甜聚雪花冰甜品屋

营业中

休息中

呢日天氣好熱🥵，喺條街度行咗半日，冇乜胃口食正餐，三人行，晚餐叫咗2個dinner set 都食唔晒，不過大家反而想去食吓糖水喺餐廳附近，見到呢間糖水舖，有好多種類嘅甜品：綿花冰、剉冰、中式糖水、燉品、特色湯圓、豆腐花、紫米露、仙草、西米露、紫薯芋圓、班戟、千層蛋糕、健康飲品…… 過百款選擇最後揀咗一凍🧊一熱🔥🔸宇治金時綿花冰 🍵🫘🧊綿花冰做得軟綿，又夠凍，食落透心涼啱晒呢日熱辣辣嘅天氣抹茶味唔錯，配埋紅豆，prefect match 除咗紅豆，仲有蒟蒻，同軟綿綿嘅綿花冰 一齊食，多咗層口感🔸生磨香脆補腎合桃露有得揀凍or熱因為已經揀咗個冰，呢款選擇咗熱不過，其實係微暖😑，絕對稱唔上係「熱」係咪因為呢日天氣太熱，店舖覺得呢個溫度已經夠呢?! 🤔🤔雖然唔夠熱，不過味道都幾香合桃味，同埋幾幼滑仲有粒粒合桃係面，望落視覺效果加分，食落就多重口感👍🏻雖然合桃露唔夠熱，不過正正係咁，唔會食到熱辣辣🤣🤣，加埋個凍冰冰嘅綿花冰，食完甜品，大家當堂降晒溫🌬，心情都舒暢咗😌

在太子附近食飽晚飯，慣例想食埋甜品，但真係諗唔到有邊間好食!🍨🍮以前紅極一時嘅“X記”，質素都下降咗!🙈記憶中這個位置有間食雪花冰嘅“xx哥哥”，店舖依舊，但舖名轉咗! 🏠🤝一場嚟到，即管試吓喇! 店內祇有兩位姨姨睇舖兼製作，我哋分別點咗三個傳統熱糖水。🥣♨️☝✨ 熱椰汁紫米露+湯丸紫米露味道、口感都可以，椰汁夠多夠香，湯丸都好食!☝✨ 熱芋圓西米露朋友話普普通通，係甜咗少少!☝✨ 熱雙雄(芋圓及雜豆之類)這個好足料，朋友話都好食!每人平均消費$30左右，可以接受。不過見祇有兩、三枱客，但兩位姨姨都有點忙亂。(因為見隔離檯有啲意見反映!)🤪唔清楚店舖嘅前世今生，總之覺得食碗糖水啫，唔係太差就OK喇!😅

🍧睇完戲去食碗糖水先返屋企😙呢間糖水都唔錯，幾足料，價錢合理，抵食👍🏻杏香椰汁桃膠糖水$30，平時食桃膠糖水D桃膠得好少，呢間成碗都係🤩🤩雜果河粉$40，個芒果底夠濃，生果好甜，河粉有椰汁味，好味😋會encore😎

每次都會嗌雙雄🐻🐼😆😆😆！▪️雙雄就係有：紫薯圓、芋圓、地瓜圓、紅豆、鮮奶🐮！呢幾個都係我既至愛🤣每次冬天黎食都會叫熱既雙雄，食落真係會覺得好幸福😭😭😭❤️又有番動力面對生活了🥺佢啲三色圓都好有咬口 特別係浸住熱既嘢 令到三色圓更加軟糯🤍🤍🤍 不過其實唔多食到佢地分咩係咩味🧐 同份量真係幾多！😋▪️雪燕椰皇雪糕凍 $60!!我覺得好抵食！佢有成大塊雪燕 又好好味 口感係好軟彈～又滑身！🤍🤍🤍 同佢啲椰皇肉好容易刮出黎🥳入面仲有好多寒天 同滿到瀉既椰青水😍 上面仲有多球自選雪糕🍨抹茶同芝麻對我都好吸引！ 💚🖤

食完飯未夠皮,帶埋朋友去食甜品坐多陣先走特色香甜芒果卷  士多啤梨雪花冰一人一份岩岩好食 芒果卷係用好薄既糯米卷皮包住芒果肉 香甜肉汁多,仲要淋上芒果汁食落特別香甜士多啤梨雪花冰,食到淡淡牛奶香甜,應是用牛奶做冰,棉滑如雪,入口即溶非常美味甜聚雪花冰甜品屋 太子花園街211A地舖G/F, 211A Fa Yuen Street, Prince Edward評分7/10消費$100

