，甜甜辣辣好正宗韓式嘅甜辣炸雞味！而炸醬麵醬汁好足料，流心蛋配埋炸醬麵一齊食🥹正！另外因為啲朋友好鍾意食泡菜炒飯，所以就試吓用佢哋嘅泡菜煮泡菜炒飯，佢哋嘅泡菜偏甜得帶辣，香味十足！📍 生生市場 @rawmarthk 🏡 元朗教育路2-6號捷榮樓地下C號舖 (千色店對面)☎️ 28193338#香港美食 #元朗 #元朗美食 #韓國菜

店舖細細間，便利店格局，有多款前菜、飲品、韓式醃肉、部隊鍋、醬油蟹、炸雞……等，無論係買嚟加餸或者買幾款做晚餐/午餐都非常方便，等候時間大約5分鐘左右。韓國人主理，正宗味道，每款湯底都係當日朝早熬製，但可惜人參雞湯今天已經售罄了，唯有下次早些過來。無骨炸雞有多款口味- 甜辣、芝士、蜜糖蒜蓉、蜜糖牛油……等等，買了原味無骨炸雞$78，店員建議回家後可以用氣炸鍋翻熱，效果唔錯， 同喺餐廳堂食嘅味道一樣。醬油蟹$ 198，生蟹韓國直送，香港新鮮製造，蟹幾大隻，有少少膏，最重要係夠曬新鮮，非常鮮味，醬汁味道甜美，仲送埋紫菜和白飯。吞拿魚紫菜飯捲$53，共有12件，一口一件剛剛好，吞拿魚味道非常突出👍生生市場 Raw Mart 생생마트灣仔店地址：灣仔堅拿道西15號永德大廈地下G13號舖元朗店地址：元朗教育路2至6號捷榮樓地下C號舖

💖韓式料理外賣首選生生市場，菜色選擇同堂食餐廳一樣豐富，又方便快捷，係懶人飯堂😼！1⃣️2-3人套餐A🍽️ $198💖包括4款主食或小食，同埋2杯飲品，有多個選項可以揀，我要左👇🏻：🔸烤牛肉紫菜飯捲：配菜豐富，搭配入口軟嘅韓式甜牛肉同飽滿嘅飯粒，飽肚又唔heavy～🔸人蔘雞湯：雞件好大，咬落滑嫩，包住糯米，湯底清甜帶鮮味，飲落暖笠笠，感覺健康🔸甜辣無骨炸雞：一口size，裹滿濃稠嘅甜辣醬，再灑上芝麻，肉質爽口🔸新鮮辣泡菜：聞落都更酸辣開胃🤤，份量大好送飯🔸濟州橙汁/甜米露：4款中自選2款，全部都係韓國特色飲品，橙汁鮮甜、甜米露清甜帶米渣口感2⃣️芝士紫菜飯捲🌯 $50💖佢地嘅kimbap CP值唔錯，包裝方便外出攜帶或保存。芝士口味嘅配料包括胡蘿蔔絲、青瓜絲🥒、醃蘿蔔、雞蛋絲🥚、牛蒡絲、生菜🥬、火腿🐷同芝士🧀，食落口感更軟。💖元朗分店係千色對面，外賣10分鐘以內拎得，唔想煮飯黎呢度夠曬方便😆。

紫菜飯卷有幾款口味可以揀，依款係韓式火腿，包住嘅仲有醃蘿蔔、紅蘿蔔、青瓜、牛蒡、蛋絲，一望就知餡料相當充足，完完全全多過外圍嘅飯，所以口感都好豐富🥢烤牛肉便當會跟4款前菜小食，有泡菜、蓮藕、菠菜，最意想不到嘅係有兩件炸雞，令人覺得個便當更豐盛，就連個大醬湯都好足料，裏面有好多薯仔、洋蔥🧅個人蔘雞湯都唔錯，依度係半份，入面的而且確有半隻雞，食落啖啖肉，糯米都煮到好綿，味道唔錯👌另外仲買咗細份嘅汁煮鵪鶉蛋，醬油味入晒落鵪鶉蛋度，好啱送飯🍚

