瑞記咖啡

营业中

休息中

早上下大雨，爸爸提議再到瑞記，一嚐生滾牛肉麵。坐下，伯伯今天有點燥，是壞天氣的關係？用來抹檯的布也有點'up'味；是次坐在渠旁，更突然殺出一隻小曱甴，嚇死我。不過到瑞記，都不會介意環境問題了吧。爸叫了生滾牛蛋麵，試了一塊牛肉，彈牙有肉味，不錯；樽仔奶茶，是上次的味道，雖然茶身有點薄削，但整體是不錯的，加上有伯伯洗樽入樽的誠意搭救嘛；媽媽是次轉飲熱奶茶，平常飲慣奶茶不落糖的她表示太甜，如果同好此道者記住同伯伯講一聲，否則他會幫你先落甜的。蛋牛飽，伯伯又切成三份，但爸依舊不吃，算數。之前特意提醒不要走蔥，但依然無蔥，是伯伯的堅持還是他忘記了？無論如何，炒蛋新鮮滾熱辣，比上次的沒那麼熟，剛剛好，軟滑而不會硬。雖然有點散，吃起來有點狼狽，炒蛋更跌落我的褲子上，但味道是更好的。埋單五十八，便宜又美味。走的時候伯伯笑容重現，和剛才帶惡的表情很不同呢，前者charm好多。又發現原來是要走到廚房與伯伯直接落單的，我們剛才還叫了伯伯出來寫單呢，真失禮，難怪他燥底了。

經過尋日嘅星巴克體驗，我對港式食物嘅心癮又一次重燃-畢竟係香港人嘛。咁岩爸爸早上有事要出中環可以一齊食早餐，我就提議去試下上環市政-傳說中嘅瑞記玉泉樽仔奶茶同蛋牛飽。上環市政熟食中心其實唔細，重有好多各式其式嘅茶檔，相反我地目標要去嘅瑞記檔仔細細又縮埋右邊，如果唔係個瑞記嘅招牌我地會完全locate唔到間鋪。坐低，見到客人唔多並以街坊客居多，伯伯同應該係friend底嘅客吹水；我地一場黎到，無理由唔試下佢嘅奶茶同蛋牛飽，就同媽媽兩枝加一個share。爸爸鐘意玩另類，叫左熱咖啡同奶油多，我地都無佢咁好氣。飲品好快地由笑臉迎人嘅伯伯送上；吸一啖樽仔奶茶，係無金鳳嘅咁濃咁full咁令人感動（我第一次飲到差啲流淚），但味道好平衡，唔會一味死甜，同埋因為無冰嘅關係唔會越飲越淡，其實係不錯嘅，如果金鳳嘅有九／十分，瑞記嘅都值八分架。不過爸爸話佢杯熱啡普通，無他嘅，鬼叫你係都叫熱唔叫樽仔version試下！之後奶油多先到，觀其形感覺不錯，又夠厚，下次一定要試試；之後突然聽到打蛋聲，應該係伯伯度整我地個飽！再等多兩分鐘，新鮮滾熱辣嘅蛋牛飽都上埋，伯伯重好細心咁切左做三份俾我地share，只可惜我爹死都

3月28日, 久聞瑞記大名, 今日終於抽到空來一嘗老字號, 見到佢牆上嘅餐牌, 就知道有幾懷舊, 而原來有d食物喺餐牌上見唔到, 包括最受歡迎內含蔥花嘅蛋牛包~::: 蔥花蛋牛包 ::: $9黎食嘅最主要原因都係佢, 冇理由唔試~ 果然蛋牛餡料內加咗蔥花香咗好多, 因為屋企煮餸成日會加蔥, 所以蛋牛同蔥花一齊煎好有住家菜嘅味道~ 蛋又唔會煎得好乾, 有d似炒蛋, 一咬落去仲會有蛋汁標出黎~ 而麵包係用熱狗包, 微微煎過所以表皮脆, 內裏軟熟~ 整體味道十分好, 唯一彈嘅係可能鑊冇乜點清洗, 以致煎出黎嘅蔥花蛋牛黐咗d鑊屎…::: 油占多 ::: $6牛油搽得略欠唔夠均勻, 仲有一pat pat喺多士上面… 但係果占就幾惹味, 多士亦烘得唔夠脆, 呢件多士只係中規中矩~::: 凍奶茶 ::: $11凍奶茶係用玉泉忌廉樽裝住, 非常特別呀! 由於樽身都幾殘同埋樽口有d鐵鏽漬, 有d人會嫌污糟而接受唔到, 不過我地就覺得幾懷舊同有創意~ 而佢地都係用雪櫃冰住, 所以凍奶茶唔駛加冰, 唔會溝稀, 奶味非常濃郁! 有d蓋過咗茶味, 不過都幾好飲~以前就喺大排檔食到又平又好味嘅野, 而家只有喺熟食

