玉子造屋 (已結業)

黎開將軍澳，同朋友黎左玉子造屋食玉子主題美食。叫左兩個半熟滑蛋飯。菠菜奶油三文魚X 洋蔥蘑菇汁雞肉$88炸雞飯X 蕃茄咖哩豬軟骨$88滑蛋好幼滑，飯既份量都足夠，肉都十分入味呢。加$25可以配豆腐海台味噌湯，野菜沙律同柚子蜜，味道都不錯。士多啤梨pancake$48pancake 一切開好鬆軟，粉同雞蛋比例唔錯，即叫即整。甜度岩岩好，加埋生果配搭好特別。綠茶忌廉 紅豆醬 Pancake $48紅豆抹茶好夾，值得一試呢。埋單都幾抵食。

過咗去嘅星期日搵brunch食，諗到呢間，因為好多都成日去，係呢間未黎過。其實遲遲都無黎食過係因為有個朋友話麻麻地😛😛行到餐廳門口，睇過餐牌，好啦，都ok咁。左揀右揀，一個要咖哩吉烈豬扒飯(半熟玉子蓋飯), 另一個就要味噌南瓜汁炸蝦飯(醬油流心蛋). 一個加25蚊就變咗有個小沙律，味噌湯。首先，沙律同味噌湯同，沙律ok，但個湯就咸得有點過份，最後我哋都無飲哂🙊第一個飯到，賣相都幾好...但估唔到，會係咁麻麻，蛋不是半熟feel，而豬扒⋯⋯一啲都唔吉烈，豬扒就無咩味，而啲汁都係一般，我哋就覺得過份’傑’🙊到我個個喇，賣相又唔錯，味道都係一般，蝦都可以嘅，好彩隻流心蛋都算正常！

將軍澳中心呢年都大翻新，好多新嘅餐廳終於陸陸續續開張了。而今次食嘅玉子造屋係好多朋友喺fb/IG介紹，所以我都約朋友趁平日7點人少少，唔洗排隊就入座啦。相信玉子蓋飯係呢間餐廳嘅招牌菜，雖然飯唔少多，但上面嘅滑蛋超大！而且我點了雙併餸，炸雞咖哩、豬軟骨番茄咖哩，一次試過兩種口味。無諗過番茄咖哩酸酸甜甜，又幾啱胃口！之後點了個卡邦尼意粉，非常之creamy，加咗隻溫泉蛋，再撈埋一齊，正啊最後當然唔可以少得甜品啦，有最近期最hit嘅梳乎厘pancake+雲喱拿雪糕！果然空氣感最高，唔怕食太飽啦！

玉子造屋當初開業時以多款雞蛋食法配合主食作招徠，計有半熟玉子、醬油流心蛋及和風太陽蛋。開業至今，新增了二人晚餐，除了雞蛋料理溫泉蛋沙律及玉子盛典外，還有味噌湯，兩款小食，照燒西冷，楓糖雪糕及冰茶，十分豐富。玉子造屋裝修簡潔，很有和式風尚。櫻花蝦溫泉蛋沙律溫泉蛋淋上少少淡口豉油，蛋黃一啖放入口最能品嚐到日本蛋黃的濃杰黏口。黑松露牛油焗菌牛油焗雜菌味道本已香濃，再加上黑松露的幽香，就更加美味可口。兵庫蟹肉釀小蟹蓋小蟹蓋釀上蟹肉，精緻小巧，味道亦不錯。和風照燒穀飼西冷西冷屬牛扒較瘦的部分，牛味濃郁有嚼勁。旁邊伴上幼身日本牛蒡漬，入味又爽脆。菠菜奶油三文魚飯(半熟玉子)用日本蛋製成的半熟玉子猶如旋風一樣，賣相很美。本以為會有點似茶餐廳的炒滑蛋一樣有甜美蛋汁，但原來玉子已煮得全熟，雖然蛋質不錯，但沒有半熟蛋汁有點缺失。三文魚有三塊之多，伴上奶油入口較滑溜。楓糖雪糕雲呢拿雪糕香甜軟滑，伴上少量楓糖更能提升雲呢拿雪糕香滑感。冰茶冰茶有果味有茶味又調好甜味，份量很大杯亦很好喝。

