甜姨姨 (耀華街)

营业中

休息中

食完晚飯行陣街，落左格之後最岩就係去食甜品。見到甜姨姨既大叔的愛，又點可以抗拒到....🍧🥄大叔愛茶走刨冰綿滑入口即溶，煉奶甜度剛剛好，如果食得甜，嫌唔夠未，仲有奶茶可以畀你淋落去.... 雜糧，南瓜籽，提子乾，再加雪糕，口感層次一流。食完仲可以拎走把扇....

晚飯後想在銅鑼灣找甜品店，打開openrice app找到了甜姨姨，於是隨地圖足跡走過去，走到耀華街街角。店鋪不算起眼，也不在當旺位置，還好時間尚早，才晚上九點左右，不用排隊，立即入座。見周遭情侶點的都是刨冰類甜品，份量大，跟大隊應該唔會伏，我同女友點了一個名為"白雪"的椰子味刨冰。嚐了第一口刨冰，雪花綿綿，甜度適中，感受到椰子的清新，奶的鮮甜，頂上有一條威化餅，使口感更為豐富，有硬有軟，有綿有碎。吃到一大半，還以為呢個頂多都只係一個椰子味刨冰，原來內裡卻是混了薄荷糖漿的刨冰，口感更新清新不膩。然而，這個甜品定價比一般台式甜品刨冰高。但係，喜歡食刨冰的朋友，一定要試呢間店，相信會有驚喜。

其實啡熊小編同啡熊爸爸都超級鐘意食甜品 可以話我地口味都相當一致😂 話說今日介紹呢間就正正係啡熊爸爸提供情報話要去試食的🤣 當然本身甜姨姨就超出名啦😛 我地去嘅耀華街分店唔算大 但因為係晏晝去唔算多人 所以坐得都算ok舒服🧘🏻 跟住周圍都有好多公仔 幾得意幾有趣👍🏻 服務都相當唔錯 staff手腳超快 都好肯幫手😆醬爆 $98啡熊小編同啡熊爸爸超鐘意西多士同埋花生醬 所以一眼就睇中咗呢個😛 佢個size同附近嘅ShXri ShXri 有得比 都超級大超級足料🤩 塊西多士烘得好脆好香 面頭層花生醬同埋煉奶都俾得好足 口感超thick❤️ 配埋綿密嘅沙冰真係好夾🥺 但真係好甜 食到後面都真係幾膩🥲紅豆抹茶蕨餅 $48煙韌控父女係絕對唔會miss蕨餅的🤣😤 抹茶味好重 茶味好香 但係！點解有幾舊蕨餅咬落有冰粒咁嘅⋯⋯即係個texture好似未融曬雪咁😢 呢個真係一大敗筆🤦🏻‍♀️ 但其他保持返正常口感嗰啲確實幾好食的😌 紅豆唔算甜 而且粒粒分明 啡熊小編超鐘意！-🌟-性價比嚟講個人覺得係幾高嘅 但有少少甩轆位可以執翻好就更好了🥺 其實之前啡熊小編同友人已經試過一次 嗰次食嘅bagel係真係好食👅

有無人話我知點解10月仲咁熱嘅🥲呢d天氣推住bb車真系身水身汗 我今次去甜姨姨系特登想搵麻甩女子祖‧美食插畫提案入邊插畫師阿祖嘅插畫 🎨🎨佢寫d內容真系好抵死 仲有教學到底點食棉花冰🍧🍧配埋雞仔嘜大叔個樣😂我心大心細左好耐 到底食Kitkat棉花冰🍫🍧定系黃到金芒果🥭棉花冰 最終都係揀咗芒果棉花冰嚟到真系嘩嘩聲 🎉第一時間打左卡先有金箔成件事好奢華😍😛刨冰質感好棉好輕柔 愈食愈多料入邊有埋楊枝甘露/芒果布甸/tofu cream/椰奶仲on top比多左芒果汁 系for如果食到個底嘅時候唔夠味就加上去 不過我無用到 因為真系好多料已經好夠味 老公就食芋圓八寶紫糯米 好結實好足料 每一羹都好滿 膳食纖維很豐富可以促進腸胃蠕動而且有咬口配搭芋圓煙煙韌韌

係香港出名嘅甜品店一定有甜姨姨，今日係銅鑼灣行街，食完飯之後就好想食甜品，就走左去食，真心令人好幸福。黎到甜姨姨一定要點刨冰食，又好味又可以打卡。黃到金依個口味係楊枝甘露味，最頂有舊甜甜嘅芒果，然後黃色嘅刨冰係芒果味，芒果味非常濃，但唔會係人工芒果味。愈食愈落就開始食到椰子同豆腐味，味道非常正。除左刨冰，佢仲有芒果乾，成口都係芒果味，令人好驚喜。最後為平時食嘅楊枝甘露糖水，佢仲有沙田柚粒同芒果布甸。芋圓八寶紫糯米可以揀凍同熱，食左咁凍嘅刨冰，所以就揀左個熱甜品，佢都好好味。佢嘅材料都非常足同健康，佢有薏米、紅豆、小珍珠等。佢嘅芋圓都幾彈牙，味道都唔錯。

