王子餐廳 (已結業)

第一次試，店員服務馬虎同個FD企出面等位，露天位明明有位都唔招呼客人入去，又唔徵詢客人意願（介唔介意坐出面etc.）焗住等入面呆企十幾廿分鐘，都算，入到去同個FD都叫咗雞扒餐，我紅湯冇事好正常，個FD個白湯前所未有咁難飲，超稀都不在話下，似係生浸磨菇開嘅水，忌廉湯應該要用牛油打，連最基本嘅嘢都冇，問店員拎鹽都廢事喇真係。雞扒正常，塊皮煎過龍好硬已經唔係脆嘅程度，肉質一般，可取嘅係瑞士汁整得幾出色。最後叫咗兩杯凍奶茶亦係失望點，唔知想點，茶冇茶味，我嗰杯叫咗多奶都冇多到，成杯嘢只係似杯白糖水，難飲。另外店員好急住收餐，我FD食食吓中途睇個電話，佢就走埋嚟問佢仲要唔要，明明仲有半碟未食…總結係量係幾抵食，但重量唔重質冇用，唔會再幫襯=_=

見到第二個社交網好多好評，就約埋個朋友去試試個lunch, 星期六等左半個鐘，店員都好有禮貌，我叫左香辣蒜片蜆肉意粉，朋友叫左雞扒焗飯，羅宋湯ok味濃足料，先是到意粉，好大碟，但除了辣味一d味都無，仲要問店員攞鹽，蜆肉乾身，最後食唔曬打包返屋企加工。到雞扒焗飯，飯量算ok但雞扒好硬，朋友都唔想食落去。整體覺得無評論講到咁好食，可能我無食牛扒，但係一間餐廳不能得一樣好食而忽略其他菜式。或者下次有機會再去試試牛扒。

見琴日喺王子餐廳食咗個唔錯嘅lunch，今日再接再厲去食多次先選擇恐懼症又發作啊，又想食焗飯又想食其他，好似好吸引咁！結果叫咗個厚切牛脷併法蘭克福腸意粉配燒汁。忌廉湯同凍檸茶。忌廉湯普普通通冇乜特別。主菜果然同餐牌所寫一樣「厚切」，兩塊牛脷都超厚，而且肉質好淋好軟熟，唔錯唔錯至於法蘭克福腸都OK幾好食，意粉軟硬適中。不過燒汁就麻麻，冇乜味道，唔夠鹹，結果要加鹽先食到 凍檸茶都係同一個問題，茶底唔得，苦，要改善改善

今日去咗王子餐廳食lunch，因為喺Facebook不斷見到好多人都話好正，所以忍唔住即使好遠都行過去試吓先。未到12點已經要等位喇，好彩等得唔耐，大概等左10分鐘就可以入座。我揀咗個忌廉汁煙三文魚露筍意粉、羅宋湯、熱檸茶。羅宋湯一般，無乜特別。我個意粉等左一陣上枱啦，賣相精緻，份量好足！意粉軟硬適中，忌廉汁好creamy,煙三文魚都好大塊架！不過蘆筍就麻麻地，好多渣食唔到。$50一個set lunch相當抵食。不過檸茶底可以改善無咁苦就更加圓滿。

復活節最後一日假期，中午又出外吃午餐。走著走著無意中發現這間新開的餐廳。午市餐牌多為焗飯或意粉類，也有扒餐，於是進去試一試！我和老公都選了焗餐，包餐湯及熱飲 (凍飲加$3)。餐湯和凍飲很快送到，想不到紅湯挺足料的，味道香濃，而且有牛腩！通常焗品都要等挺長時間，但這店的速度還算不錯，我們喝完湯不久焗飯及意粉便一起上檯了！可能是因為她們用的是金屬器皿而不是陶瓷器皿，傳熱較快吧！我點的三重芝士肉醬意粉 ($46)非常非常的香！一上檯便聞到濃濃的芝士味！令人食欲大增！意粉的份量亦多，調味恰當，醬汁及牛肉碎的比例亦好，不錯！老公點的意式茄茸焗豬扒飯 ($50) 亦不錯，茄茸份量多，豬扒亦有切開一格格方便食客，芝士份量亦多。以焗品來說只是五十塊左右一餐 (以熱飲計)，以這個份量及質素，個人認為算是便宜～難怪在午市亦要排3-4張檯才能入座！

紐西蘭厚切肉眼——明顯地俾嘢拿過，嗰種質感可想而知，哎......厚切牛利扒——-質感似係煲過湯的牛利，無聞無味，得個林。雪糕——拿到來已經係溶嘅，唔明白點解咁都可以上台。唯一可以讚的係店員的態度幾好，找錢找左10個一蚊銀俾我，好嘢好嘢......本來睇到Facebook 有人讚，所以特登過來試下。試過後，懷疑Facebook 嗰個係媒來嘅。不過見到咁嘅價錢，其實都應該估到，邊有咁大隻蛤乸隨街跳啊！係自己唔信邪，以為真係咁着數。

聽講最近元朗安興街附近開咗間食扒嘅新餐廳，於是就心思思走去試下。夜晚7點去到嘅時候 嘩！已經坐滿人了連外面坐位都坐滿。門口已有人排隊等緊位了，好旺場喎。等咗一陣終於都有位了yeah, 餐廳不算很大但裝修用工業風風格好精致。餐牌主要食鐵板扒為主亦都有意粉焗飯，沙律，小食選擇十分多，飲品方面還有細個成日飲嘅黑牛同白牛 好懷舊啊。我地點咗個2人餐，叫咗厚切西冷同肉眼，二人餐跟餐包同湯同飲品。食完湯後主菜剛剛來到。嘩！扒嘅份量超大件喎！厚度十足，有薯條同粟米做伴菜。先要贊贊個黑椒汁，香濃得嚟辣味十足越食越辣 蒜蓉汁也不錯。5成熟嘅扒我覺得剛剛好，肉身好林又唔會乾身 good.食完個扒已經飽咗9成了，食埋個甜品雪糕再飲埋杯雪糕柯華田(超邪惡) 真喺飽到一個點呀。總括嚟講餐廳嘅CP值好高，下次會試埋其他扒類，飽飽的抱腹回家。