影片
未坐低已经同你讲食物要等20分钟以上（无问题，我唔赶时间）隔离枱等左三十分钟，催极都未齐👍🏻我好幸运，十五分钟有食物，铁板餐吉列猪扒加鸡扒，猪扒酸既，反映过后成份餐收走再做过，点知比返「一块吉列猪扒」比我😂😂揾职员跟进，两个女既乜都唔知👍🏻男既就好似听唔到咁🤦🏻♀️讲第三次先有反应今次就话重新做过份餐比我，吉列猪扒转牛扒😑咁点解我一开始叫牛扒系冇既呢？重新整既铁板餐变左牛扒拼鸡扒，第一啖既牛扒仲酸过之前既吉列猪扒🤦🏻♀️🤦🏻♀️最后我同个男职员讲唔需要再重新整啦，我唔食啦！无下次！无下次！无下次！
继续阅读
之前食过几次都唔错，于是寻日中午放饭时段大约12:30左右一行6人谂住再去食lunch ， 去到门口话未有位要等10分钟，我哋都话冇问题照等，入到去坐低，有个女侍应帮我哋落单，但佢落到乱七八糟，跟住就同我哋讲佢返咗两三日工，唔系好识落单，但过程都玩左我哋10分钟，之后就叫个熟手阿叔过嚟同我哋重新落过单，又玩咗我哋5分钟😒，都算啦大家但求有餐晏医肚，大约又到10分钟后先上汤同饮品，之后汤饮完连杯冻柠茶啲冰都就嚟溶，仲未上正餐，𠮶阵时我哋已经又再等左差不多20分钟，于是就当然系追单啦⋯⋯佢哋当然梗系话厨房整紧啦，但转个头听到个女侍应同个熟手阿叔讲厨房冇单，我哋听到之后觉得非常震惊，然后不停追问到底系整紧还是冇单？其实真系唔紧要我哋中午食饭时间有限，不能无限地等，你话漏左等几耐你咪同我哋讲啰⋯⋯竟然个新来女侍应叫我哋自己问厨房㖞，𠮶下真系火都嚟埋，咁我想问下次如果真系再有机会嚟食系咪叫客人直接入厨房落单，好心啦，你既然新嚟唔识答你就唔好出声啦⋯⋯但𠮶刻个熟手阿叔哩埋喺后面龟缩，之后见我哋群情汹涌先至走出嚟同我哋讲唔好意思，但当时已经13:30 ，我哋比班友玩左成个钟仲要只系饮咗个汤，同两啖野饮，佢哋猛话因为好多外卖所以做唔切，咁不如你哋唔好做堂食啦，结果我哋嬲得滞就起身走人。首先我真系未试过追单竟然叫我自己入去问厨房啰，搞笑唔搞笑，最后我哋即刻跑去买麦当劳返公司食，仲要迟晒大大到。呢间野真系唔驶旨意再有下次。
继续阅读
上个月食过一次午餐，整体质素唔错，性价比高，值90分。今日心痒痒中午再走食，质素突降，只有30分，点解咁讲？1. 餐厅11：30开门，12点去食，叫肉眼铁板竟然话肉眼sold out，唔合理🙄2. 西餐可选红汤白汤好正常，但两次去到都话红汤未煮好只得白汤，我话等红汤侍应话要等1个钟，结果正1个钟后我食完正餐都系无红汤，然后个白汤嚟到一pat嘢咁😔得几粒粟米，磨菇都无块，唔热微暖，口感好差。唔知煮个红汤系咪真系咁难，目测7成客都拣红汤，如果无我宁愿你一早老实讲无啰，点解呃人话煮紧，然后白汤又唔好饮，赶客😑3. 我叫个双扒铁板餐，啲side dish系冻嘅，得啲扒热，猪扒都还好，但块鸡扒，块皮浓浓地以为正常，但咬落去啲肉原来未熟，lur都lur唔切😔😔😔 同个叔叔待应讲咁佢都算好帮我换过块鸡扒，出到嚟块扒系热辣辣嘅，但正中间都系唔熟，可能块扒厚所以中间煎唔得熟，其实可以叮叮佢先拎去煎就可避免呢个情况😑4. 黑椒汁稀到水咁，仲明显见到成层油喺面。之前唔系咁㗎，以前个黑椒汁好好食，系成个铁板餐嘅灵魂，而家...5. 餐厅坐唔满，10枱客都无，但每枱平均要等半个钟先上到主菜，估佢厨房唔够人所以出餐咁慢？但楼面有成4个侍应行行企企，1个叔叔其他女仕(其中一个女仕指指点点无落手做，系新老板？)，啲客追单只识讲厨房整紧，人手分配好有问题结论：唔知系间餐厅转咗手定转咗厨师，食物质素好明显地差咗好多，以食最多系份量多食唔晒而食剩，但今次系因为难食到唔想食而剩。我谂短期内都唔会再去帮衬。P.S. 食完1个钟内即刻肚痛，black list🙄🙄
继续阅读
以前成日食呢间餐厅，觉得好味又抵食，但经过今日食llunch经历，觉得唔同晒。今日入门口，已经发现侍应转晒人。平时最少有两个熟手侍应。今日得一个侍应，一个传菜阿姐。两个态度都好散漫，举手想落单都唔多理你。落完单，我地4个人，足足等咗成九个字先至上菜。咁耐先上菜既原因，我听到个待应话系因为接左好多外卖单。我隔离枱有位客人，等到够钟返工，个餐先出黎。个待应仲够胆死问人外唔外卖。 我哋等咗九个字，终于上菜。 恶梦开始，我叫华田走奶， 上既系普通华田。同事叫牛扒饭，畀左猪扒饭。同事杯热柠茶苦过凉茶。最惨既系，啲牛扒同埋洋葱汁都系有酸味。大家有时间先好帮衬。
继续阅读
成日爆场，难得经过有位就入去食个午餐。之前食个午餐五十几蚊就叹到，不过今年就加左价，俾市套餐最平都$55起主打系港式西餐，环境装修其实都几靓几舒适食牛扒铁板上都系70几蚊套餐有西餐汤，同饮品真心抵食到爆炸啊❤️好钟意食佢个牛舌餐，仲可以选择一样配料，我叫左烟肉，配薯菜，薯菜有粟米同薯条❤️职员礼貌好好👍🏻同埋唔会食完劲赶时间你，成个进餐时间都好舒服
继续阅读