瓜破菓子店 (Life@KCC)

营业中

休息中

After window shopping at the outlet nearby, I came here for dinner. I initially planned to try their cakes but I was attracted by their croissant set meal where you can try all 3 different flavors with a drink for $68.I tried their hojicha latte in the past and I decided to try their matcha latte this time. It was equally impressive and being very strong without turning bitter. Even without their totoro pattern, I am still impressed by this drink.Their croissant came and it was definitely not mi

因為有個鐘意食生果既小朋友，加上鐘意食士多啤梨既老公，研究左好耐老公生日蛋糕究竟揀邊間好，終於訂左瓜破既“莓”，之前係葵興返工一直都心思思想試瓜破既蛋糕架啦，完全無令我失望，老公大讚好食！不過我地一家2大1小，蛋糕份量就有點太大，我地分左2日先食得曬！我係經瓜破網站訂既，有得免費加生日牌，仲要個生日牌都好靚，很滿意！如果自己去門市攞，預先俾曬全數有95折，不過折扣其實唔算好大。佢都有得地鐵站取貨，雖然無折，但下次再訂蛋糕既話我會寧願地鐵站交收慳返d交通時間又唔駛特登出閘。

平時行過KCC已經見過呢間店, 一直都好想試吓佢哋嘅綠茶Tea Set。今日終於搵到綠茶腔的朋友一齊試試。綠茶🍵tea set 職員上菜嘅時候好有心機咁解釋每一件甜品（抹茶蛋捲、和果子、中餅、豆餅、芝士抹茶pancake等）對於喜歡食抹茶嘅朋友來講，呢個Tea set賣相係非常之吸引, 亦係打卡怪嘅選擇。最喜歡它的熊仔餅，睇得又食得嘅擺設令成個Tea Set增加美感。但係當真正入口嘅時候，抹茶味就差少少，唔係咁夠京都宇治抹茶嘅味道，比較偏甜，無左抹茶嘅苦澀同回甘味。 但要讚讚佢嘅綠茶蛋捲，入面嘅cream非常軟滑，亦有好濃的抹茶味。芝士抹茶pancake, 非常創新嘅抹茶甜品。 抹茶布甸亦不過不失。綠茶latte香濃嘅抹茶及牛奶🥛味融入口中，抹茶嘅苦澀味不及chacha 咁厲害， 對於綠茶腔來講，還有一點進步嘅空間。

食完個健康午餐想搵個地方坐底諗下野～經過幾次都冇幫襯過嘅瓜破菓子店，睇睇餐牌有野想試嘅！咁就坐低左啦～誰知道我比較想食個兩樣野都話冇…….心裡一沉😑乜都冇唔怪得冇人啦！好…咁揀個蛋糕食下..！闇$48主要係朱古力同朱古力既味道😂質感正正常常，朱古力味都算濃！中間有少少橘子嘅味道，如果呢個位多返少少，件事應該會吸引啲！整個唔算有什麼驚喜了～極上和束焙茶$38呢度呢一杯焙茶拿鐵…..唔夠熱、茶味唔夠濃只能說唔係我杯茶！

merry christmas to everyone🎄and this is the best cake I have had in this christmas!-👉🏻 乳酪紅絲絨蛋糕💲410好中意食red velvet但可惜香港好少食到好食嘅😕ladym個個我都覺得一般但呢個真係好食！用咗pistachio cream cheese 入面有朱古力cream同脆脆真係好夾 仲有啲酒浸cherry成件事好christmasy🥳🎄雖然過咗聖誕但都相推介下大家下次訂呢個蛋糕 真係好好食🥰〰️〰️〰️〰️〰️〰️〰️〰️〰️📍 @cake_cafe_uriwari 🔗#7eating甜品

每次去這小店，都有些小驚喜😊😊。早幾日專登去食下午茶，睇下有咩新出品，結果俾張龍貓抹茶相吸引住，叫左杯試下。抹茶隻龍貓雖不及原貌，但也非常可愛，差D唔捨得飲；又去睇下今期有咩特式蛋糕，結果就見到件全白既醬油蛋糕，表面真係唔多吸引，但"醬油" 呢個蛋糕名真係吸引左我，好特別，好奇下就決定試下味道。蛋糕表面全白，豆腐味但有點似雲呢嗱雪糕，因為本身都鍾意食雲呢嗱雪糕，佢又幾滑，唔錯；內藏了幾個層次囗味，有黑芝麻丶抹茶等，再有支小甜醬油可自由加上，好味兼非常特別。我幾次都去呢間分店，印象中佢在九龍有另一分店，有空去試試再比較一下😊。

