甜入心 (好運中心) (已結業)

10.候爵濃72心太軟 $48個心太軟真係超正係比較唔叫好甜既chooclae even而且又好香流心都整得剛剛好個雪糕都好大舊所以覺得幾抵食35.飄香槤花 $48有啲同好似豆花既係碎碎地所以食起上黎唔會太重豆味因為我有少少怕豆味而呢個就處理得幾好啦而且仲有榴槤既香味及有咬口因為都係好香好滑而啲豆花都係好滑同埋同好好入口1.焦糖布甸椰皇子 $42呢個照牌野食，唔駛講我食過熱同凍我覺得凍係好食好多既因為個蛋味同焦糖都會好味同香好多個布丁都會硬啲有咬口啲6.椰皇燉鮮奶湯丸 $48呢個我都會建議凍食湯丸有3粒都係好足料好香既26.雞蛋布丁 $36估唔到可以咁平而且仲配有練奶同埋焦糖我會中意焦糖多啲好香好滑好重蛋味必點黑松露雪糕椰皇子 $48 呢個覺得都係必點因為超級香黑松露味而且仲好特別我未食過咁好味既黑松露雪糕架而且仲係好大球比起一般的大球更大球而且仲有椰皇子配十分得超好

個人較喜歡與朋友們吃完晚飯後逛一會就食埋甜品或糖水作happy ending 😊😊今晚就是與好友相聚的一晚，之前搭巴士回家都有經過呢間糖水店，眼見頗受歡迎，晚晚full場！現在就試試先😋環境都好舒適，以綠色植物、心心為設計主題，都係朋友相聚傾談的消閒地方👍🏻打開甜品menu,價錢都係大概$28-60左右，不算貴！食甜品，始終有第二個胃既😂所以選了朱古力窩夫填一填先～好味～脆脆地口感，好在甜度對我適中，只是朱古力可再濃烈d😬另外，亦選了芒果小丸椰皇子，見係呢間店的主力麻😁希望大家勿誤會，小丸子俾我食哂😂😂椰皇size細了點，45蚊其實貴左，因為入面係啫喱狀的椰子,再加芒果汁及芒果。總括來說，還可以！下次我會試試其他甜品😚

今晚遲左收工 出到沙田都9點幾 本來想正正經經搵個地方同朋友食飯 但後來都係求求其其搵左間野去食 食完仲餓餓地 天時熱諗諗下不如去食糖水搵左呢間甜入心黎試 睇佢好似係新開 都多人排隊 等左差唔多20分鐘先入到去坐 等20分鐘算係咁 貪新鮮試所以等叫左2個甜品 （唔記得叫咩名）甜品上既時候上錯左 我朋友叫既唔係芒果椰皇 點知佢地上錯左 我地諗算啦 上都上左 而且原來佢一開始就幫我地落錯單 咁照要啦 但就變左其實我地2個都係食緊同一樣既甜品個椰汁啫喱底一般般 椰香味並唔重 口感還好 而椰子既椰肉都有小小老 上層既芒果果d都ok 但整體黎講都幾一般 可能我地揀錯甜品黎叫啦講花款的確佢地係好有新意 但味道黎講就普普通通 下次如果真係再食呢間野應該唔會叫返呢個甜品

晚飯過後，朋友說想吃點甜，本來想去沙田中心那間，但原來已經沒有了。之後看到這間，便決定試試。行到門口，看到告示說8時到8時30分進行員工會議，暫停營業，那時8時27分，想說那便等一下吧。等的期間，便看看有什麼甜品吧。一直等到約8時4x分，門口是玻璃的，店員也有朝門口方向坐，有看到這邊，所以應該知道門口已經堆滿人。終於有人按捺不住敲門，問店員還會不會開門做生意，該店員才一副 「原來有客人在等」的表情，隨即開門讓大家內進。其實等是沒問題，但如果超時，應該也要告知在等的客人，會好一點。大熱天在室外呆站，我見不少客人都有點不滿。不過可以入座那便算了。枱上有椰皇的擺設，相信這裡是椰皇甜品做主打。焦糖布丁椰皇子（暖）全晚最好味的甜品，但也未到驚喜。點了暖的，但其實部分的椰皇啫喱是凍的，應該是弄熱的時間不夠。而焦糖布丁雖然夠軟滑也很「動L 」，但焦糖不算太出。椰皇啫喱裡含有椰肉很有咬感，入口也啖啖椰皇味。芒果吐司粒粒山芒果雪糕的味道像真度一般，芒果有點酸。醬汁相信是芒果吉士，味道算不錯。可惜的是，焗吐司質地乾硬不易咬，體積又非一口吐司的大小，吃完2粒已感覺上齶牙肉有點磨損🙈。朱古力心連心窩夫這樣上桌