【甜姨姨】夏天好熱有時都想食下刨冰🍧 呢到仲有花花打卡牆添😳 係大叔的愛打卡點😂🤣400次髒髒冰 $138呢個髒髒冰真係落足料，食落口真係超濃朱古力味🍫 面頭嘅粉直頭多到飛到周圍都係😂🤣🤣入面仲有啲脆脆增加個口感，而且佢哋都好貼心咁比咗d朱古力你等你食到一半淡咗可以再加翻啲味🥸 不過佢真係好大份，建議兩至三個人分先食得曬😆芋圓八寶紫糯米 $58個人係勁鍾意食紫糯米，呢個都有勁多餡而且可以暖胃，整體不錯👍🏻

🍫400次髒髒冰今次揀左呢款係KitKat x 朱古力嘅刨冰試下佢🤤🍧食落層次好豐富頂層除左有KitKat朱古力之外仲有經過400次打發嘅咖啡cream，味道好似tiramisu咁😋中間都有好多KitKat碎同一球朱古力雪糕，仲有好多嘅可可粉😂不過食到一半嘅時候啲冰都會開始無乜味，佢仲會有個朱古力醬可以俾你淋上去配住刨冰食，成個感覺唔會好甜👍🏻

今日係耀華街食完飯落樓就見到甜姨姨，見到又有好多新奇嘅味道，又好耐冇食就入去食甜品！我哋叫左個即撞木桶豆腐花同埋醬爆冰即係奶醬脆多味，個豆腐花黎到都係成個木桶上，又係暖嘅，佢嘅黃糖仲係另外跟上的，想落幾多自己就可以落幾多👍🏻👍🏻個爆漿冰都好快嚟到😍😍見到真實個冰同圖嘅樣都係差唔多樣，真係好有驚喜，尤其是喺面頭有幾舊脆多士真係超級脆🤭佢仲加多左一啲奶醬多嘅醬汁俾我哋食到底唔夠味可以自己加👍🏻❤️個冰真係好多花生醬同埋煉奶，食落真係好似食緊奶醬多咁樣🥰見到佢哋除咗奶醬多味道之外都仲有好多有香港特色嘅味道，好似楊枝甘露咁樣，下次都想試埋佢哋嘅其他味❤️

炎炎夏日就最啱食冰啦🧊幾年前就興韓式雪花冰，近年又吹番日式刨冰陣風🍧，終於‼️輪到小編我講甜姨姨啦😤。其實係香港 日式刨冰選擇唔少 價位都大同小異🧐甜姨姨吸引人嘅地方相信係佢味道、造型嘅多變，同埋甜品名同宣傳夠貼地。🌟黃到金 - 楊枝甘露 ($108)上面有塊金箔同芒果肉，中間有啲花生碎同椰絲🥭食到底係楊枝甘露，裡面有西米、布甸(無咩味)。啲冰嘅芒果味都重，隔離有杯濃縮芒果醬俾你再加😗🌟初心 - 草莓乳酪 ($98)面頭係粒士多啤梨乾 下面係豆腐cream， 冰入面都有啲士多啤梨乾碎🍓食到底會有啲椰果、抹茶啫喱🍵(抹茶味唔濃)。整體味道ok嘅但唔係話好驚艷😄比起草莓更加似山楂冰糖葫蘆，酸酸甜甜好解暑🤣個士多啤梨醬好甜 唔好一次加曬。味道：🌕🌕🌕🌗🌑環境：🌕🌕🌕🌕🌑價錢：🌕🌕🌕🌘🌑

《甜姨姨》/夏の氷日本直送𖠳ᐝ 𝒔𝒕𝒖𝒏𝒏𝒊𝒏𝒈 *̣̩近期爆紅既甜品一定吃氷莫屬𓍯試過另一間極高人氣既店舖後 想試埋呢間做一個比拼 🐾————————————ˆ𝔹𝕖𝕤𝕥 𝕤𝕖𝕝𝕝𝕖𝕣 𝕥𝕠𝕡 𝟛ˆ 醬爆 $⁹⁸｡:*定期推限定口味 ⚘ 它們的氷簡單地說 夠綿滑! 甜度適中但奶醬味又勁出! 另配邪惡的練奶氷面加左豆腐奶蓋、花生醬、煉奶，奶醬西多，脆卜卜。豐富極致。不愧為𝘵𝘰𝘱 𝘴𝘦𝘭𝘭𝘦𝘳♡.°雖然價錢有點肉赤(•̥ ̫ •̥)但味道黎講是出色的。記得冰溶化X度快，唔好影相影太耐要試多幾款口味比拼————————————ˆ 即撞木桶豆腐花 $⁴⁰經典甜品想當年係天后總店 大時大節都會去食食法比較講究，店員會有計時器幫你計時吃起上來比想像中滑溜，豆香重，熱辣辣食最有feel有食到童年回憶既味道....*—₊—*—₊—*—₊—*—₊—*𝗥𝗘𝗖𝗢𝗠𝗠𝗘𝗡𝗗 ᵤₚ❀ 醬爆❀ 即撞木桶豆腐花𝗥𝗲𝘃𝗶𝘀𝗶𝘁 : 𝗬𝗘𝗦*—₊—*—₊—*—₊—*—₊—*

