貓啡

营业中

休息中

二訪旺角依間優質貓Cafe❤️ 內裡有大量好有性格嘅主子等緊你😎 肥瘦大小老中青樣樣齊，心情好嘅時候仲會跳上你大腿tim🥰 一眾貓奴必到朝聖之地☺️ 佢哋野食都超級高質👍 今次試咗佢哋嘅德國豬手配蜜糖芥末✅ 豬手焗得外焦內腍，肉味濃香❤️ 加埋蜜糖芥末真係勁惹味😋 招牌明太子蟹肉扁意粉一樣係必叫嘅🥰 擺盤好靚，小貓肉球印記係重點😚 好可愛😘 扁意粉軟硬合適，掛汁濃厚，辛香又惹味🥰意粉可以跟喵之優惠套餐，包埋是日小食同埋飲料😋 飲品㨂咗杯幾別緻嘅海鹽芝士奶蓋玫瑰紅茶🌟 飲落順滑醇香，清新解膩✅ 🐧❣️ 原來餐廳大部分喵主子都係流浪貓或被棄養嘅貓咪🥲 如有興趣可直接在店內申請領養❤️ 

🐾喺旺角高氏大廈有間小眾但超治癒嘅貓Cafe，一入去就已經被柔和燈光同木系裝潢包圍，好有格調又舒服，啱晒hea住食嘢打卡放鬆心情。我哋叫咗兩個喵之套餐，主菜分別係明太子蟹肉意粉同紅酒燴牛肋條飯。明太子意粉鹹香惹味，蟹肉甜甜地啖啖都好滿足，意粉煙韌好掛汁，完全唔hea。牛肋條就煮到入晒味，配埋香濃紅酒醬，肉質鬆化到唔使出力咬，食到笑晒。飲品方面，我飲咗杯熱朱古力，甜得嚟唔會膩，暖住個胃又暖住個心；朋友嗌咗杯蜂蜜柚子茶，清新解膩，有啖柚子香又唔會太甜，絕對係完美配搭。貓咪方面更加係亮點，店內啲貓唔單止可愛，仲好親人，會自動跳上你大髀撒嬌。有啲仲鍾意你摸屁股，好搞笑。地方闊落，仲有帳篷位同榻榻米，啱晒慢慢hea。仲提供貓玩具、桌遊，唔怕悶場。最感動係店舖有愛心，每月會將部份收入捐俾慈善機構，幫助更多流浪貓，而且入面啲貓都可以領養，如果啱眼緣仲可以即場了解申請。

第一次來這間旺角樓上貓cafe, 在油麻地地鐵站附近，位置方便易找。這裏的店員親切，免費提供濕糧餵貓。店內的貓貓至少有10 隻，牠們大多很很和善乖切，和人逗玩，有時會坐在客人大腿休息，有時悄悄躺在你的座位睡覺，十分可愛。而且，店內有一個小小帳幕佈置可以供客人打卡。店內也提供桌遊免費借用，可以消磨大半天。另外，食物有水準，飲品選擇多，推介卡邦尼意粉，味道濃厚，令人吃得津津有味。建議希望可以加入唔辣的pizza, 小朋友也可以品嘗。

隔咗幾個月再嚟，Menu 又都多咗選擇，今次叫咗招牌紅酒燴牛肋條飯。啲飯砌成一隻大貓同一隻細貓好得意😽 飲品方面又多咗新嘢，有我最愛嘅海鹽芝士奶蓋系列，茶底就揀咗鐵觀音，但原來加咗甜，如果想要原味記得同店員講。另外鮮果沙冰真係新鮮水果冰打出嚟，超級有誠意！一嚟到即刻搵豆釘，豆釘嘅絕技係坐大髀！我坐咗兩個幾鐘，豆釘就坐喺我大髀足足兩個幾鐘，坐到我急尿都唔捨得走啊！店員都好錫貓同熟手。貓貓全部都親人親貓 貪玩。仲有超級煲水怪，任錫任抱唔嬲，絕對係一個貓奴好地方🥰👍貓啡大部份為收養流浪貓 支持領養代替購買。有意領養更可直接向餐廳查詢，已經有唔少主子搵到好奴才搬家了。於餐廳消費餐廳都會每月捐錢比慈善機構, 幫助更多流浪動物, 理念一流.

