瓏門冰室 (已結業)

係尖沙咀果頭行完街想食個快餐。就諗起龍門了。地理位置好方便。入到去地方好大，2人有得坐卡位。通常茶記就冇乜服務可言啦，但佢地都算有。叫左沙爹牛麵配玉子燒。仲有多士同野飲，都只係$40蚊，性價比好高，又足料。沙爹牛麵就正常水平不過不失；玉子燒簡左咸牛肉，肉多過蛋；凍檸茶仲有4片檸檬，認真小見。絕對會再幫襯！唯一缺點就係冷氣好大，d野食好快就凍左，呢方面可以改善。*店家仲有口罩袋提供，唔洗怕口罩冇地方放，非常貼心

今日專登去TST試吓龍門跟米芝蓮大師合作嘅午市套餐😁 午市套餐每日都會有更改 今日個餐牌我揀咗香蒜牛油雞扒意粉 餐湯係薯仔洋蔥湯地方: 距離地鐵站5算遠 直行幾分鐘就到 舖面算大👍清潔: OK 冇大問題 唯一係將餐具放哂係一個盒內 依家疫情関係 有D唔太衛生 不過好多餐廳都係咁做😓服務: OK 員工算礼貌 香港食店通常都係咁上下 冇黑口黑面已經算好😂食品: 首先係薯仔洋蔥湯 原來係原包熱上😲 都好嘅 夠衛生😁 不過size比較細 味道較清淡 因為唔係罐頭味精湯 所以千奇5好同出面茶餐廳相比😅 至於主菜香蒜牛油雞扒意粉就好好味👍👍 首先塊雞扒上面有層牛油芝士咁 熱騰騰好香口好夠味 可以食多塊就好喇😂 而意粉係用幼身Angel Hair 係我至愛🤩 因為粗身意粉有時好似食麵粉落肚咁 所以不嬲都麻麻 唯獨呢隻幼身嘅就好鍾意🍝 意粉都係用蒜香牛油煮嘅 但係就少咗落鹽 变咗太淡 唯一覺得要跟進👆 總括以$68食呢個套餐係👍👍👍 係網上買米芝蓮大師嘅食品 剩係湯包閒閒地就要由正價$60-$70起跳😂😂

第一次來到位置在尖沙嘴的瓏門冰室， 原來它們有和一般港式餐廳不同的破格新意： All day breakfast ，而且超足料，有大牛油冬菇、炒滑蛋、煙三文魚、煙肉等經典配料，再配餐湯、沙律和飲品！而我個人都好欣賞另一餐是黑松露雜菌芝士玉子燒！ 黑松露配上厚厚豐富的雜菌，無得輸！另外流心芝腿西多士配蕃茄牛通粉、飲品我選北海道3.6牛奶都係我喜歡的！瓏門冰室尖沙咀金馬倫道34-36A福橋大廈地下A及B舖#瓏門冰室

茄汁焗雞扒飯 $55茄味芝士味不夠濃，蛋炒飯做底，雞扒大塊厚肉，略有雪藏味。咖喱豬扒撈丁 $54味道正常，豬扒有脆邊，但有點乾身，咖喱汁同出前一丁份量足，咖喱汁可以更香辣。。📍連飲品，價錢合理，奶茶叫左少甜都略甜但香滑既。📍隔離開左間LUNG MUN，以西餐為主既小cafe。📍無大家講到咁差，整體正常，只係冇驚喜。

同朋友出去尖沙咀買嘢，到咗食飯時候，因為我們都比較喜歡吃茶餐廳，所以去咗龍門冰室，餐廳食物好味又唔貴。鐵板美式雜扒，豬扒、雞扒、腸仔、煙肉、煎蛋，跟薯菜。大大份用熱辣辣鐵板盛載上枱，揀咗黑椒汁，豬扒雞扒大塊厚肉，煎到金黃色好香口，加埋黑椒汁，辣辣哋又香又好味。餐湯creamy,鹹檸七解喝。玉子燒常餐：有好多不同配搭，揀咗吞拿魚芝士玉子燒、雪菜肉絲米粉、奶油多、紅豆冰。蛋包住餡料吞拿魚和芝士，蛋香兼嫩滑，吞拿魚加入芝士，creamy又美味！晚餐亦有，其中星洲炒米都唔錯，夠穫氣，足料又夠惹味，配料有义燒、蝦仁、蛋絲、洋蔥等，米粉爽口彈身，充滿咖喱香味。奉送餐湯、多士。奶茶紅豆冰，奶茶茶味香濃，紅豆煮得夠淋身，仲唔會過份甜。

