甜悅

营业中

休息中

今日同朋友去旺角見到開咗間新甜品鋪就決定試吓！鋪頭唔算好大，但裝修簡潔，坐得幾舒服。我哋叫咗三樣嘢～鮮奶桃膠椰皇燉蛋白配芋圓（凍）原盅椰皇上枱，賣相幾精緻～燉蛋白幾滑，椰香味幾自然，唔會太甜，配埋鮮奶幾夾。桃膠份量適中，咬落去有啲膠質感，養顏feel。芋圓幾煙韌！不過凍食嘅關係，椰皇肉比較難刮～如果熱食可能會更香～焦糖巴斯克蛋糕呢個蛋糕焦糖味突出，不過蛋糕體本身都偏甜，所以整體都有啲甜～雪山奶凍造型幾得意，真係似座富士山，打卡幾靚。奶凍本身唔算好實，質地偏軟滑，面頭嘅奶蓋帶少少鹹味，平衡返甜度～

旺角的中西式甜品店「甜悅」✨選擇款式好多！！令人好心動😍每樣都好想試下！！好掙扎>_< 雪山奶凍🏔️$42 奶凍上面係奶蓋+紫薯粉💜原本見到餐牌張相～顏色咁鮮艷嘅？！💙💜意外地好食🤤奶凍奶味香濃～仲好滑嫩✨鮮奶桃膠梛皇燉蛋白配芋圓（熱)🤍$60燉蛋香滑～梛香好重🤍配上軟糯嘅芋圓&美顏養生嘅桃膠～仲可以按照自己喜好加幾多鮮奶～多重口感✨士多啤梨窩夫🍓$56賣相砌得好靚！打卡able ✨大大粒士多啤梨🍓窩夫即叫即整～揀左曲奇味雪糕🍦同香脆嘅窩夫好夾～

喺社交媒體網站見到好似好吸引咁，特登走過去食，叫咗荔枝龍眼冰、榴槤窩夫同埋一個唔知咩芋圓。個龍眼冰勁難食，咁大個女，第一次食到咁難食嘅冰，又唔甜，又多渣，啲冰又大😩😅。唯一一個優點，就係個樣算靚。跟住個榴槤窩夫，啲榴槤肉小得可憐🥲。成個甜品都冇乜榴槤味，雪糕係普通牛奶雪糕，係窩夫個面有少少榴槤汁。窩夫個質地係正常嘅，算係三樣入邊最好食雖然佢價錢係平，但我寧願佢俾多少少榴槤肉我！跟住嗰個芋圓，唔知浸咗幾耐糖水，勁死甜，一啲芋頭味都冇。

飯後總係想食甜品，就係旺角見到呢間小店，一於try try😆士多啤梨雪糕窩夫外脆內軟，與新鮮的士多啤梨雪糕相互交融，甜而不膩，配合埋芒果雪糕（雲呢拿賣晒，），適合夏日享用。芒果冰芒果醬配上綿綿既牛奶冰，加上新鮮爆甜芒果肉，每一口都帶來清新的果味，滑順的口感令人回味無窮。榴槤芋圓仙草榴槤的濃郁香氣與軟糯的芋圓及珍珠和清爽的仙草組合，出奇地配合。新鮮榴槤肉味道非常濃郁，香味喺口腔中好耐都不散，榴槤控必食！

今日同朋友去咗「甜悅」食甜品舖頭裝修真係好光猛白色設計 感覺乾淨又舒服❤️🔷火炙芝士蛋糕一上枱就聞到濃濃芝士香！表面用火槍燒過 有層薄薄焦糖脆皮切開入面係超creamy半流心質地芝士味濃郁得嚟唔會膩餅底仲好鬆化 真係食到停唔到口🤤🔷西瓜西米露（加配桃膠&海底椰） 用咗新鮮西瓜榨汁 甜度天然西米煮得啱啱好冇硬芯桃膠大大粒好膠口 海底椰咬落爽脆仲好貼心花奶另上 想落幾多都得😋🔷芒果布丁小丸子布甸加左新鮮果肉每啖都係超濃芒果香小丸子係驚喜位 非常煙韌旁邊仲有新鮮芒果粒加埋花奶 勁好味😍呢間絕對係高質糖水舖尤其鍾意佢哋肯落足料都係用新鮮水果而且重點唔會太甜👍🏻