朋友生日，蛋糕是必須。由於朋友們都係呢間店嘅忠粉，都試左好多款。個bump一擠係日本清酒，擠入去就會有陣酒味，上面嘅坑紋都非常靚。層次分明，底部是脆脆，但不是好脆那種，但勝在整個蛋糕唔甜唔膩，上面的是cream但不是油膩的感覺。食完都唔會有罪惡感。

我真係好無奈，特登早咁遠嚟到呢度想飲佢拉花，我相信好多人都係俾佢龍貓拉花吸引，杯野係幾好飲，幾濃郁，Keep住落去都OK嘅，但係我覺得你就算係冇拉花你都唔好咁hea,完全搞唔掂😅事原就係我嗌左一杯啦坐低期待緊佢會比龍貓定係熊仔我，等咗5-10分鐘之後杯野出到嚟係咁樣，問咗店員店員話而家冇，咁我就心諗你係冇就轉Menu唔好喺度唔到人啦⋯⋯見到呢個拉花（？）真係唔嬲就怪啦。好失望，完全唔知講咩好….

瓜破菓子店 (葵涌)葵涌葵昌路72-76號活@KCC 4樓409號舖一直聽過瓜破大名～終於有機會坐低即場試 (唔係外賣呀!)😆花HANA 🌺 $44櫻桃酒慕絲、74%朱古力忌廉、雜莓果醬、海棉蛋糕個人認為櫻桃酒味唔重，相比起，朱古力忌廉同雜莓果醬重味好多，更似主角～而且兩者味道互相好夾！ 朱古力忌廉好似真係食緊74%半溶朱古力咁濃郁😋雜莓果醬亦唔會過酸過甜～海綿蛋糕，入口非常軟綿綿，回彈性強！🤩呢樣真係完全估唔到！！海綿蛋糕完全無受mousse或忌廉或果jam影響而變濕變扁！又無受雪櫃冷藏的影響而變硬變乾！😍食到最後的蛋糕底，唔知點解食到有少少香蕉蓉的甜味～😳🤔總結：海綿蛋糕好出色，有驚喜！外觀靚！一件有幾種味道層次😋好食！但好細件🙈

呢間小店走日系風啲蛋糕好靚！唔只有件裝，仲有磅裝好適合做生日蛋糕有得加錢送貨（好似港九新界都送）蛍 Hotaru $50(From官網：半熟芝士蛋糕 x 雜莓果醬 x 北海道中沢忌廉 x 杏仁曲奇撻底)9.5分呢個絕對係我最喜愛芝士蛋糕！佢好濃芝士味，但唔會好膩配埋酸酸甜甜既果醬，令個蛋糕唔會淨係得死甜好多時焗餅都會有較實/較乾身既問題，但佢完全冇事佢超香滑，而且好濕潤！睇官網話係因為用左日本芝士同日本忌廉，分2日焗，所以做到咁既效果我真心勁想入去做，偷佢食譜！因為同平時食既真係有分別！我係一啖又一啖咁食到停唔到口！一 ichi $46(From官網：可可蜜糖 x 法國產黑朱古力牛奶朱古力忌廉 x 焦糖白朱古力忌廉)7分因為我超鍾意朱古力，再加上佢芝士蛋糕咁出色，所以對呢個蛋糕好高期望但可惜食完之後有少少失望呢個蛋糕係幾好味既，但冇好驚豔既感覺朱古力味濃，但蛋糕整體偏甜我唔係好食得出描述入面個三種味道同質感只係食到佢地混合埋一齊個種甜味如果我成功混入間餐廳，我都唔會偷呢個食譜