今晚去咗金馬倫道《龍門冰室》， 作為一間冰室， 食物絕對合格有餘兼且有驚喜～除了基本量度體溫， 成枱都放滿消毒酒精，搓手液， 有些還是自家品牌， 仲有信封畀你裝住除低嘅口罩， 唔係淨係得告示標語， 仲有實際行動👍👍俾食客。奶茶紅豆冰配合甜甜嘅紅豆蓉， 茶味甘香， 感覺放少咗奶， 所以整體味道恰到好處， 茶味和紅豆互相平衡！鐵板鰻魚汁大蝦球炒出前一丁晚餐$70鐵板出品特別吸引， 特別爆炒到好香嘅洋蔥，仲有芽菜，蔥， 分量也很有睇頭， 炒麵成個山咁高～！ 出前一丁麵質冇被炒到好腍， 醬汁均勻沾滿麺條， 超惹味！ 大蝦就比較乾一點 ，並不特別鮮甜， 相信主角還是炒丁麵～咸檸七夏天飲特別醒神冰涼，又中和七喜嘅甜味， 啱啱好！鹹牛肉牛乳玉子燒因為見到圖片嘅咸牛炒蛋， 忍唔住加錢叫咗一客， 都怕會太多吃不完。 炒得好香嘅蛋包住咸牛肉， 貌似日式玉子料理。 炒蛋鬆軟有蛋香， 包住的鹹牛肉又滑又香， 超美味！跟餐嚟多一塊厚厚的牛油多士， 配上炒蛋， 簡單用心做 都係絕佳嘅美食！！紐西蘭羊架拼香草腸晚餐$105 熱辣辣鐵板加上燒汁～ 香氣撲鼻。 紐西蘭羊扒外皮煎得脆脆的， 香口惹味 ，冇羊羶味。 香草腸

趕係5點半前入座仲食到個下午茶！叫左百撘下午茶！炸薯條配滷水雞髀！薯條份量好多，仲係波浪薯條！雞髀都幾入味。西多士大大個，係連鎖店嘅double。兩個人食連凍飲先75蚊，抵呀。每枱仲有一枝酒精搓手液，夠闊綽！

已經有二個月無食過瓏門啦！有好多新評都講過 瓏門d食物水準下降！經過老闆一番努力後，我再去瓏門試試。今日叫左個糧尾餐！$38先講凍奶茶 今次飲得出有茶味 進步好大！出前一丁又唔會太林 蛋又唔會一patpat 豬扒口感好好翻食指數

經過尖沙咀...冇理由未幫襯過🤟🏻午餐menu 周不時都會轉換下，黎迎合大眾既口味😋 （真係好吸引架）性價比都唔差👍-Lunch只係$55‼️有餐湯同配一杯熱飲☕️好濃郁既羅宋湯，雞扒煎得香又滑，仲夠晒大塊👍炸蝦香脆🍤整體份量足夠～味道滿意😋P.S. 仲開咗一間分店係餐廳隔離，不過暫時主要集中用嚟比大家購買防疫物資☺️

前牌實在太多人，好難得見到今次唔使排隊終於可以入去幫襯啦～下午茶時間，梗係叫下啲輕食啦，見到隔離枱個西多士勁厚就照板煮碗叫咗嚟食，等咗都唔使10分鐘就有得食啦，西多士真係幾厚，同時間唔會好油，平時食嘅西多士好容易一切開嘅時候就勁油，呢度整得啱啱好如果可以多啲煉奶咁就最好啦，recommend this nice restaurant to my friend , will be come here again next time~

經過尖沙咀 緊係要試下好出名既龍門冰室啦一直都聽人講好食 但今次都係第一次試 果然名不虛傳！同朋友叫咗兩個餐share嚟食其中一個係 黑椒香蒜牛排拼炸蝦 揀咗燒汁 配薯菜 跟餐湯同一杯野飲 $90跟既係羅宋湯 甜酸恰恰好唔會太重味精 而且幾足料 係幾開胃到個鐵板餐 見到牛排都幾大塊同埋炸蝦都有4隻味道方面食物撈埋照燒汁好出色 好夾 好惹味牛排好juicy好嫰 唔會話好老好孩烚烚咁炸蝦都好啖啖肉唔會太厚炸粉總體嚟講$90有咁多野食都係好抵食 性價比超高另外我地叫咗個玉子燒常餐我地揀咗吞拿魚芝士玉子燒 真係好食到不得了極度推薦呢個玉子燒 裡面好重餡料 吞拿魚同芝士一齊食簡直無得輸！蛋又滑 食完想再食多份！仲跟一個雜菇米線好多菇米線份量適當 而且個湯好好飲 冰室嚟講真係超水準兩個人食咗$144 但比美得上好多貴價餐廳而且店員服務態度好好 我地落單好慢佢都唔會躁 走既時候仲會提客人要拎口罩！推推推🤩🤩🤩

