珍姐廚房

营业中

休息中

同2位朋友一起去大坑走一走～ 喜歡這個地區濃厚的懷舊氣息～ 走著走著看到有中式小菜店珍姐廚房，我們點了家鄉釀豆腐，涼瓜牛肉飯，豉汁蒸雞翼飯，炸雲吞和手撕雞飯還有蒜香炒豆苗～ 家鄉釀豆腐，豆腐好香滑，個汁好好味，魚肉都好香口，送飯一流！涼瓜牛肉飯好有鑊氣，涼瓜唔會好苦～亦都唔會煮到好淋，保留口感，牛肉都好新鮮香口，鑊氣夠真係好好味！誠意推介！手撕雞飯～ 雞同飯係分開上，個雞上既時候仲係熱辣辣，好好味😋少少辣真係非常之滋味！我地叫左蒜香炒豆苗同飯一齊食～ 豆苗真係超大碟，好夠菜食，炒得香口健康又抵食！見到蒸飯有幾款忍唔住叫左我最中意既雞翼飯，豉汁蒸雞翼飯真係經典咁好味！飯經過蒸肉入晒d味落飯到，加少少豉油一齊食真係飯香口，肉嫩滑！小食我哋叫咗炸雲吞，雲吞炸得非常香口，不能不讚既係皮炸得好薄好脆！好香脆口感一流！小店由珍姐一人主理～ 上菜速度也非常快，這間小店食品完全沒有味精，食完唔會口渴！

同朋友係大坑幫襯呢間珍姐廚房，好溫馨小店。入去睇左menu , 叫左幾個家常小菜，即叫即做好新鮮，都吾使等一個鐘就有了。叫左兩個蒸飯，一個油鴨髀飯，油鴨髀好甘香，原隻上，好足料，好香噴噴！另一個叫左土尤肉餅飯，無味精，土尤肉餅好好送飯。另外叫左條清蒸馬友，好清甜，肉質好嫩，即叫即剁，好新鮮，朋友贊不絕口！最後叫左碟蒜蓉炒油麥菜，好清甜，一樣係少油少鹽，好健康！呢間家庭式經營的小餐廳，價錢實惠，溫馨又好味，仲食出家媽媽煮飯的感覺，下次再嚟😊

疫情愈來愈嚴重，晚市不能堂食，今晚決定煲個金銀菜蠔豉豬骨粥，再買2個小菜返屋企送粥。店子位處於大坑，在民聲冰室轉入一條小巷，座位雖然不算多，但光潔明亮， 乾淨企理。香煎蓮藕餅$80~共有7件藕餅，表面微焦，很香口， 蓮藕爽脆清甜，加入豬肉增加口感和豬肉的甜味，頗不錯。麻辣手撕雞半隻$105~ 鮮甜多汁的雞肉手撕成條狀， 鮮嫩細滑， 無骨又啖啖肉，配上麻辣汁，香葱，芹蒜和大量芝麻，十分惹味可口。餐牌除了一般家常餸菜，蒸魚，還有糖水，很有家的感覺。

呢間餐廳我真係唔識,係大坑住既朋友介紹既佢同我一齊去食,話佢地一家人食左幾次都好滿意 唔係咩豪華餐廳係好家常屋企既味道 無味精小菜 老火湯第一道菜係炆蘿蔔牛腩 好濃柱侯醬香 牛腩已經炆到超級軟淋一開就撕得開個汁好濃但唔咸,蘿蔔已經全件炆到透曬入味 撈飯一流醬汁排骨 用秘製醬汁煮到好軟綿嫩 帶骨位都一咬就啜到肉汁唔多,已經入曬味非常好味 新鮮煎倉魚 炸到魚皮超脆 相既質感都睇到 魚肉肥嫩鮮味 新鮮不花巧就係佢賣點評分7/10消費$250大坑施弼街3號地下G/F, 3 Shepherd Street, Tai Hang

珍姐廚房喺區內出名夠住家，珍姐份人又熱情，嚟開呢頭就食返餐屋企飯啦。秋天正係栗子當造嘅季節，今日呢道栗子排骨（$68）食得合，栗子香甜又夠粉，排骨燜煮得十分軟熟，連軟骨都可以食埋，肉汁打成濃郁芡汁，加碗白飯，我同朋友都食到停唔到口呀！薑蔥煎黃花魚（$90）食煎魚唔一定熱氣嘅，呢條黃花魚以薑蔥煎香，再淋上芡汁，唔走乾脆路線，但食落又有點煎炒焦香，魚肉非常柔滑。綠豆沙唔會太甜，粒粒豆都煮到爆開起沙，很有水準。