阿妹由外國返嚟好掛住香港美食🇭🇰同佢出旺角睇吓有乜新嘢先🍧入咗波鞋街附近有間新甜品店甜悅試吓🥥鮮奶桃膠椰皇燉蛋白配芋圓 $60原盅椰皇蛋白超滑捋捋 椰子肉易刮好腍 三色芋圓煙靱大粒🍠平民燕窩桃膠份量又多 美顏之選🫘雙拼中式糖水$40傳統糖水有蛋白杏仁露🥜生磨芝麻糊 補腦合桃露揀咗養生紫米露蓮子拼陳皮蓮子紅豆沙 口感稠密🍧荔枝龍眼冰$45清甜荔枝龍眼配乳酸爆爆珠🍒粒獎刨冰混合咗微細脆粒有啲似粟米片🧇士多啤梨雪糕窩夫$56雪糕款可揀抹茶 曲奇 朱古力 軟雪糕🍦士多啤梨🍓藍莓🫐伴碟 即叫即焗窩夫要等少少時間門口凍櫃仲有布甸 奶凍 班戟 蛋糕 糯米糍可以外帶返屋企呀

旺角花園街呢間新開嘅 [ 甜悅 ]，係近期比較驚豔到我嘅甜品/糖水舖😍。有齊中式糖水，連窩夫🧇、芝士蛋糕🍰、芭菲🍧都可以搵到。選擇極多，大概係$4-50蚊；最貴嘅椰皇燉蛋白系列都係$60左右，賣相好靚，值得嚟試吓🙌🏻！🥥 鮮奶桃膠椰皇燉蛋白 配芋圓｜$60原盅椰皇燉蛋白有6款選擇，冷、熱都有。你仲可以自選杏汁、芝麻糊配搭，我就覺得配鮮奶夾啲🥛，滑溜啲。桃膠份量都Okay，芋圓都好好味，整組嘢唔太甜，食落好滋潤✨，真係必點嘅招牌甜品嚟！🍓 士多啤梨雪糕窩夫｜$56門口櫥窗位可以望到製作過程👩🏻‍🍳，窩夫係店員花費時間最多嘅甜品，砌得好用心。呢個價錢嚟講都幾抵食👌🏻，又夠靚打到卡，份量啱啱好，唔會太多。仲有香蕉、芒果、榴槤口味揀㗎！🍰 開心果焦糖巴斯克蛋糕｜$44個質感做得幾好，夠濕潤唔會太實淨。開心果味偏向奶味重啲，食落都有啲偏甜🤏🏻，自己一個食可能會好漏，同人Share就好啲。💛 榴槤班戟｜$38 食班戟好怕會皮厚、Cream太多。見佢拳頭咁大件✊🏻，諗緊會唔會好漏啦。原來個皮整得勁薄喎😳，入面啲榴槤蓉幾香濃，Cream都係低糖版，好似食緊雪糕咁，好滑好好味😋。見到門口櫥窗都有現成一盒

相約朋友在旺角吃飯，晚飯過後意猶未盡，朋友提議吃甜品，得知有新開的甜品店，便去嚐嚐。有齊傳統中式甜品、新派打卡甜品、特色甜品等，選擇豐富。火炙芝士蛋糕 ($46)賣相吸引，表面經火炙至微焦且帶有香脆口感，口感綿密，芝士味濃郁，配上牛油餅底添加層次。榴槤班戟 ($38)班戟皮薄而輕柔，包裹著幼滑忌廉和榴槤蓉，入口啖啖榴槤香，口感柔滑，微甜不膩。榴槤椰皇燉蛋白配小丸子（$64)蛋白口感水嫩，帶有陣陣椰子清香，配上一球榴槤蓉，亦不會蓋過椰香，配上粒粒爽脆水晶珠和煙韌軟糯小丸子，一口有多重口感。

