甘味讚岐手打烏冬 (已結業)

夜麻麻係銅鑼灣未諗到食咩，就揀左甘味烏冬，就係皇室堡好就腳，門面都幾靚好日式咁入到去坐卡位真係幾舒服同精緻，餐廳主打讚歧手打烏冬，同時有飯同便當，都有常見既日本小食好似雞軟骨、日本年糕、餃子咁黑蒜油豬手鍋燒讚歧手打烏冬，上枱賣相幾正下成個鍋咁，又香，黑蒜油味未入口先入鼻，湯底奶白色不錯，先試個湯，好淡以為好濃豬骨湯，點知都幾淡，撈開晒啲黑蒜油加埋啲七味粉後都算ok讚岐烏冬係烏冬入面算係粗身，以彈牙口感為名，入口試試，一咬就化，完全唔似讚歧烏冬，味道黎講又唔係難食既，都掛到湯豬手雖然好港式但味道都唔錯，另一個叫左個天婦羅蝦拼蟹柳讚歧手打烏冬，天婦羅蝦望落去好吸引，但食落無咩蝦味，不過味道唔差既，同埋食湯烏冬夾天婦羅真係好夾烏冬既意見就唔再講，配依個湯底會好食少少🤏🏼雞軟骨餃子，外皮真係煎得唔夠脆，可能太忙只係用低溫煎唔使望住佢，入面都仲係個句，唔太特別但味道又唔錯中規中矩成餐黎講其實係讚歧烏冬唔夠讚歧，特式差啲，但整體成餐都算唔差，銅鑼灣食日式烏冬仲要依個價錢，性價比都真係ok諗唔到食咩都算可以接受既選擇#食完可以出門口食yo mama#可能飯先係王道但我無見到鋪入面有任何一個人食飯

今日一個人去了皇室堡食嘢，就選擇了呢度，幾年前我哋經常去，但覺得味道每況越下才無去都有好幾年，今日再來試吓吧。環境變化吾大，都ok舒服，今日試吓下午茶套餐，價錢幾經濟，我選了他他醬炭火炸雞飯加配炸餃子同柚子蜜。等了一會，食物上枱了，賣相都可以啦，（因為下午茶價錢較平，所以要求吾會高），上枱時吾會有餃子汁要問服務員，餃子🥟味道麻麻，配餃子汁就好味D，因為較乾身，炸雞就超難食，硬到咬吾開，坦白講超柴皮，肯定是番炸的，雖然下午茶較平但無可能俾呢個炸雞上抬囉，所以只可用餃子配飯食，應該吾會再來吧😤。

甘味讚岐手打烏冬 - 午餐平時去甘味都係食開晚餐多，午餐抵食啲，仲有個特別嘅選擇就係呢個炒飯啦《紫薯明太子海鮮炒飯》$60 個炒飯比想像中好食，叫嘅時候諗住都唔會好好食，似住一試嘅心態叫咗。有三文魚同埋其他海鮮，雖然係啲頭頭尾尾嘅feel，但炒起嚟都幾好食😋 煎至於個紫薯加入左個炒飯係有少少怪嘅。《麵豉燒雞扒蕃茄湯讚岐手打烏冬》$60 呢個餐就食咗好多次，我鍾意甘味嘅蕃茄烏冬（利申個人鍾意蕃茄湯底）雞扒都係新鮮炸起，甘味烏冬就不嬲都正😋食物質素：7.5/10環境質素：8/10服務質素：7.5/10 抵食指數：7.5/10 回頭率：7.5/10

喺銅鑼灣行街行到晚飯時候，想搵個地方食吓嘢，但又唔想食太貴？可以考慮吓呢間“甘味讚岐手打烏冬”！我最鐘意食嘅就係呢度嘅雜錦鍋燒讚岐烏冬！一鍋裡面有好多餸，主要有蝦天婦羅、三文魚、冬菇、日本叉燒、蟹柳、雞柳、西蘭花......仲有我最鍾意食嘅溫泉蛋！全部食材都新鮮兼整得唔錯！連烏冬都嫩滑且彈牙，配襯埋清甜嘅湯底，價錢都只係$72（另收加一），食完真係好滿足😍！都簡單描述吓呢度嘅環境先，全店以木色為主色，裝修比較簡約，由於疫情其間喺枱與枱之間都有做隔板措施作防預嘅。我已經唔係第一次嚟咖喇！每次同朋友喺銅鑼灣行到腳倦，又唔想諗食乜，又想食得化算嘅時候，呢間都係首選咖😂！

