貓啡

营业中

休息中

呢度每個area都有幾隻超可愛嘅貓咪滿場遊走，加上友善嘅店員及乾淨舒適嘅環境，令人感覺極之放鬆。平日無限時，只要人均消費滿$98就可瘋狂貓貓放題😆💖💖推薦點「喵の優惠套餐」，比單點更掋食～溫泉蛋卡邦尼扁意粉香滑可口，夾咖喱角做小食，絕對令人一試難忘。推薦必食✨貓啡安格斯牛肉大啡菇漢堡，需時等候，卻絕對值得！熱茉莉綠茶，可慢慢飲再加熱水都ok～跟餐除了小食，都可以選田園沙律。特別推介「熱抹茶拿鐵」，用綠茶粉整成嘅貓貓手掌印，玩味十足，可愛又可打卡。另單點了「蜂蜜烤雞翼」香脆入味，亦係必食之選。欣賞呢度有自家廚房做美食，因有好多都係「叫外賣」…呢間餐廳支持領養代替購買，更會每月捐款給慈善機構，支持流浪動物，絕對係愛貓人士必到嘅地方！