閒時好鍾意去貓貓 cafe，見到可愛嘅小貓咪真係好治癒 🥰🥰 今日發掘到位於旺角嘅「貓啡」，店內裝潢以木系簡約爲主，環境寬敞舒適，有溫馨居家嘅感覺，暫時有 30 隻主子坐鎮，係滿滿嘅幸福感呀 ❤ 餐廳每個月會將部分收益捐俾慈善機構，大家消費同時可以幫助更多流浪小動物，係一件好有意義嘅事 ❤ 加上呢度同時係浪浪收容所，會收留流浪貓同被棄養嘅貓貓，如果有合意嘅可以提出申請領養 ❤大部分貓貓都好乖，唔怕人，特別有兩隻係咁跑嚟跑去喺度玩好搞笑，一係就掛住訓覺 🤣🤣😋 德國豬手配蜜糖芥末 ~ 皮脆，微微鹹香，做小食唔錯。😋 巴馬火腿辣茄扁意粉 ~ 意粉煙韌有口感，辣辣地夠晒香口，味道出色！🍹 百香果菠蘿沙冰 ~ 清爽解膩，而且酸酸甜甜咁好開胃！🍹 海鹽芝士奶蓋茉莉綠茶 ~ 上面有兩個小肉球圖案好可愛 😍😍 奶蓋稠度啱啱好，入口順滑，加上淡淡嘅茉莉花香味，味道又幾清新！呢度地方好 chill，非繁忙時間仲不限時，亦有少量 boardgame 可以玩，見周圍嘅人都係靜靜地 hea，下次要再嚟！

呢度比我感覺好安靜好舒服，當日都有好多人食野同D貓貓玩，影下相。而呢度嘅貓貓大部分都係收養返黎既流浪貓，本來以為佢哋會好怕人或者惡，但其實佢哋都超親人，好得意，仲會主動走嚟同你玩。一般貓Cafe好多時唔太歡迎小朋友，但呢度就好貼心，啲小朋友可以喺度自由玩，家長可以慢慢坐低歎住嘢食，完全唔使擔心。最正係，呢度仲可以直接喺店入面申請領養流浪貓，真係好方便，幫到好多動物。另外，餐廳每個月都會捐錢俾慈善機構，支持流浪動物，感覺好有心。我地叫左兩個餐加飲品德國豬手配蜜糖芥末佢嘅德國豬手真係好正，皮脆肉嫩，仲有蜜糖芥末醬配住食，好有層次，好惹味！吉列豬扒咖喱飯豬扒炸得好香脆，咖喱又香又有啲微辣，好夾飯。海鹽芝士奶蓋炎焙鐵觀音茶香，奶蓋又帶啲鹹香，飲落去好特別又唔會太膩。佢地仲有D 棋類比大家玩下，唔趕時間真係可以坐幾個鐘都唔想走😆總括呢度可以食好嘢、同貓貓玩，又可以做善事。如果你鍾意貓，或者有小朋友想嚟玩，呢度真係好值得一試！

小貓咪一向都好得人仲意今次帶同女女去同貓咪玩一般貓cafe好少歡迎小朋友呢度環境整潔周圍玩都冇問題可以慢慢食野 同貓咪玩下🐈❣️招牌明太子蟹肉扁意粉意粉和蟹肉蟹籽毫不吝嗇，十分足料👍🏻 撈勻之後，每條意粉都掛住又香又濃的明太子醬汁、滿口都是奶香綿密嘅感覺😋 完美融合了海鮮的鮮美和忌廉醬的濃郁，口感豐富層次分明❣️蜂蜜烤雞翼我相信好多小朋友都仲意食雞翼，女女都唔例外～一碟都唔夠嗌咗兩碟共8隻😅加入蜂蜜烤制，唔會太甜啖啖肉，賣相已好吸引❣️燒章魚丸子章魚燒一啖一個熱辣辣🔥每份有八粒，店家即叫即做，好新鮮～外皮燒得香脆金黃，每粒都有飽滿的章魚仔，彈牙富鮮味❣️熱朱古力打卡一流的熱朱古力，面上有個好得意的貓腳印，甜度剛剛好