其實日日出街食飯，少不免經常吃到味精，所以有時如果有D鋪頭係唔用味精而又煮得好食既話，尤其是住家飯，真係好耐無食過，隨非自己在家煮🤣🤣不過自己煮，一年都唔知道超唔鍾意超過三次🤣🤣🤣🤣🤣🤣🤣所以我有個絕世好名.....就係我D朋友改我叫做無飯煮婦.......😂😂😂😂模範主........婦😛（無飯煮.....婦）我呢個名唔係浪得虛名架😛😛😛😛又講反正題，今日食乜餸🤣🤣———————————-🐠魚當然係我喜愛吃的住家餸菜：梅菜蒸鯇魚—————-記得細個嘅時候，屋企人經常整梅菜蒸鯇魚，所以從小就很喜歡吃這個餸菜，直至大個也經常吃，而且梅菜惹昧，鯇魚的肉質也不差，所以今日呢度既住家飯餸有這個梅菜蒸鯇魚，就想起兒時媽媽煮的飯餸是多麼美味啊！今日在這裡的梅菜蒸鯇魚，梅菜又甜又惹味，鯇魚蒸的時間恰當，魚肉嫩滑，確實吃出兒時的貼心住家飯😋😋😋———————————🐂蘿蔔炇牛腩———家常做的炇煮牛腩，入味又夠腍，鮮甜的蘿蔔，炇得又腍又入味的牛腩———————————🧄🥬蒜蓉炒豆苗———-豆苗夠嫩、咬落又脆又甜的，炒得香嫩⋯⋯——————————-仲配埋白飯和飲品：凍檸茶🍹⋯⋯👏👏👏👏👏凍奶茶🥤⋯⋯✌️✌️

中伏，想搵簡單小店支持下，叫了薑蔥魚卻比了炸魚，都算啦$85 變90 蚊，佢話無曬飯我ok , 但散點同套餐係唔同價錢，有乜理由收我套餐價呢 ？同埋條魚食到有一條好長架蟲。真係小心中伏。 埋單無單架，係我寫文設返去睇相先知，真係唔老實到碟菜苗又係海鮮價，真係問一問隱陣店比較大油煙味，因open kitchen , 食完身都會惹曬油煙味。 而店得一個人，老闆到廚房都係一個人，所以對服務唔好抱有任何期望，出菜都要好耐的。

行過大坑唔知食乜好，見到一間平平無奇嘅珍姐廚房外面貼左張黃色嘅傳單，就一於入去trytry入到去會發現檯唔係好多張，反而廚房佔嘅位置仲多，入緊去嘅時間只見一個洗碗姐姐同僅剩嘅一台客人打緊牙交，聽到佢地嘅對話發現原來呢個就係招牌上所寫過個珍姐<蝦醬蒸腩肉飯+榨菜牛肉飯>坐低跟住梗係叫野食啦，餐牌午餐最主要係蒸飯，而且仲有好特別嘅蝦醬蒸腩肉，成日都驚太邪惡唔敢食，咁呢度有就梗係嗌啦，再搭多碗榨菜牛肉陪襯下，正啊😍嗌完之後係等左一段時間嘅，開頭以為珍姐自己一個做唔來，但後來上飯嘅時候發現原來兩碗飯都係即刻執碼即蒸，兩碗新鮮滾熱辣嘅蒸飯擺到上檯嘅時候就發現原來呢度係食人情味<蒜蓉炒豆苗>食咁多肉🥩要嗌多個菜🥬健康下，平時少食豆苗，因為知豆苗難洗乾淨，加上自己屋企懶得洗，結果發現都難唔到珍姐嘅手藝，有蒜香爽脆嘅豆苗，係Lunch Hours都食到，無得頂😝兩飯一餸加兩罐冰底可樂都係埋單$154仲包埋人情味價果噢，本身仲想嗌多個西多同甜品，但珍姐話今晚有客人order左要食海鮮🍤宜家要收陣鋪去買餸咁先無得嗌😭一腳踢嘅珍姐嘅廚房，下次真係要來試埋原本起家嘅真功夫-甜品

珍姐厨房就像妈妈做的饭一样，想吃什么可以提前几个小时和珍姐点 ，做的鱼尤其好吃，好味又健康！我跟老公基本每周要来好几次，想不到吃什么的时候就来珍姐吃一点家常菜，珍姐还会送汤和甜点。

首先講吓呢間餐廳點解叫珍姐，原來真係有一個叫珍姐嘅人一腳踢，廚師、侍應、收銀全部都係佢，認真利害。呢間餐廳應該係做街坊生意，入到去基本上全間餐廳啲人都係一齊傾緊計。餐廳入邊麻雀雖小但五臟俱全，最多應該只可以坐到10多人，但係食物嘅質素真係唔錯。餐單主要有蒸飯、碟頭飯、同埋原條魚可以選擇。今次我就食咗個豉汁雞翼蒸飯，可能因為珍姐一腳踢嘅關係，而且係即叫即整，佢需要嘅時間可能長少少，不過就真係好好食，雞翼好嫩滑，豉汁再加埋甜豉油非常好食。另外再叫咗個豆苗，用蒜爆一爆上碟，豆苗炒得啱啱好，食落好爽好清新。另外老闆娘仲好好人，送咗碗湯比我飲，咁有人情味嘅餐廳已經買少見少，一定會再幫襯。

