影片
以上资料只供参考，请与餐厅确认详情
下午茶时段都坐8成位嗌咗下午茶餐牌云吞面加无冰冻自家煲薏米水$38+$3先饮啖汤，好有鱼香味道 唔会过咸。面无碱水味 爽而弹牙。云吞有五粒 虾味够又包得好好。薏米水好饮见餐牌有菠菜饺会再黎尝试，整体不错。同职员亦有倾有讲 服务不错。
继续阅读
第一次嚟食嘅时候，个姨姨几好人，个饺子都正常味道所以买咗消费券。点知第二次开始，每次谂住买生饺都话冇（其实应该有，但系赚得少所以佢唔肯卖）仲要个阿叔态度劲差，呼呼喝喝，叫我落单要一次过落唔好加单，佢话加单所以唔卖俾我。之后外卖叫佢俾包醋都唔肯，孤寒到死，佢叫我打开个盒喺旁边倒啲醋落去，跟住话自己舖头冇包装嘅醋，最后我企咗喺度同佢理论，佢终于打开个柜桶攞咗一包俾我，但系我买咗四份饺子😂。仲帮衬咗佢买咁多现金券。。。我而家好惊佢执笠，我要即刻用晒佢先😂公道啲讲味道系正常，唔系话真系好好食，而且鱼汤都冇第一次食嘅时候咁浓味，个重点系俾钱出嚟食饭要受气😐唔建议大家过嚟食。
继续阅读
我同好多香港家庭一样，系饺子控，饺子几乎系我哋嘅comfort food。有次喺影片分享平台见到介绍琛记面家，心思思想试，第一次去到竟然撞正休息，无缘一尝，只好转去琛记茶餐厅食咖哩饭，虽然唔系饺子，但都系一种小确幸。过咗两周，星期日我哋一家大细再出发，带住期待想买啲生饺返屋企煮，点知老板娘话今日只卖堂食同外卖，生饺唔卖。当时真系有啲失望，点解买两碗外卖得，买一打生饺就唔得，逻辑上真系唔太明白。不过，支持小店嘅心意依然未变，下次再接再厉😌🥟
继续阅读
果日同男朋友叫咗鱼汤娃娃菜，薏米水，菠菜饺米线，仲有一个云吞面。两款面都话系鱼汤底，但系好淡。娃娃菜个汤好鲜，好饮嘅，但个菜好硬，仲要切晒啲菜叶。谂唔明点解要咁做，因为索咗汤嘅菜叶应该系好食㗎嘛。另外个菠菜虾饺，唔系粒粒都有马蹄，味道一般。云吞就正正常常。薏米水就好似水咁，冇味嘅。如果口味清淡可以试下。唯一要赞佢哋个辣椒油几好食。
继续阅读
首先要讲，系被条YouTube 片引咗夸区走去帮衬，入到去座位少，位置窄，基本上系背脊贴住后面客人坐果种，眼见部分人都系睇左YouTube 介绍而嚟，我叫咗碗筋腩片头米线，一杯薏米水，等咗都一段时间先有得食，嚟到变咗筋腩片头面，算数唔换……..因为坐得唔太舒服唔想再等，照食…….成碗面得一旧筋一旧腩，一堆腩碎，两旧片头，鱼汤真系好淡，薏米水正常，张单竟然$59，觉得唔值呢个价，唔会再帮衬
继续阅读