玩具小屋咖啡室 (已結業)

夏日炎炎想同班FD聚一聚，戶外活動又怕熱，食餐飯又兼唔夠時間，於是就開始搵cafe 啦。上網見到Cubby Cafe 幾好評,又齊game,於是就決定一試。由於正正暑假月份，擔心去到無位，於是兩日前已經致電book 位。接線既staff 好有禮貌，未去到已經給予良好既印象。一出Lift 就見到門口掛住個頗有心思既welcome 木板，入到去原來地方都幾大，枱與枱之間都幾闊落，而且裝飾都好切合cafe 個名，好有玩具世界既感覺。一入到去staff 就好有禮貌咁問我地幾多位， 當提及book 左4位1點半既，staff 就已經能講出book 枱人既名。由於其中一個朋友有事遲黎，我地3人傾計傾左接近1小時，等齊人先落單，期間d staff 都無打擾過我地。Cubby Cafe 既lunch set 一共有4款，包Menu上任何一杯飲品。除左lunch set，亦可以散叫Menu上既食物。另外，加$35 就可以配一款小食。 每人最低消費係一個套餐。我地叫左兩份意粉，兩份肉丸薯條，另外加左一份小食。個汁幾好味，意粉份量雖然唔多，不過個汁都有小小"漏"。原本以為只有肉丸同薯條，誰不知原來下面有薯蓉

是咁的，小弟一向都係試睇ＯＰＥＮＲＩＣＥ就唔出ＰＯＳＴ既，不過今日去完之後，真係想出番個ＰＯＳＴ讚讚呢間店舖。我就早幾日打電話去訂位既，８位朋友仔聚下舊食下飯玩下ＧＡＭＥ咁，ＳＥＡＲＣＨ到呢間個評價都幾好，就試下啦，果然無失望。去到張台好大張，要除鞋坐，好乾淨好舒服，正如前人既評價一樣，ＢＯＡＲＤＧＡＭＥ整全，ＵＮＯ，大富翁，只言片語，猜猜畫畫，牛頭王呢Ｄ基本野都有齊。岩哂我地班想玩ＧＡＭＥ既人～卡都幾新～一個一定要讚既係台與台之間距離夠大，無論傾計定玩，都有私人空間，最唔鐘意就係傾計定玩都好似比旁邊張台既人聽到哂咁，又要怕自己嘈親人地咁。食物方面，最低消費係套餐一個，即係卡邦拿意粉＋任何飲品－＞＄８８蚊再加一，即係＄９７蚊，小弟就比較窮既，餐牌仲有９８／１０９果Ｄ，我就要左８８蚊果個，味道方面，個意粉幾濃幾好味，份量都唔錯，就算只係食呢個意粉都夠飽。一個開心位就任何飲品都叫得，唔洗再加錢，要左凍士多啤梨朱古力都幾好飲，友人要左各款朱古力都唔錯，另外，杯朱古力都幾大杯，可以一杯飲番幾個鐘都得。仲有個好貼心既服務，就係加＄２０蚊就可以續杯，都好抵！另外，呢間野既果茶係一個好特別既飲品，有

一班朋友難得相聚，但現在很多餐廳都設有限時，還沒聊到正題就已經被提醒要離開，未能盡興。 Cafe雖然可以坐很久，不過質素參差，都會令人卻步。 「玩具小屋」是友人盛讚的Cafe，那就來試試看是否如他所說。我們比訂枱時間早了點上去，店員放下餐牌就繼續工作，也沒有催促我們點餐，結果我們玩了1個多小時才開始點餐。 這裡的遊戲種類很多，board game和card game都有，另外也有些是適合年紀較小的，想要合家歡的都可以來這裡玩。「玩具小屋」的最低消費是每人一個套餐，晚上除了晚餐外還可以選小食套餐，因為我沒有太餓所以小食套餐就剛好滿足我的需要。 另外晚餐也可以加錢加小食，適合食量較大的男子組。先送上的是飲料，這裡的飲料款式很特別，而且超大杯，另外加20元就可以續杯，比其他cafe user-friendly得多。 向來愛養生的我看到飲料中有「酵素」時有點驚訝，因為自己之前都有做過水果酵素，整個過程都很花工夫和時間，這小店竟然也有這種東西提供，所以點了「芒果酵素」試試。 自家製的酵素會加水和冰做成冰凍的夏日飲料，這裡的酵素可能是加了梳打，冒出了很多氣泡。 味道很清新，而且還配了點果肉，喝過後