去接朋友仔收工，順便睇下佢舖有咩啱，有discount 吖嘛～雖然折唔多，但慳得一蚊得一蚊都好架！佢收左工，去左食大排檔食晚飯，食完口鹹鹹，硬係仲爭d，食埋個甜品就應該perfect喇！朋友仔係呢區地頭蟲，聽佢講話有間叫甜入心嘅唔錯，雖然距離大排檔有d遠，但為左食好西亦在所不計！黎到已經爆場，要等位，等左兩張就到喇～呢度地方唔大，坐得有少少迫，可能好野係多人食d掛～打會menu，選擇亦好多，睇圖賣相ok,但未至於好花巧好靚果隻～價錢由十幾至五十左右，傳統中式糖水就平d啦～推介！焦糖布甸椰皇子有趣的賣相，椰皇的殼裝著震滕滕的東西～原來是滑滑的布甸～布甸散發香甜的焦糖香味，白色部份應該是椰皇水，椰奶等製成～比較新式的味道～黑松露吐司粒粒山淡淡的松露味道，配著雲呢拿雪糕及焦糖糖漿，加在香脆麵包粒上，雪糕慢慢溶下，太滋味了！薏米腐竹糖水好濃好幼滑，味道不會太點，薏米有咬口，清甜滋潤，養生之選！朋友仔真的沒介紹錯，這是一間會再回頭的甜品店！完滿了，肚子滿足了，是時候回家休息了～

今晚同女朋友係沙田搵糖水食，見有間好似新開既，咪諗住入去試下。位置有啲偏，都係女朋友同我講，我先知有間糖水舖係度～門面裝修都okay，眼見舖入面都總算多人，應該有信心保證呱😂，11點鐘黎到好彩有張六人枱走咗，又吾洗要等位就入得👍🏻P.s.平時食糖水最怕等位等到想食都比唔想食糖水都總算齊全🙆🏻例如芒果榴槤中式西式等等都有係Menu，不過放咗椰王係第一版推介！我估依家糖水舖都係以🌔椰王🌖做主打咁我女朋友就叫左一個「榴槤飄香椰皇子」$ 56賣相就一般，就咁一個普通嘅椰皇，不過食落個味道吾差榴槤食落都算幾新鮮，椰子肉都幾多😋而我呢，就叫左一個「芒果吐司粒粒山」，原來有伏😰，叫完我女朋友先話我聽，原來舖頭冇人叫吐司😂！$52賣相好靚！但係芒果係酸既，吐司係窿既，個雪糕係無味既！唯獨是！嗰度有個parttime侍應，係幾靚女😁所以總括黎講，值得去！不過吾好叫吐司～埋單 $ 108講多句，我問佢攞杯水飲，佢同我講無水飲😑

朕呢排要為皇宮添置新家具，於是乎就出巡到沙田既家居城，喺入面食左啲肉丸飽飽地，攪到朕無咩胃口食正餐，呢個時候隨從話想食甜品，仲有Idea添！呢到門口超多人，朕仲諗住有等，一問阿姐就話下個到朕，原來係等外賣，嚇死朕！入到去坐底睇下有咩好食，阿姐就介紹朕食皇子，大膽食朕個仔，原來阿姐係話食花膠皇個仔（花膠椰皇子）！花膠椰皇子上枱，大家都知道花膠養顏，有豐富膠質及蛋白質，十分滋補，熱騰騰的，好野襯熱食，椰皇入面有大大舊花膠，大到差啲刮唔到出黎，仲有啲蓮子，呢個其實係椰皇花膠燉鮮奶，啲燉鮮奶香滑就緊架啦，最緊要舊花膠夠哂厚身，燉完仲要吸左啲奶香，花膠咬落軟彈煙韌，好食－－－－－完－－－－－

個fd入沙田搵我，無野做落樓下食個甜品，日日都咁多人排隊，所以揀左下午時段食一定無咁多人，呢間個汁底主要椰汁，款式約30-40 布丁椰子款最多，所以開始緊係揀最穩陣既甜品，但我想食榴連所以揀左榴連飄香。食物方面：一上台，個樣普通唔大，其實好細份，張圖感覺係大，食果時榴連味好濃，椰汁都好甜，不過椰子d肉好難刮，我出盡九牛二虎之力先刮到，重點d肉連住一刮就連住刮所以呢個好失望環境方面；算係咁啦，下午無咩人，不過d位窄d,但d 凳坐得幾舒服既，可以擺野