今日入咗將軍澳同母親食飯，但在這商場林立的地方代表，也即食譜相當多，但編路過將軍澳中心旁的時，發現有一間光猛又開揚的食店，所以便決定和我的母親，走進這間《玉子造屋》進食的是日式食店內部裝修簡單寬敞，比人感覺很舒服的感覺在旁邊有一排落地玻璃，盡使用天然陽光簡單的擺設，不奢華的裝修，廚房出菜位也很整齊餐牌的擺設很符合餐廳的裝修採用簡單編排頭盤點少得沙律，全部都是新鮮的蔬菜，感覺很有田園味道咖豚肉湯烏冬， 日式飯店內點少得咖哩， 咖哩味很香濃，而又不會太辣，每片豚肉都很鬆軟，至於烏冬軟硬適中很有咬感這個鳗魚丼，鳗鱼皮烤得酥酥脆脆，而鳗魚肉卻依然保持細嫩，再加上蒲燒汁更带出鰻魚肥美魚味，而蒲燒汁滲落飯内，更為惹味但又不會太鹹另外配上糖心蛋，熟度剛剛好，還帶有少許流心的感覺日式炸雞件，每件雞件大細適中，炸得剛剛好， 不會是雞肉鞋口， 但表皮保持鬆脆凍果茶，原來生果配茶都可以咁爽，飲落除了茶味以還帶點果香味，絕對有新津解渴的效用但唯獨最可惜是，食不到他的班戟，因為已售罄，下次再入去一定要試下

話說去開將軍澳睇戲，睇完之後想食少少野。行下行下醒起之前食過依間野，覺得唔錯，所以就決定黎食多次。依度係主打唔同煮法嘅蛋配搭唔同醬汁嘅飯，之前試過不論份量定味道都唔錯，只係略嫌貴左啲。不過今次我同fd子真係唔係太肚餓，於是就叫烏冬食。fd子叫左個叉燒烏冬～而我就叫左豬軟骨烏冬。烏冬湯底係醬油湯，但係唔會死鹹，係正常嘅烏冬湯底。烏冬係用左比較粗嘅一款，幾彈牙。至於個豬軟骨，炆得幾「林」、幾入味，認真唔錯。最後係menu度見到依個士多啤梨pancake，於是就叫左個試下。落單嘅時候侍應提醒我地依個pancake要等半個鐘，我同fd子眼見時間唔趕，於是就決定等一等。其實半個鐘真係好快過，吹下水就過去啦。個pancake黎嘅時候係熱辣辣㗎，一刀切落去就知裏面真係好軟熟，外面有少少脆。pancake配上少少cream同新鮮士多啤梨，食落去酸酸甜甜唔會好heavy，不知不覺間一啖接一啖咁就finish左。值得一提嘅係，個pancake有好香嘅蛋味，將幸福嘅感覺昇華到另一個層次。我覺得依30分鐘係值得等嘅！

今天剛好補假，囡囡又番左學，終於可以同太太休閒地過一日。由於已經食了個豐富早餐，不太餓，所以在商場行行下，過曬中午迫人的時段，最終選了在玉子造屋食午餐。 雖然過了午餐時間，但仍然可點午餐（套餐價，跟沙律同飲品）。 點了前菜：牛蒡醬油漬；主菜：鰻魚丼、玉子漢堡（牛）跟餐飲：冰果茶、蜂蜜綠茶。 ​ 跟餐的是野菜沙津配香醋，酸酸甜甜加上新鮮野菜同蕃茄仔，幾開胃。 牛蒡醬油漬的份量十足，牛蒡爽脆，而且味道濃郁，空口食會覺得比較咸，送飯卻剛剛好。 太太說很久沒有食鰻魚，所以點了鰻魚丼；鰻魚丼跟上流心蛋，蛋的流心效果做得十分之好，入口滿滿濃郁的蛋漿；鰻魚熱熱的十分可口，連同脆脆的黃瓜一起吃有更好口感；碗中的飯亦已加上飯素。 我就點了玉子漢堡（牛），漢堡的用料十足，目測漢堡應該有13、14厘米，其中漢堡牛肉有3、4厘米厚，上面再加上太陽蛋，下又有厚蕃茄加上半溶的芝士，眼看已經十分吸引；漢堡旁有蛋黃醬加蟹子，味道微酸，伴上漢堡一同進食令味道更加平均、更美味。 餐飲是冰果茶(士多啤梨)，酸甜適中，微微的士多啤梨果甜、果香，加上是冰凍飲，夏天消暑一流。 另外的蜂蜜綠茶是比較普通

