甘牌燒鵝

营业中

休息中

今日阿爸話想食燒鵝，佢地比我早落班就先去攞位，我落班就趕過去了，以為可以入座食得了，點知去到仲系要等左二十分鐘先有位，呢間店仲系甘旺，環境就一般，但燒味做得比較出色。燒鵝同油雞拼盤，燒鵝燒得皮脆肉嫩，切開會有肉汁流出嚟個盤度，再加上黃豆醬，入口香脆可口，咬落仲有鵝汁系個嘴彈出，食完仲想食。油雞肉質好嫩，入味，好好食。鵝血都唔錯，可能有D人唔中意，接受到嘅朋友仔要點嚟試下，有少少韮菜調味，鵝血煮得好滑，系屋企比較容易煮老，有放胡椒，辣辣滑滑嘅好正。呢度嘅乳豬都好出名，皮好脆，肉就好嫩，不過我怕肥，食兩舊就可以了。