王子餐廳 (已結業)

未坐低已經同你講食物要等20分鐘以上（無問題，我唔趕時間）隔離枱等左三十分鐘，催極都未齊👍🏻我好幸運，十五分鐘有食物，鐵板餐吉列豬扒加雞扒，豬扒酸既，反映過後成份餐收走再做過，點知比返「一塊吉列豬扒」比我😂😂搵職員跟進，兩個女既乜都唔知👍🏻男既就好似聽唔到咁🤦🏻‍♀️講第三次先有反應今次就話重新做過份餐比我，吉列豬扒轉牛扒😑咁點解我一開始叫牛扒係冇既呢？重新整既鐵板餐變左牛扒拼雞扒，第一啖既牛扒仲酸過之前既吉列豬扒🤦🏻‍♀️🤦🏻‍♀️最後我同個男職員講唔需要再重新整啦，我唔食啦！無下次！無下次！無下次！

之前食過幾次都唔錯，於是尋日中午放飯時段大約12:30左右一行6人諗住再去食lunch ， 去到門口話未有位要等10分鐘，我哋都話冇問題照等，入到去坐低，有個女侍應幫我哋落單，但佢落到亂七八糟，跟住就同我哋講佢返咗兩三日工，唔係好識落單，但過程都玩左我哋10分鐘，之後就叫個熟手阿叔過嚟同我哋重新落過單，又玩咗我哋5分鐘😒，都算啦大家但求有餐晏醫肚，大約又到10分鐘後先上湯同飲品，之後湯飲完連杯凍檸茶啲冰都就嚟溶，仲未上正餐，嗰陣時我哋已經又再等左差不多20分鐘，於是就當然係追單啦⋯⋯佢哋當然梗係話廚房整緊啦，但轉個頭聽到個女侍應同個熟手阿叔講廚房冇單，我哋聽到之後覺得非常震驚，然後不停追問到底係整緊還是冇單？其實真係唔緊要我哋中午食飯時間有限，不能無限地等，你話漏左等幾耐你咪同我哋講囉⋯⋯竟然個新來女侍應叫我哋自己問廚房喎，嗰下真係火都嚟埋，咁我想問下次如果真係再有機會嚟食係咪叫客人直接入廚房落單，好心啦，你既然新嚟唔識答你就唔好出聲啦⋯⋯但嗰刻個熟手阿叔哩埋喺後面龜縮，之後見我哋群情洶湧先至走出嚟同我哋講唔好意思，但當時已經13:30 ，我哋比班友玩左成個鐘仲要只係飲咗個湯，同兩啖野

上個月食過一次午餐，整體質素唔錯，性價比高，值90分。今日心癢癢中午再走食，質素突降，只有30分，點解咁講？1. 餐廳11：30開門，12點去食，叫肉眼鐵板竟然話肉眼sold out，唔合理🙄2. 西餐可選紅湯白湯好正常，但兩次去到都話紅湯未煮好只得白湯，我話等紅湯侍應話要等1個鍾，結果正1個鍾後我食完正餐都係無紅湯，然後個白湯嚟到一pat嘢咁😔得幾粒粟米，磨菇都無塊，唔熱微暖，口感好差。唔知煮個紅湯係咪真係咁難，目測7成客都揀紅湯，如果無我寧願你一早老實講無囉，點解呃人話煮緊，然後白湯又唔好飲，趕客😑3. 我叫個雙扒鐵板餐，啲side dish係凍嘅，得啲扒熱，豬扒都還好，但塊雞扒，塊皮濃濃地以為正常，但咬落去啲肉原來未熟，lur都lur唔切😔😔😔 同個叔叔待應講咁佢都算好幫我換過塊雞扒，出到嚟塊扒係熱辣辣嘅，但正中間都係唔熟，可能塊扒厚所以中間煎唔得熟，其實可以叮叮佢先拎去煎就可避免呢個情況😑4. 黑椒汁稀到水咁，仲明顯見到成層油喺面。之前唔係咁㗎，以前個黑椒汁好好食，係成個鐵板餐嘅靈魂，而家...5. 餐廳坐唔滿，10枱客都無，但每枱平均要等半個鍾先上到主菜，估佢廚房唔夠人所以出