今晚諗住同fd傾d正經事，想搵個坐得舒服又傾到計既地方，上網搵見到呢到設計幾特別，而上樓cafe應該都係可以hea既地方，就決定黎呢到啦，點知...叫得玩具小屋，呢到既設計都好有童真feel，亦有各式棋盤遊戲可以借玩呢到晚餐時段小食類可以有幾種叫法(A)散叫、(B)叫晚餐另加$35或(C)小食+任何一杯飲品 $68而意粉/主菜亦包任何一杯飲品小食我地叫左咸靈頓燒牛肉芝士卷，食落似係咖哩角，同埋搵唔到d芝士係邊忌廉湯呢個應該係跟主菜類食物送既，點解用應該係因為睇哂成個menu都無寫係咪跟餐送既講返個湯，好creamy但唔夠熱，飲落似罐頭湯燒鴨胸拿坡里扁意粉($98)唔識形容，因為佢隻汁食落同我地食開既拿坡里汁好似有d唔同...意大利黑醋燒酥皮三文魚($148)黑醋配d沙律同薯蓉幾好食，但問題係主菜既三文魚好腥...鹽燒澳洲肉眼扒配紅酒汁($168)嗌左5成熟，但肉眼本身好多筋，用刀已經好難切開，食落更加食到牙骹軟蜂蜜啫喱花茶呢到唯一可取既就係d野飲，啫喱花茶d啫喱同花茶係分開黎既，可以食一啖啫喱飲一啖花茶，又或者將啫喱溶落杯花茶到都得，幾特別榛子朱古力特飲飲落夠濃同有朱古力碎

很好的服務，由訂位開始，到後來確認，以及到後來人數有所變動時他們所作出的安排也很好。唯一美中不足是在事前未有提及所安排的位置需要脫鞋，使得當中有朋友會出現有點不太方便。食物質素方面也是挺不錯的，朋友們都很喜歡香脆的蒜蓉包，芝士法式焗薯條也很香。傳統卡邦尼意粉比較清淡，但相比其他偏鹹了的意粉，傳統卡邦尼意粉是穩健的選擇。飲品方面也挺有特色，有果凍配花茶，也有特色朱古力。到遊戲一環，比較熱門的遊戲如狼人、片言隻語、猜猜畫畫等在店內都有所提供。環境方面也算不錯，挺乾淨的，而且吃飽想玩遊戲時，也有職員來抹乾淨桌面。氣溫不會太冷或太熱，裝飾也讓人有很舒適的感覺，還記得跟朋友們找那些字母咕臣來代表自己之後來張大合照。當天另外有兩檯朋友有人生日，職員兩度關燈後拿出蛋糕唱生日歌，氣氛熱鬧。總括而言，是次用餐是一次很美好的回憶。

是日慶祝小妹同另一好友生日，一大班人最適合不過就係到一間舒服既cafe玩樂同食餐飯，今次去既CUBBY Cafe 確係一個唔錯既選擇!  呢度地方闊落，我地一行九人被安排到長枱，不過唔知點解係需要除鞋既，可能因為張枱係被梳化圍住驚有人踩到梳化所以要除鞋!? 雖然張梳化係無得挨，都算舒服既~飲品方面我地叫左蜂蜜啫喱花茶、蘋果啫喱花茶、朱古力咖啡、奇異果酵素果茶等等，啫喱花茶最特別既之處就係啫喱係分開另上既，可以食下啫喱再飲啖茶，或者將整個啫喱放入茶壺溶化，個人認為就咁食蜂蜜啫喱最好味，因為溶左入茶既啫喱無左甜味! 而我自己既奇異果酵素果茶就好大杯，奇異果蓉加上梳打氣水，酸酸甜甜，啱哂悶熱既天氣飲!  因為我地多人既關係，可以每人叫一款唔同既主菜試，而且每個set只需加HK$35就可以有多一個小食，方便開心share!   最特別推介既係威靈頓燒牛肉芝士卷、芝士法式焗薯條! 威靈頓燒牛肉芝士卷好香好軟，外面既酥皮亦好鬆化，不過一碟得三件太少! 而芝士法式焗薯條超大碟，而薯條亦係用上粗既薯條，裡面有薯蓉的，連埋芝士食，十分滋味!  其他既薄荷椰香炸雞翼、凱撒沙律，比較普通!食完小食，主菜

