琛記粉麵

营业中

休息中

第一次嚟食嘅時候，個姨姨幾好人，個餃子都正常味道所以買咗消費券。點知第二次開始，每次諗住買生餃都話冇（其實應該有，但係賺得少所以佢唔肯賣）仲要個阿叔態度勁差，呼呼喝喝，叫我落單要一次過落唔好加單，佢話加單所以唔賣俾我。之後外賣叫佢俾包醋都唔肯，孤寒到死，佢叫我打開個盒喺旁邊倒啲醋落去，跟住話自己舖頭冇包裝嘅醋，最後我企咗喺度同佢理論，佢終於打開個櫃桶攞咗一包俾我，但係我買咗四份餃子😂。仲幫襯咗佢買咁多現金券。。。我而家好驚佢執笠，我要即刻用晒佢先😂公道啲講味道係正常，唔係話真係好好食，而且魚湯都冇第一次食嘅時候咁濃味，個重點係俾錢出嚟食飯要受氣😐唔建議大家過嚟食。

我同好多香港家庭一樣，係餃子控，餃子幾乎係我哋嘅comfort food。有次喺影片分享平台見到介紹琛記麵家，心思思想試，第一次去到竟然撞正休息，無緣一嘗，只好轉去琛記茶餐廳食咖哩飯，雖然唔係餃子，但都係一種小確幸。過咗兩週，星期日我哋一家大細再出發，帶住期待想買啲生餃返屋企煮，點知老闆娘話今日只賣堂食同外賣，生餃唔賣。當時真係有啲失望，點解買兩碗外賣得，買一打生餃就唔得，邏輯上真係唔太明白。不過，支持小店嘅心意依然未變，下次再接再厲😌🥟

果日同男朋友叫咗魚湯娃娃菜，薏米水，菠菜餃米線，仲有一個雲吞麵。兩款面都話係魚湯底，但係好淡。娃娃菜個湯好鮮，好飲嘅，但個菜好硬，仲要切曬啲菜葉。諗唔明點解要咁做，因為索咗湯嘅菜葉應該係好食㗎嘛。另外個菠菜蝦餃，唔係粒粒都有馬蹄，味道一般。雲吞就正正常常。薏米水就好似水咁，冇味嘅。如果口味清淡可以試下。唯一要讚佢哋個辣椒油幾好食。

首先要講，係被條YouTube 片引咗誇區走去幫襯，入到去座位少，位置窄，基本上係背脊貼住後面客人坐果種，眼見部分人都係睇左YouTube 介紹而嚟，我叫咗碗筋腩片頭米線，一杯薏米水，等咗都一段時間先有得食，嚟到變咗筋腩片頭麵，算數唔換……..因為坐得唔太舒服唔想再等，照食…….成碗麵得一舊筋一舊腩，一堆腩碎，兩舊片頭，魚湯真係好淡，薏米水正常，張單竟然$59，覺得唔值呢個價，唔會再幫襯

今日去琛記買外賣,落單後坐在門口的一張圓枱等食物,之後有1男1女入嚟,個阿姐叫佢地坐我同一張圓枱,其實張枱坐3個人絕對無問題,而且我祇是等外賣,之後個女人入嚟坐,個男人唔肯入,一直企外面,好似要等我走咗先肯入嚟！點知個樓面阿姐叫我出外面等,要我讓位！想問琛記外賣係咪唔俾坐住等（當時入面有空位的)？其實如果真係滿座妳好D語氣我都會出去等,不過個阿姐語氣好差,似在喝令我出去,希望琛記培訓下員工,畢竟係做街坊生意！

琛記麵家係我經常食嘅麵店🍜，佢同普通雲吞麵牛腩麵舖唔一樣，但係又唔似譚仔嗰類米線鋪，亦都唔係車仔麵。琛記主打自家製嘅魚湯米線🐟，送嘅選擇就非常之多🤭，有沙爹牛筋腩、豬軟骨、雲吞、魚蛋、魚片等等，不能盡錄。菠菜餃就係佢哋其中一個大嘅特色，蝦同菠菜🦐🥬本身味道非常夾，每一粒都好大粒好足料😆，好抵食！魚湯雖然未去到阿媽煲咁鮮甜🧓，但係作為米線舖湯底呢已經係相當有誠意，食得出唔係味精鹹湯！食琛記，就必須要試下佢嘅自家製薏米水🥤，微甜，而且有豐富嘅薏米，足料美味又有益😛。琛記真係我經常食嘅麵店，位置唔多，所以我不時都係外賣！希望大家都幫襯下啦，長做長有我又可以繼續食！😋