講起韓國菜一定第一時間諗起生生市場😍每次黎元朗點都會買返盒韓式飯卷今晚懶得煮飯 所以行完街就買返去做晚餐🩷🩷-吞拿魚紫菜飯卷內餡料仲多過飯 唔會似出面咁大大舊飯而好少料口感好豐富 真係同係韓國買既味道一樣-涼拌菠菜(S)菠菜好爽脆，加埋白芝麻味道更香-韓式炒魚糕(S)魚糕爽口彈牙，加上韓國既芝麻油成個味道提升左，又香又好味-韓式炒粉絲 粉絲口感唔會痴埋一舊，唔會過腍有菠菜，紅蘿蔔絲同香菇配上芝麻同麻油好香又健康，加上大大份，好好食-蘿蔔魚糕湯講起韓國食物點可以無魚糕魚糕口感彈牙，湯底味道鮮甜-甜米露韓國飲品 每次食韓國菜都要飲味道清甜 解渴原來佢地依家都有提供到會選擇非常之多 黎緊中秋節開party岩晒😍😍😍

之前去元朗千色果陣，成日經過呢間韓國外賣店，今次第一次幫襯先發現原來呢間餐廳係由幾位韓國媽媽主理，價錢合理，而且味道地道正宗！餐廳仲設有到會服務，下次一大班朋友聚會嘅話就可以好方便咁叫到會返屋企食啦～涼拌菠菜(S)💰HK$28菠菜翠綠爽脆，加咗白芝麻，味道更香口，係一款健康嘅韓式前菜～韓式炒魚糕(S)💰HK$40魚糕口感彈牙，每一啖都食到芝麻油嘅香氣，呈現出一種好正宗嘅韓式風味～海鮮煎餅💰HK$65海鮮煎餅即叫即煎，煎餅嘅外圍酥脆可口，而煎餅嘅中心口感軟糯，仲有粒粒海鮮肉增添口感，配埋秘制嘅煎餅醬汁更惹味～芝士無骨炸雞(S)💰HK$58炸雞外酥內嫩，炸粉唔會太厚，而且表面佈滿芝士粉，香氣四溢～烤牛肉紫菜飯捲💰HK$53烤牛肉鮮甜多汁，仲多咗一份蔬菜嘅清脆，配埋米飯同紫菜，口感豐富多樣～提子汁💰HK$7暫時生生市場有2間分店:📍元朗店║元朗教育路2-6號捷榮樓地下C號舖📍灣仔店║灣仔堅拿道西15號永德大廈地下G13號舖

有時放工懶得煮我都會幫襯呢間由韓國人主理嘅外賣店，款式選擇都幾多，價錢又公道🤭✨烤牛肉紫菜飯卷🍙紫菜飯卷嘅款式不少，而且一盒份量都幾多！呢個烤牛肉味幾惹味😳✨韓式海鮮嫩豆腐湯🥘味道都幾辣，海鮮配料充足，豆腐有夠嫩滑！湯品仲跟埋一碗白飯，真係非常飽🤣✨甜辣無骨炸雞🍗無骨炸雞啱晒我呢啲懶人❗️外層香脆，充滿醬汁，唔錯😉✨ 韓式豬肉餃子🥟豬肉餡料滿滿，正常發揮佢哋原來仲有提供到會服務，價錢仲幾公道，下次同朋友聚會可以試吓☺️

生生市場成日都黎食, 最正就係佢個二人餐抵食又大份, 我地兩個人食成日都分開兩餐食, 好抵食😂二人餐都好多唔同款揀, 我地就揀左呢的：2-3人餐 $1881/ 韓式炒辣豬肉拌飯配料一向多, 顏色色彩繽紛, 令人食慾大開, 嗅落香噴噴, 豬肉夠Juicy完全唔乾, 撈埋辣醬一齊食好惹味👍🏾2/ 韓式水冷麵咁熱既天氣食水冷麵就最好不過, 清爽解膩, 麵條入口Q彈, 超refreshing! 蛋埋蛋同青蔥增加口感同味道🆒3/ 新鮮泡菜 $38間唔中我都走去買佢地既新鮮泡菜, 同傳統既好唔同, 好爽口食落更清涼, 必叫呀！4/ 芝士紫菜飯卷 $50外層紫菜包得好實唔會散, 內餡料分明又多, $50黎講咁多件好抵食😋

