影片
开饭介绍
悠闲自在的猫猫Cafe有轻食、茶饮和甜品供应，客人可以一边品尝轻食，一边跟猫咪互动，用餐则按时收费。
继续阅读
附加资料
收费每位首小时$58 (假日$68), 次小时$38 (假日$48), 闲日$118 全日任坐, 闲日学生优惠$10
营业时间
今日营业
11:30 - 22:30
星期一至五
13:30 - 22:30
星期六至日
11:30 - 22:30
公众假期
11:30 - 22:30
以上资料只供参考，请与餐厅确认详情
星期六嘅尖沙咀人多车多，热到唔想行，决定上海防道口嘅猫cafe抖下...周末收费$68/小时，比平日贵少少；3点左右上去人唔算多，但4点走𠮶阵出面已经要等位，建议先book枱或者打电话问有冇walk in位先上去。今日啲主子有啲懒，好多都瞓紧，但始终猫多，总有几只可以玩😝钟意呢度够干净，店员不停黐走地下嘅尘同猫毛，店内两边有大玻璃，主子可以晒住太阳瞓觉，好舒服。客人凉住冷气望落弥敦道，都好chill😛入场费包热饮（咖啡机）同水；冻饮、三文治、蛋糕、曲奇就另外收费。今次试咗Latte、芒果梳打同松露朱古力蛋糕；虽然系预制，但味道唔差，蛋糕好软身、朱古力味好浓，Latte同芒果梳打亦甜度适中，十几蚊杯好抵饮。店内仲有好多board games可以玩，仲可即影即有机可用，$9/张，今次都影咗几张😚有时行行吓街攰攰地，用$58/$68坐一个钟，饮杯野、玩吓猫，喺尖沙咀嚟讲系一个好抵玩嘅选择。
继续阅读
今日放假同朋友去咗一间猫Cafe，我胴友好钟意猫，所以迫于无奈要陪佢上嚟睇吓。上到嚟又觉得环境几靓，好多猫猫控。猫Cafe除咗有好多猫猫同你打卡之外；仲有三文治同甜品可以chill吓。至于咖啡同茶就免费任饮。我同女友玩得乐而忘返；打吓卡玩吓，唔觉唔觉就烧咗一个下午。店主好有心，收养左好多猫猫，有心人一定要多多支持。
继续阅读
今日早上做完嘢，夜晚先有饭局，中间唔知可以去边度hea，咁啱就望到呢间猫猫Cafe。首小时入场费 :闲日$58，假日$68，咖啡、茶水仼饮。食物以轻食为主，只有蛋糕、曲奇同三文治🥪。环境好大，又有Wi-Fi，我带咗Notebook，可以上网，休息就同猫猫玩。呢度嘅猫猫全部都系领养，所以绝对值得支持和消费！啲猫猫好可爱，要留意嘅系不可以抱起，但仼摸唔嬲，好善良，不咬人。有几只肥嘟嘟，实在太可爱，可以免费借用𢭃猫棒，同佢哋做吓运动。有几只身材苗条嘅，我就买咗零食请佢哋食，$6-12元到，价钱唔贵，最紧要主子食得开心。设施都好齐全，有充电器、披肩、头饰、board game等，到访一次玩唔晒，我决定下次再探访佢哋～
继续阅读
坦白说平时对猫cafe 的好感没有很高但这里是例外觉得这间店主很善良环境很洁净 很用心经营猫都是别人遗弃的猫食物有蛋糕三文治 价钱不贵$20之内热饮是免费的 冻饮都是10多元猫都是自由活动 客人都很温柔对待猫有时猫也会主动趴在客人大腿有些小猫还会主动比手真的想不通这么可爱的猫竟然可以这么狠心不要布偶猫、英国短毛猫、波斯猫也由有香港土生土长的唐猫先在门口脱鞋换上一次性拖鞋和式布局的桌椅 感觉很自在手机充充电 同时和猫玩 有为自己充电
继续阅读
地点十分方便, 尖沙咀地铁站A1出口, 就系海防道！窗外望向清真寺, 景色一流！自然光充足！环境舒适！职员专业！ 阿柠（图片1）坐姿优雅！简直有一股贵族嘅气质！仲识得左右手轮流 hand hand, 食零食时候又好有仪态 泡芙（图片2）全场得佢有挂住公主脾气嘅牌😌, 但我一啲都唔觉得佢有公主病, 只系冇咁热情啫！职员话佢最钟意食湿鸡肉零食, 畀佢食时, 好温柔同埋有餐桌礼仪仔仔（图片3）好乖咁主动坐喺我旁边张凳, 摸摸下佢头仔, 佢就好舒服咁闭目养神, 仲肯畀只手仔我捉住Awesome！佢要戒零食, 冇得奖励佢🥲唯有摸摸佢就系奖励佢💓其他猫猫都好活泼可爱！坐低饮咖啡、食曲奇, 望住清真寺, 再加上有猫猫陪伴, 好chill💛💚 抹茶合桃曲奇、牛油曲奇：入口脆口, 唔会太甜, cp值高！🧋🧋Ice Latte ：咖啡味适中、唔会酸或者苦！同埋唔会太甜！免费：茶水、小朋友专用猫玩具、逗猫棒、叉电器....自费：咖啡, 罐装汽水, 蛋糕, 曲奇饼, 猫猫即影即有相片猫粮：半份$6-14
继续阅读