🌟去得多貓Cafe嘅朋友都知，一般嚟講貓Cafe嘅食物質素確係一般般，不過竟然比我發現咗喺旺角呢間貓啡，食物質素唔錯又係貓奴大休放鬆既dream place 我同朋友叫左兩個喵之優惠套餐 ，前菜可揀沙律或者咖哩角，同一杯飲品。貓啡安格斯牛肉大啡菇漢堡配薯角 ($163 set)漢堡塊牛肉多汁煎得好好，菇都冇overcook ，咬落好juicy，薯角酥脆又可口，推薦🙌🏻招牌明太子蟹肉扁意粉（$143 set)滑順意粉吸收明太子醬香，蟹肉啖啖肉又好提鮮，連我不嬲挑剔既朋友都比到好高評價 😃👍🏻實至名歸係招牌菜白桃蘋果椰果梳打白桃同蘋果果香味濃，加埋椰果，口感爽口，消暑首選海鹽芝士奶蓋阿薩姆紅茶奶蓋濃郁，海鹽提味，紅茶底都唔錯蜜糖烤雞翼（$48)外焦內嫩，蜜糖甜而不膩，不過可以煎燶多少少就perfect啦😎

一向好鍾意去貓Cafe，可以一邊食嘢，一邊見到啲貓貓，感覺好療癒。今次第一次到旺角貓啡樓上Cafe。環境舒適乾淨，木系風格極具格調，睇得出餐廳用心設計，整體感覺好舒服，幸福感滿滿。食物都吾錯，一啲都唔馬虎，貓控唔好錯過這個好地方喵之優惠套餐x2已包括小食、主食、飲品自家製吉列豬扒咖喱飯🍛自家製吉列豬扒酥脆惹味，配上咖喱，增加味道層次感日式溫泉蛋肉醬飯貓型飯好過癮，打卡一流，味道都唔差菠蘿百香果椰果梳打菠蘿百香果椰果梳打味道清甜解渴可口海鹽芝士奶蓋玫瑰紅茶海鹽芝士奶蓋好飲得𠻹帶點邪惡，鐘意淡淡的玫瑰香

我咁大個人係第一次去貓cafe，原來真係好開心，見到咁多貓貓真係好治癒🥰發現原來餐廳嘅貓貓大多數都係收養嘅流浪貓嚟，而且貓貓一啲都唔會惡，完全唔會咬人，仲會俾你摸 🥰有好多貓貓都會自動坐咗喺張凳上面，好親人好sweet☺️重點係餐廳嘅貓貓部份可以直接領養架！！！啱嘅話就可以出動帶主子回家🐱今日我哋就叫咗兩個貓之優惠套餐，一個係雙重芝士肉醬意粉🍝我本身就係芝士控，呢一個肉醬意粉嘅芝士量真係巨多，超級正😋另一個叫咗自製吉列豬扒咖喱飯，佢哋嘅飯仲係貓貓造型非常可愛😍好啱打卡，吉列豬扒好脆，都幾厚架！！😋，而我哋當日嘅小食係咖喱角，熱辣辣超香脆。飲品方面我哋叫咗朱古力咖啡同抹茶鮮奶拿鐵，兩杯都味道好好，好濃郁。我成日以為貓貓Cafe嘅主角係貓貓，但估唔到呢間貓Cafe嘅嘢食都咁正🤤

之前上網睇到呢間貓cafe如果無人等位+嗌左最低消費～$100食物/飲品就可以俾人任坐，所以搵左一日上去做野+玩貓+食野，結果去左一次之後短時間去左第二次🤣因為呢度真係好啱人上黎hea/溫書/做野😭環境舒服仲有好多好得意嘅貓陪，野食仲要唔差😋第一次食叫左招牌明太子蟹肉意粉（$108），巴馬火腿辣茄闊條麵 （$98），德國豬手配蜜糖芥末（$78）三款都好食，只係份量少🥹招牌明太子蟹肉意粉（$108）呢款意粉真係必叫，佢比我想像中足料，每啖都有蟹肉！好食！我會想叫多碟食🤣巴馬火腿辣茄闊條麵 （$98）呢款意粉就正常發揮，味道不錯👍🏻德國豬手配蜜糖芥末（$78）欣賞佢已經切成一片片，啱晒懶人唔想啃骨😂味道比想像中好食🤤喺鬧市比百幾蚊有野食有貓玩有得任坐，我會再黎😍

