甜悅

营业中

休息中

📍 甜悅食完飯之後當然要食埋甜品，第二個胃黎架嘛🥳行到門口已經勁多人排隊，跟大隊試試佢先😎甜品既種類都算多，中式糖水同西式甜品都有齊，椰皇燉蛋更加係枱枱都叫添！🥥榴槤椰皇燉蛋白配小丸子（凍）（+桃膠） $72滿滿既榴槤肉鋪喺面，榴槤嘅質地好綿密，每啖都食到一絲絲嘅榴槤😌配料有小丸子，口感煙韌，幾Q彈～嚟到戲肉係燉蛋，蛋白香濃而且勁順滑！另外，加左份桃膠，滋補一下🥳 🥣杏仁露椰皇燉蛋白配湯圓芋圓（熱） （芝麻） $64想養生既大家都可以試呢個！熱既椰皇燉蛋白奶味更加重🤩而杏仁露帶有淡淡既堅果香味，配合椰皇既椰香味，味道好夾！而湯圓同芋圓咬落Q彈，值得一讚既係芋圓真係好好食😋咬落會有甜味～🗻雪山奶凍 $42聽到個名咁得意即刻叫返過嚟試吓😍一上枱嘅時候就係一個富士山既造型🤩奶凍既奶味好香，個質地都係有彈性，唔係果啲好結實嘅質地～最出色既係最上面既奶蓋，仲加咗啲紫薯碎同餅乾，令味道冇咁膩⭐️好味指數： 8.6/10

🍧甜悅🍧做完野去食個糖水奬勵下自己 🤩新開店名改得好 食甜品就令人開心❤️門口有外賣部 堂食座位都唔少原盅椰皇好吸引 見到好多枱都有點配搭都幾特別 有得配合桃糊 芝麻糊 杏仁露🥥芝麻糊椰皇燉蛋白配湯圓芋圓芝麻糊香濃幼滑凍冰冰椰皇燉蛋白香滑 入口即化湯圓同芋圓煙韌彈牙一黑一白打卡able🍧荔枝龍眼冰山呢個刨冰系列既人氣之選夏天食冰真係超涼快9粒龍眼排到成個金字塔咁另一邊係甜甜既爆珠刨冰好綿滑 入口就有清新的荔枝味🍡臨走時朋友外賣左個D24榴槤雪糕糯米滋糯米滋皮薄 D24 榴槤好香 同D朱古力脆脆一齊食幾好食

三款人氣甜品 巴斯克芝士蛋糕正到爆燈🍰今日去咗間甜品店，竟然撞到幾款高質甜品，即刻同大家分享！仲要中西式甜品都有款式超多😻👍🏻焦糖巴斯克蛋糕配曲奇雪糕 ($58) ⭐⭐⭐⭐⭐👉🏻 面頭層焦糖閃令令，切開有流心效果，加埋球曲奇雪糕，睇見都流口水！ 一入口焦糖味超濃！面脆內軟，芝士鹹香同焦糖嘅甜撞得啱啱好。曲奇雪糕完美中和芝士嘅膩。 燉雪梨海底椰雪耳 (熱) ($38) ⭐⭐⭐⭐👉🏻 養生之選，雪梨燉到半透明，海底椰淋甜，雪耳出晒膠，湯水清甜有椰香。落咗少少桂花，飲完成個喉嚨好舒服。鮮藍莓火龍果乳酪 ($48) ⭐⭐⭐⭐👉🏻 打卡一流，紫紅色漸層好靚，入面鋪滿新鮮藍莓同火龍果肉。 士多啤梨雪糕窩夫 ($59) ⭐⭐⭐⭐👉🏻 窩夫即叫即整，外脆內軟蛋香濃，配酸甜士多啤梨醬、朱古力雪糕同新鮮草莓。

係旺角食完飯去食糖水 呢間糖水舖有堂食有外賣 見外賣櫃既甜品吸引就入左去甜品選擇多 有中式糖水 西米露 紫米露 豆腐花台式仙草 冰品 雪糕窩夫 芭菲杯 芝士蛋糕 原盅椰皇燉蛋白有6款 每款都可以加配小丸子 桃膠 湯圓 海底椰等等揀左椰汁雪燕芋圓滋潤下雪燕舖滿椰皇 蛋白滑嫩 椰汁香芋圓煙韌彈牙 熱辣辣天氣食真係透心涼火炙芝士蛋糕配芒果雪糕火炙後表層微焦 充滿焦糖香氣芝士蛋糕綿密細滑入口即溶 一冷一熱除了芒果雪糕仲加左個綠茶雪糕芒果班戟多芒果肉 啖啖肉好滿足