以前成日食呢間餐廳，覺得好味又抵食，但經過今日食llunch經歷，覺得唔同曬。今日入門口，已經發現侍應轉晒人。平時最少有兩個熟手侍應。今日得一個侍應，一個傳菜阿姐。兩個態度都好散漫，舉手想落單都唔多理你。落完單，我地4個人，足足等咗成九個字先至上菜。咁耐先上菜既原因，我聽到個待應話係因為接左好多外賣單。我隔離枱有位客人，等到夠鐘返工，個餐先出黎。個待應仲夠膽死問人外唔外賣。 我哋等咗九個字，終於上菜。 惡夢開始，我叫華田走奶， 上既係普通華田。同事叫牛扒飯，畀左豬扒飯。同事杯熱檸茶苦過涼茶。最慘既係，啲牛扒同埋洋蔥汁都係有酸味。大家有時間先好幫襯。

成日爆場，難得經過有位就入去食個午餐。之前食個午餐五十幾蚊就嘆到，不過今年就加左價，俾市套餐最平都$55起主打係港式西餐，環境裝修其實都幾靚幾舒適食牛扒鐵板上都係70幾蚊套餐有西餐湯，同飲品真心抵食到爆炸啊❤️好鐘意食佢個牛舌餐，仲可以選擇一樣配料，我叫左煙肉，配薯菜，薯菜有粟米同薯條❤️職員禮貌好好👍🏻同埋唔會食完勁趕時間你，成個進餐時間都好舒服

王子餐廳其實都食過好幾次，之前食個午餐$50有交易，不過今年就加左價，俾市套餐最平都$53起主打係港式西餐，環境裝修其實都幾靚幾舒適，今日都同幾位同事一齊黎食個午餐。餐湯都係有羅宋湯同忌廉湯，小弟選擇左羅宋湯，可能由於係第1枱客人啦，湯既味道好濃郁，酸度都好強，湯既材料都幾足，我覺得羅宋湯係唔錯既。主菜方便我就選擇左厚切牛脷拼法蘭克福腸，跟飯同瑞士汁，牛脷就的確很厚，今日食到既就煎得幾好，外皮幾焦香同加左d黑椒，入面都幾軟淋，但法蘭克福腸就比較差d，似係烚熟無煎過，唔香口，飯都比較濕，瑞士汁既味道都唔太突出，整體上不過不失啦。另外幾位同事分別選擇左薄牛排同豬排豬排就超大塊，但外觀睇落煎得唔夠香，佢地都話食落一般般。整體而言食物質素叫普通啦，午餐套餐黎講5x都叫正常，待應服務態度都算幾好幾有禮貌，環境算係唔錯，食物質素如果可以再改善下就會有更高評價。

王子二人晚餐248元，抵食夾大件。羅宋湯兩碗，材料足，味道不錯。牛油餐包軟。主菜有多款可選兩款。牛扒大件且有厚度，牛肉味濃，肉多汁，有嚼勁。黑椒汁香辣惹味。薯條外脆內軟，粟米鮮甜。雪糕兩杯，味道正常。

覺得呢間餐廳最出色嘅係豬肋骨好可惜嗰日去到竟然冇晒唔食牛嘅我就叫咗份黑毛豬鞍可以一讚嘅係煎出嚟唔會過老因為呢啲豬扒好容易一係就骨位唔熟一係就煎到鞋霎霎朋友食嘅肉眼非常出色不過就冇影到相二人餐都幾抵二百幾蚊就埋到單 有餐飲有餐湯有麵包同埋甜品不過有樣嘢覺得唔係幾好嘅就係佢嘅鐵板餐一定要跟薯條 如果想食飯或者意粉嘅話就要另外加$10 冇得轉

