貓之茶房 (海防大廈)

营业中

休息中

星期六嘅尖沙咀人多車多，熱到唔想行，決定上海防道口嘅貓cafe抖下...周末收費$68/小時，比平日貴少少；3點左右上去人唔算多，但4點走嗰陣出面已經要等位，建議先book枱或者打電話問有冇walk in位先上去。今日啲主子有啲懶，好多都瞓緊，但始終貓多，總有幾隻可以玩😝鍾意呢度夠乾淨，店員不停黐走地下嘅塵同貓毛，店內兩邊有大玻璃，主子可以曬住太陽瞓覺，好舒服。客人涼住冷氣望落彌敦道，都好chill😛入場費包熱飲（咖啡機）同水；凍飲、三文治、蛋糕、曲奇就另外收費。今次試咗Latte、芒果梳打同松露朱古力蛋糕；雖然係預製，但味道唔差，蛋糕好軟身、朱古力味好濃，Latte同芒果梳打亦甜度適中，十幾蚊杯好抵飲。店內仲有好多board games可以玩，仲可即影即有機可用，$9/張，今次都影咗幾張😚有時行行吓街攰攰地，用$58/$68坐一個鐘，飲杯野、玩吓貓，喺尖沙咀嚟講係一個好抵玩嘅選擇。

今日放假同朋友去咗一間貓Cafe，我胴友好鍾意貓，所以迫於無奈要陪佢上嚟睇吓。上到嚟又覺得環境幾靚，好多貓貓控。貓Cafe除咗有好多貓貓同你打卡之外；仲有三文治同甜品可以chill吓。至於咖啡同茶就免費任飲。我同女友玩得樂而忘返；打吓卡玩吓，唔覺唔覺就燒咗一個下午。店主好有心，收養左好多貓貓，有心人一定要多多支持。

今日早上做完嘢，夜晚先有飯局，中間唔知可以去邊度hea，咁啱就望到呢間貓貓Cafe。首小時入場費 :閒日$58，假日$68，咖啡、茶水仼飲。食物以輕食為主，只有蛋糕、曲奇同三文治🥪。環境好大，又有Wi-Fi，我帶咗Notebook，可以上網，休息就同貓貓玩。呢度嘅貓貓全部都係領養，所以絕對值得支持和消費！啲貓貓好可愛，要留意嘅係不可以抱起，但仼摸唔嬲，好善良，不咬人。有幾隻肥嘟嘟，實在太可愛，可以免費借用𢭃貓棒，同佢哋做吓運動。有幾隻身材苗條嘅，我就買咗零食請佢哋食，$6-12元到，價錢唔貴，最緊要主子食得開心。設施都好齊全，有充電器、披肩、頭飾、board game等，到訪一次玩唔晒，我決定下次再探訪佢哋～

坦白說平時對貓cafe 的好感沒有很高但這裏是例外覺得這間店主很善良環境很潔淨 很用心經營貓都是別人遺棄的貓食物有蛋糕三文治 價錢不貴$20之內熱飲是免費的 凍飲都是10多元貓都是自由活動 客人都很溫柔對待貓有時貓也會主動趴在客人大腿有些小貓還會主動比手真的想不通這麼可愛的貓竟然可以這麼狠心不要布偶貓、英國短毛貓、波斯貓也由有香港土生土長的唐貓先在門口脫鞋換上一次性拖鞋和式佈局的桌椅 感覺很自在手機充充電 同時和貓玩 有為自己充電