將軍澳而家好多野行，行完又可以係埋商場度食野，因為都幾多野揀。叫佢地既玉子飯套餐都會有一個沙律同麵豉湯送，仲有一杯飲品，沙律菜好新鮮，不過較酸，唔中意酸既人可能會接受唔到，不過麵豉湯好飲，飲品就叫左菠蘿特飲，都唔會太甜，剛剛好。小食就叫左炸手羽先，即係炸雞翼，炸得幾好食，肉質好嫩滑，好juicy，好入味👍🏻👍🏻👍🏻咖喱吉列豬扒玉子蓋飯，好香咖喱味，吉列豬扒炸得好鬆脆內軟，佢啲豬扒啲肉質好林身，好juicy，完全唔會硬，豬扒表層亦都唔會只有炸粉，因為豬扒好厚切。😋😋😋紅酒燴牛肉溫泉玉子飯，呢個飯好友驚喜，紅酒烹調嘅牛肉好出色，好入味，因為佢仲有其他配菜一齊去煮，所以唔會淨係食到牛肉咁單調，而佢個飯裏便亦都有啲類似穀物嘅嘢，比較有咬口，最要一讚嘅就係個溫泉蛋，時間掌握得好好，有流心的。好味😋😋😋

因為我已食飯而朋友未食，所以入座時已決定朋友飯我食甜品，所以最後我order pancake.我食strawberry pancake，食物與圖片完全不同，要我同佢話要依照商品說明條例比番d 士多卑利我佢先比。而且呢一塊pancake真係唔值$48. 雖然一開始其實冇乜期望，但估唔到咁差。好在朋友食咖哩飯，話正常，冇乜特別。起碼都食得落。雖然明白唔係waiter或waitress既問題，但廚師知道menu張圖同個真人差咁遠，應該要提。我唔會再黎，其他人就自己考慮下。

約左幾位閨蜜喺將軍澳食飯，必選日本餐廳，我地當中有人推介呢間店，主打蛋包飯。我地一去到間店舖就即刻心心眼，咁我地梗係叫我最中意既三文魚，所以我就叫左個奶油三文魚南瓜蝦半熟玉子飯。一黎到好吸引，圖片唔係只供參考，真係一模一樣，好靚，相機一定要食先。蛋好滑，份量好多，我地幾個食左好耐都食唔哂，D炸蝦好鬆脆，隻蝦仲有手掌咁長，南瓜蓉係真正南瓜打出黎，好香甜。明太子意粉好creamy，有好多明太子，味道好濃郁。下次都會返食呢個啊～

跟朋友慶祝生日，可惜有人腸胃不舒服，於是決定來食清淡點，日本菜最適合。一直都很想來這間店，聽講蛋很好吃，我又非常喜歡吃蛋。餐廳環境柔和，幾個女仔來食生日飯可以舒服聊天。每個飯都可以跟餐，有味噌湯，沙律及一杯飲品。味噌是紅味噌，味道相對白味噌比較濃一點。飲品點了冰果茶，每天用的水果不同，我喝的是菠蘿味，很清新。我點了菠菜忌廉配蘑菇汁雞肉，蛋是半熟，賣相吸引，蛋像一朵花，一個飯可以吃到兩種味道。三文魚大塊又多，忌廉汁幼滑。雞肉軟稔，份量都是很多。

無咁易餓瓜-瓜佬瓜嫂雙雙中伏:瓜佬鍾情食咖哩，由其係日式咖哩，今日去拍拖行街街見到呢間日式咖哩，瓜嫂都好醒目已經睇下評價，得唔少正評就決定試下。咖哩吉列豬扒飯- 造型好，講真以一眾相機食先既朋友仔放落枱已加唔少分，但蛋皮唔覺得做得特別好，對比起上黎仲輸比華星，咖哩同豬排都乏善可陳，只可以算得上中規中矩。Rating:5.5/10蕃茄咖哩豬軟骨飯- 瓜嫂點呢個反而有點驚喜，醬汁比較香濃，配合到白飯，但軟骨係屬於少少脆有咬口那種，對於喜愛軟軟口感的我們就只可算ok，但整體算是不俗.Rating:6.5/10講真以相同價錢，相較於大型連鎖店Coxo一X屋，我都覺得要比下去，雖然唔算唔好食但除造型外無驚起，性價比上顯得不值。🍈跟瓜嫂瓜佬一齊搵食-IG-hungry.melonhk————————————————————-Egg Factory -a Japanese styled cafe that specialised in egg cuisines. We did our homework -Tons of positive reviews and the menu looks good

