瓏門冰室 (已結業)

掃黃系列又再一次出現喇, 今次般黎到呢黃到發金, 無人不知曉既黃店💛 呢間黃店既食物十分足料, 而且價錢抵食, 絕對要黎幫襯多啲😌 我地大概晏就3點鐘去到, 開頭都怕要排隊, 不過自從佢搬左舖位之後餐廳變得更寬敞, 所以唔洗等位就直接入到去lu👍🏽 食物既選擇十分之多, 搞到我都唔知揀咩好😂 最後就揀左最抵食既常餐✌🏽常餐(下午茶時段$40) 有一碗粉, 淨係跟粉既餸都有十款俾你揀🍜 一份厚多士, 有4款醬選擇🍞 一份omelette, 有4款餡料選擇🍳同埋一杯熱飲☕️ 呢個餐既份量絕對會食到你捧住個肚走🤰🏾我揀左炸醬豬頸肉米線, 啲炸醬融曬落個湯度, 所以個湯底係好惹味😂 有大量半肥瘦既豬頸肉, 同埋爽滑既米線🍜 厚多士就揀左煉奶, 佢既厚多士係好厚既果款白麵包, 烘到個外皮香脆, 配埋我揀既大大份吞拿魚芝士omelette, 鹹鹹甜甜好正😌 另外同行既人就揀左鹹牛肉芝士omelette 同埋最出名既黑松露磨菇芝omelette, 兩款一切開啲餡都爆曬出黎, 真係好正🤤 飲品我覺得佢既奶茶係我飲過最重茶味既奶茶, 十分驚喜另外仲叫左一個甜豉油豬扒炒烏冬🐷($37) 呢個係下午茶餐既m

好耐冇嚟過龍門冰室除咗多咗好多手足嘅手作仔之外，仲有消毒用品、曲奇餅仲多咗好多香港poster，裝修都唔同左☺️由港式冰室變咗有啲西餐廳嘅味道原來餐牌都變咗西餐😯😯😯等我仲諗住嚟再食瑞士雞翼麵添唔緊要，當試吓新嘢叫咗一份大蝦意粉，egg Benedict，薯條整體質素唔錯，但可能仲係未夠純熟Egg Benedict唔夠鹹 自己加返少少鹽就好啦👌🏻👌🏻Drink list整到咁好難叫人唔試wor😂😂😂夠熱飲番杯沙冰解解暑🍹

黃店一定要大大力支持！呢間位於尖沙咀嘅龍門冰室地點方便，就喺金馬倫道嘅地舖，而且入面好大間感覺比較寬頻，坐得舒服。入面心態選擇多多，但係價錢唔算貴，係正常一間茶餐廳嘅價錢，而且有好多唔同嘅配搭，有選擇困難症！粟米汁煎龍利柳飯（$52）佢個粟米汁都幾cream，味道比較濃郁同埋甜，而且佢個龍利柳size好大，如果女仔有機會食唔晒。麻辣豬頸肉米線（$45）佢呢個麻辣味都幾突出，唔算好香，表面比較多人，所以食嘅時候要小心啲唔好彈到件衫，比較值得推介係佢個豬頸肉真係好爽口而且唔會過鹹，都幾推介呢間餐廳嘅豬頸肉類食品。Green Tea Latte鮮奶綠茶咖啡 （+ $ 3）Hazelnut Latte榛子鮮奶咖啡兩款不同嘅咖啡，都好特別，但係唔使話特別加好多錢，味道都OK啦！不過不失！不過相信西餐部門嗰邊會更專業！咸牛炒蛋（+ $ 14）呢個真係超好食，好似係玉子燒嗰種，中間好滑，而且咸牛肉嘅比例適中，一定要試！沙爹牛（+ $ 7）朋友話味道好特別，我就覺得有啲似牛肉乾嘅味，好唔好食見仁見智啦～練奶多士（+ $ 7）當時都幾厚，而且表面香脆，煉奶份量都足夠，如果想食埋包可以加幾蚊就有。呢度啲嘢