今日去皇室堡睇戲，想睇戲前食左飯先，近近地就係「甘味讚岐手打烏冬」，其實如果唔係對烏冬特別喜愛，可能你未必選擇入呢間餐廳，但一睇餐牌，你會發現除左烏冬，仲有好多唔同既菜式。呢排疫情，好耐無食過日本菜，我就點左魚生飯，女友點左豚肉烏冬。魚生飯正常表現，比一般大眾化日本餐廳做得好，魚生算係新鮮，而飯亦都有用醋及珍珠米處理。女友就表示豚肉烏冬除左大碗之後，無咩特別要講既地方。另外有點雞軟骨及雞翼做小食，因為剛才兩款主食味道偏清淡，叫多兩份重味既小食調節下，雞軟骨炸得夠脆及香口，而雞翼亦都好野味，食完都已經好飽，最後兩人消費滿$200又有一份燒鰻魚，可能係太飽既原因，食落覺得份鰻魚太肥，肉唔夠扎實，而且個汁太甜。總括黎講，CP值都係高既，始終係銅鑼灣晚市時段，呢間係皇室堡內既餐廳既價錢可能比起同區既地鋪車仔面仲要平，而且味道唔差，環境亦寬敞。

因為在傍邊的電影院看電影，在開場前剛好有時間，便進內吃過晚餐，是連鎖經營的出品，沒有說特別令人回味。在銅鑼灣來說，價格屬於便宜。點一款讚岐手打烏冬或井飯，便可以優惠價，加點小食、壽司、沙律及雪糕，適合想多試一些款式的我。據他們自己說，米是來自日本，是他們的賣點之一，但吃了壽司和手卷，也吃不出與平常壽司米的分別。我點了豬軟骨烏冬，烏冬尚試彈牙，湯底是日式昆布柴魚湯，但略嫌不足香濃及熱，只是常溫。豬軟骨也是普通貨色。這裡適合趕時間，沒有太多要求，是一個飽肚的選擇。

叫咗5606 同5603牛set同豬扒set整體評價如下：-魚生壽司得過且過，未算變壞，亦唔算新鮮-毎牛扒全熟又「鞋口」，差啲整損我條食道-個豬扒正常發揮，同出面差唔多-個沙律得好少醬，cover唔到啲青瓜絲，其實係食緊齋青瓜絲-個味增湯，我以為係清水嚟，淡到冇乜味仲要難飲，飲咗一啖已經飲唔落-個醬油烏冬係成個set最有水準，色香味俱全，值得食嘅以佢刺身質素，原本都想試吓個海膽，不過最後都係唔敢叫......下次應該唔會return

鐘意食烏冬既人有福了，哩到有好多款烏冬：蕃茄湯，麻辣湯，牛肉湯都有，我今次揀左個什錦湯烏冬，當然係我最鍾意既石鍋上啦。賣晒唔錯架，湯底都好濃，烏冬好滑，彈牙有口感，而且吸晒啲湯汁，好好味。可惜配料就比較遜色，豬扒係煎得幾香，但比較薄，口感好鞋，而且好乾，即時扣左分。

好耐之前都有食呢間甘味 以前覺得佢既烏冬湯底幾好食今次大家都冇咩錢食飯 建議同朋友食呢間 佢地個個都唔肯食（因為出名唔好食）經過我說服之後 決定比最後一次機會佢。結果 個個都堅決唔會再食 連我都唔會再食。1）芝士火灸三文魚壽司- 塊芝士完全冇溶過2）溫泉蛋稻庭烏冬（冷）-個溫泉蛋個蛋黃完全係熟蛋咁我哋問個waitress，佢竟然答：「我哋呢批溫泉蛋全部都係咁熟㗎！換過隻俾你都一樣」佢有拎個隻新嘅出嚟俾我哋睇，話：「唔好意思呀！我哋嘅溫泉蛋真係咁熟㗎！你要唔要換過隻呀？」個汁仲要稀到水咁 結果要用豉油撈烏冬...3）$13x 既壽司套餐配吉列芝士流心豬扒🤢 佢真係整得好吉列， 但係豬扒係差唔多冇肉咁制，全部都係炸粉，用嘅芝士仲要係好唔夾個味道4）番茄湯黑豚餃子烏冬個湯底都好稀5）鹽燒豬頸肉烏冬 個湯底都好似水咁 但佢話係鰹魚湯。。總結：湯烏冬 fail炸野 fail冷烏冬 fail壽司 fail今次真係連我都唔撐佢 byebye~

甘味對我尼講係有童年回憶，以前住港島東個陣，成日會去杏花邨食，搬左去新界之後就無食過喇。前排係皇室堡睇完戲先發現原來銅鑼灣有，就入左去食~以前最中意食佢既蕃茄湯底烏冬，佢都算係早期興起蕃茄湯既餐廳，當時覺得好新鮮，後尾先慢慢開到周街都有蕃茄湯。平日夜晚都唔多人，一入去就有位。我叫番我以前成日食既滑蛋巨形蟹棒讚岐手打烏冬 $64 當然我會轉蕃茄湯底，要加+$10鋪滿蟹籽既蟹棒的確好巨形，有好多件，個底填滿哂烏冬，所以其實個湯唔算多蕃茄湯底依然美味，新鮮，唔係味精味，好開胃。加少少七味粉更加惹味~朋友就叫左雜錦鍋燒讚岐手打烏冬 $76，我食左一啖個天婦羅蝦，都好大隻。個湯都好夠味，又足料另外我地仲叫左個小食 雞軟骨餃子棒 $38 ，佢唔係平時包餃子會每邊包實哂，佢係就咁包一圈底面煎，咁樣令個皮好脆！加上入面既碎雞軟骨粒，好有咬口，好香口，好食！