🌞【炎夏甜蜜歇腳推介 | 甜悅 Joyful Dessert Lab】🍓🍨今日我哋一家去左位於旺角鬧市的「甜悅 Joyful Dessert Lab」，佢哋絕對是行街途中一個涼透心的小天地。最近天氣炎熱，使人心情納悶，不如暫停一下歇一歇，食個甜品開心下！😍😋必試之選：- 士多啤梨芭菲杯（曲奇雪糕）：層次豐富、莓香撲鼻，曲奇雪糕香濃得剛剛好，甜得有節制。- 可愛QQ雪見-士多啤梨芒果：兩種果香融和，口感軟糯，打卡必備，視覺與味覺兼備。- 士多啤梨雪糕窩夫（綠茶雪糕）：外脆內軟，綠茶雪糕清新回甘，配上士多啤梨酸甜更醒神。- 香蕉雪糕窩夫（豆腐雪糕）：豆腐雪糕入口滑溜，香蕉香氣濃郁，少甜而健康感十足。- 雪糕糯米糍（開心果）：外層煙韌，開心果雪糕濃郁堅果香，絕對是味蕾驚喜！

炎熱夏天，最適合吃甜點，不但補充流失的養份，又能令心情喜悅。下午茶時段，與朋友到旺角花園街〈甜悅〉品嘗甜品，糖水舖提供的甜點包羅萬有，有中式糖水、西式乳酪及雪糕窩夫等，適合一家大小一同享用的甜品/糖水舖。我們點了三款不同的甜品，包括：雙拼中式糖水(紅豆沙和合桃露)、芝麻糊椰皇燉蛋白配花生湯圓芋圓、鮮藍莓火龍果乳酪。離開時，發現門外海報寫著出售雪糕糯米糍，分別有四種口味選擇(豆腐味、芝麻味、開心果我味和D24榴槤味)，我們也外賣一個D24榴槤雪糕糯米糍。熱雙拼中式糖水(紅豆沙和合桃露)～很久沒有吃紅豆沙和合桃露，雙拼中式糖水就能一次過滿足我們二人的欲望。紅豆沙煮至起沙，有陣陣陳皮香味；合桃露煮得香滑呈糊狀，中間有一顆大大的合桃，味道很好。芝麻糊椰皇燉蛋白配花生湯圓芋圓～這款養生甜品，我們都是第一次品嘗，充滿驚喜。芋圓小丸子和花生湯圓，口感QQ煙韌，花生湯圓充滿濃郁花生味。先來一口原味椰皇燉蛋白，蛋白不但香滑，還有椰皇味。濃郁黑芝麻糊倒入椰皇燉蛋白內，黑白配效果很不錯。鮮藍莓火龍果乳酪～藍莓紅色火龍果，賣相吸引，再加入新鮮乳酪，是不錯的甜品之一。朋友鍾情乳酪，一口接一口吃著，很快把這杯乳酪

炎炎夏日，想食凍嘢，見旺角新開甜品店甜悅，裝修新凈，甜品種類多，一於入去嘆吓冷氣食個甜品。新藍莓火龍果乳酪（$48）：呢杯乳酪層次分明，紅色藍莓火龍果汁同白色乳酪紅白相間，顏色鮮明，非常好睇同吸引。乳酪蓋住杯頂，酸甜幼滑，奶味香濃，幾好食，下面新榨藍莓火龍果汁，有粒粒果肉，新鮮清甜酸爽，平衡乳酪的濃厚奶味，很不錯的飲品。甜悅 (旺角)旺角花園街11A號地舖

- 香蕉雪糕窩夫 $56 加配 曲奇雪糕 +$10- 杏仁露椰皇燉蛋白配湯圓芋圓 (熱) $69- 雪糕糯米糍 豆腐味 $25睇音樂會之前仲有啲時間就去附近食返個甜品先 呢間見好多人推介 仲有我鍾意食嘅窩夫就一於試吓😋香蕉雪糕窩夫 雪糕可以自己揀味道 作為豆腐控就梗係揀豆腐味啦🤭另外仲加多咗一球曲奇雪糕 一人一球真係大滿足 豆腐味好重我好鍾意😋 雪糕仲要有埋個窩夫雪糕筒 唔係就咁一個雪糕球放喺個碟上面 真係賣相加分 窩夫即叫即整 窩夫切落去超脆😱上面仲有啲朱古力醬 香蕉本身都甜 再加埋脆卜卜嘅焦糖喺上面甜度又再提升杏仁露椰皇燉蛋白配湯圓芋圓 用椰皇燉蛋白 睇見都覺得原汁原味 每啖都有椰子香又幾清甜 呢個真係四季滋潤佳品 除咗燉蛋白之外 入面仲有湯圓芋圓 湯圓可以揀花生同芝麻味 我揀咗花生 煙煙韌韌再配埋滑溜溜嘅蛋白 口感豐富 旁邊仲有一碗仔杏仁露 微微堅果香🌰 (堅果呀🥹) 一個甜品有齊美容養顏又滋補豆腐味雪糕實在幾啱我心水😂忍唔住叫多個雪糕糯米糍 可以邊行街邊食再消消暑 軟糯嘅糯米糍皮加冰凍嘅雪糕 真係透心涼 面頭仲有脆卜卜嘅朱古力碎💰$160