這間日本餐廳，我在和狗狗逛街時已留意到，在將軍澳中心商場內， 喜歡它簡潔樸素的木系裝修 隔著玻璃偷偷看過，食物似乎也賣相不俗， 今晚就去品嚐一下新出了2人 Dinner set , "玉子的盛典“:有6種主食任你挑選， 再配合3種玉子造法， 我選了~ 蕃茄咖哩豬軟骨飯 配 半熟玉子 ~ 我的天， 多漂亮的玉子花 外型很討我喜歡呢! 軟軟香滑的半熟玉子， 滑滑地一啜便溜進口腔，加上又甜又濃的日式咖喱，還有豬軟骨炆得入味，不只賣相， 整個組合也甚合我意! 玉子另外2種煮法: “醬油流心蛋" 和 "和風太陽蛋＂， 喜歡蛋的人，定有一款啱你心意和風照燒榖飼西冷 ~ 要求7成熟 廚師控制得很好， 把這塊來自牛胸脊部份嘅牛肉，外層燒得夠香口， 內裏肉質軟綿綿， 加上側邊有條油筋， 吃上3種不同口感和層次 碟上周邊的小伴菜也很出色呢， 配撘得很適宜!豆腐海苔赤味噌湯， 櫻花蝦温泉蛋沙律， 芥末八爪魚 好豐富的晚餐!兵庫蟹肉釀小蟹蓋 ~ 滋味無窮， 肚子飽飽也撑着吃!士多啤梨冰茶 滿有士多啤梨香味， 超爽解悶熱喔!楓糖雪糕 ~ 好多嘢食 不要浪費， 努力啊！ 劃上完美句號， 很 cream

係蛋呀係蛋啊！！😋😋😋😋呢度咩蛋都有架！有流心蛋，漩渦蛋，太陽蛋😋😋😋完全滿足晒我對蛋嘅慾望話說呢間玉子造屋一直都係我既eat list終於有時間過嚟食啦！！發覺哩度嘅格局同Coco一番屋有啲相似，望下個餐牌發覺都幾多嘢食選擇喎，不過我見唔知點解單拼仲貴過雙拼嘅？因為我見三文魚菠菜奶油飯要$93但三文魚奶油菠菜飯拼蘑菇雞肉飯$88我同朋友嗌左嗰雙拼加咖啡吉列豬扒飯好期待嗰蛋呀，旋風蛋呀果然無令我失望，完全滿足到我呀，塊三文魚有驚喜添，輕輕地煎左一煎，裏面仲係半熟狀熊

上一次去找朋友時，將軍澳中心的商場仍在裝修，今次去裝修完，嘩! 裝修得很華麗呢。玉子造屋在商場最下層，近其中一個商場的入口位置。半開放式，感覺舒服。 最入裡的置有卡位， 空間多，也有bb座椅，方便有小朋友的食客。食物種類也多，有沙食律，小食，飯，烏冬，意粉，還有pancake。也有set dinner 。單點加hkd25便會有湯，沙律及飲品野菜沙律 用小碟盛載的一人份量豆腐海苔赤味噌湯味濃而夠熱騰騰洋蔥蘑菇汁雞肉飯雞肉夠嫩滑，份量多，蛋蓋飯的雞蛋也滑嘟嘟醬煮豬軟骨湯烏冬醬汁多，豬軟骨也炆得好腍，豬軟骨份量多。另外，額外點了兵庫蟹肉釀小蟹蓋應該是蟹肉混了些蔬菜再釀入小蟹蓋，味道不錯炒野菜小小的碟載滿了雜菜，有菇，粟米仔等等套餐的茶-蜂蜜綠茶杯子簡約而美麗，淡淡的茶味，很適合飯后喝一喝。食後感 ： 食物味道合我口味，也不錯。環境舒適，頗適合帶小朋友來。 價錢跟其他在商場的差不多， 大約hkd110一個1人套餐。沒有限時進餐