一直想來試樽仔奶茶已很久,第一次因舖位太細,行了一個圈也沒發現在趕時間下的情況下唯有放棄,第ニ次晚上來原來早已關門.第三次來終於試到,牆上餐牌寫著的都是一些簡單的公仔麵及三文治多士類,這次目的是凍奶茶外亦多點了一客蛋牛包.凍奶茶----雪得夠冰凍,喝起來很順喉!奶及茶味平衡甜味適中,絕對比那間又用冰鎮又用膠杯的店舖來得環保及味道出色.蛋牛包----八吋熱狗飽烘得外脆內軟,餡料有煎香的咸牛肉再混合雞蛋及蔥花同炒,蛋炒得熟了一點但吃起來依然頗滑身,很快已吃完一個,下次再來一定會要求加多點蔥花!健談阿伯臉容常常也是笑嘻嘻的,就是喜歡這裡看來簡單的食物,每款食物也是有用心機去做.吃起來就多了一份欣賞的味道.與其某些店叫人Everyday去的新世代,不斷加價和花大量金錢去賣廣告,倒不如像這裡多花點心機去提高食物質素吧!

平時我好少去香港區. 今次男友話帶我去上環街市食好野...吒一間叫做 "瑞記咖啡".....個 look 好舊式...禾相信一定好好味嘅 嘩....佢地啲餐肉麵好食. 啲麵唔會煮到好林 佢地啲樽仔咖啡奶茶都 so good 最後當然麵要一個餐旦包 2 份啦....wakaka

當然點了出名的冰鎮奶茶用玉泉樽裝,挺特別!雪得夠凍,茶味夠又唔會好甜~滑溜順喉!另點了餐蛋麵用上出前一丁,不過不失啦~呢度家庭式經營,有一種街坊的感覺!食物雖說不上特別好吃,但吃那一份人情味,已足夠!而老伯伯十分之親切,會再來的!

saw this stall getting good reviews on open rice.first visited in the afternoon, but already closed. had 蛋牛包 and 凍奶茶 for breakfast 蛋牛包 is very tasty, the bun is very nice. corned beef and egg is a good match. confirming the good review in open rice.like it so much, that i came back the very next day to have breakfast again before leaving hk.the boss is real friendly and sincere, which you can really feel it.knowing that i could had order the wrong food, he even reminds me the different between 治

二月下旬最近食肆變動真不少，約了老師傅傾兩句，落場的時候來這裡吃個下午茶，談談近況。甫坐下未想到吃什麼，老闆就笑呵呵的推介冰鎮奶茶，雖然對奶類敏感，但偶一為之也是可以的，畢竟老伯伯盛情難卻麻。轉熱了，這支冰涼的奶茶風味殊不錯，奶滑茶香，由於無加冰，茶味就更濃，雖然幾甜，不過也好喝，$10左右一支，幾抵飲的。老師傅的豬仔包看來也不錯，閒聊小半區鐘，希望一些資料能幫到忙。走前看到老伯伯的孫兒在做功課，是間幾有人情味小店。

平日下午3時來到, 估唔到都幾多人, 差不多全部坐滿, 市政大廈的環境麻麻, 瑞記d檯仲要係渠上面, 又撞正已經過左食飯時段, 有d食肆係度清潔, 又有d人係度洗地, 一桶桶食剩的飯菜碗碟係你面前推過, 少d定力都想嘔 老實講衛生程度真係幾惡劣我同老婆一人一樽名物玉泉奶茶( $11), 玉泉樽雪得好凍, 顏色偏淡, 飲落去果然夠冰涼, 都算順喉, 但係茶味不香不濃, 比不上灣仔金鳳, 可能期望太高, 有d失望所有食物都係即叫即整, 夠晒新鮮, 我地叫左蛋牛包 ($9), 因為開始時只得老伯一個係度煮, 所以都等左成15分鐘, 趕時間就麻煩啦!! 芝麻麵包係交來的, 但係都係烘過才送上, 咬落去都幾軟熟, 但係偏甜, 蛋同咸碎牛的份量比例幾好, 蛋炒得比較熟, 加上蔥粒都幾好味另叫了西多士試下($15), 呢度的西多士係煎, 而唔似茶餐廳咁係炸的, 所以無咁熱氣同食得健康d, 但係佢地無搽花生醬係兩塊麵包中間, 所以味道比較淡, 不過卻加左煉奶來代替糖漿, 食落去幾得意同好味整體食物新鮮但無甚特別, 衛生亦差, 其實係食老伯幾十年來默默耕耘, 努力經營的精神, 行開呢區梗係上來支持下,