係太子經過呢間甜品店朋友又介紹～再加上當時天氣好熱🥵環境細細地似舊式甜品店😬⚠️小編見網上平台嘅評價對呢間野麻麻地，而呢個post只會用綿花冰作評價標準，敬請留意🥺❤️推介指數: 7.5/10 等候時間: 0min (平日4:00）——————————————————————🍧益力多綿花冰 $48 (7/10) 味道還好 的確食到啲益力多味😂但係西瓜同益力多好唔夾🥲好嘅地方係佢份量睇落去好細其實幾多👍🏻🍧#宇治金時綿花冰 $48 (8/10) 即係抹茶啊✌🏻個人覺得幾好吃🤪有驚喜😆一食就食到好濃嘅抹茶味🍵雖然小編唔係好鍾意吃紅豆但係食完就明點解紅豆同抹茶係絕配❤️ 份量多到我食唔曬😂 小編認為綿花冰可以一試🤪真係可以見到同吃到佢一層層冰嘅感覺🤤但係其他甜品就唔清楚啦🙈 ———————————————————————

少爺仔補習，我只想搵個位坐1.5 hour。呢條街得好多人嘅咖啡店、每況愈下嘅x記糖水，求其試呢間「甜聚」。叫咗碗芒果芒汁豆腐花，$32。點講呢⋯⋯芒果肉係夠多嘅，芒汁都絕不手軟，至少我一眼係見唔到豆腐花。入口出事⋯⋯😭芒果肉好甜，但冇芒果味，唔知係品種問題定係浸糖水太耐；芒汁偏甜，都唔濃芒果味；豆腐花正常，夠凍⋯⋯但啲芒汁同芒果肉唔夠凍囉😔😔😔唯一可取係店員嬸嬸（還是老闆娘）好親切。可惜掩蓋唔到出品質素嘅不足😔

經過望到屬於普通不起眼既港式糖水舖，估唔到會係到遇上我人生食過最難食既千層蛋糕。個人口味上鐘意食蛋糕，特別有忌廉既甜品蛋糕，就算去到一般港式糖水舖我都會搵下有冇蛋糕呢類甜品，再者就係班戟。咁啱呢間有我想要既班戟同蛋糕，都係有忌廉🤤就諗住一試，最後外賣咗榴槤班戟($42)、芒果千層蛋糕($30)、朱古力千層蛋糕($30)返屋企食。對比榴槤班戟同千層蛋糕嘅質素真係一個天一個地。榴槤班戟同一般食開既外貌唔同，常見係綠色班戟皮包成正方形咁款，呢間就卷成一條長條形。外皮厚薄適中，忌廉同榴槤比例啱啱好，榴槤果肉香濃，味道嚟講堅係好正😋。要講缺點就係外貌有啲樣衰，送咗兩舊丁屎咁細既火龍果同半粒士多啤梨😂，唔送好過送。面頭吱左朱古力醬，for味道冇咩大幫助，顏值嚟講好睇咗少少，但外賣就冇咩需要。明明榴槤班戟同千層蛋糕都係同一間買，唔明點解質素可以差咁多。揀咗兩隻口味既千層蛋糕，兩隻都唔係難食咁簡單😩係完全食唔落。我好懷疑呢兩款千層蛋糕係整完賣唔出放太耐，放到壞咗🤔芒果千層明顯睇到出哂水，忌廉溶到冇眼睇，味道更加不於置評🤦🏻‍♀️每層都有切成一條條既芒果肉，芒果肉食得出係用糖水浸過，好甜，唔係天然芒果味。

叫外賣 甘岩見到有得叫糖水，諗住試一試叫左3款甜品，仙草椰汁紫米露、銀杏腐竹蛋糖水、榴連班戟榴連班戟 皮厚又韌 勁多cream 榴連少真心唔掂銀杏腐竹蛋糖水銀杏🤔完全唔覺有，而且偏甜仙草椰汁紫米露唯一覺得ok，唔會太甜

