貓啡

营业中

休息中

想搵個地方傾計，同伴提議嚟呢間貓cafe。一般嚟講，主題cafe/餐廳雖然有特色，但distraction會多少少，幸好呢度的貓咪多數係靜靜哋休息，食客亦好尊重佢哋，唔會追住玩，所以都令人幾放鬆。之前睇過介紹，好似每人最低消費$100，當致電訂位時獲知每人只需點1杯飲品或1客小食，門檻極低，而平日更無限時任坐。如果要搵個地方hea，呢度都係一個好選擇。熱抹茶鮮奶：$38再加一，價格同一般cafe差唔多；份量同味道正常；飲品微甜，奶味多過抹茶味喺cafe入面，食客可席地而坐或者坐正式餐檯，但好少食客會坐櫈，可能大家都想同貓貓拉近距離。嚟之前有睇過一啲食評，話店內部分貓貓的健康狀況令人擔心，有脫毛、皮膚發炎或過瘦等問題。呢啲情況真係有出現，不過眼見只係少數，而正常家貓都會病既，應該唔使過分憂慮？另外，最近門口的一張鞦韆吊椅連檯由店員佔據，見檯上放有毛梳，店員得閒時會打理下啲貓貓，而cafe內長毛貓咪的毛毛亦非常鬆軟，冇打結，店入面放咗幾大盤貓乾糧...應該唔需要太擔心~~最後，呢度的冷氣真係弱，而凍飲同熱飲價錢相差$10又有少少唔合理。不過，作為主題cafe，如果只係點1杯飲品，消費真係好

朋友知我女鐘意貓貓🐱，同我講旺角新開咗間貓貓cafe👉🏻貓啡，叫我帶個女去玩吓貓🐱一嚟到我女勁開心四圍搵貓貓玩🫶🏻大部分貓Cafe都未必歡迎小朋友不過呢到就可以周圍玩，而我就可以慢慢嘆吓😌🍛招牌紅酒燴牛肋條飯 $98個飯整咗貓貓造型好可愛，牛肋條牛味濃郁，配搭紅酒汁好香，送飯一流🥔滋味炸薯角配黑松露沙律醬 $48著角炸得金黃香脆，叫比小朋友食，兩個極速清晒🍹玫瑰荔枝椰果梳打 $48荔枝椰果梳打味道香甜，感覺好清新🍹菠蘿沙冰 $48菠蘿沙冰打得綿密細滑，味道酸甜好開胃

旺角呢間「貓啡」，真係被班貓主子萌到暈！大隻細隻都有，仲有唔同品種，有啲懶洋洋瞓到反肚，有啲就好奇咁望實你，成個人即刻放鬆晒～ 試咗佢哋嘅招牌明太子蟹肉闊條麵，蟹肉鮮甜，明太子醬汁濃郁，撈埋闊條麵好夾！免治牛肉飯就得意到爆，飯整成貓咪形狀，連個碟都印住貓爪，打卡一流，味道就中規中矩啦～ 最暖心的係，呢度嘅貓貓大部分都係被棄養或者流浪貓，餐廳仲提供領養申請，等佢哋有個溫暖的家。而且每消費一蚊，店家都會捐部分收益幫更多流浪動物，真係食得開心又做得善事！貓奴們必去啊～

心目中 如果要去一間貓Cafe 我都會揀呢間 搬咗新舖 環境更好更加靚喜歡貓的人 都希望小貓有好歸宿所以定期有領養活動 今次見到其中一隻小貓已搵到新主人所以覺得呢間Cafe更有溫度食物方面 我哋專程來食lunch Meow 套餐 份量都幾飽肚芝士焗肉醬意粉 🍝肉醬份量幾多 芝士香濃作為正餐好足夠 即叫即焗 幾好食㗎飲品方面，選了生椰拿鐵 椰子味同咖啡好夾 和平時Cafe飲到的差唔多有貓貓陪你飲特別好飲你睇吓佢有心心圖案❤️這裏的店員都特別有愛心 真的愛貓而且清潔得好好 所以環境方面都好舒服但係其中一個小缺點，小貓會趁你唔覺意佔位 一不留神 就冇咗個位

小朋友鍾意與動物互動，揀左間貓cafe，呢度貓貓都好親民🥰仲要無限時既，鍾意坐幾耐都得，小朋友都玩到唔想走🤭🤭呢度好似一個大走廊咁，貓貓會行黎行去，仲可以買貓條餵貓貓🐱所以食物容器都同貓有關，好可愛😻▫️溫泉蛋卡邦尼意粉意粉汁濃度非常高，味道都岩岩好👍🏻小朋友教食到唔停口▪️意式雜錦辣肉腸薄餅個餅皮夠薄，邊邊位都好脆口，份量都恰到好處▫️招牌紅酒燴牛肋條飯牛肋條燴得好夠冧，而且啖啖肉😋▪️大啡菇黑松露扁意粉大啡菇多汁又夠香，配埋黑松露，簡直絕配👍🏻