成日都好苦惱生日蛋糕食咩好連鎖又好多唔食得 酒店又好遙遠 ig shop又貴到唔係好合理真係揀間黃店 又正常價錢嘅蛋糕 都唔係咁容易千揀萬揀嘅蛋糕桃 momo $318山形縣白桃慕絲 x 伯爵紅茶慕絲 x 山形縣白桃坦白講🤫唔係好食到白桃味伯爵紅茶都唔係好食得出不過蛋糕好有果香味感覺好清新 食落完全唔會膩面頭啲cream好滑 又唔太甜 啖啖都好有層次 overall嚟講 係唔錯嘅有機會去會堂食啊.....如果面頭係白桃🍑而唔係士多啤梨就更加好啦🥺

難得去葵涌做嘢，完成後搵間cafe抖抖，估唔到依家葵芳有個food court，除咗大路少少嘅連鎖店，仲有間叫「瓜破」嘅小店。深啡色木有吧檯位，似足日本咖啡店風格，勾起興趣坐低試試。記得 #瓜破 之前只係網店，朋友有讚過佢哋嘅出品好食，估唔到未食到蛋糕反而去咗cafe先。這裡設有堂食坐位，主要提供甜食和咖啡，本身只係打算飲杯咖啡，但見到有個迷你牛角包套餐，三個迷你牛角包加飲品，當食下午茶。迷你牛角包套餐 $68本身有3款口味，不過抹茶味賣哂，所以要兩個焙茶和一個玄米茶。店員覺將牛角包翻熱再唧入醬，上桌時賣相都精緻，影相出嚟都靚。外皮尚算鬆脆，餡料都食得到茶味，不過嫌甜咗少少，如果可以減少少甜就好，整體可以一試。極上和束焙茶拿鐵選用京都和東產焙茶，茶味和奶味好balance，唔會搶到對方風頭，茶味有回甘，呷一口再嘗一口麵包，享受悠閑感。堂食以外，店內尚有少許現貨蛋糕供應，可以買走返屋企慢慢歎。

麴醬油日本豆乳慕絲芝麻慕絲抹茶布朗尼見人地話食過後念念不忙，話加埋醬油仲好食，不得了咁話🤣所以即使唔太好芝麻都要試試佢😝首先個豆乳慕絲好濃豆香，好creamy ,好綿滑😌中間有芝麻慕絲，好香濃。底層有抹茶布朗尼，但層brownie比較薄，而且偏濕少少。三樣野加埋好match ，好正🤤而附送既醬油加左落去個味又完全唔一樣，會比醬油搶左個味，令成件cake 偏鹹。所以個人覺得唔加醬油版本係最正的😋

葵興日式Cafe — 瓜破菓子店🌿一口氣買咗三款蛋糕同朋友開心share，每款甜品都有一個好別緻嘅日文名。🍰「花」賣相最靚，「結」食落最fresh。雖然細細件，但每件甜品嘅層次係豐富嘅。我覺得「花」個朱古力餡味道太甜太搶，蓋過晒櫻桃酒味。「W」個樣都好夏日，食落超creamy，好似食緊New York cheese cake咁🧀，面頭嗰一小瓣甘夏蜜柑就偏酸。🥺 可能我口味比較傳統啲！？都係日式卷蛋比呢類蛋糕啱我心水 🙈.花： （櫻桃酒慕絲+74%朱古力忌廉+海綿蛋糕）結 ：（柚子慕絲+咖啡朱古力+榛子蛋糕）W：（甘夏蜜柑+流心芝士 +半熟芝士+高知柚子）

很𝚘𝚙𝚎𝚗的店面 只有幾個位置～而且都是開放式 路過的人都會看到你用餐的節奏🤣看見買走蛋糕的人比較多呢！抹茶尽し　$𝟷𝟸𝟾𝙲𝚛𝚎𝚊𝚖是蠻滑的面頭的抹茶水饅頭真的抹茶味超濃郁～不過我自己就覺得個蛋糕稍為立口左小小無想像中咁鬆軟～不過呢個價錢真係貴左小小極上宇治抹茶拿鐵 $𝟹𝟾採用丸久小山園的抹茶！入口香濃也夠滑！極上和東焙茶拿鐵 $𝟹𝟾採用京都和東屋焙茶 茶香和回甘也十足～不過就稍為甜左少少🤏🏻