簡單晚餐食港式餐廳，「瓏門」肯定係大熱選擇。尖沙咀店店舖相當大，坐得舒服鬆動。最欣賞「瓏門」餐牌選擇極度客製化😛常餐內容想豐富啲咩？跟餐蛋轉炒蛋白、多士轉奶醬奶油多、加扒等等等等，都可以隨意搭配😌。黑松露炒蛋多士 ($38)••••••幾驚喜！黑松露同蛋絕對係perfect match！黑松露比得大方，一啖咬落去香氣直衝鼻腔口腔🤪多士最緊要夠熱，瓏門做到👍🏻脆而不焦，麵包厚身存在感高。炒蛋火喉處理同樣到位，柔綿軟滑帶少少蛋汁，不致全熟過老，高分😋星級雜扒 ($105)-龍蝦汁、薯菜-西冷扒、雞扒、英式腸、煙三文魚、炸帶子••••••鐵板扒餐上枱已經心心眼😍有無咁大份啊！龍蝦汁淋落鐵板上滋滋聲🤤香味傳到隔離枱都聞到望過嚟🤣西冷扒、雞扒大塊好厚，肉質不死實。煙三文魚仲好有心思整成花花狀🤣英式腸煎到表面焦香亦都唔錯。除左海量嘅香脆粗薯條，伴碟仲有蕃茄、西蘭花、甜粟米🥰，真係大滿足啊。另外跟餐羅宋湯幾高質喎，唔會稀到水狀，有椰菜薯仔蘿包好足料。甜豉油撈丁 ($65)-太陽蛋、餐肉、沙嗲牛肉、豬頸肉••••••又一貪心系列😜實在樣樣都想食，太難選擇下就嗌左咁多餸。甜豉油撈丁，豉油分開上可以隨自己

糧尾時候又到，自然keep住去茶餐廳冰室揾野食，<龍門冰室>今次又成為月尾飯堂之一，完全合乎抵食又好食，價格又親民嘅元素，所以今晚又來開餐啦!!~茶餐廳都算多人，不過餐廳既卡位夠闊落，吾會好迫。餐廳亦有供應消毒搓手液及口罩信封用來放口罩，十分窩心。今晚我地試左兩個餐<玉子燒常餐>:咸牛肉芝士奄列配奶醬多沙爹牛肉麵龍鳳檸樂<紅燒汁鮑魚仔茶餐>:鮑魚烏冬配3.6北海道牛乳炒蛋，配脆豬包鮮奶咖啡夠濃夠香滑咸牛肉芝士奄列: 咸牛肉同芝士餡料都好多，炒蛋亦煎得夠滑好好味。主角鮑魚烏冬，足足有5隻小鮑魚，鮑魚有匙羹左右咁上下大，鮑魚入口好腍好滑，咬落去肉質夠彈牙，帶有少少鮑魚汁既鮮味，配烏冬味道不錯。呢個鮑魚麵常餐，都衹係$60蚊，就比足5隻鮑魚仔你，糧尾既日子都可以嘆下鮑魚常餐，真心推薦呀！我地另外仲加左蜜糖雞翼、煎龍利柳同炸雞髀，每樣跟餐都係加十幾蚊，價錢平之餘，水準亦不錯。蜜糖雞翼炸得皮脆，仲有甜甜蜜糖味道。煎龍脷柳沒有煎得過火，煎得香脆肉嫩。炸雞髀炸得皮夠薄夠脆，雞肉夠嫩滑，入口啖啖肉。芝士肉醬焗薯條是焗得比較腍身的，芝士同肉醬嘅味道非常濃郁

龍門冰室喺香港有好多分店 基本上自己一個人唔知食乜好 我都會去龍門冰室 貪佢多選擇 價錢又唔貴餐牌內嘅食物款式包羅萬有 天天來都不易吃厭 特點便是「大件抵食」！奄列雞扒意粉$58 凍奶茶加$3奄列唔會煎得太老 中間仲有蛋汁 好juicy 入口夠滑 而且好香蛋味雞扒非常香口惹味 雞皮雖然好肥 但係由於太脆嘅關係我都忍唔住要食 雞扒非常嫩口 一啲都唔乾 好大塊意粉軟硬度適中 分量真係超多的 加埋餐廳自家製嘅黑椒汁 濃味又惹味 辣辣地越食越開胃無論食扒餐或者意粉/飯都好 本人非常推介這裏的黑椒汁 基本上每次都係食黑椒汁 一試難忘…… 當然仲有其他汁選擇啦 例如龍蝦汁/蒜蓉汁，其實我對龍蝦汁都有啲興趣 下次有機會試下先雖然係凍飲 但茶味仍然香濃 奶味剛好 好欣賞餐廳用呢隻銀杯 完全可以保存飲品溫度 keep住凍 非常好喝的一杯港式奶茶西多士$33金黃香脆的外層 內裡夾著花生醬 塗上奶油加糖漿 實在太美味了 麵包鬆軟 炸得乾身不油膩 大大支糖漿放喺隔離 鍾意落幾多就落幾多 真心推介呢到嘅西多士 就算幾飽都好 都是我每次必點的食咁多嘢一百蚊有找 真係抵到爛 一間茶餐廳大鑊好評係有原因的 雖然物價

作為常餐控，幾乎一星期都會去幾次茶餐廳食常餐，而龍門係我的口袋餐廳之一。呢個常餐真係好多選擇，每次都要諗一陣先決定食乜，今次叫咗芝士吞拿魚玉子燒、吉列豬、五香肉丁出前一丁。份量多，每次都食到好飽，而且用料十足，特別係個玉子燒啲料多到跌出嚟，唔係一般茶餐廳每樣俾少少咁，我覺得呢個份量嚟講算抵食架!