今個星期返左去香港探屋企人，係旺角行街行到攰，見到有間糖水舖好吸引，就入去試下！menu勁多款糖水，一次過滿足我多要求既父母、我自己同小朋友口味😆環境：店舖唔算大，但都坐得舒服，廚房一面係玻璃向街，可以睇到師傅入面整糖水食物：好多甜品選擇，個人認為熱食凍食都出色。榴槤芋圓仙草（$52）榴槤fans唔可以錯過！超多榴槤肉，芋圓都好Q彈，加埋椰汁一流🥥鮮芒果荔枝味綿綿冰（$65）🍨估唔到咁多芒果，芒果仲要幾靚幾甜👍🏻荔枝味綿綿冰好軟綿，母親大讚不絕口🥭椰皇紅棗杞子桂圓桃膠（$69）女仔👩🏻養生必食甜品👍🏻平日懶唔想自己煲，依度岩哂，勁足料，非常健康！開心果味雪糕糯米糍（$25）個皮好軟好薄，開心果味都唔錯，不過再濃啲會更好☺️

夏天天氣熱辣辣🌞最啱當然係食返啲冰凍又好味嘅甜品啦今次就同朋友試咗呢一間旺角嘅糖水店-甜悅入到去之後發覺性價比超高而家就逐一介紹下我哋叫咗嘅四款甜品啦～❤️D24榴槤水晶珠珠冰榴槤冰係用咗D24榴槤而製成，綿綿冰入口即溶，榴槤味亦都夠晒甜同埋香濃，再加埋表面香滑嘅奶蓋同埋脆卜卜嘅水晶珠，食落嘅每一啖簡直就係將口感再次提升，鍾意食榴槤嘅你一定唔可以錯過😍❤️鮮芒果牛奶綿綿冰超濃牛奶味嘅綿綿冰再加上淡淡嘅鮮芒果果肉，令人係呢個咁炎熱嘅天氣每一啖都食到清新嘅果香，順滑嘅口感令人回味無窮，食完仲想食❤️糖不甩入口軟糯，配搭埋椰子碎同花生碎食落甜而不膩，啱晒煙靭口感嘅你❤️芒果糯米糍配豆腐雪糕糯米皮夠薄，配埋厚實又香甜嘅芒果令人食落口唔會有滯嘅感覺，而且豆腐雪糕係自家製作，充滿豆香，夠晒特別

成日碌到社交平台講到新開又好食見前排咁啱經過即刻走去食結果勁失望堂食咗個窩夫 等就真係等咗陣但上到嚟係又腍又凍嘅完全係整定咗先上配嘅軟雪糕 上台已經溶咗半變咗水😂完全唔知點解仲夠膽上本身仲以為得我嗰份係咁結果同枱朋友嗰份都係咁雪糕係溶嘅 窩夫就腍嘅🤓已經夠細份 收呢個價仲可以整得咁難食😂另外外賣咗個巴斯克嘩頂我真係未食過咁難食嘅巴斯克😂勁粉感又散 完全唔係正常巴斯克口感芝士味又唔濃難怪當日見到隔離枱食咗兩啖就冇再食落去😂仲要佢嗰鋪有啲位係冇冷氣的又坐得唔舒服絕對冇下次！！

