影片
以上资料只供参考，请与餐厅确认详情
琴日同班朋友食完晚餐，谂住系太子附近是但拣间糖水舖到食糖水，入到去舖头竟然一个人都无，无唔唔紧可能糖水好食呢，我哋4个人分别嗌咗莲子百合红豆沙、杨枝甘露、合桃露、芒汁芒果豆腐花。杨枝甘露一嚟到已经开始觉得伏伏地，40几价钱细碗到好似屋企啲食饭碗咁，我fd食完一啖谂住再食第二果下，发现到蚊嘅尸体，即刻叫职员换过碗，第二碗嚟到一样咁难食！从未试过食杨枝甘露系冇味，失败到一个点。合桃露落单𠮶时系热嘅，点知嚟到俾碗冻嘅我，我叫职员换过碗，以为佢会添一碗热嘅俾我，点知佢拎去微波炉叮翻热！犀利！合桃露唔浓味，完全唔觉得好食。莲子百合红豆沙，碗糖水稀到爆，淡而无味不特止，好似沟咗水嘅感觉，完全唔觉得有浓郁嘅红豆味，唔会煲到起沙，浓稠嘅感觉。芒汁芒果豆腐花，正正常常冇乜特别。其实如果冇心做甜品，不如唔好做啦，难食到咁样其实餐厅要好好改善吓，唔系俾啲咁嘅质素客人食啰！未试过食糖水食到咁嬲，我哋4个食净晒啲糖水，完全唔想继续放入口。
继续阅读
叫左个冻杏汁双雄，即系红豆芋圆。佃杏汁系成pet浆，真系一pet, 杰挞挞一pet. 问老板系咁架？佢话系。芋圆唔够发，有雪味，我真系从来冇食过咁难食嘅糖水，感觉就系全部嘢整咗出嚟摆咗好耐，完全唔觉得新鲜。其实佢开头送错咗一个椰汁双红过嚟，𠮶个亦都系好难食，成碗都系淡奶，我话佢送错咗先至换返啱个杏汁俾我，点知一样咁难食，仲要$48。我食左几啖真系食唔落去, 点解咁嘅质素都可以开舖头，我真系成碗冇乜点食过，真系当做左善事算。
继续阅读
下昼六点去没有人只有老板和老板娘响度食饭。叫一红豆沙和绿豆沙混合来食，当中红豆有莲子白合，绿豆有海带，传统的味道，合乎预期，28蚊碗今时今日就系咁样，尚算系热的。
继续阅读
好后悔为支持小店就入左去食热芝麻合桃糊无芝麻同合桃香，我算味道唔甜，我算，始终甜都系糖精作怪本身为左食热糖水等仔放学，点知，就系坐底到走，用左5分钟都唔洗本身好大期望，以后糖水热辣辣，点知第一啖芝麻冻既，可以话系冰冻，第二啖芝麻都系冰冻，甘姐系合桃系热，er…温和啰，mix 完一齐，妖，冻既系我废，当场唔讲，家下先打食评，当场讲，我惊丫，虽然店员好像无乜野甘，但我淆底丫，讲左可以点？比多碗我都面左左，浪费我32元同quota😫食哂唔代表好，32元丫，你唔收我就唔食😫
继续阅读
昨晚我们二人去此间糖水舖吃糖水，我碗是芝麻糊个碗内外有破裂痕，我先生同店员讲可否换过，她说又不是渗漏冇问题，最后都有换过另外一个碗，其实塑胶裂缝可释放塑化剂及致癌物质，第一次帮衬没有下次的。
继续阅读
您可能会有兴趣的...