我地兩個今日放工後食晚飯時間行過尖沙咀，經過龍門就入去支持一下。疫情下佢地都好細心為客人提供紙袋袋口罩，好方便又衛生佢哋晚飯有唔少意粉同飯款的配搭都好新穎，好似我們叫咗蜜糖雞翼配焗卡邦尼豬扒意粉，同埋咖喱牛肉拼炸帶子飯。兩個餐都有餐湯送，另一個仲有多士。 羅宋湯味道好濃，好多雜菜。加埋多士一齊好夾。多士有牛油香，都好香脆。意粉上枱嘅時候非常之熱，好香濃嘅白汁味，賣相好吸引。雞翼香口，豬扒都好大份好林，意粉配合埋醬汁都幾好味。牛肉份量好多, 一啖肉一啖飯加埋咖喱汁都幾好食。佢地嘅咖喱汁比較重花生醬味，似沙爹。熱朱古力幾香濃熱檸蜜幾好味, 有好多檸檬片喺裏面另外佢地餐牌上都有好多特別飲品，下次再來再試。

最近經過龍門，才發現原本的龍門冰室改裝成Café, 還頂下了旁邊的鋪位更名爲”瓏門“冰室。店名鋪位雖改，但初衷依舊，從它貼滿内内外外的海報就能得知。店鋪位置比之前更寬闊，員工換上了黃色制服夠sharp醒，而且當客人進門或離開都會大聲打招呼，服務態度更勝從前，非常喜見黃店不停進步。這晚放工實在太餓，和男友各自點了一份鐵板餐，還追加了一份蜜糖鷄翼，準備大快朵頤。星級雜扒份量極多，牛扒鷄扒不能少，還有煙三文魚和紐倫堡腸；醬汁選龍蝦汁，純粹覺得感覺更矜貴。羊架併香草腸,羊架帶微微騷味，但不影響整體味道，而肉質一點也不鞋身是抵讚的。每份鐵板餐還附送蜆肉忌廉餐湯。蜜糖鷄翼一份有6隻，以價錢而言算是抵食。

頭先食咗光榮， 仲有個fd後join, 諗住行陣落格之後食甜品~見到龍門隔離有間瓏門， 試業中， 見佢有沙冰食， 個後join fd又有嘢食， 就呢間啦~我地差唔多9 點入坐， 諗住叫沙冰。。。。 點知。。。。 賣晒， 冇冰. 不過唔緊要， 飲嘢都ok~ 我叫咗fruit punch, 自從N年前冇唱k之後， 都冇飲過~ 但fd叫咗個mousse cake, passionate fruit味， 甜咗d, 不過食到熱情果嘅酸就啱啱balance到， 都ok~ 佢原來張塾卡有字， 食到見到都幾好~ 都有d心思個fd食嘅飲嘅都唔錯。 都可以平時嚟食

今日來咗尖沙嘴消費，當然要支持下！之前見其他分店都好多人支持，所以一直都未來試下，今日終於都有機會啦！由於疫情關係好多人都少出街食，或者只係屋企附近食就算！今日去到真係勁少人！望住個餐牌一陣，真係太多選擇，唔知揀咩好😂最後揀左個有望落好吸引玉子燒嘅常餐，有個麵食+奶醬多士+玉子燒+嘢飲，份量都唔少！本身今日都無點食過嘢，應該係好肚餓嘅，但佢嘅份量真係太滿足啦！份玉子燒一切開好似漏煤氣咁嘅味🤣，因為我揀咗黑松露雜菌芝士玉子燒，黑松露味十足！加埋大大隻菇，正👍🏻另外揀左個快餐 蔥油雞扒撈丁，個汁分開上，好貼心，可以自己調教撈丁嘅咸淡！塊雞扒又嫩滑，味道又唔會太濃！加埋個蔥油更加香！

終於黎試下黃到金既餐廳，店內門宣貼得好靚仲有memo紙比客人留低字句。食物大力推介忌廉煙三文魚牛油果貝果，但個日賣曬轉左做牛角酥更合我心意，牛角酥好大個而且煙三文魚同牛油果都鋪滿曬裏面，超級足料，每啖都食到忌廉三文魚同牛油果既味道，拌碟有生菜火箭菜沙律好fresh。主菜點左大蝦意粉，好香濃的蕃茄醬味，配有黃椒紅椒，大蝦口感爽彈，質感比較硬實，意粉亦都煮得恰好。飲品就推出vitamin c沙冰(三萬thanks) ，有曬橙，檸檬同西袖味，又爽又冰涼，正！