今晚食飽飯之後行攰左，係附近搵間糖水舖食下野先。咁岩見到呢間甜品舖好多唔同種類既糖水好多選擇，入去食先。我叫左個楊枝甘露燉蛋白配芋圓(凍)🩷🩷🩷🩷🩷佢個楊枝甘露撈埋凍冰冰既蛋白一齊食好解暑，岩曬今晚咁熱辣辣既天氣想食下啲涼浸浸嘅甜品。佢個芋圓仲要好煙靭，配埋個蛋白一齊食口感好豐富。仲有叫左蜜瓜西米露🩷🩷🩷🩷🩷將蜜瓜肉搞汁撈埋西米露一齊食，好濃蜜瓜味，同埋食到啖啖既蜜瓜肉，好正😍再叫左個多芒布甸小丸子🩷🩷🩷🩷🩷好多芒果肉好夠甜，同埋佢配埋芒果汁撈埋個布甸食真係好正😍，而且佢加左好多粒煙煙韌韌嘅小丸子，口感更加豐富。同榴槤糯米糍🩷🩷🩷🩷🩷佢個榴槤一咬開已經好大浸榴槤味，好香餡料好足，同埋啲糯米好煙煙韌韌。份量都好多。好夠飽。食咁多甜品200蚊都唔洗，係呢個旺角區黎講都好抵食👍🏻同埋又好多選擇可以揀一流。

🥥 鮮奶椰皇燉蛋白配芋圓一拎出黎聞到超香椰子味蛋白好似茶碗蒸咁滑唔係實的的果啲質地輕盈加埋鮮奶都冇冚過椰皇嘅味桃膠好軟滑但又唔會黐住個口燉得啱啱好本身兌換完冇乜期望點知佢煙韌有驚喜🤤刮晒底部椰肉撈蛋白食 勁正.🍰 焦糖巴斯克蛋糕表面焦糖脆皮令到個口感勁豐富唔知佢係咪有特登就返個蛋糕加咗焦糖都唔覺得好甜切開係軟心既未至於流心亦唔係硬實實嗰種 中間似半熟芝士蛋糕滑身帶微微空氣感 同傳統嘅巴斯克口感有啲唔同不過都好正🤭 周圍仲灑咗開心果碎 夾埋蛋糕食仲有有啲鹹香.間店夠光猛影相超級靚呢個地區有原個椰皇 其實真係幾抵食走嗰陣喺門口見到整緊窩夫都幾吸引🧇下次同朋友食完飯再傾吓偈 唔知去邊既話一定要黎食個又熱又香既燉椰皇蛋白🥹.

好耐無約朋友食甜品啦，今次去左甜悅呢間旺角新開甜品店，多款中西式甜品任君選擇🤩楊枝甘露椰皇燉蛋配湯圓芋圓（凍）（$62）將經典楊枝甘露同椰皇燉蛋結合好特別。燉蛋白口感軟滑，入口即化，啖啖濃郁椰香。燉蛋白醇厚椰香與楊枝甘露的酸甜（芒果+西柚）形成對比，更突出清爽感。加上芋圓軟糯煙韌，增添Q彈口感，食完好飽足~D24 榴槤芭菲杯（$58）榴槤肉香甜，配曲奇雪糕，爽口椰果同香脆粟米片，味道層次豐富，一啖食到多款口感味道，一次滿足幾個願望，係味蕾享受，令人「榴槤」忘返！火炙芝士蛋糕 （$46）表面火炙焦糖層脆而不苦，芝士蛋糕奶香柔軟，口感綿密，焦糖層同輕乳酪軟滑質地形成反差，口感層次豐富！蜜瓜紫米露（$34）蜜瓜香甜多汁，紫米軟糯，配上香濃椰汁，香甜綿密。蜜瓜與紫米搭配意外地和諧，甜度低且富飽足感，適合養生人士。

