影片
以上资料只供参考，请与餐厅确认详情
我同好多香港家庭一样，系饺子控，饺子几乎系我哋嘅comfort food。有次喺影片分享平台见到介绍琛记面家，心思思想试，第一次去到竟然撞正休息，无缘一尝，只好转去琛记茶餐厅食咖哩饭，虽然唔系饺子，但都系一种小确幸。过咗两周，星期日我哋一家大细再出发，带住期待想买啲生饺返屋企煮，点知老板娘话今日只卖堂食同外卖，生饺唔卖。当时真系有啲失望，点解买两碗外卖得，买一打生饺就唔得，逻辑上真系唔太明白。不过，支持小店嘅心意依然未变，下次再接再厉😌🥟
继续阅读
果日同男朋友叫咗鱼汤娃娃菜，薏米水，菠菜饺米线，仲有一个云吞面。两款面都话系鱼汤底，但系好淡。娃娃菜个汤好鲜，好饮嘅，但个菜好硬，仲要切晒啲菜叶。谂唔明点解要咁做，因为索咗汤嘅菜叶应该系好食㗎嘛。另外个菠菜虾饺，唔系粒粒都有马蹄，味道一般。云吞就正正常常。薏米水就好似水咁，冇味嘅。如果口味清淡可以试下。唯一要赞佢哋个辣椒油几好食。
继续阅读
首先要讲，系被条YouTube 片引咗夸区走去帮衬，入到去座位少，位置窄，基本上系背脊贴住后面客人坐果种，眼见部分人都系睇左YouTube 介绍而嚟，我叫咗碗筋腩片头米线，一杯薏米水，等咗都一段时间先有得食，嚟到变咗筋腩片头面，算数唔换……..因为坐得唔太舒服唔想再等，照食…….成碗面得一旧筋一旧腩，一堆腩碎，两旧片头，鱼汤真系好淡，薏米水正常，张单竟然$59，觉得唔值呢个价，唔会再帮衬
继续阅读
今日去琛记买外卖,落单后坐在门口的一张圆枱等食物,之后有1男1女入嚟,个阿姐叫佢地坐我同一张圆枱,其实张枱坐3个人绝对无问题,而且我祇是等外卖,之后个女人入嚟坐,个男人唔肯入,一直企外面,好似要等我走咗先肯入嚟！点知个楼面阿姐叫我出外面等,要我让位！想问琛记外卖系咪唔俾坐住等（当时入面有空位的)？其实如果真系满座妳好D语气我都会出去等,不过个阿姐语气好差,似在喝令我出去,希望琛记培训下员工,毕竟系做街坊生意！
继续阅读
琛记面家系我经常食嘅面店🍜，佢同普通云吞面牛腩面舖唔一样，但系又唔似谭仔𠮶类米线铺，亦都唔系车仔面。琛记主打自家制嘅鱼汤米线🐟，送嘅选择就非常之多🤭，有沙爹牛筋腩、猪软骨、云吞、鱼蛋、鱼片等等，不能尽录。菠菜饺就系佢哋其中一个大嘅特色，虾同菠菜🦐🥬本身味道非常夹，每一粒都好大粒好足料😆，好抵食！鱼汤虽然未去到阿妈煲咁鲜甜🧓，但系作为米线舖汤底呢已经系相当有诚意，食得出唔系味精咸汤！食琛记，就必须要试下佢嘅自家制薏米水🥤，微甜，而且有丰富嘅薏米，足料美味又有益😛。琛记真系我经常食嘅面店，位置唔多，所以我不时都系外卖！希望大家都帮衬下啦，长做长有我又可以继续食！😋
继续阅读