甜源居

营业中

休息中

全港獨創, 芒果涼粉, 一定要試!

星期六晚食完飯，四個人駕車入西貢食甜品，當然又係好多人啦﹗我地決定鋤強扶弱，幫襯無乜人0既甜源居。一睇個餐牌，好多野想食啊﹗又有好多首創甜品，真係乜都想試，所以我地諗住食兩轉，慢慢傾﹗第一轉梗係食D勁野，所以我揀左榴槤班戟，朋友分別揀左榴槤西米露、紫米布甸同合桃糊。雖然各樣都唔係特式甜品，但水準一流，香的香、濃的濃、清的清、甜的甜，正﹗<br />食完第一轉，大家正為第二轉食乜頭痛緊0既時候，隔離黎左枱食煙人士，令我地覺得好唔舒服，但當時又無其他位轉，所以唯有過隔離滿記繼續(雖然好唔願，但因為滿記有得吸煙區同非吸煙區)。總括黎講，呢度D甜品真係好有水準，再加上我同一晚食晒佢同滿記，一比之下，立見高低，或者佢地真係用心造甜品，如果滿記再係咁靠個名的話，一定做唔長囉。

次次入親西貢都食滿記. 所以今日入黎西貢就特登揀呢度試.如題. 西柚選材好. 唔會苦亦多汁. 另外蕃薯糖水好夠薑味.辣辣地好驅風~佢地剛出了一款叫做芒果河粉. 成碗湯面咁. 一個人KO晒. 都幾係野!

一向對隔離滿記冇乜好感,朋友話呢度啲楊枝金露幾掂,就外賣一碗試試,可惜:係就係幾大碗,但柚肉唔甜,仲幾澀,奶落得太多,搞到碗野好杰好漏,食左幾啖已經唔想再食,整體真係唔係幾掂,楊枝金露始終都係利苑最正~試過其他糖水都係一般,價錢亦唔平,我諗都冇乜意欲再去試啦

突然間岩岩醒起自己係度幫襯過tim，某次有事要辦落到黎西貢，見呢度好似風評不錯就黎試下吧，要了老闆娘推介的楊枝金露，一試，幾掂wor!個芒果汁+椰汁味道較得幾香幾好，起碼唔係溝左好多水個種；而過芒果肉同西柚肉就爭d，可能食個時唔係芒果/西柚旺季，如果係既話一定勁掂，不過算啦都ok係唔夠香甜je；最難得係西米，佢地整得煙煙韌韌，我次次出親糖水鋪食既西米都係煲到淋jeje個種的......總括黎講，滿記的楊枝金露我未試過，不過深井發記的一定同佢爭緊d無得揮，不過黎得西貢順道食糖水既話，我會揀黎呢度試，起碼個楊枝金露一定食到舔舔"月利"又唔駛好似滿記咁排餐死。

西貢有間叫「甜源居」甜品店就係正出名既(滿記甜品隔離) , 有日中午去西貢玩開便去甜源居試, 點知入到鋪頭見到幾個工人就咁係鋪頭D 木檯上面包緊榴槤斑戟, 而D Cream 就一舊舊咁撻上去, 鋪頭做工場, 人多出入,又冇即時放入雪柜; 極之唔合衛生,見到就反胃, 即時走人去滿記...但唔知甜源居D芒果斑戟及其他食物係唔係咁(家庭式) 手作出品??? 係就好易食坏人啦......

其實,我覺得呢間好過隔離滿記好多.起碼服務態度<br>好過佢地先,講下D 甜品喇~ 嘩我覺得好好味呀,<br>d 榴槤pancake 正呀, 我本人都唔係好食榴槤,但都俾呢度D pancake 吸引倒呀..好香榴槤味好滑, 但cream頗多,一D 人可能會覺得膩左D, 但都好正<br>我0個日仲order 左白雲公主,唔係好記得有咩料,但又係好好味, 又唔係好甜~~~~一句講曬>正<!!!

唔知點解呢度成日都咁少人,可能係滿記0既明星效應太勁啦,但滿記真係唔係好好咋...講番呢度,糖水唔錯0架,好似腰果露幾香濃,唔太稀唔太杰,0岩0岩好.桂花酒釀湯丸0既酒釀好足料,湯丸都幾好食,唔太甜,唔錯0架...至於榴蓮班戟,好creamy 好夠榴連味,都幾好丫.

又係食完海鮮順路走o黎食糖水。不過今次就唔係去滿記，專登o黎隔離呢間試下。本來個個見佢冇人幫襯、門面o的啊姐又黑口黑面咁，個個都唔肯入o黎o架，不過我同家姐死堅持先捉到佢o地入o黎食o野o乍！好彩….除o左班戟之外，質素都比滿記好幾百陪！誠意推介《金銀島》大大碗又多料，入面有南瓜、芋頭、清心丸同椰汁等，清清甜甜咁，兩個人share食都得。凍o既《楊之甘露》亦都係一個唔錯o既選擇。係由西米、芒果肉、西柚肉、芒果汁及椰汁混合製成，入口有陣陣西柚清香味道，椰汁味亦濃，兩者配合得o岩o岩好。《榴槤班戟》都好好味呀!! 榴槤肉夾埋o的cream，入口軟棉棉，仲有o的椰汁味幾特別，餡料值90分。可惜外層青BB o既香草班戟皮太厚，但冇味又唔煙‘un’喎，冇哩口感。係佢最失敗之處。《白芝麻糊》唔香且稀，唔甜得o黎似飲緊凍水多o的。（熱o既可能會好o的。）《踏雪沉梅》即熱o既紅棗糖水湯圓仔。湯圓細細粒、無餡但糖水太甜。最後另外叫o左《榴槤班戟》、《芒果班戟》同《榴槤布甸》外賣，後兩者都不知所謂：《芒果班戟》，芒果肉少且奇怪地同o的cream一o的都唔夾，班戟皮亦如上一樣差。《榴槤布甸》更差，係就係幾大

好!因為服務好!唔單止糖水選擇多,而且特別,隔離係冇,有豆沙鍋餅.桂花酒糟湯圓.上海酒糟湯圓,等等.......真係要試

我見兩次去到唔同時段(5 點同深夜) 都係無人幫襯, 連我朋友都跟人地效應, 搞到我放棄, 放心啦我知你地出豆沙鍋餅而人地無, 我一定去試

我第一次到這裡, 但覺得他們的甜品款式有很多選擇, 而店員也很nice 呀! 值得去試, 心水推介芒果冰及芝麻糊豆腐花好正呀!!