甘味讚岐手打烏冬 (已結業)

去過其他分店都冇咁難食，哩間真係難食，叫三文魚炒飯又冇；吉猪內外都咁乾，鞋口到不得了；燒雞燒到乾晒，未至於燶但有苦味；烏冬叫做幾煙韌；八爪魚餅冇味，燒汁味蓋過晒。去食快餐店好過佢

放工經過apm，屋企冇飯食就上apm搵野食。一個人廢事食咁貴就揀咗頂樓呢間烏冬。身為牛之達人既我都唔洗諗就揀左呢個蕃茄牛肉烏冬，湯底ok，不過唔夠熱，蕃茄味唔算好濃，烏冬還烏冬，蕃茄還蕃茄，但牛肉出乎意料之外煎得幾香口，唔會太熟，冇叫野飲因為佢杯茶幾正，飲完幾精神！

第一次寫食評，原因太難食，忍無可忍。由第一道沙律上菜，已經被騙，原來只是粟米杯，然後麵士湯中庸，最大穫係鰻魚飯，未食過咁難飯，飯冇味，鰻魚硬，口感似麥芽餅。絕對冇下次。

今天和敏敏吃午飯，我們都是韓星的追星一族，對於韓国菜極度鍾情! 今天下午我們跑到APM六樓吃甘味! 我們坐下後，立即訂了炸雞泡菜配烏，真有點失望，炸雞炸得過了火喉，太硬咬不下去，但是鹽燒鯖魚二十米飯，鯖魚燒得很甘香，撒下檸檬汁，熱辣辣真好味，米飯也很可口，令我們胃口大開! 我們叫了熱柚子茶和熱柑桔，冲得太淡，没什麼味道!比起上次來的時候，今次明顯的失色了!

平日8點幾無人等位，就直接入去啦叫左番茄湯雞排烏冬，芝士年糕，咖哩薯餅湯底番茄味淡淡地，個人喜歡濃味野，所以覺得佢唔夠味個雞排醃得幾入味，但缺點係太乾啦！！！仲有個芝士年糕，幾有芝士味，d芝士似係平時整cheese cake果隻cream cheese咁，唔差既！咖哩薯餅就真係一般般啦！普通薯餅加咖哩咁既味！侍應態度都幾好，只係味道差d!!!無下次！

本人真係好鍾意食烏冬，所以對烏冬要求都好高架，而甘味我覺得算係間水準唔錯既烏冬餐廳， 今次叫左鍋燒麵鼓湯牛肉鳥冬，普通肥牛，煮得耐左少少所以有點老同"鞋"，而且無咩味道，主要靠個麵鼓湯底啲味，特別喜歡旁邊啲海帶，麵鼓湯似普通即沖既味道，主角鳥冬，一如以往，非常煙韌，軟硬度適中，係烏冬達人最鍾意既口感。朋友人點了蕃茄燒雞扒烏冬，湯底好濃帶少少辣，雞扒另上所以個皮仲好crispy,鎖住啲肉汁，而且鳥冬既口感一樣好煙韌，亦都掛晒蕃茄湯，食落好香好夠味，等我下次麵叫蕃茄湯先！

睇戲之前嚟到apm朋友揀左嚟甘味食，仲同我推介左雞肉烏冬。湯底蕃茄味幾濃，唔係一般其他會比嘅羅宋湯。烏冬都幾彈牙，但唔算好出眾。另外點左一客雞軟骨，意外地大有驚喜。剛炸好的雞軟骨配上檸檬汁，味道非常好。相反飲品柑橘蜜則有待改善。

今日係公眾假期 周圍都好多人 上去睇下呢間甘味有冇位 點知難得唔洗等位呢間apm既甘味都幫親左幾次架la 唔錯 不過呢間冇壽司and刺身食 冇咁多選擇囉!今日食左呢款鳥冬 麵豉湯味道夠味 牛肉份量都唔少架 手打鳥冬當然好食la 好味道!店內既員工比較少 冇咩人招呼 埋單既速度都較慢 不過都會主動問你需唔需加茶 服務算唔錯

今日係APM頂層搵野食本身諗住打邊爐 點知實在太貴所以係頂層行左好耐最衰APM FOOD COURT裝修左D餐廳換曬所以行左好耐都唔知食乜好係6樓見到有間叫甘味既讚歧烏冬就決定試下因為覺得幾得意 同埋抱住呢間唔算多人排應該可以好快有位既心態下 就拎左NUMBER等叫位等左10分鐘左右 就有位了係觀塘泥講都算快個職員提左我地大約個半鐘要交枱睇左餐牌一陣都諗唔到食咩好因為見隔泥位個D麵唔算大最後叫左個二十穀米飯可能唔夠人手職員都好快好趕 做野有少少心急差D打瀉野等多左五,六分鐘之後就有得食個飯睇落唔大但個容量好深食左好耐都仲有味道都特別 因為有唔同既米飯係入邊咬落去時硬時軟 所以幾得意但可以多少少汁 因為食到尾個時 好似得白飯咁雖然服務同環境可能差少少但整體都算OK