位於元朗教育路的生生市場是一間專做韓國外賣的小店，雖然地方不大，但食物選擇非常豐富😍😍我們點了韓式火腿紫菜飯卷、人蔘雞湯、海鮮煎餅和炒海帶絲。💜韓式火腿紫菜飯卷：這款飯卷的口感非常豐富。每一口都能感受到韓國地道的風味😻💜人蔘雞湯：湯底清甜，雞肉嫩滑，湯中還有糯米，喝起來非常滋補😘😘😘💜海鮮煎餅：煎餅外皮香脆，內裡的海鮮料非常足，有蝦、魷魚等，配上特製的辣醬汁，味道更加提升🥰💜炒海帶絲：這道菜的海帶絲炒得非常入味，口感爽脆 讓整道菜更加開胃🤤總結來說，生生市場的食物不僅味道正宗，而且價格合理，是一間值得推薦的韓國外賣店 難怪平日夜晚都有很多人等外賣👍🏻👍🏻👍🏻

元朗生生市場.味道：8/10🌟抵食：8/10🌟環境：8/10🌟.之前喺呢間舖買外賣時，發現佢竟然有醬油蟹🦀😍唔想自己煮嘢食，又想食好啲嘅時候就係試佢嘅好時機🤤隻蟹望落幾新鮮，一隻隻密封包好晒👀一打開個蟹殼第一眼已經全部都係蟹膏👍🏻啜一啖真係大滿足🤩醬油味非常濃郁，蟹膏同蟹肉都幾鮮甜😋呢個時候當然要配埋紫菜飯同埋韓式前菜🇰🇷食唔停口arrrr🦀.#香港 #食評 #foodiehk #食好西 #discoverhongkong #香港好去處 #香港美食 #韓國菜 #韓國餐廳＃打卡 #高質 #生生市場#元朗 #灣仔 #銅鑼灣

想食韓國菜個陣就會諗起呢一間🙆🏻‍♀️ 味道唔錯，價錢合理，炸雞可以揀細份淺嚐🥰 對於我呢個細胃口人士黎講非常友好。生醃魷魚 $70韓式醃製類食物，間間嘅酸辣風味都唔同，我就幾鍾意呢間既調味😼 魷魚彈牙有嚼勁，酸辣程度恰好，少少重口味！蜜糖蒜蓉無骨炸雞 $58 炸雞熱辣辣，脆卜卜，甜甜鹹鹹幾好食🤤 韓式炒粉絲 $45粉絲唔會黐埋一舊，雖然睇落去冇咩色水，但調味唔會覺得清淡😋 食落好舒服同輕盈嘅味道。烤牛肉拌飯 $63 拌飯醬汁會分開擺放，值得一讚。撈埋米飯同蔬菜一齊食，層次感幾好，食晒成碗飯都唔覺得單調！

平時間中都有食韓國菜，最近新興嘅韓國居酒屋🍶同精緻韓式fine dining🍽都有食過😚 不過，認真有時都會想輕輕鬆鬆係屋企食，睇住netflix chill 歎下🍀今庚想介紹間專做外賣嘅地道韓國菜「生生市場」😌 平時經過都見門口都好多人，原來有咁多款式揀，唔怪得吸引咁多客仔嚟幫襯🤩佢有齊韓國菜基本有嘅炸雞🐔，飯卷，部隊鍋，醬油蟹，水冷麵，韓式小食等，最重要係唔只有抵食lunch Box, 仲見到有到會餐添喎，4人餐先Hk$788, 8-10人餐就HK$1568 好抵食❣️岩晒一大班朋友house warming 時order🛒啦🤗𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ𓐎甜辣無骨炸雞🐔 S $48𓐎烤牛肉紫菜飯卷🐮 $50𓐎韓式水冷麵 $48𓐎BB辣籮蔔乾 S $40𓐎Lunch Box韓式辣豬肉🐷 $78 -配有韓式精緻小吃： 原味炸雞🐔2件，雜菜煎蛋捲、蓮藕片、菠菜、麵豉湯🐔炸雞好鬆脆多汁，🍜水冷麵好大碗🫣返到屋企冰都仲未溶 好岩夏天食🤭，仲有🍱Lunch Box 又豐富，估唔到咁好味👍🏻 見到佢仲有韓式部隊鍋 $138, 睇相勁吸引咩材料都有，下次就再嚟叫呢個