難得今天放假，就去皇室堡逛街，逛到累了，就隨便看到這家餐廳去吃吃看😈😈😈入內後發現，基本都滿座，可能是中午午飯的關係吧，我被安排到卡位坐下，都不錯，挺舒服的~接著，點了一份午餐，麵豉燒雞扒蕃茄讚岐手打烏冬，烏冬很有嚼勁，很吸引，很快便吃完整碗了😚😚😚而雞扒也燒得不錯蠻好吃的，配上很濃郁的番茄湯，有兩件番茄， 其他番茄蓉則都是作湯，所以味道不錯~另外，套餐還會附送熱飲，凍飲及汽水加3元，雪糕加8元~

同仔仔去左銅鑼灣皇室堡逛街~沿住電梯一路每層上，看到這家日本料理店，看看價錢，都蠻親民，40蚊起已能吃~於是就不用想，直衝入內了🤣🤣🤣首先點了五花腩泡菜加烏冬，再加14蚊點了小食炸雞，再加9蚊點了雪糕😈😈這樣，已足夠一大一小吃了🤣🤣首先來了小食的炸雞，炸得不錯，不會很油膩，而且還很香脆，雞皮像厚切薯片般過癮~烏冬的就正常，沒有太大驚喜，但這個價錢，已算不錯~至於五花腩就略微嫌肥🤣🤣但都好吃的~

🔎 銅鑼灣告士打道311號皇室堡4樓403號舖 *📍 甘味讚岐手打烏冬.蕃茄比目魚讚岐手打烏冬($76)一直都好鍾意食甘味嘅蕃茄烏冬,之前主要都係配肥牛.今次見有比目魚所以就試試.蕃茄味仍然好濃郁.烏冬手打關係,非常爽口彈牙.比目魚好滑嫩,但油脂多咗DD.燒和風牛扒蕃茄湯讚岐手打烏冬($84)和風牛扒煎我幾好,而且都非常入味,又唔會太老.但碟上都見到好多油,但食落的確惹味.配搭蕃茄湯亦非常夾配.八爪魚餅沙律配泡菜千島汁($46)醬汁唔太食到泡菜味,但好欣賞用八爪魚餅.好煙韌,而且口感十足,加埋D沙律配食又健康.而且份量都好大.作為小食好唔錯.

🧡 #壽司拼盤拼讚岐手打烏冬因為突然想吃壽司(是的，對於吃的慾望很多時候都是突然的)。然後走進這家略帶暗黃燈光的餐廳, 也算是有那種日本餐廳的感覺。意想不到壽司拼盤的種類幾多，竟然有我最鍾愛的帶子刺身和三文魚。來說說好像是鎮店之寶的烏冬，雖然我對手打烏冬並無概念，但食落又幾煙韌，湯底亦算清淡。食完這餐完全沒有罪疚感，太好了。💲 | $70·🧡 #溏心蛋我對溏心蛋的興趣是安先生提拔出來的，以至於我去到有溏心蛋的地方都忍不住叫一隻半隻。他們的溏心蛋質地軟綿入口即融，可惜不知是否太好賣製作不及，感覺浸泡醬汁的時間不夠，不算入味。💲 | +$8

睇戲前食少少野頂住個肚先，見烏冬幾吸引就去食下。入面位置都幾大，而且都多卡位，我地只有兩個人相對好好坐，裝修就襯返日式，枱面會有落單紙比你自己寫想叫嘅野食號碼。今次口痕叫左一個小食兩個刺身同一個烏冬，每人平時$110。三文魚腩刺身 $68相當肥味，好厚身，啖啖肉嘅滿足口感，一碟有五舊，新鮮無雪藏味。甜蝦刺身 $48甜蝦一樣有五條，Size正常，同平時食嘅甜蝦有少少唔同，顏色偏實色光澤。雞軟骨餃子棒 $38有五舊，煎到表面脆口，入面肉質唔鞋加埋軟骨，好有咬口，唔錯。黑蒜油豬手鍋讚岐烏冬 $66鍋上夠哂熱辣辣，豬手入口即溶，表面有啲位置燒過，多左燒肉嘅燒味，烏冬屬於方形，有彈口，湯唔會好油膩，蒜味無過重或過咸。