甜姨姨 (耀華街)

营业中

休息中

|甜姨姨私房甜品Oreoaholic ($138)Oreo控必嗌💖一上碟已經feel到個冰好有份量😂入面亦都勁足料頂部係半條既oreo雪條 側邊亦有厚厚既oreo cream 外面係oreo既綿綿冰 裡面就係白色既豆腐味綿綿冰 本來以為唔會食到豆腐味 但估唔到味道都算幾出 反而覺得oreo冰唔係好夠oreo味不過值得一讚既係入面有滿滿既oreo碎仲有幾舊oreo雪條既cube😂伴碟既係五大粒白玉糰子🍡口感好煙韌 配埋oreo碎同紅豆一齊食好夾😋overall我覺得呢個冰應該都滿足到oreo控~💗8.5/10

話說食完晚飯後跟朋友本身打算食鮮芋仙， 但堂食至去到十點唯有轉嚟呢度試下。因為我本身好飽， 一望到紫米/西米/布丁/乜乜與乜乜圓， 就覺得已經食唔落。最後我揀咗食 刨米， 感覺冇咁飽同易消化， 本身大家都覺得好似有啲貴， 帶嚟到見到個實物又真係幾大呢一款係士多啤梨 + yogurt， 本身我以為係普通嘅刨冰， 點知食落去第一啖好香嘅士多啤梨味同yogurt味! 有驚喜不過一個人食真係食唔曬食到中間仲有啲士多啤梨脆脆乾，好脆，但有小小甜，所以有脆脆既地方我就無倒yogurt醬。去到中間原來仲有jelly， 因為我睇餐牌嘅時候冇仔細望， 所以有jenny同脆脆我都覺得好驚喜， 整體嚟講呢個價錢又合理返。$98

芋圓八寶紫糯米 $58 一碗甜品有齊芋圓、粉圓、西米、薏米、紅豆、紫糯米同椰汁 絕對係飽肚之選!芋圓、粉圓🍡質地煙韌，好有咬口西米、薏米🍨彈牙 紅豆煮得未算好綿，硬硬地、入面帶少少沙狀 紫糯米軟硬適中，紫糯米香氣十足💯哩碗甜品係熱食既♨️椰香🥥好突出不過略嫌甜左少少 🤏一啖食曬所有配料，口感豐富，十分滿足🥳甜姨姨18杯瘋味小杯甜品: 金箔西米奶凍、楊枝甘露、芒果三重奏、芒果紫糯米、芒果乳酪奶凍、榴 槤紫糥米、榴槤奶凍、紅豆奶凍、紅豆麻糬、OREO奶凍、OREO麻糬、草 莓乳酪奶凍、草莓乳酪麻糬、黑糖仙草芋圓、芋圓四寶紫米、綠椰仙踪、 抺茶蕨餅 、黑糖蕨餅1. 蕨餅(抺茶> 黑糖)蕨餅質地軟糯、口感煙韌🤤抺茶🥇較黑糖好食 抺茶🍵甘味突出黃豆粉味道唔差，但被黑糖🍯甜味蓋過😕2. 奶凍(榴槤>草莓乳酪>芒果乳酪>紅豆>OREO) 質地滑漏👅味道唔會好甜👌🏻榴槤蓉真材實料，同奶凍最match✅草莓🍓乳酪好酸，撞埋奶凍🍼會比較甜 紅豆粒粒分別得黎不失綿，甜度正常3. 芒果系列 楊枝甘露、芒果三重奏足料鮮芒果🥭切得大粒、香甜無渣👏🏻4. 麻糬(OREO>

