玉子造屋 (已結業)

係Facebook到瘋狂見到依間餐廳落既廣告，加上自己極度喜愛玉子，所以本身對間野有好高既期望，開業第二日已經急不及待留左個晚飯時間去食。可能去既時間比較早，人唔多唔洗等位就入到去。入到去其實個裝修好靚好有日本風，個餐牌既相都好正，咁就叫左個咖喱雞粒飯配旋風玉子。可能新開業廚房做野比較慢，得三枱客都整左成15分鐘先上枱。上到枱個賣相其實好靚，但食落就出事啦。雞粒暖既咖喱暖既飯直頭係又凍又硬，得個玉子係熱既，但個玉子都太熟啦，近乎無蛋汁，個飯太硬又唔熱，真係一個敗筆。味道還可以但雞粒份量少左啲啲，其實咁樣好似食緊高級碟頭飯咁，依個價錢只此一次。