瓏門冰室 (已結業)

琴晚放工去左尖沙咀搵朋友食飯，我地去左龍門冰室；餐廳環境好大，由於系疫症期間，餐廳提供左口罩袋，消毒酒精等讓食客用。羅宋湯：味道酸酸甜甜，令我地更加開胃～鮮茄焗魚柳意粉：外觀上吾會焗到黑蚊蚊，當中有兩塊魚柳，外面脆口而入面滑口。由鮮茄來焗，味道甜中帶少少酸，令人愈食愈開胃；至於意粉，個人覺得份量偏少，但口感滑口又吾易斷。食物質素相當有改善，大家不仿一食！吉列魚柳拼脆雞翼(黑椒汁配薯菜)：吉列魚柳相當大塊，朋友大讚；魚柳外面好脆口，雖然是吉列，但吾會覺得油膩，魚柳入面同樣滑口，配合黑椒汁令整體味道更加惹味又香口；另有脆雞翼，雞翼吾會好乾身。薯菜份量也很多，薯條即叫即炸，令溫度依然熱熱。乾炒牛河：份量幾大份，河粉滑口，夠晒穫氣！但個人認為牛河比較油膩點啊～而牛肉片吾鞋口，牛味香口。黑松露薯條：薯條即叫即炸，上枱時仲系熱辣辣的。而旁邊既黑松露幾香口。紅豆冰：紅豆冰既奶味較重，紅豆吾算好多。

放假其中一個指定節目當然係鬆一鬆，來個港式下午茶吉列豬扒+Q版肉醬意粉，真係夠晒放鬆😂服務生一拎埋黎，對眼大左成倍，因為真係好大份，連隔離台剛到既食客都忍唔住問我依份係乜野餐👀吉列豬扒大過塊面，即叫即炸，夠晒脆口。炸粉唔算好厚，就算砌完都唔會脆皮同豬扒分開晒，而且豬扒都好厚切，用料十足！肉醬意粉🍝唔好睇小佢叫Q版，一d都唔少，焗到面層既芝士同肉醬熔埋一齊，伴混意粉一齊食，不過肉醬加多少少咸會更佳😉大大份tea，加埋熱飲都係$36，真係良心價💛，好抵食👍

搞唔掂呢間龍門真係超難食！！黃店又如何！都唔可以整到咁難食架！一開始已經聽到話後欄有人蛇王，無人整野食，啲野食飲品要等成半個鐘，睇完蘋果新聞試下佢有冇改進啦，點知個芝士撈丁味道依然奇怪，芝士汁冇芝士味，似白汁，仲要係凍既，上枱瓊左成層係面，公仔麵又硬得濟，雞軟骨又係凍既，講明要原味都係咖哩味，叫佢reheat都仲係凍既，又係瓊左層脂肪係上面，仲要雞軟骨又唔脆，一pat又淋又凍，好嘔心，仲要叫乜冇乜，落單個陣樣樣都要問廚房有冇，我地最少揀左6樣野係賣曬，menu咁多款有乜用，都冇得食又難食，失望至極！

去撐黃店但夏天咁熱想先食個涼啲既主菜，點左個班尼迪蛋超級豐富，一上枱嚇親，面頭先有隻好靚既流心蛋，一拮開啲蛋漿流落去令每層都有蛋味好creamy，每樣餡料份量都好多，包括有煙三文魚，咸火腿同火箭菜，最底層係微烘既漢堡包，一啖咬落去有齊曬咁多種味道同時又可以互相配搭，蔬菜同三文魚夠新鮮。凍朱古力好好飲，通常個啲好淡味，呢杯有好濃郁既朱古力味，飲到落最底都仲好夠甜味，正啊。炸雞翼好好味，外皮炸得香脆而且肉質又滑嫩，依然濕潤，讚👍

味道中規中矩好簡單普通既一餐飯雞翼熱辣辣煎起係好食既但意粉就炒得油左少少同埋味道好淡可能平時食開既意粉都有番茄醬、黑松露醬、卡邦尼忌廉醬等等所以炒意粉就覺得有少少淡而無味沙嗲鮮牛肉米粉既牛肉份量算好多，至少十幾塊果條玉子燒又厚又大條，其實似奄列多d蛋味唔夠香，如果可以做到半生熟軟滑d就更加出色--整體而言，小編覺得味道一般，但價錢係抵食既！