下午茶時間就黎過但又未到晚餐時間所以決定同朋友一齊搵間糖水舖食個甜品休息下原本決定去另一間但奈何想去既已經結業離開途中見到 就揀咗呢間試下由於時間尚早 可以馬上入座 環境同一般糖水舖格局相似冇乜特別睇落尚算整潔餐牌上選擇都多 但夾都冇咁橋 同朋友都係選擇咗芋圓系列😂最後大家各自揀咗F1,F2,F3點餐後 非繁忙時段 上餐速度果然快 10分鐘內上齊除咗西米露要撈底先見到芋圓外 其餘兩款賣相都唔錯味道方面 朋友評價豆腐花都幾滑呢款以為得仙草(涼粉)但原來下面有冰底加椰奶都ok黎到重要主角芋圓有齊三種 芋頭, (黃)蕃薯, 紫薯每粒芋圓大小適中口感可能因為凍食 所以覺得少少少少硬每種芋圓既味道唔算突出 要咬3,4粒先食得出各種口味只能説 芋圓唔係佢拿手野 但我地偏偏又揀哂🙈

榴槤椰汁仙草($43)新鮮榴槤配大大粒涼粉，有少少椰奶，下面係刨冰，大熱天食，非常透心涼芒果椰汁小王子($32)獨家創作！奶凍中間有新鮮芒果粒&黑珍珠，奶上面仲有少少西柚做點綴，奶凍有濃郁奶香(偏甜)，旁邊係芒果汁加椰果，雖然有少少其貌不揚，食落有驚喜黑馬王子($45)黑朱古力棉花冰+香蕉，棉花冰好重黑朱古力味👍🏻👍🏻👍🏻，連我80幾歲嘅婆婆都好鍾意食呢間嘅棉花冰呢間其實都食咗十幾年，質素好穩定，而且服務態度好有善好親切，花多眼亂嘅時候，店員會同你推介甜品，唔會串串共

第25次寫食評食完晚飯，又唔太滿足，於是乎決定去食碗糖水。食開中式糖水的我，今日突然想改變口味，所以叫了【黑馬王子】，即係朱古力味綿花冰。朱古力味道濃郁，同香蕉一齊食，果然係“絕配，冰凍可口，賣相吸引，又大兜，打咭一流埋單：HK45

昨晚到了太子附近的書店搜購兒童童書過後，路經運動場道附近的花園街，吃過了不甚了了的餃子後，心生不忿便到了這間甜品店外賣四個甜品，準備回家再吃一頓。當中老闆娘極力推介了椰汁杏仁桃膠和芒果腸粉。本來我對椰汁類的東西沒有偏好，但又想吃桃膠和芒果於是便下單了。回家後和家中非常挑剔的老公和小朋友們一起吃甜品，怎知他們三兩下已經把一整盒的芒果腸粉吃完，而我也獨吞了那個椰汁杏仁桃膠糖水。兩個甜品皆很對胃，做得清甜可口，椰汁明顯不是罐頭椰漿之類的東西，而是用心的混了椰青，所以感覺清新，吃完沒有很漿及口渴的感覺。限聚令仍然未除，甜品店當時也冷清，但兩位老闆仍然很好客；外賣自取特設八折，希望大家能共渡時艱。而我雖然不住本區，但一定會再次幫襯。

同朋友嚟到旺角想搵個地方坐下傾下偈，甜品鋪都好啊。最先入鏡頭嘅梗係靚靚嘅粉紅色士多啤梨啦。士多啤梨雪糕係現成嘅製品，裏面係冇士多啤梨肉架，不過都叫幾清香幾清甜唔錯咁啦，士多啤梨如你所見唔算非常之熟所以係甜中帶啲微酸，配上奶凍又或者系中式嘅小丸子同埋椰果都好夾，士多啤梨真係好百搭啊。買凍稍為過甜，但係都算幾香。但係離得最遠嗰碗芒果仙草就有啲失望喇，雖然佢有一球芒果味嘅雪糕仲可以自選幾個配料，蘆薈係唔錯，爽口又滑，但係一心諗住夏天想食仙草就有啲失望喇因為佢竟然係切開一粒粒嘅涼粉啊，雖然仙草同埋涼粉嘅，原材料都係相似做法亦都相近但係口感可以係話差好遠啊，即係你抱住一個食臺式仙草嘅心態，點知嚟到你眼前嘅係港式嘅涼粉，佢又唔係難食嘅不過有少少失望啦。整體嚟講呢味道係甜咗少少嘅，但係用料都叫新鮮，環境幾好坐，但係就未至於有一個好難忘或者好特色嘅嘢食喇。

元宵節和同事去試試這家甜品，位於太子地鐵站附近，位置不錯，但是味道一般般，沒有太多印象，服務也是麻麻哋，漏了兩次單，人也不多，都這樣真的是有點讓人抓頭了，不會再去