鮮奶桃膠椰皇燉蛋香配蓮子
一上枱就聞到陣陣椰香。燉蛋滑溜綿密，蛋香與椰奶味融合得恰到好處，不會過甜。面層舖上豐富桃膠，啫喱感帶微微彈性，清潤養顏，配埋鬆軟綿密嘅蓮子，整體口感層次豐富，係一道靜靜享受嘅滋補系甜品。雪巴斯克（綠茶味雪糕）
雪糕用上濃郁綠茶味，苦甘分明，唔會太甜，啱晒大人味口味。巴斯克蛋糕焗得焦香，表面微脆，內部濕潤濃郁，凍食更顯creamy感，配埋雪糕同食真係非常過癮，綠茶控必試。香蕉雪糕窩夫（朱古力味雪糕）
窩夫即叫即製，外脆內軟。香蕉片熟度剛好，甜中帶香，朱古力味雪糕香濃滑溜，唔會過甜，啖啖朱古力香，組合很好。雪糕糯米糍（D24榴槤味）
外層糯米皮煙韌薄身，唔會太黏牙。入面雪糕係D24榴槤味，香氣強勁，但甜度控制得好，唔會太膩。榴槤味道濃郁，層次分明，令人驚喜！

同朋友食完飯，當然要食埋甜品啦！🥰 呢間甜品店一入到去就已經滿曬人🙈 佢哋嘅甜品種類多到數唔晒，有中式糖水同 西式甜品都有🩷 尤其係我最鍾意嘅楊枝甘露 同埋新鮮芒果😍😍 啖啖都係清新嘅味道，食落去真係好開心！每一口都令人想繼續食，真係好想再嚟一次! 🥰🥰🐾椰皇楊枝甘露小丸子配芒果雪糕 ($69) 🥭呢個甜品真係我最鍾意，特別係入面有咁多芒果！🤤 每一口都係滿滿嘅芒果肉🥭 實在太足料啦！楊枝甘露既香甜又濃郁🥰🥰 芒果肉粒粒分明，食到口都好開心😚😚 西柚酸酸甜甜，加上西米嘅Q彈，真係完美平衡😌 椰皇汁仲令到整個味道更加清新。再加上冰涼滑順嘅芒果雪糕🥭 芒果香味更突出，令人一口接一口。小丸子軟糯有嚼勁🍡 甜得嚟又唔會膩，整體味道層次好豐富，真係好好食！🩷🩷🐾荔枝龍眼冰山 ($52) 呢款冰品啲冰刨得超級綿🤤 入口時，首先感受到嘅係荔枝嘅清新甜味，跟住就係龍眼嘅香甜😋😋 仲有淡淡嘅椰絲味🥥 配埋乳酸味嘅爆珠，口感真係好豐富！😍 原粒龍眼仲有好多，食落去真係好足料✨✨ 荔枝冰加龍眼果肉，清甜又解渴，特別適合夏天食☀️ 超級解暑！ ❄️🧊🐾蝶豆花富士山奶凍 ($42) 🗻呢個奶凍真係令我驚喜，啲口感

新開的糖水店，種類多選擇，我試左芝麻糊椰皇燉蛋白，我本身超愛吃芝麻糊，這樣配合又幾有新鮮感，味道也不錯，值得一試。另外，香蕉雪糕窩夫，超好食，無得頂。最驚喜是試食開心果雪糕蛋糕，味道好特別，很出色。因為新裝修，店內燈光光猛，坐得舒適，地點又方便，所以會再來食。另外，最後試埋佢外賣開心果糯米糍，開心果雪糕好好味，有點黏黏地，感覺唔錯，雪糕最突出。總結，今晚的感覺唔錯，糖品美味可口，與朋友傾計坐得舒服，所以體驗良好。

超人氣甜品舖📍甜悅蝶豆花富士山奶凍⭐️⭐️⭐️⭐️⭐️個樣勁打卡able, 真係好似一個富士山咁！食落去個奶凍勁滑，奶味超濃,上面類似煉奶嘅醬勁好食呀！糖不甩⭐️⭐️⭐️⭐️入口軟糯，配埋花生碎同埋椰子碎口感層次豐富香蕉雪糕窩夫（配開心果雪糕）⭐️⭐️⭐️⭐️⭐️呢個係即叫即做嘅，又係個樣勁打卡able! 窩夫好香脆，裏面又好軟熟，個窩夫仲要鋪滿咗朱古力醬同埋粟米片，個味道同埋口感都好豐富！香蕉嘅焦糖突出咗成個甜味！加埋個開心果雪糕真係超正呀！！荔枝龍眼冰山⭐️⭐️⭐️⭐️每粒荔枝都係勁大粒圓轆轆🥰食落係好清甜嘅荔枝味，配埋啲龍眼冰沙，真係好夾呀！！總結呢間餐廳真係超人氣，勁多人食啊！種類又係超級多，你諗到嘅，應該都可以食到🤣仲要每樣甜品都係唔甜！調味做得非常好，每個甜品都有佢獨特嘅味道💜