影片
港铁油麻地站 A2 出口, 步行约2分钟
继续阅读
开饭介绍
以玩具作为主题的楼上咖啡店，不限入座时间，可提早预订自选卡通图案的生日甜品碟。
继续阅读
营业时间
*晚上6点可入座
星期一至五
18:30 - 00:30
星期六至日
13:15 - 00:30
以上资料只供参考，请与餐厅确认详情
食家推介
招牌菜
相关文章
由于朋友生日想畀个惊喜佢， 所以就book咗呢间玩具小店， 系openrice上见到好多生日蛋糕相都好靓好靓， 所以真系充满期待。一入到餐厅， 装修好colorful好欢乐， 真系畀人一种好温馨好愉悦嘅感觉， 店员都好nice比我地拣钟意坐邉。menu都系好似一本小画册咁， 几靓几精致， 我哋叫咗烟三文鱼黑松露忌廉天使面、西班牙鸡肉炖饭、意式烟三文鱼挪威海岸pizza、小食拼盘，同埋三杯烤素特饮。烟三文鱼黑松露忌廉天使面， 一上到枱已经觉得卖相好好， 烟三文鱼好好味， 个意粉亦都好有忌廉同黑松露味， 好creamy， 但份量比较少， 我哋三个人好似一人食两啖就食完了。 西班牙炖饭好香， 一上到枱已经觉得好惹味， 食落果然好浓味， 但自己觉得有少少偏辣， 冇谂过原来系咁辣嘅， 我哋几个食得辣所以都可以接受， 但如果本身唔食得辣嘅朋友可能就要叫佢少辣，或者叫其他比较好。烟三文鱼pizza， 卖相非常吸引， 好似都几足料， 烟三文鱼下面有芝士， 作为芝士控表示加左分， 我自己觉得个pizza还好， 感觉有少少㶶， 但朋友就觉得几好食，诰钟意食薄批。 至于小食方面， 不得不提一定要赞赏个小食拼盘， 实在太太太好食了， 可以话系全餐嘅mvp， 小食拼盘包括薯格、薯条、炸芝士、鸡翼， 真系每一样都好好好好食， 特别系个一口芝士， 咬落去𠮶下，啲芝士溢系口腕， 真系有种好幸福好满足嘅感觉， 言语文字真系好难形容出嚟， 但我相信同样作为芝士控嘅你， 一食就会明白我讲咩， 佢炸芝士真系太出色， 可能因为我只系食咗仅有一粒， 就觉得佢实在太好食喇。饮品方面， 我哋三个都系叫左酵素特饮， 我自己就叫做蜜桃酵素， 好大杯而且好好饮， 呢一点觉得非常好评， 因为每次去cafe都会玩到好夜， 如果饮品太细杯， 好多时未食嘢或者未玩就已经饮晒， 但呢一点佢做得好好，好贴心， 饮品好大杯，可以饮成晚。最后期待已久嘅生日蛋糕终于出场， 我哋叫咗心太软， 幅生日画实在太靓太靓喇， 你系会好想成只碟带走， 因为朋友钟意hello Kitty， 所以就预先预订咗， 你系可以向餐厅指定 特定嘅生日图案， 但就需要加钱嘅， 根据图案嘅复杂程度有唔同嘅价钱， 真系画得好靓会好唔忍心破坏， 好想带只碟返去好好收藏😂PS：去cafe当然唔少得要玩board game， 不得不提玩具小店嘅board game种类好多， 而且都好新净， 有啲cafe嘅board game来来去去只有几款， 狼人同牛头王𠮶啲， 但玩具小店有好多其他cafe都冇，但其实好好玩嘅board game，值得大刀推介。
继续阅读