｜甜姨姨私房甜品 400次髒髒冰 ($138)朱古力冰on top有400次咖啡泡沫咖啡泡沫偏苦 剛好中和朱古力既甜～覺得朱古力味唔夠濃 要加附上既朱古力醬食到中間有大量朱古力粉 好似食緊美祿恐龍😋好味 表示可以encore💗💗💗下次想試埋其他味道 見到其他味都好有特色！ʀᴀᴛɪɴɢ: 9/10📍銅鑼灣耀華街11號地舖#js_cwb #js_hkisland #js_dessert#js_銅鑼灣 #js_港島 #js_甜品

好多年前食開天后分店，不過自從佢越嚟越差之後就冇再食，尋晚想食Shari Shari不過已經收左所以咪試吓囉，點知真係中伏，翻版始終都係翻版，啲冰好易跌，啲汁又麻麻，食多幾啖就唔會想再食，重點係佢個價錢仲要貴人好多。終於有個扎馬尾既女staff黑口黑面。冰？我以後只食Shari Shari。

【#肥波飲野系列】🎈之前同朋友食完飯之後唔係好飽，行到希慎想去lifetastic share件西瓜🍉蛋糕但又last order左，結果我地去左甜姨姨排隊。但因為已經有啲晏，所以我只係叫左杯野飲就算～🎈我叫左仙草奶茶加豆腐奶蓋加Oreo ，仙草奶茶就ok ge，因為走左甜😂 不過其實我係想要珍珠架，因為仙草比較涼，但佢比錯左仙草我🤦🏻‍♀️豆腐奶蓋我就覺得麻麻地，雖然豆味都幾香，但同個奶茶同埋Oreo就好似唔係好夾，好似唔加個奶蓋會仲好飲啲😂📍甜姨姨私房甜品（銅鑼灣） 📍銅鑼灣耀華街11號地舖

食完飯行過見到有間天后甜品老字號開左係銅鑼灣, 雖然見到一條長長既人龍, 但係依然都無阻我去幫襯既心情💁🏾‍♀️ 因為上甜品既速度夠快, 所以排左15 分鐘都已經有位喇, 不過逼左啲😩 呢度主要食比較港式既甜品, 另外仲有好受歡迎既巨型刨冰🍧 但係因為怕凍所以今次冇食到喇😂自家仙草手工芋圓🍡($55)芋圓控必叫, 仲要係呢度既Top 1 人氣甜品, 又點可以錯過呀😌 糖水底可以揀椰汁或黑糖, 我地揀左椰汁🥥 配料方面就有滑捋捋既仙草, 煙韌既三色芋圓, 紅豆, 黑糯米, 珍珠, 薏米, 超級豐富😍 因為椰汁既關係, 所以成個甜品都勁椰, 同啲配料超夾🤤紅豆抹茶蕨餅🍵($48)香港唔多地方有呢個甜品, 整得好味就更加少😮‍💨 有間好食既都執左笠, 又冇得去日本🥲 見到呢個真係即刻叫, 仲係呢度既Top 2🤩 蕨餅既粒數完全對得住個價錢, 抹茶粉包裹住煙韌易咬既蕨餅, 再配埋啲甜甜既紅豆, 簡直係絕配🥰雖然要排長龍, 但係我自得值得等既, 始終銅鑼灣唔多呢類型既甜品店☹️ 最緊要係佢既食物質素我覺得不錯, 而且開得比較夜, 食完飯都仲可以去👍🏽

🍧甜姨姨綿綿冰份量不少口味又多，2個人食一個巳經好滿足，價格亦相當合理，我經常都去報到架 🙋🏻‍♀️🤍 $138 Oreo 黑旋風綿綿冰，係新出品💓因為佢係用Oreo個餅成個打碎，所以外面似食緊oreo餅餅😆入面相當有層次，有Oreo嘅白色cream，大量Oreo餅乾碎片以及可可粉，整座冰山份量不少🖤 仲要配有紅豆，小丸子令口感更加豐富🤎🤎🤎佢即叫即做，要D時間等候，唔好急哦😜另外如果覺得天氣凍唔想食冰，其實佢仲有好多唔同嘅糖水、甜品🍮，木桶豆腐花亦係打卡之選，冬天夏天都照顧周到💕