今晚同朋友食出名既黃店龍門，佢地最近出左新menu有串燒食就緊係要試下，有幾款唔同醬汁包括沙嗲，蒜汁同照燒汁，我地揀左沙嗲汁，花生醬味都幾足夠，而且比好多醬，包保每串都一定有味，雞軟骨每串起碼有8粒，雞肉同豬肉既肉質都幾滑，好易咬，唔洗扯到牙崩，仲有蒜蓉燒茄子好惹味，因為我好中意食蒜泥，茄子亦都煮得夠淋所以好入味，至於蒜蓉燒扇貝都好好味，扇貝幾大粒，飲品則推薦紅豆冰少冰多奶，有好多紅豆食大大粒，多奶所以就甜啲好飲啲，即使啲冰融左都唔怕淡啦！

一入到去坐低， 枱面上已經放左一支消毒酒精， 一大支消毒gel，仲有一疊口罩紙袋隨便用，整間餐廳企企理理👍講返個常餐先， 我點左炸菜豬頸肉米線，黑松露雜菌芝士玉子燒，再配煉奶厚多士米線似係銀絲米粉質感，豬頸肉都好入味，炸菜可以再辣少少就完美。玉子燒好有heart，蛋唔會overcook，有好多芝士，十分足料😍呢間可以encore🤩

在銅鑼灣成日經過龍門冰室也好多人排隊，今日出開尖沙咀，記得也有間龍門冰室，於是去試吓，平日三點三度，果然無咩人，叫了三個3.6北海通牛乳炒蛋玉子燒餐，落order的職員應該新來，不太熟，不過有禮，而且我們問佢拎水時也細心問要滾水定溫水👍🏻，但出餐的時間有啲耐，等了約半小時也只上了三杯嘢飲，本身諗住佢有貼住話試業中，人手不足，我們又唔太趕時間，於是就等下，但坐我後面個女食客好好人，睇到我哋啲餐未上，幫我們問，可能佢知這店可能比較易出錯，因為佢叫個餐也上錯了🙈，最後發現原來漏了單🙈差唔多4點啲餐終於上晒，碗湯麵裝到好滿，叫了蕃茄牛，也多牛肉，但有啲有筋，咬唔到，個玉子燒熱辣辣，味道尚算ok，價錢$40，價錢ok，份量也充足，整體ok.

今日難得約好耐冇見既朋友食飯, 佢提起龍門冰室。 剛開始有些猶疑, 因龍門風聞太差, 不少人都話難食。 但朋友都係想試, 而且今日都係值得記念既日子, 所以就決定大膽試下。黎到龍門, 時間仲早, 唔係太多人。 測體溫, 一般防疫工作做得好齊, 侍應們都好熱心恩勤招待客人。 感覺好滿意。 餐牌, 熱水, 餐具, 都主動提供。餐牌好多選擇, 我們最後點左:蜜糖雞翼。 好入味, 有點BBQ的感覺。歐陸滋味餐: 吉列豬扒, 炒蛋, 厚多士, 凍檸茶。 出乎意料的大份, 吉列豬扒夠脆，唔油, 炒蛋好綿滑, 厚多士鬆軟, 連檸茶都好啱味, 唔太苦澀。傳說中難飲的熱奶茶, 真係可以幫佢平反。 茶膽入味，奶, 茶撞得剛剛好, 連凍左都唔會難飲。睇，多士幾鬆軟連最易出事的芝士磨菇焗西蘭花都做得好好味。 西蘭花唔會過稔, 芝士味唔會太搶同太咸。 食起黎以為會好漏既, 結果係搶住食晒。今次龍門冰室真係可以除去污名, 希望佢可以越做越好。 加油

Is was a busy day, start from 8:00 only have a fast breakfast and have 3 meeting until 4:00. I’m staving I’m staving this word start happen in to my mind🤪I come here to support a bit ~ I have order a 花生醬西多士, the presentation under the Camera was perfect . Not only the outlook also the quality is good !! If they can have more 煉奶could be perfect