食飯時間 餐廳不算多人 店裏有萬聖節裝飾經過一輪考慮 叫左個西冷5成加一個什扒餐先黎2個紅湯 餐包 正想味道幾好不錯 湯同包未食完 正餐已經到了 由於枱太細 扒只好放隔離枱西冷要5成 上到枱過左7成呢個價錢 可以接受什扒 腸 火腿 煙肉 豬扒牛扒雞扒超大份 女友說 雞扒麻麻 其他都可以接受薯菜薯條出色 餐茶普通整體論價錢比較絕對合格 但可以更好

打電話過去叫外賣 之後拎返屋企食叫左個卡邦尼蛋汁煙肉意粉點知番到去先見到卡邦尼又無 蛋汁又冇真係好劣下次唔會再食。。。。。。。。。。。。。。。。，，，，，。。。。。。

侍應好好傾, 雖然坐戶外熱辣辣, 又勁多煙民, 但食物快靚正, 快餐之選點了蕃茄焗豬扒飯, 炒底, 整體味道不俗但份量偏小👍厚切牛脷意粉是推介之一, 牛脷嫩口好吃, 法蘭克腸雖則原條上, 又幼又粉, 只怪自己吃慣司華力腸

回頭率好高既港式鐵板餐廳🥰宜家西式扒房愈黎愈多，想食返啲港式風味真係愈黎愈難🥺白湯定紅湯！牛油餐包！諗起都已經好正😇難得比我搵到間又好味又抵食又坐得舒服既鐵板餐廳，唔會催人走裝修好有西式小cafe感覺，我數數手指都黎過呢到4,5次佢份量比出面一般都大，而且好味👍🏻王子厚切紐西蘭牛肉眼 HKD138配薯角、附送牛油餐包、餐湯、飲品 & 雪糕以呢個價錢成個full set真係抵到不得了‼️鐵板餐當然一定有得揀黑椒/蒜蓉/洋蔥/燒汁佢仲有得免費加生蒜，我一定加！配埋一齊食先正架嘛🤪有冇人都好中意睇住將汁淋落鐵板炸炸聲出煙🤣牛嗌佐5成熟，佢既熟度真係剛剛好🥰切開勁靚😍 不過一分錢一分貨，肉質會偏乾呢度既肉眼就一定冇咁嫩滑多汁重牛味架啦～但勝在啖啖肉同真係好抵食，味道唔差架！真係細食啲分分鐘都會食唔晒食到飽一飽最後仲有朱古力雪糕😍➨芝士忌廉焗青口4隻 HKD34又係抵食❤️ 好多cheese好正☺️ 好熱辣辣！

肉質一般偏乾，無汁唔豐富，豬、雞感覺有雪味，餐茶中規中矩，配茶偏油膩。成份餐好大份，正常男士應該食完好飽，女士應該食唔晒。以份量黎講，叫做幾平，但如果以質素行先就可以考慮其他。

侍應服務態度態 叫塊扒五成熟變左十成熟 D汁又唔另上 倒曬落D飯到 又唔問下要唔要倒汁 杯野飲後上 凍檸茶冇叫走糖 自動識走糖 最激氣係杯野飲都未飲完 叫你走先 出面有客人等緊 唔會有下次幫襯 最嬲既係 我地四個人入去 初初話冇位都算 咁22入座等地都冇問題 坐左一陣 D野食都未黎 見到隔離果兩個走左 咁自然就想4個人坐番一齊架啦 點知比個侍應吹帳 佢話唔好亂咁坐 佢地已經安排好曬 咁我地心諗唔通佢地都四個？咁結果就係兩位學生 兩位伯伯完全唔識既 原來所位既安排就係唔想比我地坐埋一齊 真係有夠黑心既店 仲有D餐又黎得慢 野飲又慢 食唔夠8個字就開始趕人走 伴菜都未食完就收隻碟 我同佢地講我都未食完 之後仲要比個白眼我 唔知咩服務態度 希望大家小心 呢間鋪越旺態度越差

成日經過呢間王子餐廳，都見有人排隊。今日見冇咩人等位，就入去試試😋點了一個香辣蒜片蜆肉意粉🍝 好食。炒等好香，唔會太辣！蒜片夠香👍🏻配埋餐湯，凍檸茶 $ 54 正！