同朋友食完飯後總係會想食埋甜品🤣我最鍾意嘅甜品鋪係Sharishari❤️可惜佢9點半就關門，唯有就近搵另一間有冰食嘅鋪頭。甜姨姨除左刨冰外，仲有多款甜品可以選擇，但因為咁刨冰嘅口味冇Sharishari 咁多，我地就揀左：✨400次髒髒冰（$138）呢款400次髒髒冰望落已經勁朱古力！最頂層加左kitkat同咖啡味嘅cream, 下面係朱古力粉同朱古力粒，中間仲食到朱古力味雪糕。平時食冰最擔心食到中間冇晒味，食呢款髒髒冰就完全冇呢個問題，店鋪仲細心地提供左extra嘅cream, 食到最底都仲有味🤤整體黎講呢個刨冰味道都唔錯，可惜嘅係真係貴左少少🙈性價比唔太高，不過overall 黎講都值得一試。

🍽🍽☕☕🌭 🍔 🍟 🍕☕☕🍽🍽-港式刨冰嚟講，我肯定甜姨姨係香港第一！本身天后本店已經賣甜品賣到出晒名，銅鑼灣店一開張就已經好吸睛，無他嘅，所有刨冰又有創意又靚，啱晒打卡！本身餐牌都有唔少選擇，另外又會同其他品牌合作出限定口味，大時大節又會有，講誠意已經值100分，又點可以唔試。-🥢🥢白雪-睇個名完全估唔到係椰子味嘅刨冰。材料入面有齊椰奶、豆腐cream、抹茶啫喱等等。食落去好香椰子味，已經感覺好清新，唔會好腬，食多幾啖都唔會覺得好大負擔。而所有材料夾埋一齊都好舒服好夾，雖然佢唔係人氣之選，但我反而覺得係滄海遺珠。-如果有興趣嚟試嘅就早啲排隊啦，事關每晚都排晒長龍，起碼要等15分鐘㗎，證明佢係幾咁具人氣！-🦁評價🦁食物 9/10環境 7.5/10服務 8/10性價比 8/10整體 8/10-🍽🍽☕☕🌭 🍔 🍟 🍕☕☕🍽🍽

終於嚟朝聖人氣港式甜品店甜姨姨啦😍😍網上面有超多人推介呢！一入去就見到好靚嘅花花打卡牆🥰刨冰融入咗港式口味，有黃到金嘅楊枝甘露💛💛😏今次我哋就試咗400次髒髒冰同埋芋圓八寶紫糯米❤️400次髒髒冰 $138一上到枱就覺得好震撼，刨冰上面係滿滿嘅朱古力粉，仲好可愛咁插咗兩支kitkat🙈🙈除咗好睇之外我覺得仲好好食，有好多唔同層次嘅配料，表面就有400次咖啡泡沫，而刨冰入面就有朱古力餅乾碎😍加上刨冰打得好滑，炎炎夏日食真係非常之消暑又享受啊！芋圓八寶紫糯米 $58紫糯米煙煙韌韌咁樣好好味，份量都好多，如果用嚟當正餐都一啲都唔過分，因為真係好飽肚，食落去好似八寶粥嘅口感同埋味道，加埋台灣芋圓、地瓜圓、紫薯圓，更加豐富❤️下次希望可以試吓佢哋期間限定嘅其他刨冰🥰📍 甜姨姨私房甜品 (耀華街) (銅鑼灣)銅鑼灣耀華街11號地舖

榴槤控的我無辦法去馬來西亞食榴槤無辦法擺脫屋企人的制肘夜麻麻同朋友走左去食甜品頂癮唔洗講，哩個我的老實講，外型係專屬打卡實際上我會好掛住聰嫂個榴槤水晶珠這個比榴槤好味豈碼冰上仍保持到有芒果味哩個望落似糊仔反而榴槤味分佈平均三條友三份甜品共$280鍾意食榴槤的我唔太滿足下次嚟除非我不是為了榴槤