同朋友慶生...揀左呢度...地方大...原因係佢枱唔多...最大坐到兩張4-5人枱..再加三張坐到12-3人既枱..佢都算多BOARD 及CARD GAMES...廁所幾乾淨..最緊要唔臭得黎有香味...唔係間間樓上CAFE做到...我地6點幾左右去到...佢個MENU算多主菜揀..平時個D都係得個幾款SET DINNER SET可揀...我地9個人...每人揀一款...再加$35每個餐可跟一款小食...差唔多叫哂MENU D野...咩都試哂咁滯...講野飲...我講我揀個款啦..係叫啫喱水果花茶...我本身估係將舊啫喱放落水上...同平時無兩樣...點知啫喱係另上...朋友叫左蜂蜜及士多啤梨，我就叫蘋果...款款JELLY唔同味...你可以就咁食..或者放落花茶到當糖咁...好特別....但好飲程度係60分到啦...小食叫左肉醬芝士薯條..大碟又好味...最抵食既小食....個薄荷雞翼就一般啦...因為好似無醃咁...無咩味..個威靈頓牛肉酥幾好食..但太細碟...我地都有叫沙律但普通貨色..唔提喇..講返主菜..又白汁海鮮RISOTTO,又鴨胸扁意大利粉, 肉丸長通粉, 海鮮蕃茄

跟舊同事聚餐, 地區選擇大家方便的旺角,從Openrice挑選了一間較新而有heart的café,可以傾談較長時間因此選擇Café等待人齊的同時, 先order蜂蜜啫喱花茶, 蘋果啫喱花茶,芒果啫喱花茶,數柸水果酵素我們先點幾款小食:小食拼盤-薯格雞翼炸蝦, 薯格炸蝦夠香脆, 味道不錯威靈頓燒牛肉芝士卷, 芝士味香濃, 脆度尚可芝士法式焗薯條, 芝士醬汁較少, 薯條較軟身我們從主食餐牌, 沒考慮就把全部8款order,因為沒看餐牌, 忘記名稱(廚師只有2人, 侍應只有1人, 因此上主菜較慢)西班牙雞肉焞飯, 傳統卡邦尼意粉, 白汁海鮮意粉…所有意粉都像加了白酒, 白汁的粉全是味道偏淡,唯獨牛柳意粉及蕃茄天使麵味道較濃

好好味想約朋友Gathering，朋友告訴我有一間CAFE新開，食物質素唔錯，於是決定去試試!果然無介紹錯喎~~最喜歡它的環境，好舒服......一張張檯隔得很開，同朋友傾咩都唔驚俾人知，空間感令我地好鐘意。我地4個人叫左4個DINNER SET,加35蚊可以ORDER任何小食.......我地叫左一個小食 芝士法式焗薯條無唸過咁大碟，而且好多芝士，熱辣辣.....值得推介友人們都搶住食!!跟住就叫左卡邦尼意粉，西班牙燉飯，辣茄雞蓉天使麪，同埋個法式香草焗羊架每一款都各有特色，其實朋友還告訴它的帕爾馬意大利海鮮飯同埋心太軟好好味，但係我地得4個人實在太飽了!飲品方面真係好驚喜......超大杯....早知一早叫啦....朋友們叫了水果酵素，他們說很好飲，開頭以為會酸酸地，但係朋友就話甜甜地..新鮮既體驗!而我叫同樣大杯既曲奇朱古力，好多曲奇係杯面..好有心思的飲品，亦很夠朱古力味.....知道這一間是新開CAFE，一定會介紹俾朋友黎!