黎呢到我一定叫1) 樽庄奶茶 (試過咖啡Version好'閔'水)2) 蔥咸牛肉炒旦飽3) 旦牛麵呢間野應該家庭式經營, 非常有親切感, 唔會流水作業咁趕客, 不過樽奶茶就真係跌哂Watt, 淡Mao Mao. 蔥咸牛肉炒旦飽, 熱狗飽, 小小脆, 一貫水準; 旦牛麵, 丁麵底, 煮得好Al Dente , 牛肉滑嘟嘟, 唔會'la'到冇哂味 希望樽奶茶有所改善la

今天早上有事來到上環，就來試試傳說中的蛋牛飽。一清早熟食中心沒甚麼人，老伯伯很快就弄好了我的蛋牛飽，可惜走了蔥。新鮮弄好的食物是一定好吃的，但沒有驚為天人的感覺。不幸的是，旁邊的食店正在為一天的繁忙做準備－－洗菜切肉。因此空氣中瀰漫著濃烈的生肉味在這空氣下進餐可不是個好體驗。鑑於環境衛生，下次還是外帶好了．．

知道這間的奶茶挺特別，所以來試一下，結論是不過不失，但仍有一試的價值。

一日中午來到上環，想起在openrice看到上環街市裡有間賣「玉泉奶茶」的茶記，便行入街市尋下。正是中午，整個街市熟食中心旺場得煙霧瀰漫，但也不難尋到一兩個空桌。點左蛋牛治和馳名的樽裝凍奶茶，奶茶上得好快，蛋牛治就要等陣。蛋牛治：印象中係冇蔥，味道一般般，但多士就特別d係比較厚身，同一般茶記薄薄的不同。凍奶茶：原本以為只係噱頭ge樽裝凍奶茶，意外地鍾意。除卻樽裝不會讓奶茶被冰塊稀釋的好處，佢ge奶茶飲得出茶味卻不會太苦澀，有奶香卻不會像在許多茶記般飲到太濃的淡奶味。對那一樽凍奶茶難忘，幾天後又再去，點左西多士同凍奶茶，奶茶還是一樣的好味。西多士：兩片多士加埋煉奶，裝在傳統的小碟子上，熱辣辣的又香甜又好味，真是難忘的滋味，以西多士來講好似也算比較不油膩的。埋單凍奶茶加西多士要25蚊，凍奶茶加蛋牛治也要二十幾蚊，不算太便宜，街市的環境也麻麻，但亞伯笑口笑面，食物也用心，是會讓人掛住的一間店。

久聞瑞記的蛋牛包很出名, 今天下午便來一試, 一心來試蛋牛包, 於是來到後便向阿姐說蛋牛包外賣唔該, 再加一杯熱奶茶. 拿了外賣後, 便滿心歡喜拿回公司吃. 誰知拿出蛋牛包吃一口, e, 點解沒有蔥既??? 真係吃完整個都沒有蔥喎, 當時心裏的確感到失望不已, 因為專程去買, 就是期待著能夠咬下香脆的蔥呀!!!!!!誰知卻沒有!!!!!!不過話說回來, 這個蛋牛包由於是即做, 味道方面都ok la, 但是由於沒有我喜愛的蔥, 故也只能值一個ok面而已, 不能給予一個笑面!!!!!!

返工前先到呢度充一充電走入廚房重地跟伯伯直接落柯打「唔該一個蛋牛包走蔥同凍奶茶」奶茶用忌廉樽裝真係好特別, 而且雪得夠凍, 幾夠茶味蛋牛包新鮮熱辣, 雖然用既只係一D平凡既材料, 不過食得出伯伯個份心機, 絕無行貨俾錢時跟伯伯傾左幾句, 就係呢一種感覺, 一種好街坊既感覺可惜要趕住返工, 唔係既一定再傾耐D遲下一定會再黎!!