心血來潮想食韓國菜，叫工人姐姐幫我去千色對面嘅生生市場買外賣！生生市場由韓國阿豬媽主理，走家庭式味道路線，價錢亦非常樸實，所以一直都深受街坊歡迎。這次買了幾款外賣回家，一樣好有水準，絕對會再次回頭！韓式水冷麵（$48）最近天氣酷熱，來一碗清涼嘅水冷麵最好不過！水冷麵加入冰塊，湯底酸度適中，清爽又清涼！除了雖然只有雞蛋、醃蘿蔔及青瓜片，非常簡單，但好消暑！辣豬肉紫菜飯卷（$48）份量好慷慨，包住惹味嘅豬肉片、蘿蔔、青瓜、黃瓜，口感豐富！甜辣無骨炸雞（$48）份量好足料！炸雞好嫩滑，表層香脆，沾滿甜辣醬汁，令人食唔停口！炸醬麵（$62 ）麵條麵質彈牙爽口，醬汁鹹甜有緻，當中嘅洋蔥及鬆化嘅豬肉粒大大加分！韓式炒粉絲（$45）粉絲炒得乾身，材料豐富，有菠菜、蘿蔔、冬菇、芝麻、洋蔥、木耳，色彩繽紛。佢哋仲有到會套餐，想在屋企開party叫到會，都可以考慮吓！

天氣太熱，日日都唔想煮飯🤣🤣🤣近期愛上韓式食物，又買外賣返屋企食，的確不錯。2至3人套餐A $198烤牛肉紫菜飯卷包裝十分講究，有薄膜封實，非常衛生👍🏻👍🏻 飯卷大份，七彩繽紛，賣相十分吸引，配上甜甜烤牛肉，好食到停不了手。泡菜豬肉湯超級大碗😍有大量的泡菜，豆腐粒，最正的是豬肉，不是肉片，而是五花腩件，十分足料。原味無骨炸雞一粒粒，好似雞球。原味就最睇到店家嘅實力，炸皮薄脆，真係啖啖肉，正。原味辣泡菜店家像媽媽一樣，非常貼心，提醒我原味辣泡菜稍為偏酸一點，煎炒更好。因為非常想煮泡菜炒飯，所以剛剛好❤️雜菜煎蛋卷 $48 (爆推🌟🌟🌟🌟🌟)超爆多蔬菜，中間仲夾着紫菜，口感豐富且非常健康。蛋捲非常厚，一口一滿足，必推🙌🏻。梨汁及甜米露非常正宗的韓國飲品，特別喜歡甜米露，甜甜的，幾時飲品又像極了甜品，我好鍾意❤️。想睇更多介紹，馬上Follow我啦😁。#big_big_foodie #big_big_foodie食勻元朗#big_big_foodie食勻香港

有時出外食飯食得多都會偶爾想屋企舒舒服服食飯，但又唔想煮飯，外賣自取都係一個唔錯既選擇，今次介紹既生生市場主要係傳統韓國食品既外賣店，選擇都幾多下，唔想諗既話叫套餐都幾抵食。2至3人套餐A（$198）烤牛肉紫菜飯捲以青瓜絲、胡蘿蔔絲、酸瓜、玉子和烤牛肉包裹既飯捲，口感豐富有層次，烤牛肉有濃郁牛味，調味適中。人參雞湯湯汁十分濃稠，有濃郁既人參和雞香味，雞肉煮得好軟淋，特別入味，送飯一流。甜辣無骨炸雞無骨炸雞完全無骨，啖啖肉十分過隱，雞肉肉質鮮嫩，甜辣醬汁香濃惹味。新鮮辣泡菜韓國傳統醃漬食品，份量相當有誠意，三至四人分享都絕對無問題，味道香辣甜酸，作為佐飯小菜或餐前小食都不錯。青葡萄汁內有青葡萄果肉，香甜多汁。甜米露韓國獨有特式飲品，幾特別。韓式水冷麵（$48）有放幾大塊冰塊係膠盒內保持冷凍，正值夏天，街上熱到好似焗爐咁，水冷麵飲落真係透心涼，湯底蘿蔔水酸酸甜甜，令人十分開胃。