今日同小baby去貓貓cafe真係好好玩好開心呀🥰一般貓cafe都要大人陪同同貓貓玩，而呢度係可以比大家隨意接近貓貓😺而餐廳大部份都係收養的流浪貓，本來以為流浪貓會好惡，但呢到個D大部份都好親人🩷🩷我地嗌左雙重芝士焗肉醬意粉，份量岩岩好比我地share食，而蜂蜜烤雞翼好香甜多汁，小朋友最愛💕💕而蘋果汁同朱古力鮮奶都大大杯夠我地坐咁耐，飲咁耐😊而且仲有遊戲玩，岩哂大人小朋友～一邊同貓貓玩一邊娛樂之餘，仲可以醫飽肚仔😍😍

放假我鍾意去貓貓cafe玩下 同可愛嘅貓cafe 🐱chill下 探下可愛嘅貓仔🐱第一次上嚟光顧 地方乾淨 有露營feel⛺️有二 三十隻可愛貓貓同你玩 🐱🔸️喵之優惠套餐 前菜主食飲品我個人覺得啲嘢幾好食 都抵食 ~$150 🔸️前菜 咖哩角或者沙律主菜🔸️招牌明太子蟹肉闊條麵意粉好creamy 裏面有勁多蟹肉好鮮味 上面鋪滿勁多明太子 賣相都幾好🔸️招牌紅酒燴牛肋骨牛肋骨炆到好淋 紅酒煮嘅醬汁好濃味 配上有貓貓圖形嘅白飯Café 有多種飲品🔸️綠茶拿鐵🍵 上面有好cute 貓貓🐾造型 感覺好窩心💖餐廳有收養流浪貓🐾 全部健康ok 唔會惡惡 全部都好可愛好溫柔 有部分貓貓可以喺店內申請領養 🐾🪧

嚟呢度一次滿足三個願望有飲有食又有貓貓同你玩好多時呢啲cafe都麻麻！因為諗住有貓貓做左噱頭其他野就求求其其啲算數但呢間食物質素真係唔錯叫左明太子蟹肉意粉套餐同紅酒牛肋條飯套餐試下明太子意粉醬汁creamy每條意粉都比醬汁包覆住牛肋軟腍醬汁濃郁好送飯而且個飯係貓貓形好可愛如果中意坐cafe飲杯野嘅不妨叫杯抹茶拿鐵好rich呢度啲貓貓都好乖唔搗亂唔講都唔知原來係流浪貓唔惡又會同人玩合眼緣嘅仲可以直接店內申請領養給貓貓一個舒適的家🥰—————————————————————

尖沙咀發現咗一間貓啡，愛貓人士打卡熱點。親身試過啲嘢食都唔錯，而且仲好抵食。得閒可以過嚟玩吓貓順便食埋嘢😋好抵食，兩個人叫咗兩個set埋單先至200多少少有齊晒食沙律、飲品同埋主食。煮食方面有意粉同pizza可以選擇。招牌明太子蟹肉扁意粉 +是日小食 +橙汁蟹肉意粉醬汁濃郁，每一條意粉都黐咗蟹肉醬。小食揀咗炸油角。一樣咁酥脆好味。溫泉蛋卡邦尼扁意粉 +是日沙律 +朱古力卡邦尼意粉煮得啱啱好，意粉彈牙煙靭。溫泉蛋滑溜。朱古力唔會太甜啱啱好。

🐈💖露營風貓Cafe，環境寬敞又乾淨，真係好Chill！假期遇上雨天，來呢度玩最適合不過！開張期間仲不設最低消費，想Hea足成日都得！🏕️一入黎就被貓貓包圍著，好幸福呀！我哋點咗兩個餐，包小食/沙律+主食+飲品，性價比超高！味道意外地好食，feel到佢哋用心製作！😍（第一次喺貓Cafe食到咁高質）🌟 自家製吉列豬扒飯（$108）豬扒外脆內嫩，搭配香甜的咖喱，簡直係完美配搭！而且貓貓造型實在太可愛啦！🐱💕🌟 招牌紅酒燴牛肋條飯（$118）牛肋條軟腍入味，紅酒蕃茄汁越食越開胃，果然係招牌菜！貓仔頭造型更加吸引！🤩飲品方面，朱古力咖啡上面仲有可愛貓爪圖案，粉紅鮮果沙冰（+$8）更加推介，火龍果、百香果同菠蘿既組合，清新refreshing！🍍✨❤️整個體驗真係好治癒，貓貓都好乖好可愛。呢度有38隻可愛嘅主子，部分係流浪貓同被棄養的貓貓，如果你想領養，仲可以即場申請，真係超有愛心！