不嬲都知旺角楼上cafe有好多既 仍然仲系好有新鲜感 去探索每一间今次去呢间玩具小屋咖啡室又几得意㖞一入见到布置好卡通 又有彩色波点墙 好童真门口位置放左好多card game boardgame可以玩小食拼盘有鸡翼 薯格 薯饼 芝士波 都几丰富炸到脆卜卜 绝对系邪恶之选 喜欢炸物一定会点！烟三文鱼黑松露忌廉天使面天使面充满忌廉汁 好够汁 唔会觉食得好干烟三文鱼不过不失啦 加埋黑松露味就丰富返个面呢到几适合同朋友黎坐 食下野玩下真系唔错但要留意返晚餐时段设有最低消费 唔可以黎净饮野
继续阅读
玩具小屋咖啡室系最近令人惊喜既旺角楼上cafe！众所周知，旺角楼上cafe多到盛行盛市，有时都唔知简边间好🙈不过依间cafe就系众多入面值得一推既一间🥰🥰//首先一赞既系佢既甜品生日碟，整得好精致又靓！令大家一见到佢就「哇」一声呀😀😀另外食物质素都高，好适合一大班人reu或者聚旧👭👭👫👫食到甘上下仲可以玩佢地既卡game，重拾ocamp时光！野饮都好有特色架，特别系佢地唔同口味既啫利花茶：要拎少少啫利去茶到等佢溶，增加甜味但甜度又可以自己控制，最紧要系个杯好有Alice in the wonderland既感觉，每人大慨150蚊就食得饱又玩得尽兴啦😊😊😆😆
继续阅读
今日谂紧可以同朋友去边度食饭，又可以坐耐啲同埋又有野玩下，就揾到呢间有boardgame既cafe🤤我就叫左烟三文鱼黑松露忌廉汁天使面，三文鱼都有唔少，忌廉汁都唔太腻，配埋唔会太硬太淋既天使面，中意食西餐既就可以一试。跟餐我再叫左杯曲奇朱古力特饮，黎到有好多块曲奇好足料，而杯野饮都好大杯，同好浓味，食完都饱晒😂最有心思一定系佢个生日甜品，画得好靓，可惜揾唔番张相😭 可以叫佢画寿星中意既图，又可以打卡呀！食完又未走又可以玩下board game, 都有好多唔同款，又唔会话坐耐左就赶左我地走😂
继续阅读
旺角楼上Cafe选择多，成日都唔知拣边间好，通常都系去登打士广场，但今日发掘到依间！本来比佢嘅甜品画吸引，但原来要做一日order，所以今次无试到一入去见到门口摆放好多board games, 选择比其他cafe多，仲有迷你足球机、篮球机，cafe布置充满童心，令人耳目一新虽然座位唔太阔落，价钱唔系特别平，但食物质素好而且可以坐几耐玩游戏都得，确实系同朋友吹水嘅好地方！1. 小食: 芝士法式焗薯条、小食拼盘、香酥炸鸡翼小食都系热辣辣上枱，个人觉得炸鸡翼最好食，又香脆又入味，值得一试！薯条份量多，适合多人食，小食拼盘味道就较为一般。2. 意粉系列: 烟三文鱼黑松露忌廉天使面、蒜香辣椒炒香草海虾鱿鱼扁意粉忌廉天使面入口香滑，黑松露味道浓郁，一试爱上，而且三文鱼配搭得好好，好推荐依个意粉蒜香炒扁意粉就辣辣地，相比忌廉天使面较干身，但有海鲜配搭都唔错！3. 饭: 烧元贝配野菌煮忌廉意大利饭、西班牙鸡肉炖饭两个饭都软硬适中，味道冇上面嘅意粉咁强烈，但系配合唔同嘅酱汁味道都唔错。钟意食辣嘅朋友可以拣西班牙鸡肉炖饭。4. Pizza 🍕 Pizza系咁多食物之中最有惊喜嘅，佢嘅饼底较为薄，唔系面包底，好脆口！配合多块烟三文鱼，口感丰富，我同朋友每人一块，回味无穷
继续阅读