🍧甜姨姨星期六難得放假也跑了出門去港島區~剛好甜姨姨銅鑼灣店，即日起至10月31日，推出萬聖節限定「鬼同你食冰」，限量100個！正日點選還會附送白朱古力符一客🍫🎃 #鬼同你食冰這個一上桌就覺得超吸睛，上面的裝飾很可愛呢~還好剛好坐到在打卡牆下面，在這襯托上~好看味道主要是芝麻刨冰，上面是濃郁的南瓜蓉，中間放了很多籽籽跟葡萄乾，一直挖有驚喜藏在裡面的感覺，吃到底還有冰淇淋上面有顆白巧克力的骷髏頭💀((太可愛了,我包了帶回家跟鼠鼠拍照XDD))，然後還有蜘蛛跟眼睛的橡皮糖🕷️🕸️，果漿特地以紅色鮮水果熬製💲Hkd148🏡銅鑼灣耀華街11號地舖（銅鑼灣店限定）🏡天后清風街13號地下

甜姨姨私房甜品(銅鑼灣分店)萬聖節限定「鬼同你食冰」💀💀限量100個💀💀萬聖節就到la💀宜家至10月31日幫銅鑼灣分店既甜姨姨食個期間限定「鬼同你食冰」應應節👻10月31日萬聖節正日去食「鬼同你食冰」仲送白朱古力符一客添🎴為食餐單: 鬼同你食冰🎃 $148刨冰一上枱好震撼，好大盆，整得好靚好吸引🎃仲吸引埋隔離枱黎影相打卡添🤣萬聖節食依個甜品真係一流🎃刨冰主要係由上層南瓜蓉同下層芝麻刨冰組成，南瓜蓉好香甜，芝麻刨冰非常濃郁芝麻香😋食到入面有黑芝麻雪糕、穀物脆脆、提子乾，黑芝麻雪糕軟滑除左芝麻味仲有香滑雲呢拿味🥰穀物脆脆好滋味又香脆，加埋提子乾食落好煙韌，好好咬口又好好味，好似食麥芽糖咁好正啊😍刨冰上面插有一枝針筒，入面係士多啤梨配車厘子果醬，係店舖新鮮水果整成ga，同針筒係刨冰上面吱上果醬，好香甜混埋刨冰一齊食更美味😋另外仲有白朱古力骷髏骨頭💀同荔枝味既蜈蚣啫喱🦠裝飾係表面😎睇得又食得又影得🤩仲附上一個小杯裝住浸住士多啤梨車厘子果醬既眼球啫喱👁煙煙韌韌彈下彈下既啫喱甜甜的，食完刨冰咬住眼球啫喱出門口繼續enjoy Halloween party la👻👻

🍴草莓乳酪豆腐花+綠茶凍 HKD57本身呢款甜品係涼粉底 但係👧🏿見可以免費轉豆腐花 就轉左來試試🥴其他仲可以轉西米同紫米 好多選擇呀🤯士多啤梨同乳酪都酸酸甜甜咁 十分開胃又清新🍓豆花底嫩滑 綠茶凍食落好爽口 茶味香濃🍵最重要係成碗食完都唔會有罪惡感 啱晒怕肥嘅朋友仔🥳🍴芒果豆腐花+芒果布甸 HKD57本身食紫米底 奈何上一餐食得太飽 所以又轉左豆腐花🙈鮮芒果肉足足有差唔多半個 十分足料 再加上滿滿嘅芒果蓉 同埋芒果布甸 簡直係芒果嘅盛宴🥭雖然過咗芒果當造嘅時期 但係果肉一啲都唔酸 食落香甜味道濃郁🥳布甸口感比較實身 但係食落都有好香甜嘅芒果味😋