陪同事去尖沙咀買嘢，之後揾地方食晚餐，剛好看到龍門冰室，記得以前在分店食過，食物抵食又好味，一於與同事入去開餐。鐵板美式雜扒(豬扒、雞扒、腸仔、煙肉、煎蛋)黑椒汁，跟意粉，包餐湯和飲品。餐湯是creamy的忌廉湯。鐵板雜扒熱騰騰上桌，份量十足，大大塊雞扒和豬扒煎至金黃色，肉質細嫩，更有流心太陽蛋、腸仔、煙肉好豐富，跟薯菜或飯或意粉，我選擇意粉。數款醬汁中我最喜歡香濃的黑椒汁，辣辣地好惹味！咸檸檬七喜味道咸中帶微酸，好解渴。玉子燒常餐：又是很多選擇，選了五香肉丁麵，麵質爽口，五香肉丁帶辣好好味。吞拿魚芝士，滑溜的蛋包裹著足料的吞拿魚和芝士，口感creamy又美味。奶油多香口甜美。紅豆冰，紅豆夠林又夠甜，飲落好有奶香味！叫了一些小食，蜜糖雞翼，雞翼炸至金黃色，淋左D蜜糖係面，皮脆肉嫩有甜味！薯蓉焗青口，大大隻半殼青口，上面鋪滿薯蓉和芝士焗微焦，薯蓉滑溜配青口美味可口。

黃店 💛 #龍門 #龍門冰室 #尖沙咀🟡 多次出post及於節目上表明立場🟡 自2019年9月起推出免費香港人加油餐比學生🟡 多次捐助星火基金🟡 老闆於2019年11月入理大煮飯比抗爭者食最近有啲人傳關於龍門冰室嘅傳言，老闆都一一解答咗。喺我心目中，龍門老闆係數一數二有良知嘅黃店老闆。身為一個foodie點可以唔試吓呢？今日收工我就去咗尖沙咀排隊食一次啦😆🥩🍣 星級雜扒鐵板餐 （$105）雜扒包括有雞扒同西冷牛扒，兩樣嘅成熟度都啱啱好，一啲都唔會韌或者老，係鮮嫩嘅肉，西冷扒係未熟透嘅，入面見到好靚嘅紅色😚 而且兩塊扒唔會太肥、唔多脂肪，女仔都唔洗咁驚，雞肉更加係皮薄肉厚🤤以為呢個係普通雜扒餐你就錯啦！除咗兩塊扒，呢個餐仲有英式腸、煙三文魚同兩粒炸帶子！炸帶子超好食，外面炸到好鬆脆，但帶子嘅味道又可以保留到🤤 三文魚份量都超有誠意！卷起咗一大塊！英式腸有兩條，一咬開佢啲肉汁係會彈出黎嘅🤤 正！🌽 餐湯：粟米湯首先上嘅係粟米湯，我一飲就已經驚艷到，完全同連登仔女講嘅唔同🙊 個湯好creamy又好多料，明知自己姇唔嘥啲嘢我都飲曬個湯🙈👍🏻🍹 奶茶紅豆冰我由細到大都勁鍾意飲紅豆冰，但溝埋奶茶其

龍門冰室向來係排隊店，早前抗疫期間少咗人出街先有機會食但店內仲係好多人食龍門早餐價錢都公道，聽啲人講食物質素可圈可點我當日去食又唔錯喎，唔通係睇彩數？3.6特濃牛乳芝士玉子常餐 $40多士好厚身，配花生醬，入口好重花生醬香，好濃郁而炒蛋同普通茶記唔同，炒蛋似玉子燒幾特別用牛奶嘅炒蛋係滑溜啲，加入芝士更香基本上食完多士同炒蛋之後，都有少少飽肚感再食碗鮮茄濃湯牛肉通粉，湯底有蕃茄同茄膏，仲有薯仔等湯底幾足料同飲得蔥油雞扒炸蝦飯 $55碟頭飯份量都唔少，雞扒煎過幾香口上面有蔥油，雞肉幾軟腍炸蝦有3條，都唔算細，好彩炸粉唔多炸起外層金黃色，入口輕脆，蝦肉都爽口，唔會梅梅哋