✨黑松露撻 ($32 4粒)✨點上許多甜品 當然要吃一點鹹食平衡下！其實它就像迷你果撻 以薄似雲吞皮作底承載着松露忌廉雜菌 味道香濃 像吃意粉一樣一口大小 有黑松露價錢算合理 隔開下甜味也好Rating💁🏻(6.5*/10*)✨飄香蓮花 ($48)✨這其實是榴蓮豆腐花！豆花在底 墊上榴蓮冰 榴蓮肉榴蓮冰香甜又清新 榴蓮味很清香 榴蓮肉就帶絲豆花滑溜 可惜感覺太甜了 豆香也不夠天然濃厚其實榴蓮夠甜豆花可以淡一點 但能滿足榴蓮癮Rating💁🏻(7*/10*)✨朱古力窩夫配朱古力雪糕 ($48)✨這個很抵食！一大份窩夫 配上雪糕和榛子醬窩夫烘得較為焦脆稍置一會仍有脆感 富空氣感朱古力雪糕結實濃郁不易溶 但榛子醬感動太甜了Rating💁🏻(6.9*/10*)✨花膠燉椰皇子 (熱 $58)✨暖洋洋的甜品 花膠帶點韌勁 蓮子清甜 豆花香甜女孩子喜歡的輕盈版 味道清淡 重口味未必很愛Rating💁🏻(7*/10*)✨芒果出浴椰皇子 (凍 $45)✨小丸子小小一粒 粉而偏腍 但仍帶淡然麵粉香椰肉jelly彈牙 略嫌有點膠質 淡淡的不會太膩Rating💁🏻(6*/10*)

身為九龍人的我，平時好少去沙田食野因為有展覽要睇先去沙田，食完飯去左甜品沙田本身都幾大，但唔知點解甜品店較少上左開飯搵到依間就去左食了芝麻糊，完全唔係糊狀，食落去好淡，冇咩芝麻味, 仲要唔夠熱，佢翻叮都叮得唔夠熱，中式糖水唔夠熱真係扣左分架 好啦，依個係益力多沙冰，朋友話d碎冰係咬唔開，我地明沙冰係應該好多冰，但其實應該係碎冰係會咬到爛同埋溶到，佢成杯野到我地最後走都溶唔到三分一 即係我朋友飲左三分一咋同埋杯野飲太甜，應該落左唔少糖水落去 最後的芒果西米露，好淡果糖水，同埋冇咩芒果味，芒果好酸，冇淡奶不香所以不會有下次機會再黎 

放假來沙田宜家Shopping，行完都九點幾啦！見有少少肚餓，就決定食個糖水先返屋企。就離巴士站不遠的位置，見有間新開的糖水店，就試下佢啦！＜花膠椰皇子＞見椰皇好像是這裡的主打甜品，我就叫這個來試試啦！我對花膠無咩研究，不過望落就唔係好同屋企媽咪整俾我食個隻啦！但真係堅大塊，都厚身架！熱熱的椰汁底，裡面仲有蓮子添！飲完好滋潤！近排天氣乾乾地，岩哂！＜黑松露吐司粒粒山＞見這個雪糕口味咁特別，又想食D飽肚的，就叫左呢個啦！賣相已經好吸引！黑松露滲透入云尼拿雪糕內，隻味好出色！下面的粒粒麵包充滿牛油香味，包皮脆身，麵包軟綿綿，沾著雪糕來吃，口味清新特別，這個值得推介啊！

今日同媽媽行沙田～行到咁上下就緊係要搵野食啦食左個好豐富的下午餐，又食唔落晚餐，所以食甜品就岩啦 點知比我發現原來沙田都有甜入心架～之前係深水埗已經食過一次就已經愛上左佢所以一定要帶媽媽去試下 真係估唔到8點幾就已經咁多人 仲換左餐牌，午餐有得食韓式飯卷 我緊係食返我最愛的椰皇燉鮮奶湯圓～依然係咁好食～sweet & 暖笠笠！（重申：係暖笠笠，唔係熱辣辣）今次甜品店仲有d新花生～就係貼貼紙 係咪好可愛先 不過媽媽就覺得好甜佢揀左花膠椰皇子～好清甜 有花膠同蓮子～媽媽都表示好味道呀 佢好快就ko左雖然話就話食左個豐富的下午茶～食唔落晚餐...但講到食甜品...好似會有第二個胃 所以我們仲叫左個燕窩蛋白燉木瓜木瓜香+燕窩呢個組合真係好滋潤～而且是原隻木瓜～唔擔心d味係溝出來 再加多個榴連pancake好多榴連餡架 而且唔會比d cream 搶味～又唔會好甜～一點也不會溜 之後仲叫左2個外賣返屋企，比呀妹同呀爸食 蕃薯桂花王子～熱呀爸食到lamlamm 脷 佢話整得好入味! 同埋d配料都好正～ 有湯圓，蕃薯 呢個出浴王子又係好好食架～～個布好滑～好多椰子肉

