班蘭咖啡

营业中

休息中

#_bigfoodbaby佐敦有冇班蘭控報到🙋🏻‍♀️🤰🏻呢日經過呢間蛋糕店，已經聞到有陣清香嘅班蘭味🫢所以就忍唔到入去睇睇🤤原來佢成間鋪都專賣班蘭蛋糕！咁一定要試吓啦！🌖班蘭核桃戚風蛋糕 $63由於去到已經冇晒原味，所以買咗核桃版本，聞落去勁大陣班蘭味，拎著搭車返屋企時都勁香飄晒出嚟🥲但食落去唔係真係好重班蘭味嗰種，係比較偏清香自然不過都好嘅證明冇加香精嗰啲，另外食落唔會太甜，口感方面就一流，非常有空氣感好fluffy,而且唔會乾夠濕潤🌖班蘭原味卷（迷你）$12味道同上，但呢件係凍食，雪咗落雪櫃3日先食都仲係唔乾保持柔軟👍🏻☺️口感真係唔錯📍班蘭咖啡 (佐敦)佐敦上海街48號

無意中發現咗香港都有以斑蘭做主題的餅店。嗰日喺店舖門口已經聞到陣陣嘅斑蘭香味，原來係咁啱遇著鮮斑蘭蛋糕出爐呀。每次見到斑蘭蛋糕就會諗起每次喺新加坡機場時總會買兩個蛋糕返香港(回程日我多數係揀星期一😬)，落機後就會先返公司放低一個斑蘭蛋糕俾同事們。唉….我真係好掛住啲weekend trip呀….幾時先可以再飛😔斑蘭蛋糕我喺香港都食過，但總係覺得同新加玻食過嘅味道有出入。呢間店嘅斑蘭蛋糕款色有戚風、卷蛋。味道以卷蛋最多，有原味、紅豆、芒果芝士味等。戚風蛋糕就有兩款味道，我最想試嘅鮮班蘭核桃仲未ready，咁我就要咗另外一款喇。▫️鮮班蘭戚風蛋糕 (HKD53) - 一個6吋直徑嘅蛋糕賣相平凡，綠色部分望落去唔係青BB嗰隻。後來問店員先知道呢間餅店賣嘅蛋糕係冇人造色素或增味劑，唔怪得知個蛋糕隻色望落去咁自然啦。味道有淡淡斑蘭清香，口感超鬆軟。掛住新加坡味道嘅話可以一試，頂吓癮係ok嘅😆😆

早排食甜品食上癮，連續幾日都幫襯班蘭咖啡買蛋糕返去同同事分享！話咁快應該已經試左佢地一半嘅產品LU！我最推介嘅有三款！士多啤梨蛋糕🎂、柚子蛋糕、Tiramisu！士多啤梨蛋糕係生日蛋糕款-用上韓國士多啤，蛋糕鬆軟，Cream香滑唔油膩，士多啤梨足料！柚子蛋糕-蛋糕一樣鬆軟，帶柚子清新味道，唔太甜！唔多cream埋晒我！Tiramisu-都算係呢度幾受歡迎嘅款式之一！我鍾意佢味道適中，帶少許酒味！但口感就係接近蛋糕質地！其他產品其實都唔差，性價比高！

經過見到，有好幾款蛋糕🎂全部都想試，於是乎買左個大眾化口味既Tiramisu 試下，買左一個四吋大，口感好鬆軟！又唔會太甜！四個人，一開四件，食晒！四吋岩岩好！但食完我先發現唔夠，因為好好味👍🏻而且以蛋糕黎講，價錢唔貴！下次會試下第二啲味👍🏻可以加$20 寫朱古力生日牌.

今日約了朋友去佐敦食生日飯，為方便在附近找找蛋糕店訂蛋糕。找到這新開店子，因為蛋糕比較特別，是斑蘭味！一行入店，全店充滿著濃烈的斑蘭味，很香！很香！隨後服務員立即幫我包起蛋糕，服務周到細心！吃完晚飯，立即試吃！蛋糕甜而不漏，氣味清新！建議大家可以去試試！

前幾日同朋友行街經過，見到呢一間蛋糕舖啱啱新開，同埋外面都聞到好香斑蘭味，所以就入去睇吓。啲蛋糕全部都勁新鮮啦啱啱出爐，有戚風蛋糕，蛋捲，盒子蛋糕，流心蛋糕等等，全部都超級吸引🤤🤤🤤。畢竟佢個名叫斑蘭咖啡，所以都係買咗班蘭戚風蛋糕。聽店員講啲班蘭蛋糕全部都係用新鮮班蘭葉榨汁整出嚟，唔係用香精👍🏻👍🏻👍🏻啱啱出爐嘅新鮮斑斕蛋糕，超吸引！返到屋企試食，非常之鬆軟，班蘭味都好濃郁。放咗幾日擺雪櫃拎出嚟食都仲係好好味😋大家快啲趁仲有新開張優惠嗰陣時嚟食啦！見佢仲有鮮榨果汁同咖啡，過嚟坐低嘆吓都唔錯🥴🥴🥴