今日去尖沙咀行街，食野，當然要去香港人必食既餐廳，龍門冰室啦，要排隊都要食呀👍🏻入到餐廳，店員即刻幫我地度體溫，帶我地去坐低，再為我地通常餐牌，服務不錯👍🏻我地一行3個人，叫左三個餐同2個小食😋豬扒包，麵包香脆可口，豬扒亦吾會太硬，配上蕃茄，健康又美味👍🏻椒鹽雞翼，新鮮熱辣，表面加上椒鹽粉，味道濃郁，作為小食配菜，一流😘芝士焗西蘭花，係即叫即做。上菜時熱辣辣，西蘭花比濃濃嘅芝士包圍，保持西蘭花嘅熱度，入口除咗西蘭花嘅香味，亦有芝士嘅味道，非常好味。爵士西冷扒配香草腸，鐵板非常熱，加上醬汁，非常鑊氣。西冷扒軟硬度適中，配上薯菜，份外開胃。升級雜扒鐵板餐，加上黑椒汁，非常嘢未。入邊有牛扒，雞扒，炸帶子同埋煙三文魚。兩塊扒都非常大塊，認真抵食，牛扒同雞扒煮到剛剛好唔會太熟，配上黑椒汁，非常野味👍🏻炸帶子亦都香脆可口，如果有埋沙律醬，會更加好味。總括來講龍門冰室，價廉物美，非常抵食，作為香港人，一定要去支持。

12點到還早唔使排隊，叫了英式全日早餐，性價比不俗，麥包嘅多士心理上減邪惡感 (可選牛角包)，茄汁豆有整熱要贊，最怕凍嘅; 生菜加了日式芝麻沙拉汁味道唔錯; 還有腸煙肉菇菇蕃茄仔炒蛋薯餅，夠晒飽，下次試素版。我唔特別喜愛咖啡冇港式奶茶，叫了杯暖水。老板可考慮提供龍門奶茶嗎？咁會吸引多啲奶茶人嚟幫襯。😀

慶祝三日零確診同老婆出街食飯。依段時間要揀餐廳梗係要揀一間乾淨企理，有埋消毒酒精搓手液又有口罩袋供應嘅餐廳先至食得安心。餐牌選擇好多，呢樣又想食嗰樣又想食揀咗好耐先揀到落手。我諗龍門最招牌嘅就係港式出前一丁。有茶餐沙爹果一款，有芝士撈，又有薑蔥撈丁，仲有鑊氣嘅鐵板抄出前一丁。足量芝士撈丁。出前一丁份量好多，唔似得出邊得一少執。多到芝士汁唔多夠，舉手追加芝士汁再撈埋就好鬼正。至正係流心鹹牛肉玉子，認真推介必試！ 鹹牛肉玉子配埋奶油多，絕配！ 鑊氣十足鐵板炒公仔麵本來以為得兩粒，食食吓total有成五六粒。蝦仁脆口彈牙，炒麵係香港特色，my favourite. 黑松露薯條大讚! 餐廳應該用咗氣炸鍋，薯條香口一啲都唔油膩。沙律醬入邊陣陣黑松露味，有驚喜。蜜糖雞翼好似炸雞翼一樣，鬆脆又有甜甜蜜香味。 口痕的話，可以一試。

今日專程黎食香港人既冰室，價錢合理，份量十足，由於時間尚早未開始見到人龍，即刻拎位入去食，快快脆脆點餐食完讓番個位俾其他人😁💛。仲有紙袋、消毒酒精、消毒搓手液俾食客使用。🥩雜扒餐💲85份量十足，有雞扒、豬扒、火腿、腸仔、蛋、粟米粒，蕃茄汁同一大碗飯既份量。雞扒好嫩滑，仲juicy添😳，豬扒就少少鞋口，但可接受，粟米粒都甜甜地的，飯既質感有待改善，不過以85蚊黎講真係勁抵食！！🥚咸牛肉炒蛋＋💲14(跟餐)蛋炒得好嫩滑，同咸牛肉一齊好夾😋。🥦黑松露芝士焗西蘭花💲50性格比好高，比出面餐廳份量都要多，師傅一啲都唔手軟，黑松露遍布每棵西蘭花，仲落左好多磨菇，芝士亦都鋪得滿滿💕。Mocha＋💲3(跟餐)咖啡味好香濃，有朱古力味，都幾大杯。紅豆冰＋💲7(跟餐)紅豆蓉好香甜好綿密😍，飲落甜度岩岩好。