因為疫情好久沒有回九龍探家人，亦很掛念媽媽的餸菜。雖然冇得返老家，但慶幸找到一個心靈上的慰藉 「珍姐廚房」。小店位於大坑內街，頗隱蔽的，店舖沒什麼裝潢而言，很隨意。店內的所有大小也一人攪掂，很利害。基本上店主和客人已經很熟，九成都係熟客。黑板上寫上每日的推介。今晚我們點了慣吃的東西蕃茄豬扒飯$55加煎蛋$5炆蘿蔔牛腩飯$52清炒油麥菜$38這些我們稱為comfort food 我個人而言最愛 「炆蘿蔔牛腩飯」$52無論蘿蔔和牛腩也是超鬆化，蘿蔔入口即溶，牛腩不肥但又不靭，炇得超夠火候，五香汁味道突出，有時會要求多汁送飯。「蕃茄豬扒飯」豬扒煎得剛剛好，有嚼勁而不靭；以住家方式煮蕃茄汁，無加入過份調味，味道自然、微酸；獻汁亦冇太重手，送飯一流。「清炒油麥菜」份量多，油麥菜脆綠爽口。套餐付送餐飲，當然「奶茶」這些名物，還是不要和茶餐廳比較。

今日去完勵德邨影相 ，肚又開始覺得肚餓，便去大坑這些隱世地方吃一吃下午茶， 大坑區食肆店舖林立，我選擇了一間比較平民式的茶餐廳 ，分別叫了一碟炸雞翼和茄汁雞扒飯 先講一講炸雞翼，份量有五隻， 炸得比較香口而油份極少，食落去唔太覺得油膩，另外再講講蕃茄雞扒飯， 蕃茄數量頗多，咬落去都很軟淋淋，唔會太硬身， 此外雞扒亦都吸收了番茄汁的香味，另外值得一讚的是這間餐廳上菜速度頗快，店內亦都有紙巾等等供應， 感覺都好衛生，值得大家去試試。

幾個同事在大坑附近放晚飯！因為其中有個在這食過話又好食又抵食！就帶我們來了這裡！地方細細！但食物質素真的很口！我哋分別食蓮藕豬手飯，蘿蔔牛腩飯，鹹牛肉煎蛋飯，蒸黃花魚飯、蒸飯、餃子麵！蓮藕豬手、蘿蔔牛腩又林又入味！蒸魚、蒸飯都係即時蒸熱！紅豆冰豆夠林仲好香椰汁味！飯連飲品一般都係四十幾至五十幾！當然除咗蒸魚啦！真係成條魚！蘿蔔牛腩、蓮藕豬手餸係好多！真心抵食又好食！仲有埋糖水食一間搞掂！不過我哋就趕時間開工冇食到！因那是家庭式經營！只有兩個人廚房招呼客人都係佢哋！所以如果好似我哋一次去8,9過人！會等佢哋逐個煮會比較耐！她們叫我哋留住電話！下次咁多人一齊嚟早啲打去點晒食乜！等佢哋整定先！仲有預備晒消毒搓手液、消毒濕紙巾！真係好細心！

［美味住家菜］今晚去咗大坑食晚飯，以前去大坑多食日本菜或者西餐，今晚就簡單啲，食下家常小菜，有屋企feel，媽媽的味道。珍姐廚房餐牌豐富，晚市除咗一般茶餐廳菜式，仲有蒸飯同埋甜品供應。 清蒸馬友 （$90）肉質超嫩滑，薑蔥蒸好香，好餸飯。 蕃茄洋蔥豬扒飯（$55）呢個係囡囡最愛，豬扒夠霖，番茄汁好開胃，囡囡自己食曬。蝦醬豬腩肉蒸飯 （$45）豬腩肉好嫩滑，帶少少肥好香。細蒜蓉炒豆苗 （$48）清新健康又好味，不會過鹹或油，讚。北海道牛乳燉蛋（$32） 份量幾多，幾大兜，滑溜奶香。 腐竹薏米糖水（$28）略嫌有啲淡同稀，薏米較少。

自從搬咗出嚟住之後，就一直好少食到住家飯。今日同朋友想重拾番家嘅溫暖，就去試一試屋企附近嘅呢間珍姐廚房。豉椒蒸倉魚（$75）倉魚蒸得啱啱好，食落唔會太老，魚油充沛，肉質柔軟嫩滑，魚汁加少少豉油將魚嘅鮮味引發哂出嚟，用嚟送飯簡直係一流。蒜香炒菜苗（$58）菜苗好新鮮，再用爆香左嘅蒜頭炒一炒，非常之入味。油亦都唔會落得太多，係健康之選。土魷蒸肉餅（$42）土魷肉餅好足料，食落有啖啖土魷肉。蒸飯嚟講，時間蒸得恰到好處，飯唔會太乾身，肉汁都鎖住係肉入面。香滑燉蛋（$28）食完飯緊係要嗌番個甜品，燉蛋比起出面嘅糖水舖有啲唔同，味道唔會太甜，食落仲好香滑。