之前朋友介紹依間，試過WALK IN 唔得，臨近歲晚好多地方都FULL 左，今次預先打去BOOK，就咁得左。有最底消費，每人最少要ORDER 套餐，故選了小食餐+意粉餐。飲品無錯是很大杯，我杯STRAWBERRY JUICE 還可以，少許士多啤利混7-UP，朋友杯COOKIE CHOCOLATE 完全唔掂，朱古力好水，好淡，上面灑少許威化餅碎。小食要芝士薯條，網上講到好好食咁，期望越大失望越大，薯條係淋的，無乜芝士，又唔夠熱，唔合格。CARBONARA 算是全晚最正常的一味菜。意粉餐另加幾十有小食，友人選了椰香雞翼，OH MY GOD，個雞翼好厚粉，咬下去無味的，好似無醃過咁，便何況有棷香? 食左一口就無食，雞翼咁簡單都整到咁，店主要好好檢討。埋單每人要$110??? TOO MUCH FOR ME......

十分喜歡這咖啡室，已多次光顧了。每次帶不同的朋友去，他們也會很喜歡。這一次我跟我的家人去，他們也說喜歡。這間咖啡店跟其他的感覺很不一樣。室內裝修很簡單舒服，給人一個家的感覺。別的咖啡店總是擠擠暗暗的，但這一間卻很寬敞光猛，客人都可以很舒服的聊天。它以遊樂場為主題，我特別喜歡它用運動場跑道的那個紅色地毯鋪的座子，讓我好像去了公園一樣。食物也是另外一個我喜歡這店的原因。我特別喜歡那個芝士牛肉卷，非常好吃。牛肉跟芥末醬非常搭，每次我都一定會點的。還有，不要浪費它的伴菜，那個椰菜絲也很清甜可口，每次我都會吃光光的。另外，我也很喜歡他們的肉丸長通粉，汁有點酸酸的，很醒胃，肉丸也很香。那個橄欖露荀意大利麵也是我的最愛，辣辣香香的。其他食物也是好吃的。飲料的話，我喜歡草莓巧克力和黑森林巧克力，味道清清甜甜的，巧克力也很香。他們的酵素飲品也很特別，有點像甜的蘇打，很清新。總括來講，這店已變成我跟朋友們在旺角的落腳點，以後都不用到openrice搜尋咖啡店了。差點都忘了，他們的服務也很親切貼心。會繼續支持。

甫進大門，這家樓上CAFÉ給我的感覺跟其他的很不同。平日到其他CAFÉ，總覺得不夠光猛，又帶點擠逼感；即使是寬敞點的，也總欠缺點親切感。然而，這家CAFÉ在裝修、陳設方面明顯地花了心思，特意營造一個溫馨的感覺，令來訪者有種賓至如歸的感覺。不俗！點了不少小食，２個主菜和數杯飲品。我很愛乳酪，一看到有乳酪這兩個字，雙眼已發光。加上它的沙律哦！它的概念就是以乳酪取代沙律醬呢。這樣真的不會這麼胖哦！因為其實沙律醬是很胖的，有沙律醬的沙律實在起不了「吃沙律的減肥作用」=(希臘乳酪沙律($40)這沙律用上的都是一般的蔬菜，我喜歡的當然是乳酪呢。這是原味乳酪，比一般吃的應該少點果糖吧。但是，跟沙律搭起來，真的跟與配上沙律醬無異呢。個人覺得比配搭沙律醬更FRESH呢。本人是薄荷FANS，縱使身邊不少的朋友覺得吃薄荷的食物似在刷牙，但我就是喜歡這種清新的感覺。嘻嘻！這個薄荷椰白炸雞翼($42)，雞翼的味道不錯的，不過原來薄荷味沒有在雞翼內，而是在隨上的醬內。店員解釋是因為之前有些客人吃過後，建議這樣的。畢竟不是每個人都喜歡把２個味道併在一記，這是能理解的。味道喜好這些本來就是見仁見智的，筆者不會因此而不