啱啱食完喺呢間餐廳嘅鮮蝦雲吞同自家製菠菜餃，真係美味過癮添！🍤 雲吞個蝦肉真係爽滑得嚟又彈牙，入口即化咁添，雲吞皮嘅咬勁都啱啱好，唔會太腍得黎又唔會太緊要，嘗到住手工嘅鮮味。而啲菠菜餃，成個都綠油油咁，一啖咬落去，爽口嘅菠菜味同蝦肉嘅鮮甜撞埋一齊，真係叫人食咗停唔到口！話說返個冬蔭功湯底，微微嘅辣味先黎，跟住係濃郁嘅酸香，啱啱好嘅辣味令人一啖接一啖。不過嗰辣椒油實要小心加，落多咗個舌頭似火燒咁辣！🔥配搭嘅凍奶茶就真係一流，幾滑嘅奶香同濃郁嘅茶味，少少甜度剛剛好，解渴之餘又提提神。如果想清新多啲，薏米水都係一流選擇，清甜解熱，好飲！整體嚟講，呢個下午茶餐大滿足，食物質素高，味道正！平民價錢嚟個高級享受，真係值得再嚟幾次！👍

行過土瓜灣琛記，我就係被佢嗰陣陣魚湯香味吸引咗。一坐低，就點咗四寶米線，食落去嘅感覺真係正💯！魚皮一啖咬落去，口感鬆脆有勁，夾埋啲爽口魚蛋，嗲到不得了！豬軟骨飯又點少得，豬軟骨煮得夠時，咬落去骨酥肉爛，真係滋味滿分👍🏻！叫咗海蝦波菜餃，啲嘢食真係得心應手！原來土瓜灣仲有咁嘅秘密據點，等我發掘到真係太好運啦！至於奶茶呢杯傳統嘅香港味，飲涼快進補嘅feeling正！佢哋個檸檬薏米水都好特別，甜中帶涼，飲落去清新得意！總括嚟講，琛記嘅食物實在過癮，每次食完都覺得好滿足。飲品都配得好好，如果你想食正宗香港味粉麵又唔想太貴，嚟琛記就對喇！下次記得試下佢哋啲特色湯底，可能會有新激發喎！#地道香港 #粉麵控來啦🍜👌🏼

土瓜灣有好多粉麵店，呢間唔太起眼的琛記，係好多街坊其一間飯堂，地方細細，但可以話係街坊最愛，性價比高！ 套餐包埋嘢飲都係40幾，下午茶30幾就有。魚蛋好彈牙，魚湯亦濃，正！鍾意佢嘅四寶米線，其中一寶係魚皮，抵。仲有豬軟骨飯，同獨有嘅海蝦波菜餃都好食。土瓜灣粉麵店呢間係好食！ 粉麵選擇好多，除魚湯，仲有冬蔭功湯底，如果鍾意食沙嗲，呢度嘅牛筋腩亦唔錯。除左嘢食，仲有估唔到嘅係熱奶茶都係好飲，好多好多茶餐廳！檸檬薏米水亦係好多人的至愛。

打電話叫外賣 食過好多次都係送外賣 講明xx大廈 幾樓幾室 喺間鋪嘅附近 因為有事落唔到嚟攞 送外賣個姐姐又聽唔明係咩咩大廈 叫佢俾啲耐性行前多少少 其實就喺嗰條街 又話唔識 企喺度叫我落嚟攞 我同佢講咗我係因為有事落唔到嚟 叫佢送上去 就喺正佢企嘅地方前多幾間舖 最後佢行多幾步發現自己發現就係面前 又怪我唔講清楚 第一次咁樣寫呢度嘅食評 佢啲嘢真係好好食 但我覺得依個服務態度差咗啲起碼以前唔係咁🥲Btw我覺得佢啲魚湯飯幾好食大家有興趣都可以試吓

