613
30
8
| 餐厅: | 班蘭葉印尼餐廳 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
港铁铜锣湾站 E 出口, 步行约3分钟
继续阅读
电话号码
31885478
开饭介绍
由印尼人主厨炮制印尼特色小食和饭餐。主打班兰味食物，班兰鸡尖塔饭更是人气之选。另外，花胶汤粉皮亦获不少食客赞赏。
继续阅读
营业时间
今日营业
11:00 - 21:30
星期一至四
11:00 - 21:00
星期五
11:00 - 21:30
星期六
08:00 - 21:30
星期日
08:00 - 21:00
公众假期
08:00 - 21:00
以上资料只供参考，请与餐厅确认详情
-
网上订座服务暂停
相关文章
呢间印尼餐厅喺街角，嘢食真心唔错！点咗椰汁鸡同沙爹串烧，鸡肉嫩滑，椰香浓郁，沙爹酱汁好香辣，配花生碎正！仲有炒饭，粒粒分明，辣得过瘾！价钱平民，$50-$70一碟，份量多到食唔晒。不过卫生真系差啲，枱面有啲油渍，筷子都要再抹。服务OK，店员好快手。环境热闹，适合同朋友嚟食辣嘢！如果佢搞好啲卫生，绝对系五星！
继续阅读
同朋友附近睇完场戏，带咗佢黎呢间我食过一次已经好中意嘅斑兰叶印尼餐厅。 餐厅门口摆放咗一d印尼糕点，所以唔细心d睇都唔知隔离就系餐厅入口。 入到去见坐位已经差唔多坐满，睇餐牌时有d名称确实系唔知用咗咩材料，所以问咗两样想食嘅最后拣咗黑果牛肉汤饭+珍多冰，朋友就拣咗印尼四大天皇饭+柚子蜜。 黑果牛肉嘅黑果都系第一次尝试，老板娘话佢系一粒黑色嘅果..hahaha 再问佢系点嘅味时佢话唔知点形容，当我饮第一啖汤时就明点解唔知点形容了，系独有嘅味道，暂时未谂其他相似食物形容到佢，只系谂起屋企人煲到好浓嘅眉豆汤感觉。牛肉份量都好足，口感都几软，个汤重有好多其他香料嘅味道层次感好丰富，用黎捞饭真系不得了。配菜重有印尼嘅咸蛋，佢唔似我地港式咸蛋咁咸，咁就啱哂唔会抢左主角嘅味道。 老板娘重教落侧边嘅青柠仔同芽菜仔可以放落个汤到一齐食，话唔系个个都中意呢种芽菜嘅草青味，但印尼当地人佢地就好中意咁食，我试完又几中意系汤入面发挥咗一种小清新嘅感觉，重有咬落有小小索索声嘅口感，所以全部落哂 侧边重有一小碗辣椒嘅酱汁，啱哂食辣嘅人，因为真系几辣吓。 另外朋友叫嘅印尼四大天皇饭配菜有海南鸡脾，见佢切咗件几细心，巴东牛肉，沙爹杂菜，同埋又有一样第一次接触嘅食物，叫酸豆配埋鱼干一斋食。 今餐学咗唔少嘢，价钱性价比非常高离开见舖头出面卖紧嘅小食，有个斑兰千层糕好吸引，一见到斑兰嘅嘢就会忍唔住，重要系几平，一盒有三件都系25蚊，外面薄薄一层焗到好似蛋糕底咁中间口感烟韧好香斑斓味。后悔剩系买咗一盒呀！！
继续阅读
又系见咁多好评，所以远水路过海去食⋯⋯入面黑麻麻，见到啲枱唔系几干净，仲有啲饭、𩠌渣，同埋痴笠笠⋯⋯我哋叫咗串烧花枝丸、班兰鸡饭、椒盐豆卜，食物方面中规中矩⋯⋯饮品叫冻柠茶同班兰沙冰⋯冻柠茶又系个啲香料茶味，不过只系唔啱我哋胃口，但个班兰沙冰真系好难饮，完全对唔住$48呢个价钱，得啲甜味同冰，完全冇乜班兰味⋯⋯重点系卫生真系好差，食食下有大大只曱甴系脚边行过，真系唔想再食落去🤮我谂唔会再有下次⋯⋯如果大家食饭好著重卫生，就真系要留意返！
继续阅读
好少会食印尼菜，系铜锣湾行完街见到几平，就入去试吓呢一间印尼菜。啦斯啦妈班兰饭有炸豆腐，炸蛋，炸鸡两件，有块用豆炸成的饼，仲有啲花生鱼仔干，个班兰饭一闻系几香班兰味，入口软硬适中，夹埋个好惹味嘅辣椒酱黎食，好好食；最估唔到个炸鸡炸到外脆而入面系keep 到juicy。印尼炒米粉炒得好有镬气，调味都好适中，唔会过咸，同一啲都唔油，炒得好干身，而且佢配料都好多。花枝丸沙嗲鸡肉沙嗲两款都嗌左两串，佢个沙嗲酱好有惊喜，甜甜地又好香的椰奶味，个鸡肉烧完都仲好嫩滑，好推介鸡肉沙嗲，花枝丸沙嗲就正常，个沙嗲酱点咩食都会令食物升华左。箭叶果混吉蜜甜甜酸酸饮完好润喉姜柠蜜见到仲有姜丝系入面，姜味好重，饮完个人好舒服。班兰施方蛋糕蛋糕好松软，又有啲湿润嘅口感，好香班兰味。
继续阅读
香港甚少印尼餐厅，铜锣湾麦当劳大厦附近有几间🇮🇩呢间较出名，自己save咗好耐今次难得去𠮶度实习，同朋友们试试有lunch set，包饮品▶️ 花胶鸡汤斑兰鸡粉皮 ($88)招牌菜之一花胶鸡汤劲浓郁，呈金黄色🧡入面唔少花胶、鱼肚、杞子、红枣、虫草花、雪耳，食落甜甜地，养颜滋保另外仲有腐竹、豆卜第一次食汤粉皮，一卷卷似肠粉虽然有啲散，但食落滑捋捋又索汤，味道唔错斑兰鸡出色😍五大件，多肉嫩滑鸡皮爽弹，调味适中当然懒惰嘅我会希望佢无骨，更方便食用▶️ 斑兰鸡饭 ($78)都系招牌菜，班兰鸡同上面一样只系换成绿色嘅班兰饭💚食得出少少香叶味道🍚饭质黏黏地唔干旁边有杂菜配印尼沙嗲酱，健康均衡啲▶️ 花胶鸡汤鸳鸯丸粉皮 ($72)▶️ 印尼正宗巴东牛肉饭 ($78)-味道比预期好食👍🏻尤其欣赏佢个鸡甜品都唔错，试咗个斑斓椰汁糯米糕，够重椰浆味，口感烟韧软糯环境同服务还好价钱以份量质素算合理去开铜锣湾有兴趣试印尼菜，不妨试呢间～
继续阅读
您可能会有兴趣的...