甘味讚岐手打烏冬 (已結業)

Their fried 'dor chun' fish was so so bad. As you can see from the photo the batter is sponge-like, I literally peeled off the sponge layer and ate the fish itself. I will say their fish was pretty fresh and didn't taste fishy or anything.The fried chicken katsu that came with the udon was so so DRY. Why  I will say, their udon is pretty bouncy but... I donn't think it's amazing either. 

出黎觀塘整完野， 行過apm就諗緊食咩好🤔見到甘味， 之前係屯門食過覺得吾錯就揀左喱間啦喱間就要自己寫紙落單😂喱杯所謂既柑桔蜜，難飲， 味道似oj溝水湯底略為淡，烏冬都係好味， （本人係烏冬愛好者） 😂蕃茄湯底濃郁，烏冬煙韌， 整體而言不錯👌

叫左lunch set個牛肉五穀飯等左九個字催左幾次都要九個字如果安靜咁等可能坐到晚餐時段先有侍應發現同跟進等咁耐如果好食又點話丫但牛肉唔係一般既咸係非常之咸我以為係咸牛肉呀個五穀飯隱約見到有幾粒紅米呀咁最易見到係飯立立令反哂光因為d飯好多油吉野家牛肉飯比依個仲好食好多

本身見到食評咁多喊喊，已經打咗底，諗住求其醫飽個肚就算，但估唔到佢可以難食個快餐店~前菜叫咗個胡麻豆腐，諗住毫無技術會冇死，但佢個豆腐唔滑都算，仲要唔係用日式胡麻醬，加埋啲炸蒜頭，味道同口感都唔討好!主菜叫個烏冬鍋，個湯底非常淡，現快餐店都比佢好食，而佢嘅主題手打烏冬亦都係非常平平無奇～最令人嬲嘅係叫個鰻魚飯套餐，跟餐有沙律同埋面鼓湯～之後上菜先知沙律原來係粟米粒，咁佢Menu應該就寫粟米粒啦，完全俾佢fake左！成晚稍為正常少少係鰻魚飯同埋面鼓湯～食完買單都唔知自己食咗啲乜，但兩個人都要二佰幾蚊，完全係性價比超低！轉頭同男友去咗隔離元氣再食過，對呢間餐廳得一個字：no re-call!

是日同奶奶係觀塘聽完產前講座已經9 點，鬼咁肚餓！ 諗住去apm 食完晚飯先回家，帶住老人家諗住又夜啦！食個日式烏冬濕濕地幾啦！ 等左幾分鐘就有位坐下來叫野！ 我地叫左個鐵板牛柳粒蕃茄湯讚岐手打烏冬$78， 汁燒牛肋骨讚岐手打烏冬$72同吉列咖哩薯餅$26！諗住價錢有番咁上下應該好好味！點知⋯以上都係同奶奶share 來食！蕃茄湯果個先到，眼見2-3 片鮮蕃茄，6-7 粒牛柳粒及炸蒜！ 我㚒左一碗仔烏冬來食，一入口傑傑地既蕃茄湯，茄膏湯還茄膏湯味，鮮茄還鮮茄！ 跟本2 隻味好似無煮過一起咁，而且茄膏湯對我來講太酸，唔好味！ 牛柳都味道一般，無乜牛肉味！ 吉列咖哩薯餅一上枱個咖哩汁就快整淋個薯餅！ 所以我都盡快食！ $26 個又細個又唔係做得特別好味！ 我覺得唔值囉！汁燒牛肋骨讚岐手打烏冬！ 同餐牌相一樣得3 片！我用左九牛二虎之牙力先咬到！我奶奶當然話咬唔開啦！ 果個都唔知乜野湯底來可以有色無味嫁！難食到我㚒起d 烏冬沾個咖哩薯餅果咖哩汁來食！話哂專登來食讚岐手打烏冬都抱有其望！ 點知同你係超市買既急凍讚岐烏冬無分別！總結：「 唔好食！超唔值！」

這裡的蕃茄湯底不單單只有鮮蕃茄，還加了一些蒜蓉，這讓酸酸甜甜的蕃茄湯底多了一層香味，很不錯。烏冬也很滑。配上美國牛扒也很不錯，牛扒軟軟的，味道也濃，與這特別的蕃茄湯底也很夾。

今日放lunch時間早，去左食呢間，我地兩個都要左青魚飯再加三文魚小食，呢個好味，青魚加埋檸檬汁 真係唔錯，其實食過其他餐廳既青魚，但呢間相當唔錯，會再黎食再加杯熱柚子蜜！

星期六晚上，間間餐廳都好多人，事但揀咗一間排。大概排咗20分鐘就入得。餐牌算好多選擇，餐廳推介烏冬同蕃茄湯底，所以分別叫咗個麵鼓燒雞扒蕃茄湯讚歧手打烏冬同埋冷蕎麥麵。首先個燒雞蕃茄烏冬，湯底傑身，唔會太稀，但對我黎講酸咗少少，烏冬彈牙。燒雞比較鞋口。另外冷蕎麥麵，非常失望。個冷面湯完全係無味嘅，諗住落多少少wasabi調下味啦，點知個waiter竟然話無晒囉。完全想像唔到一間日本餐廳竟然會話無晒wasabi。最正常係呢份唐揚墨魚嘴。炸粉鬆脆，食落去唔覺得油益味。整體黎講，有啲失望，應該無下次。

呢間甘味日式食過好幾次, 雖然唔算太好味, 不過勝在可以食到夠平既日式野.要左個芝士豬扒便當, 炸豬扒中間夾住芝士, 芝士味唔算勁, 黏口. 豬扒表層炸左但唔算太脆口, 唔油膩.便當最好仲有壽司, 正正常常味道, 刺身數片都算新鮮無怪味, 感覺還好. 個凍豆腐幾夠滑溜, 加左D胡麻醬, 幾開胃.