今日阿女話要去好耐冇嚟嘅，貓貓Cafe,之前都係喺呢幢大廈既3樓依家搬咗4樓，依家餐廳嘅食物唔同咗，而家有得嗌套餐優惠都算抵食，我哋嗌咗個卡邦尼意粉咖喱角同埋一杯沙冰，另外我再嗌咗個pizza同埋再多一杯沙冰，味道好食❤️媽媽仲係好得意好可愛

貓啡📌旺角彌敦道577號高氏大樓4樓入去前要先除鞋同埋噴手消毒都係保障返貓貓嘅健康🥰店內有榻榻米區同一般枱男朋友唔太慣蹺腳/跪坐所以坐返木枱☝🏻如果坐榻榻米就可以同貓貓近距離如圖😆貓啡安格斯牛肉漢堡配薯角 $118半熔芝士包住入面嘅肉汁好juicy薯角放耐咗都仲暖同埋夠脆😉溫泉蛋卡邦尼扁意粉 $98撈埋蛋汁好creamy呢個份量啱啱好生椰拿鐵 $58男朋友話夠香濃😚草莓牛奶冰沙 $48飲落好smooth又解膩🍓呢間貓cafe特別在於:佢哋會接收浪浪或者棄貓再喺店內安排領養🤩我本身養開貓見呢到所有貓都好乾淨企理(☝🏻左下角係我隻大髀 居然有幸比貓店員i住瞓)摸落滑溜溜而且大多唔抗拒親人貓同貓之間又好fd痴到實一實感受到員工係真心錫d貓🥰⭐️Rumple港女評分⭐️味道: 4.5/5環境: 5/5服務: 5/5 抵食: 4.5/5Please follow Rumplestiltskin aka 名字古怪的小矮人呢個港女代你試盡香港好食好用嘅🤩

超耐無去過貓貓cafe☺️ 今次到訪旺角嘅「貓啡」治癒一下❤️ 場內環境溫馨又舒適，有大量適合貓貓遊玩休憩嘅設施👍 Cafe 還免費提供多款貓玩具，給客人與貓貓互動玩樂✅ 好正☺️ 先㨂咗一客貓啡安格斯牛肉漢堡配薯角😚 套餐即送小食同埋基本餐飲😆 好豐富大滿足🥰 漢堡賣相幾別緻😎 加貓耳朵作點綴好可愛❤️ 漢堡包經香煎，食落脆卜卜好香口😋 安格斯牛肉又厚又juicy🤩 加上半溶芝士，滋味邪惡又惹味😈 多添了一客牛角窩夫作甜品😍 擺盤精緻吸引，小小嘅貓腳印好得意🤗 窩夫香脆鬆化，層次感十足，伴糖漿、雪糕一齊享用，甜美無比非常可口👍 🐧❣️ 餐廳每月都會捐款俾慈善機構，令更多流浪動物得到幫助，非常有心👍 快D 黎消費支持下🤗 

近年亦頗流行去貓貓cafe，貓啡收養流浪貓，睇個樣以為貓貓好惡，點知系好痴人☺️客人於餐廳用餐，餐廳更會捐錢比慈善機構，幫助更多流浪動物。✿ 招牌明太子蟹肉意粉 $128就咁睇個意粉以為好細個，點知一整開之後份量好多😳明太子整成貓爪形狀好QQ👣忌廉同蟹肉頗多🦀成個意粉撈勻後做到掛汁好creamy🍝✿ 貓啡安格斯牛肉大啡菇漢堡配薯角 $128芝士芝味濃郁🧀安格斯牛肉果真不錯，牛肉肉味香濃🐮能夠鎖住肉汁。大啡菇都好juicy🍄薯角香脆可口。✿ 粉紅鮮果冰沙 $58個名好過癮🤭材料系有火龍果 百香果 菠蘿🍍火龍果本身好健康💖百香果清甜，菠蘿同樣，顏色黎講系火龍果顏色相對明顯😁✿ 鮮雜莓冰沙 $58雜莓味道向來清新，飲到多重莓味🍓🫐臨近夏天飲解暑一流。

【貓啡】重新裝修咗啊！地方更靚更大坐得更舒適，都多咗好多新成員。大部份為收養流浪貓 支持領養代替購買。有意領養更可直接向餐廳查詢，已經有唔少主子搵到好奴才搬家了。於餐廳消費餐廳都會每月捐錢比慈善機構 幫助更多流浪動物💪💪 理念一流 嘢食更加一啲都唔馬虎～Menu 都多咗選擇，今次叫咗卡邦尼啊，同雙層芝士肉醬意粉，兩樣都好有誠意。飲品方面加咗鮮果沙冰，真係新鮮水果冰打出嚟，超級有誠意！店員都好錫貓 亦係熟手。貓貓全部都親人親貓 貪玩。仲有超級煲水怪 會乖乖哋畀你抱住 任錫唔嬲 絕對係一個貓奴好地方🥰👍