星期日下午bbq過後，晚上和友人到旺角想找一個舒適的樓上café歇息，上openrice隨意搜尋一下，友人覺得此café名字頗有趣，雖食評不多倒也想試一下。 跟友人一行四人到了café，環境不俗，比預期中光猛寬敞，而且店內佈置別緻，感覺舒服。女店主友善地招待我們入座，本來在告示板看到每人最低消費為一個set餐，後來問過女店主最低消費可以叫飲品，不過建議可叫$68/set飲品連小食會較抵吃，因單叫飲品已是$3X至$4X不等，最後我們也點了三種小食︰1. 凱撒沙律 – 清新可口 (剛送到時忘了拍照，吃剩了四分一才拍下，哈哈！)2. 芝士法式焗薯條 – 薯條好粗好大條呀，配搭芝士十分惹味3. 威靈頓燒芝士牛肉卷 – 外脆內軟，味道特別，好味飲品方面，我點了芒果酵素健康凍飲，想不到送來的好像一jar般的份量，令人驚喜，比一般café的份量為多，好抵飲呢！且味道清新不俗，可惜又忘了拍照…… 其餘友人則點了蜂蜜啫喱花茶，店主送來一大壺花茶，配上別緻可愛的小茶杯和蜜糖味啫喱，店主解說飲法是可按個人喜好把啫喱逐小放入花茶中調味，感覺相當獨特。友人說啫喱比較甜，所以不要急於把太多啫喱放進茶中，不過友

星期一既晚上約左朋友，想搵個坐得舒服兼坐得耐既地方食飯，第一時間諗起好耐無去過既樓上CAFE。上OPENRICE一睇，見到呢間新開既CUBBY CAFE，雖然食評唔多，但都對食物都一致讚好，決定一試。甫一入店，整間CAFE以白色為主調，配襯色彩繽紛既小玩意同坐塑，的確似一間玩具小屋。由於係星期一晚上，客人唔多，整晚不過3枱客人，環境非常安靜。同朋友兩個人每人叫左個SET DINNER，包一個DISH及一杯飲品。DISH 1) 西班牙雞肉焞飯呢個自己叫既，除左配雞肉，另外好似仲可以配海鮮或蝦。焞飯外表看似意大利飯，蕃茄及檸檬汁帶出酸味，清新開胃，加上薄薄既洋蔥及芝士碎，質感豐富。DISH 2) 意式博洛尼亞肉丸意粉本來係配長通粉，朋友特別要求轉做意粉，食落覺得個醬好特別，朋友仲特意問係用左咩醬。飲品叫左一杯曲奇朱古力特飲，賣相好靚好大杯，可惜無影相，另一杯榛子咖啡賣相麻麻，但飲落唔錯，裡面仲有榛子碎。以呢區樓上CAFE而言，CUBBY CAFE食物水準令人驚訝，晚餐價錢稍稍偏貴，但因為新開既關係，店主俾左拆扣優惠，又抵番。雖然無叫小食或甜品，但當日見到另一枱既客人既小食都覺得賣相吸引，希

因為之前有朋友話cubby cafe幾好，今日就約左班朋友去聚下。我們總共有6個人，先到的幾個人叫了飲品及小食。一個薯蓉鬆餅及薯條。因為我們都比較愛飲熱飲，所以全部都叫了花茶。佢0的花茶幾得意，每款都配個啫喱的。兩個小食都好好食﹗之後齊人就叫了6個main ，主要都係意粉及飯share咁食。唔知係咪個人喜好，我覺得飯好食0的，佢的意大利飯及燉飯0的味都好好。另外有個粉紅索爾斯螺絲粉都幾好味。最後我們仲叫了甜品。我覺得心太軟值得推介﹗幾好食﹗不會太甜。最後埋單都不是很貴﹗每人都係一百蚊多D。呢度環境同食物都唔錯，幾岩0的想坐耐0的同朋友聚下的人。