最近呢間甜品店搬咗去對面商場嘅地舖，係正巴士站隔離，所以都有唔少人係到等位入面裝修幾靚，有啲假葉假花做裝飾，但係啲櫈無椅背就無咁好坐，不過普遍甜品舖都係咁呢到好貼心咁免費提供暖茶 ，茶係蘋果茶黎，食甜品可能會好漏，所以有茶可以平衡下膩感啲甜品都幾特別，但係由於有我大愛嘅榴槤，所以其他野都可以bye bye ～首先到嘅係榴槤飄香椰皇子，將椰皇入面啲椰子水倒出黎，再用椰子水整成果凍，口感比啫喱更加實，有啲似大菜糕嘅質感，仲有淡淡嘅椰香。但係成個甜品最重要嘅係最上面嘅榴槤肉 !!!一上枱就已經聞到濃濃嘅榴槤香，用肉眼睇就已經知道係真材實料，濃濃嘅榴槤味同淡淡嘅椰香，配搭非常融洽 跟住嘅係好似青蘋果形狀嘅榴槤Pancake，第一次見班㦸個皮唔係乾身，而係濕潤嘅，我都好好奇係點整出黎 ! 中間有層層嘅榴槤肉同忌廉，榴槤味又係超濃郁，而忌廉又唔會過多而蓋過榴槤嘅味 係表面仲有爽囗嘅珠珠同少少玫瑰乾花做裝飾，不過兩者都無咩味，真係純粹裝飾雖然有免費茶飲，不過又點會滿足到我呢個吃貨吖 ，所以就嗌多杯Oreo薄荷奶昔黎飲，薄荷味幾重，而且仲凍冰冰，即刻為炎熱嘅天氣爽一爽啊，再加上有

門口有朱古力噴泉(有绵花糖提供)有自助式花茶(免費)重口味(多種口感)內有(芒果，方果，雪米糍，涼粉，西米，椰汁)椰汁底，(夏天食，好解渴)整體味道清甜花膠椰子皇花膠好大塊，蛋白好滑，味道不算甜，可以一個人食曬熱食椰皇味道更突出

甜品店和糖水店有什麼分別？我覺得甜品店是外國風，糖水店是傳統中式的。甜入心我會界定它為兩者都是！因為這裡可以吃到窩夫，心太軟這些，又可以吃到中式的木瓜燉蛋白燕窩和皇牌椰皇系列等等！快是母親節了，提早帶媽媽來滋潤一下她那無法可修飾的一張臉，熱食椰皇燉蛋白湯圓，好養顏，甜度剛好，實在是多吃有益！蛋白好滑，三顆麻蓉湯丸好吃又足夠填肚子(晚飯七分飽！)，椰皇上仍有椰子肉的不要浪費！連我bb都好鐘意食!我的椰皇咖啡凍布甸，內裡是椰汁大菜糕，同樣清新不甜膩，是讓人一口接一口吃不停的！布甸蛋味濃郁，加上咖啡凍微甘q彈的口感，我覺得整體配合得好好！妹妹的椰皇布甸，少了咖啡凍，所以是滑溜溜的，凍食暖食一樣棒！西式的有心太軟，有新款和舊款之分。新款就是心太軟在杯子內，朱古力溶岩會乖乖留在杯子之中。各有喜好啦，個人喜歡舊版，因為流心程度會看得清楚一點，蛋糕亦好像外層脆一點。朱古力溶岩甜度掌握得不錯的，唯獨朱古力味不夠蓋著牛油味。而窩夫店員有解釋過是新入手的窩夫機，所以熱力未夠熟手控制。所以窩夫偏硬，全熟了，蛋味不夠。朱古力醬混了榛子和花生，亦同樣地令朱古力味發揮得不夠。整體來說，個人認為甜入心中式非常有誠意