捉緊夏天的尾巴 食冰唔洗排隊享受高質香港味道😋😋去銅鑼灣一定會冧起sharishari 可惜呢間長期要排隊，其實可以簡去甜姨姨食冰，仲有各式甜品，啱晒成班朋友一齊去試晒唔同口味有奶醬多味、楊枝甘露、黑芝麻、榴連味，好貼地🥰好多香港口味✨奶醬脆多 🍞Mr. HongKong $98 勁澎湃嘅花生醬煉奶同麵包，望落肥死但認真好好食，冇冧過花生醬🥜做甜品同冰都好夾,內饀仲有花生芝麻碎好似食湯圓咁😋😋 有啲可惜佢唔係好似sharishari甘可以keep住有味食到底但好彩仲有一個醬係for你食到一半再加入去🥳 冰方面都綿密但間中都會有小小冰粒，鐘意食冰嘅表示小問題😂😂

甜姨姨大家一定唔陌生😌啱啱銅鑼灣開分店嘅時候仲好hit 好多人捧場添！但我就一直都未食過，朋友食完係鬧佢多過讚佢🤡有晚見冇乜人，咁就試下啦～要排隊等嘅話，就真係不了🙈__________一望餐牌見到有榴槤甜品，對眼發哂光，仲要係刨冰。 因為之前係銅鑼灣都食過間Shari Shari Kakigori House 氷屋， 所以對依類刨冰都好有好感。__________🧊留戀 $108即係榴槤刨冰豆腐花，一個幾特別嘅配搭～分量係好足夠，刨冰頂部有一堆榴槤蓉同豆腐醬👍🏻味道原來係好夾😮冰嘅中間都係一大堆榴槤蓉啊🤩❎雖然佢啲冰好綿，但溶嘅速度實在太快，食左唔夠兩分鐘佢宜家開始大溶化....__________環境方面就真係比較逼，枱與枱之間太近。亦都唔係太乾淨，櫈係"痴立立"，食緊嘢個陣不停有烏蠅仔飛🤢

之前已經食過一次港式口味嘅醬爆（奶醬多）諗唔到會咁夾刨冰🤩所以今次又再返兜呢間港式甜品店。留戀（榴槤配豆腐花）$118今年夏天都唔係食咗好多榴槤，所以心郁郁想試吓呢個刨冰😆刨冰表面有一大嚿榴槤，另外仲有少少豆腐漿。榴槤嘅濃味配搭豆腐淡淡地咁，兩邊嘅味道都唔會太搶。好正既係就算係食刨冰表面都有榴槤味！另外食到中間又會有超大舊榴槤肉，我同朋友都好驚訝究竟佢點為到本🤣足料到咁，食到底層仲有豆腐花。另外有配煉奶，不過我哋覺得成個刨冰都已經好夠味所以冇落到。芋圓八寶紫糯米 $58我哋仲嗌咗一個港式甜品。份量都幾多，甜度適中。芋圓有Q彈嘅感覺，紫糯米同其他配料都好煙韌👍🏻

次次星期六日係銅鑼灣經過都見到排長龍 今日去見到冇人即刻試試 叫左個薄荷朱古力😍-✨薄荷朱古力 ($108)冰好棉 入口即溶❄️平時食棉花冰都好少見到有呢個味 多數都係水果/茶味🤔個人平時都幾鍾意食薄荷朱古力雪糕🤣所以對呢個味都幾大期望 好彩最後都冇失望而歸 都幾重薄荷味 同吾會太甜 最高果層係朱古力味 中間係薄荷味 中間仲有好多Oreo餅碎 咬感十足💛

有幾次食完飯想黎食都好多人，今次4點經過見有位，當然係捉住夏天既尾巴冰一冰佢😈餐廳裝修幾舒服，又有花花牆可以打卡，餐廳仲好貼心每張枱都有消毒噴霧方便大家使用🥰仲有埋食刨冰小貼士，最主要都係打卡唔好打太耐😝兩個人一人一個冰好似有d多，所以我地就叫左一個冰同埋一碗芋圓八寶紫糯米share食😋😋🎈留戀(榴槤豆腐花刨冰) $118刨冰入口即溶，冇硬冰粒，食落舒服🥰榴槤味都幾夠，但係又唔會冚晒豆腐既味，如果食食下覺得唔味仲有醬可以加👍🏻👍🏻我覺得最開心既係食食下發現刨冰入面全部都係榴槤肉🤤🤤🤤🎈芋圓八寶紫糯米 $58呢碗糖水超足料，食完真係會飽晒😜 芋圓煙煙韌韌超正，仲可以揀凍食或者熱食😆