睇完戲後肚又開始餓起來，甘味烏冬位置正正戲院旁邊，十分方便！餐牌有很多不同種類的烏冬及小食飲品選擇～蟹柳雞肉烏冬 - 份量相對算多！蟹柳食落鮮甜滑溜，雞肉肉質不嚡頗嫩滑。烏冬尚算煙韌彈牙！雞軟骨炸得酥脆，食落脆卜卜而且夠熱！混合檸檬汁食更加美味～

老公約左朋友有嘢做，所以今晚就得我地兩母子去撐枱腳。我同小小豬都一樣唔太"好"食飯嘅人(我指出街食飯嘅時候)，所以最後我地就去甘味食讚岐烏冬呀~ 由於係星期六關係，我地都等左差唔多45分鐘先有位。原本我都打算去另一間食就算，不過小小豬極度堅持，所以最後我都陪佢齊齊等啦！等位等到極度肚餓，一坐低就即刻要ORDER啦~ 先嚟我嘅雜錦讚歧手打烏冬~ 烏冬都好爽口，而且都幾滑滑。不過啲餸就差左少少，基本上就只有嗰一隻天婦羅蝦，同埋幾片魚蛋，其他都只係菜，感覺麻麻地抵哦！小小豬嘅豬頸肉讚歧手打烏冬~ 依個有點比我預期中好，烏冬同我嗰碗都一樣好爽口，反而要讚一讚個豬頸肉，燒得入味得嚟又唔韌，小小豬一個人都食得晒整個餐呀~ 整體上食物味道可以接受，近近地都可以考慮再嚟呀，不過就一定要搵日平日嚟，我唔想再排45分鐘啦！

以前試過幾間甘味烏冬，都覺得湯底太淡。但另一友人說觀塘店好一點，作為食家的我又怎能不印證一下？我選了麵鼓雞番茄湯 (Kim子推介指數7/10)，餐牌寫是推介，希望不要令我失望。食物很快端到面前，先試一下湯底，今次果真濃很多，沒有漿口感覺，微酸且開胃！烏冬如以住有嚼勁，麵鼓雞味道算不錯，表皮煎得香脆，肉質嫩滑，可是沒麵鼓味，扣了一點點分。整體來說有進步，下次可以再來。

是日與朋友吃飯, 大家也不想太飽, 於是選來了手打烏東。 當日時間為早, 7時未夠, 叫號2張已到。Menu 食物也吸引。吉列豬排蕃茄湯讚岐手打烏東蕃茄湯存著濃郁蕃茄香, 味帶酸而黏口, 口感一流。 烏東彈牙, 順滑, 有咬勁, 掛上蕃茄湯很配。吉列豬排新鮮炸起, 豬排厚, 但少許乾身。 整體感覺很好, 蕃茄湯十分健康, 吉列豬排又很惹味。

午餐有8款選擇！有烏冬、拉麵同飯！我揀咗炸雞咖哩湯讚岐手打烏冬！嚟到呢度緊係要食讚岐手打烏冬啦！不過我等咗成二十分鐘個烏冬先嚟！好彩我唔係趕時間！炸雞個樣好似好靚、好香脆！點知........炸得過咗火，好乾身，好似食緊柴皮咁！味道方面我只係食到雪藏味同油膩味！至於個咖哩湯亦都只係聞到咖哩味，個湯好淺色同好薄身，應該只係用咖哩粉開水，因為D烏冬竟然係咁薄身嘅湯都可以染到咖哩色！讚岐手打烏冬煮嘅時間差少少，因為我頭一啖食落去都仲食到有麵粉嘅味道同比較硬身，等咗一陣浸吓個烏冬就好少少！仲有配菜方面都好奇怪，話哂讚岐手打烏冬聽落都似日本野，但係湯烏冬嘅配菜係用紅蘿蔔同西蘭花，用紅蘿蔔其實都可以，不過好少會切絲囉！餐飲熱檸水應該係全個SET最正常嘅野！

參加完朋友既演講會後，來到這裡醫肚。雖然過往經常到這裡食麵，沒覺得什麼，但是由於近日到過它的其他分店，那間分店服務非常差，因此少不免會對這裡有點偏見。但是，雖然同一品牌，但是不同分店卻有不同對待。這裡，服務態度簡直是超讚。服務員很快安排了一張2人枱，我要求多一張椅放手袋，她立刻答應，並即時走向那橦已疊起的椅子，帶了一張給我，並細心地把椅子放在一旁，令我不會覺得逼，而且她還有笑容掛在面上。這夜點了2碗麵和一個小食。麵鼓牛肉烏冬，麵鼓湯很香濃，卻又不會太鹹，牛肉薄薄又不會太肥，值得推介。銀雪魚撈烏冬，銀雪魚很大塊，沒有雪味有魚味，不過茄汁醬太多，難免搶了魚的味道。小食點了雞軟骨，新鮮即炸，上枱時仍是熱辣辣，香口好味，而且份量十足。用餐完，結帳後等找錢時，剛才那位服務員仍為我們加茶，很喜歡這店的服務態度。