影片
有关奖赏计划
食家推介
招牌菜
睇到IG话出咗新点心菜单，趁去开西九又试试，同咗店员讲想试下新点心，即场咗推介藤椒雕鱼饺 (3/$68)🥟同黑麻石狮子(2/$58)🦁️，藤椒雕鱼饺虽然同松子珍菌外型一样，都系金箔皮，但味道上就好唔同，麻麻辣辣🌶️的口感，加上鱼肉香味，十分惹味！黑麻石狮子造型好可爱😍，似十足大猫银行门口对石狮子咁！味道就冇咩特别，有啲似芝麻卷，但可以好似布甸咁腾腾震。其他就唔详述啦，可以睇我之前嘅食评，都有食过璟珑轩
继续阅读
之前经过璟珑楼一次，知道呢间酒楼比海景包围，景观好正。今日就同屋企人一齐去饮茶。我地14:30左右到，酒楼大概两成枱坐满。因为窗口位都俾人坐晒，所以职员安排咗我哋坐其他位。我哋坐低咗2分钟，就见到窗口位有人埋单，所以要求想转过去。职员好愕然，支支吾吾，然后问完同事就安排左。我地叫左几笼点心。望住个海景食嘢真系几舒服。金汤金鱼饺 $88卖相非常吸引和精致。食落普通。个皮好厚，入面系虾饺馅，个金汤系南瓜汁。呢款点心系热卖推荐之一，嚟到都值得试吓。鲜人参汤虾饺$28 见佢有个优惠价就叫黎试下。其实个饺都系一粒虾饺，无咩特别。但个汤有惊喜，真系有人心嘅甘甜👍🏻性价比唔错，推荐～ 紫薯天鹅酥$68黑天鹅外表已经好靓。个酥都做得好出色，入口唔油腻，而且系层层分明，非常松化。入面嘅紫薯系天然嘅紫薯甜味，冇加糖嘅死甜。呢个系非常推荐。（但系个天鹅头应该系食唔到😂好硬，咬唔开）芹香萝卜丝酥 $68个酥都系做得非常之出色，层层分明，非常松化。摆盘都系好精致。金丝鳗鱼烧卖$88就系普通烧卖上面加咗一旧鳗鱼，不过不失～A4和牛生煎包 $78其实就系普通生煎包。食唔出系和牛😂最特别系成个煎pan再加埋啲洋葱上。香芒金露 $58系一个比较杰同无西柚嘅杨枝甘露，味道都唔错～ 相思鲜奶冻（双皮奶）$58双皮奶上面系一啲类似爆珠嘅粒粒。呢啲粒粒入面都包住咗一粒红豆，几特别。双皮奶有啲甜，但入口都系几滑。讲多少少服务质素，因为呢间酒楼都唔算平，本身预佢会有少少嘅服务质素。呢度虽然唔多客人，但职员嘅人手好少，要叫人过黎其实都唔太容易。而且，侍应每次上菜后，唔系同你讲菜名，而叫你：「趁热食」。我个人感觉有啲啲烦，内心OS:「我咪已经食紧啰。」🙂成餐饭都无咩服务质素可言。最后两个人食咗$704。总括黎讲，环境、摆盘系不错。但食物质素和服务同呢个价钱就有啲距离。问心𠮶句，个景几靓，但试一次就可以，应该未必会再食多次～
继续阅读
故宫博物馆⋯只会谂起历史,中国文化,原来4楼有间中菜厅-璟珑轩,环境好开扬⋯呈L 形,无柱,270度维港海景,点心选择都好多,有特别手工菜,前菜琥珀合桃,等一阵就有点心到,有金鱼饺(好似南瓜汁做汤底),鲍鱼烧卖,红米肠粉,雪茄蟹肉春卷(用烟灰缸装饰好特别)萝卜千丝酥(好脆),妃子笑(外型好似荔枝,紫薯蓉好似有点怪有阵薄荷味唔通系头顶块装饰薄荷叶)西班牙黑豚叉烧(有点冻,有点肥筋)酥炸鱿鱼须(有点厚粉),最后甜品燕窝莲蓉炖鲜奶,整体来讲,服务一流,环境一流,可以慢慢品尝食物,愉快的一天,
继续阅读
第二次嚟呢度食饭,上次得2个人食得好少野,今次叫多个朋友 所以可以食多少少野今次D野依然都系好食!!松子珍菌,晶莹剔透皮好簿,个馅都几丰富,啖啖都系料鲍鱼烧卖,大大粒 ,鲍鱼唔会好韧金桔蜜烧鹅皇,皮好脆 肉唔鞋,甜甜地几好食一旧接一旧拔丝菠萝黑豚肉,酸酸甜甜~最钟意食既一道菜!! 烤过嘅菠萝好好好好好食!!佢个皮好脆,不过觉得入面肉既调味唔系好够.炒菜心正常野大桔包,造型几QQ,入面奶黄好香好浓,好正 好似食紧甜品咁XD加埋个景正野系好食既!环境舒服!景又超靓!!但都仲有啲小地方可以改善~例如上菜速度可以再快DD~侍应嘅态度可以再热情主动啲不过都系推荐大家黎试下既~~~望住个景食饭好开心~~
继续阅读
天气晴朗，对住靓景食晏本应心情愉快，但系𠮶度嘅服务质素令我以后宁愿买外卖坐喺草地食都唔会再帮衬。门口知客婶婶挂住玩电话，头也不抬，亦唔bother打招呼。我哋之后被带到窗边位置，咁啱喺正入单机隔离，经理伙记们经常聚集喺𠮶度训话同bxxxx about客人，声量不低。我哋其中一个item落单后等咗30分钟都未出现，我向一个操乡音嘅经理婶婶查询，佢自顾自通过对讲机讲咗5分钟嘢，飞番张单喺我枱面然后话等等，服务仲衰过屋村酒楼。
继续阅读