單拖叫咗個油菜湯上，豈有此理係魚湯上，正👍🏼！另外叫咗個淨雲吞又係魚湯上飽到嘔，其實我係最欣賞佢個雲吞麵湯底，不過怪我自己冇同老世講🤣。雲吞充滿大地魚味道👍🏼幫襯了好幾次。滿足 ！$51

呢間都幾過癮，因為之前食飯都食到太飽滯，這次見到這間豬軟骨水餃米線，於是就入去試一試。店面極為擠迫，就咁睇它的門面，很難想像到它內裏會很寬闊，因此你進去之後，都見到兩旁有圓桌，坐下來比較狹窄。豬軟骨份量都不太少，起碼有三大嚿，的確是名副其實豬軟骨，因為很多時候，坊間的餐廳的豬軟骨，只有一大排瘦肉，那些所謂豬軟骨壓根兒不軟。這間的豬軟骨，中間的骨頭白色的確非常之林，一咬即分開，質地夠軟林，味道相當好的。水餃也是菠菜餃，外皮不會太薄，始終因為它很大隻，內裏餡料有較多，因此外皮偏厚，不過吸點湯，味道也挺不錯的。

一家人👨‍👩‍👧‍👧來到這裡晚餐必叫的首爾豬bb豬軟骨米線湯濃令米線更入味😎豬軟骨容易咬 軟淋度適中 味道很特出惹味魚湯菠菜水餃米線🍜大大碗 魚湯必定會喝 大大隻水餃🥟入面充滿了菠菜 中間有小蝦🦐一隻 好👌足料，所有粉麵份量多得飽肚 🤩只係40至55元 加3元就可以有杯充滿人情味既自家製涷薏米水/或2元熱薏米水😻海蝦球稻庭烏冬烏冬份量不少海蝦中size 口感爽口 這個也很推介哦薏米水自家製 必飲 健康之選❤️不甜也不淡勁多薏米係飲品內 大大杯👍🏻滿足了一餐💗💕

今日lunch time又去左土瓜灣睇中醫，唔太餓所以唔想食飯麵就諗起餃子呢樣野😅以前住附近果陣都幫襯過呢間粉麵店一次，印象中味道OＫ兼好大碗～我叫左個淨食時蔬自家製海蝦有機菠菜餃（＄３４）一黎到見到咁大碗Ｄ水餃飽滿到不得了有D嚇親😅淨食有六大粒水餃，唔駛我講睇圖片已經見到有幾足料塊皮有幾薄👏餡料除左海蝦同菠菜，仲有少量豬肉同好香既芫茜👍 Ｄ蝦勁爽口！菠菜無果陣我唔中意既草青同食完條👅會鞋口既口感👏👏 豬肉唔會太肥，成粒水餃既口感好豐富好好食！👍 👍 👍 時蔬係唐生菜，份量都唔少，爽口，不過部份葉爛爛地唔算話好新鮮，但都OＫ啦個湯底唔覺得好鮮味，飲落偏味精，有啲似家樂牌濃湯寶。。。食完都幾口渴下，美中不足😪見其他人極度推介豬軟骨，下次可以試下跟泡飯👍 (希望唔會咁口渴啦🙈)

琛記店面細細間 就咁行過好容易睇唔到 但係其實佢啲粉麵超有水準👍🏻通常見到亞仔喺嗰度看舖都會入去食 或者買生餃返屋企💛係街坊就會知點解老實講有良心又真係好食嘅舖頭其實唔係必然 保持到好嘅水準真係好重要最鍾意食佢嘅自家製有機菠菜餃幼麵 $32 可以轉套餐加錢飲自家製少甜薏米水菠菜餃大大舊 雲吞皮 咬落去有淡淡蝦肉 菠菜又唔會有草青味 好好食😋😋😋幼麵冇俾湯浸冧 食落彈牙薏米水用咗生熟薏米煲 一啲都唔會好甜 夠曬養生