龍門冰室出左名對手足好有心，係尖沙咀黎講價錢又平，最重要係好好食！一個餐都係40幾蚊包埋飲品，真係好難得。慣性黎呢到會叫五香肉丁米線，今日唔知點解好想食出前一丁，所以加左4蚊；好中意龍門選擇好多，唔同整法都有，我就食番最普通既太陽蛋，想健康啲既有烚蛋，另外多士都有好多醬簡，我最愛油醬多都有！最怕出面啲常餐淨係牛油，好dry我唔中意！價錢好合理，食過好多次質素都保持到水準。幫襯黃色經濟圈，慳到錢又滿足到個胃，真係一舉三得！

💛次次經過都大排長龍，今次終於試到💛每張枱都有提供清毒搓手液、一次性紙袋放口罩、清毒酒精，仲要平民價錢！.▪️玉子燒常餐 $48 黑松露雜菌芝士炒蛋 / 沙爹牛肉丁 / 奶醬多士 / 熱O黑松露味好重，而且入面既菇係多到漏出黎。沙爹牛上個陣店員俾左兩包料我，睇真d，原來係調味粉同麻油，真係第一次見出前一丁d調味料係另上o...多士配熱檸水，加埋沙爹牛！Classic茶記，唔係講笑，啲份量真係非一般咁大

今日在龍門吃飯，餐廳的間隔不錯，桌與桌保持一定距離，而且距離近的檯全部都有透明膠板。每檯都提供自助口罩袋、消毒酒精等衛生用品。餐廳不用時段有不同餐牌，每時段都有不同菜式，有不同配搭，價錢也合宜。⭐️魚柳鮮茄汁$48魚柳炸得非常脆，不過較刺口，魚肉柔嫩，海量的番茄汁也有一塊番茄，作為午餐一定吃得飽。⭐️3.6特濃牛乳芝士玉子常餐$48這個餐很豐富，有各種不同的麵和小菜。我選擇了雪菜肉絲湯米粉、吞拿魚芝士玉子燒和花生醬多士。這個配搭有點新奇。我很喜歡雪菜肉絲湯米粉，很好吃。吞拿魚芝士玉子燒，玉子包著吞拿魚醬和芝士，吞拿魚醬很多，但我覺得吞拿魚和玉子的味道不算很配。⭐️黑松露芝士焗菌西蘭花濃濃的黑松露芝士很巷，加上雜菌，令普通的西蘭花錦上添花，健康美味。⭐️凍檸蜜⭐️熱檸水

前排同友人一齊去尖沙咀既龍門冰室。可能因為黃店的關係(當然要支持下)，晚飯時間人流都幾多。我就叫左一個美國黑椒牛排拼炸蝦鐵板餐，另外加左個蜜糖雞翼。牛排都幾大份，店家雖然無問我要幾多成熟，但出到黎肉質都可以，介乎係5成到7成中間。炸蝦就一般貨色，都係粉比較多，反而係配上的珍珠飯，令我有D驚喜。小食方面，蜜糖雞翼份量都幾多，有成7-8隻，自己一個基本人無咩可能食得晒，不過份量多，味道就還好。另外叫左個紅豆冰，諗住話晒特飲應該都有番咁上下size，點知就得好小，作為紅豆冰fans就有D失望。但overall食物水準都ok。

星期五晚,我和女朋友二人放工後來到位於尖沙咀的龍門冰室。晚飯時間，餐廳生意都十分熱鬧，差不多8、9成位置已經坐滿。不知道是否人太多的關係，服務員未有為我們做帶位的服務，只是叫我們自行找位坐低。今晚我們一人叫了一個主菜配小食，再加飲品。女朋友叫了尊專海鮮鐵板餐; 魚柳都頗為大條，帶子雖講不上新鮮，但肉質都幾滿意。青口同蝦就稍為遜色。值得一提的是餐廳獨有的龍蝦汁，味道偏淡，不過就較其他餐廳的黑椒汁等特別。 整體來講,食物份量都幾多，不過服務就有待改善。