🐷📌 #豬西食旺角 #豬西食九龍.貓啡 Catfe 係旺角最大嘅貓Cafe，有2000呎咁大架！據報有多達38位主子陪大家食飯～ 面且你每食一餐飯，都係幫助更多嘅浪浪非繁忙時段可以不限時同主子玩，仲可以即場申請領養貓貓回家！！食滿$98就可以全日任坐～ 任你同貓主子玩 見到有啲中學生喺度溫書！一路溫書做數學，一路可以玩貓，啲貓貓貓有啲都幾痴人，整體都幾Nice！但唔好過份地「蹂躪」佢地呀！😆.🐷招牌明太子蟹肉扁意粉明太子蟹肉扁意粉味道濃郁，明太子香氣十足，蟹肉鮮甜，意粉煮得彈牙，份量足夠，食落好滿足。除此之外，仲有兩個貓掌嘅圖案，都真係幾Cute架！.🐷喵の優惠套餐（招牌紅酒燴牛肋條飯＋是日小食（咖喱角）＋凍蜂蜜柚子茶）優惠套餐性價比高，紅酒燴牛肋條飯牛肋條軟腍入味，個醬濃得來又唔會太膩，而且啲飯仲切咗個貓貓嘅圖案，非常可愛～咖喱角香脆，凍蜂蜜柚子茶清新解渴，整體配搭好好，食完心情好。.貓啡📍旺角彌敦道577號高氏大樓4樓.

旺角又有貓cafe啦， 熱愛貓星人必去！🐱🐱這間貓cafe算大，食物質素也一般貓cafe高！原來這裡的貓咪也是被遺棄或是流浪貓🥹🥹但牠們也很溫純，完全不怕人☺️可以互動！ 有心儀的貓咪還可以領養🤩🤩我們叫了2份貓咪套餐，包前菜和飲品.💠 雙重芝士焗肉醬意粉 濃郁的番茄肉醬搭配雙重芝士，鹹香中帶微酸，芝士焦烤後增添煙燻香😚😚意粉軟硬度適中，表面芝士層焗至金黃酥脆，內層拉絲😋肉醬飽滿多汁😄💠咖哩角 酥皮極脆、輕盈不油膩💠海鹽芝土奶蓋炭焙鐵觀音茶味濃郁，芝士奶蓋奶香醇厚不膩🤓清爽解膩😛💠溫泉蛋卡邦尼扁意粉 煙燻培根鹹香😚扁意粉吸附醬汁力強，口感彈牙🤩🤩溫泉蛋劃破後更顯滑順濃稠🤤💠抹茶拿鐵質地絲滑綿密，苦甜柔和👍👍

因為屋企養唔到貓嘅關係，又想去玩下貓，就响OpenRice搵到呢間貓cafe。「喵啡」响旺角非常方便，因為冇book位，等咗10分鐘左右。入到店好衛生企理，亦有好多唔同品種嘅貓咪，好多都好乖可以比人摸。店入面嘅有部份嘅貓可以提供領養，待有心人比貓咪一個溫暖嘅家。除咗玩貓外，食都係重點之一，佢有好多食品同飲品選擇，我地揀咗招牌明太子蟹肉意粉同貓啡安格斯牛肉漢堡配薯角。一直以為貓cafe冇咩好食，估唔到「喵啡」嘅食物質素有驚喜。招牌明太子蟹肉意粉 $108有驚喜嘅菜式，味道濃厚夠creamy，明太子亦冇掩蓋蟹肉嘅味道，值得一試。貓啡安格斯牛肉漢堡配薯角 $118唔知係想將個包整到貓嘅樣定係走咗樣，感覺外表怪怪地，但係無損佢嘅美味。極厚嘅牛肉漢堡，肉汁juicy，牛味亦好香，加上芝士，口感豐富。

呢間係旺角嘅樓上貓Cafe環境舒適，除咗有可愛貓貓陪伴，仲有board game，可以同朋友一齊慢慢chill，玩到唔想走！🎲😻佢哋大部分貓咪都係收養流浪貓，原本以為會有啲怕羞，但每隻貓都好親民，真係超可愛！有隻仲會好似隻豹咁成日高速飛奔🤣❤️ 我一入到去，就已經被佢哋吸引住啦！除咗貓貓可愛，野食方面都唔錯！推介佢哋嘅招牌明太子蟹肉意粉，明太子味香濃🍝 仲有貓啡大啡菇安格斯牛肉漢堡，鮮嫩多汁，食落去好滿足，仲帶有貓貓元素，真係可愛到爆！🐱🍔最值得一提係，呢間餐廳每月都會捐錢比慈善機構，幫助更多流浪動物，真係好有心！我諗我之後會成日嚟幫襯，支持佢哋嘅好事！🥹🤣#貓啡 #領養代替購買 #即場申請領養 #領養 #浪浪中途站 #浪浪 #貓 #貓cafe #旺角美食 #美食 #cat #香港貓Cafe