見到社交媒體網站一致好評，令我對依間甜品鋪好有期待。甜品款式係幾多，當日叫左一個燉蛋白同芝麻糊。兩樣都不過不失，但就好好好甜，係一種唔自然嘅甜，食完好口乾。原本對芋圓都抱有期待，但佢嘅芋圓好明顯係岀面買個啲一包包嘅料，因為好重香精味，依個價錢唔會估到粒芋圓係岀面買。可能我真係本身有好大期待先會有咁大落差

有日淡淡唔想食正餐，結果俾我哋發現鬧市有間新開甜品，閒日都幾滿座，原來只係開咗3個月左右🥢回訪率80% ⭐️D24 榴槤冰$53 榴槤勁濃郁，個棉花冰牛奶好似雪花咁鬆軟，難得呢個奶蓋都滑，上面仲鋪咗望落似西米但好爽脆嘅珠珠，透心涼得嚟好正⭐️芒果雪糕窩夫 $56 窩夫夠鬆軟，好多芒果粒粒，同綠茶雪糕意外地合拍（其他味仲有香蕉、榴槤、士多啤梨）⭐️富士山奶凍$42 顏值99分，紫色粉末同微鹹嘅奶蓋，牛奶味奶凍好q彈 PS 個menu 都幾多選擇，中式糖水$32都有，椰皇燉蛋白咁滋補都係$58📌甜悅 (旺角花園街11A號地舖) @joyful_dessertlab_hk#甜悅 #旺角#甜品控 #happyhour#食在旺角 #旺角美食#yahoofoodhk #foodshare #topcitybitehk #hongkongfood #香港美食地圖 #hkfoodblog#hongkongblogger #香港美食日記 #香港美食推介 #hkfoodguide #hkfoodlover #foodiehk #picofday #nomnom

永遠都話女人係有第二個胃，食完飯緊係要再食糖水嚟平衡下啦~ 行過見到花園街呢間夠光猛又多款而且價錢都唔貴，今次就試吓下！杏仁露椰皇燉蛋白配湯圓芋圓 - 一款滿足幾個唔同願望，椰皇燉蛋白夠滑溜仲啖啖清甜嘅椰子味🥥椰子怪魔表示大滿足~食到一半可以混入埋杏仁露撈埋一齊食，杏仁露細膩而獨特嘅香味，口感綿滑濃稠，感覺夠晒滋補養顏✨~芋圓幾有咬口，加埋湯圓真係好好好飽足~D24 榴槤雪糕窩夫，D24 甜味適中仲帶奶香配爽口爆珠粒粒同香脆粟米片，仲有熱辣辣窩夫配冰凍雪糕~冷熱軟脆多種唔同口感味道一齊食，實在係好有驚喜，令人「榴槤」忘返🤭

最近同朋友喺旺角食飯都有去食糖水 , 試多附近幾間覺得依間甜悅較好。其實我已經去了3次 , 第一次食龍眼荔枝冰但當是没有影相,荔枝冰底好濃,估計用左好多荔枝去整,滿口都係荔枝味!!! 上面仲有好多粒原粒龍眼肉,記憶中超碼有粒, 仲有好多一粒粒脆口珠珠, 性價比高~~第二次食士多啤梨窩夫 , 今次記得影相了! 窩夫係脆口配軟雪糕仲有個甜筒,側邊仲有新鮮士多啤梨同藍莓,價錢都係$56 ,真係幾抵!今次叫左好多人點的椰皇燉蛋白配芋圓同小丸子,蛋白好香好滑, 食到一半開始刮椰肉, 個椰肉都幾厚身所以食到好飽,芋圓口感不錯,煙堙靭靭係芋圓控喜歡的好少甜品店咁整齊簡潔,我覺得坐得幾舒服,同埋員工都幾有禮貌,如果喺附近食飯我會推薦去依間!