第一次食飯食得咁嬲！第一 服務質素差 侍應個個面無表情  d餐賣曬黎通知個陣連「唔好意思」都冇句第二 個咖喱雞扒飯（5007）標榜有20穀 事實卻只有三穀 內含 90%白飯 7%雞扒（四舊）和3%的咖喱汁 搞到雞乾飯都乾 問佢拎多兜咖喱汁竟然仲好意思收錢 你個咖喱飯冇咖喱我都未叫你回水第三 嗌左個番茄讚岐烏冬配吉列豬扒（9100） 個豬扒入面竟然仲有雪水？！！ 咩事呀 真係第一次食得咁唔愉快 只可以話 呢間野係「不可一，不可再」。最可笑係 咁既服務態度仲要收你服務費 好意思嗎？

呢間位於APM六樓戲院旁邊嘅日式烏冬店可謂屹立不倒，歷久不衰。正當同一商場內嘅「和花亭」早已消聲匿跡之際，同期開張嘅「甘味讚岐手打烏冬」依舊客似雲來唔憂做。憑什麼呢？我唔知道。軟骨餃子棒－真係有軟骨，啖啖都咬到好爽口嘅軟骨，外皮煎得嚟唔熱氣，脆得嚟唔會吉親條痢，可以一試再試。雜錦讚歧手打烏冬－溫泉蛋生咗少少，椰菜西蘭花吸左湯味夠稔身亦清甜，老翻蟹柳不提也罷，竹輪燒仲有日式＠字魚蛋，都係果隻味道，無端端有一小塊急凍貨般雞肉，無助於挽救整碗烏冬嘅食味，炸蝦天婦羅粉漿太厚浸一陣就可以成層粉皮剝離蝦身，搭多幾片菇就成為一碗雜錦讚歧手打烏冬，我唔覺得得佢係好好食，但係唔算難食囉。鹽燒雞翼－任何入過廚房煮過嘢食嘅人都應該知道嘅雞類凍肉處理常識，唔係從醬料出發就係响醃料處入手，否則雪雞味會出哂事。呢個雞翼只响表皮落層鹽就想過骨未免很天真很傻，一咬之下除了鹹味就沒有雞肉鮮味，剩下的就係陣陣雪藏雞特有的嘅禽鳥味，本來畀翻多少肉汁睇吓係可以彌補過失，之但係果層雞肉係鞋口而乾爭爭嘅。

冬天氣溫咁低，我就會想食熱野啦特別係多湯、保溫又濕潤既食物……今次就黎到呢間好壞評語參半既讚岐手打烏冬專門店對上一次試到覺得都可以既烏冬底，已經係多年前既赤丸只係佢價錢越黎越貴，由學生消費變到係高級商場食堂咁而且朋友去開都話質素每況越下之後一直都冇試到讓人忍不住大啖快嚐既烏冬黑椒牛柳撈讚岐手打烏冬　$64雖然上到枱唔係好似餐牌圖片咁豐富咁多料但佢將食材同醬汁堆係中間一橫行，賣相又幾特別:^)牛柳粒首先係有牛肉香既，甜中帶鹹既燒汁冇掩蓋到牛肉味道肉質稔身不韌，都係偏熟偏老既，只係冇咩筋位又冇咩脂肪粒燒汁加入左黑椒，突出香氣，唔會太過嗆辣略嫌不夠稠身，醬汁難以黏附在烏冬之上烏冬粗身彈牙，味道沒有怪異既酸味可惜是未有麵香，份量亦真係細左少許，我就食多兩個都仲得xddd牛舌泡菜煱燒烏冬　$54凍既時候自然想食暖熱香辣食物去暖下身呢個烏冬就係用熱鍋上既，鍋身係會比普通膠碗保暖泡菜味道偏溫和，香辣微酸卻不嗆湯底味道算濃香，但不教人感到油膩過潤牛舌薄身但都保有少許水分有肉汁入口不老不韌，易嚼又有肉香烏冬都係同上述一樣，浸湯都冇發脹淋爛，只係呢個既份量就更加少了芝士蕃茄波　$38講真塊菜真係唔知想點-

$52 +1叫了一個烏冬,見佢蕃茄湯同幾多蔬菜好豐富所以叫。其實整體都好味，唯獨雞絲有好重雪味，佢有加啲蒜係面，如果來埋一齊食就無咁覺。不過以呢個價錢，係咪唔應該有呢個問題呢，因為吉野家個煎雞飯平佢一大截但無雪味囉。

星期日20:30兩個人去食，等位唔算耐,坐低即刻叫野食，叫招牌蕃茄牛柳粒烏冬~凍蕎麥面~燒魷魚筒!烏冬淋!湯冇蕃茄味，牛好彩有牛味!?但凍既!!蕎麥面個汁完全冇味，食完碗野覺得好健康!冇任何味道......魷魚筒話明燒?但又係凍既?又冇汁點!又係冇味!呢間食店係一個傳奇!?

唔洗等好開心~因為諗住入戲院前食.........都幾趕~所以啱啱好~美國燒牛肩蕎麥麵 ~　LEE個好正 ~ 入口啲牛肩好入味唔會因為湯底，而搶走牛肩都味道。所以我覺得相當唔錯o既選擇。下次我會試埋其他，炒雜菇~都算OK~不過可能唔我特別喜歡。