甜入心 (好運中心) (已結業)

假期最後一日，繼續出去行下街，食下野咁，是日黎到沙田，嘩，新城市廣場真係勁多人，想揾個地方食下野休息下都勁難揾位，諗起之前食過嘅甜入心，上網睇睇原來搬左舖，搬左去後邊個商場，地點都唔難揾。新裝修多左幾分雅緻簡單得黎幾溫馨枱面仲擺埋花裝飾一家人叫左幾個甜品share食，自己揀左布丁椰皇，賣相幾可愛滿滿一碗㗎，布丁香甜軟滑，椰汁好清甜，入面有椰肉啫喱，爽口香甜，彈下彈下幾好食。另一款叫左咖啡布丁椰皇，基本上同上，多左咖啡凍，好香，帶一黑苦澀，整個椰皇味道更豐富。小丸子椰皇，又係椰皇？！但呢款唔同㗎，除左上面有三粒煙煙韌韌嘅湯丸外，下層係燉鮮奶，又香又甜又滑，食完覺得好滋潤。心太軟，要左新版，新別係個蛋糕會放係杯入面焗，焗完唔反出黎。賣相不錯，一杯蛋糕，一球雲呢拿雪糕，上面落左小小玫瑰花碎。蛋糕超濃朱古力味，好流心，味道正喎，不過有啲黏杯，好似舊版易食啲，新版可以食哂啲朱古力心一滴都唔哂。朱古力窩夫，店員話佢地第一次開機做，要試機，大約等左十分鐘先做好。朱古力醬好甜，味道似榛子醬，窩夫較硬，可能未掌握到技巧吧，有待改進。一邊食一邊吹水，輕輕鬆鬆又過左一個下午。

經常出沒沙田所以對此區食店很敏感,知道搬遷當然要快快八新環境、優勢在於地下舖,而且人流在於前排多個巴士站、吸力大大比舊舖優,堂食間已見不少路人甲喵喵吓, 位置優之勝了第一關。。。舖內還供應著一樽自助英式果茶,頗為貼心哦!椰皇是刻小店從前特式甜品之一, 當然沒有猶疑、因為一心也衝著它而來,焦糖布甸椰皇子$42.店內只有「凍/暖暖地」,這些似燉方式個人還是喜歡熱食,布甸入口滑綿綿且蛋香味濃,以椰子水做出啫喱亦非常滑漏面層感覺添加上一層椰奶,整個組合也很好吃,唯獨椰皇肉可燉透一點容易取一點熱多一點更為加分。下次在門外等巴士又多個「為食」借口。

好運的甜入心 作為甜入心死忠粉點會唔知沙田店搬左去好運中心，地下店啊，就在巴士站旁，很易揾！店的裝修同其他分店有啲唔同，用左很多淺色木的作裝修材料，比起其他分店深粉紅更顯柔和，似低調左咁。 我都係食椰皇子。。。。一啲都唔會悶！上面的焦糖雞蛋布丁既滑溜且香，一啲都唔實。椰皇啫喱非常清甜，椰皇肉很易“不”,感覺亦新鮮。整個椰皇子都唔會好甜，暖暖地的温度剛好，啱曬呢個天氣食！完美的椰皇子，不愧為陣店之寶！