地點十分方便, 尖沙咀地鐵站A1出口, 就係海防道！窗外望向清真寺, 景色一流！自然光充足！環境舒適！職員專業！ 阿檸（圖片1）坐姿優雅！簡直有一股貴族嘅氣質！仲識得左右手輪流 hand hand, 食零食時候又好有儀態 泡芙（圖片2）全場得佢有掛住公主脾氣嘅牌😌, 但我一啲都唔覺得佢有公主病, 只係冇咁熱情啫！職員話佢最鍾意食濕雞肉零食, 畀佢食時, 好溫柔同埋有餐桌禮儀仔仔（圖片3）好乖咁主動坐喺我旁邊張凳, 摸摸下佢頭仔, 佢就好舒服咁閉目養神, 仲肯畀隻手仔我捉住Awesome！佢要戒零食, 冇得獎勵佢🥲唯有摸摸佢就係獎勵佢💓其他貓貓都好活潑可愛！坐低飲咖啡、食曲奇, 望住清真寺, 再加上有貓貓陪伴, 好chill💛💚 抹茶合桃曲奇、牛油曲奇：入口脆口, 唔會太甜, cp值高！🧋🧋Ice Latte ：咖啡味適中、唔會酸或者苦！同埋唔會太甜！免費：茶水、小朋友專用貓玩具、逗貓棒、叉電器....自費：咖啡, 罐裝汽水, 蛋糕, 曲奇餅, 貓貓即影即有相片貓糧：半份$6-14

最近同朋友去尖沙咀海防道新開嘅「貓之茶房」朝聖，真係完全被呢間貓Cafe圈粉！入場費每小時$68，飲品食品亦係非常親民價錢 ，價錢平過旺區其他貓Cafe一大截。我哋兩個人叫咗兩杯珍珠奶茶（$28/杯）同埋一份抹茶卷蛋（$38），連埋入場費人均都係$110左右，呢個價錢有得歎冷氣玩貓仲有嘢食，CP值爆燈！一入門口店員就好貼心咁遞上消毒拖鞋同儲物袋，仲逐隻介紹主子嘅脾性。原來每隻貓貓頸上都戴住唔同顏色嘅頸巾，紅色代表「朕唔鍾意被抱」、綠色就係「可以餵零食」。最搞笑有隻叫「波子」嘅橘貓掛住「減肥中」牌仔，原來佢已經重到要節食，但係依然好識嗲人討摸摸！場內十幾隻貓咪各有性格，有啲掛住攤喺吊床曬太陽，有啲就勁活躍追住羽毛棒跑全場。店員教我哋用$6買包雞肉乾，只要搖下零食袋就即刻被貓群包圍，連高傲嘅布偶貓都主動跳上膝頭！不得不讚佢哋嘅細節位，除咗免費提供貓毛滾筒，仲有消毒酒精同埋手機支架方便自拍。仲有桌遊可以拎黎玩添呀，下次一定要試吓邊餵貓邊玩UNO！呢度絕對係貓奴天堂，就算唔養貓都可以過足手癮，已經約定閨密下星期再嚟探班主子啦～🐱💕

今日嚟到貓之茶房，一入到去會有一個空間畀你去換鞋亦都有一次性的免費拖鞋提供。店長好用心咁介紹佢嘅貓貓同埋我哋需要注意嘅事項。然後佢就畀咗一支玩貓棒同埋一個大袋畀我。個透明大袋係用嚟畀我哋袋住隨身物品非常之貼心。入到去地方非常之大，驟眼睇貓貓都有接近十多隻。由於我係中午時間去啱啱貓貓食飽曬好多貓貓都繼續瞓緊。我唔係養貓之人所以我就咁攞支玩貓棒貓貓完全都安冇反應。店長用深感教我用透明袋裏面再加埋玩貓棒發出聲音。即刻吸引到好多貓貓過嚟。可以同佢哋一齊影相一齊玩。非常可愛。如果同三五知己一齊嚟仲提供咗好多唔同嘅桌遊可以大家消遣。另外仲有食物房。裏面有雪櫃有曲奇蛋糕同埋飲品可供選擇價錢亦都非常之便宜。就係咁我過咗一個非常之自癒嘅下午。真係有想養貓嘅衝動。

穩身在尖沙咀海防道商廈最近開咗一間新嘅貓Cafe,異目係裝修裏面有好多唔同種類嘅貓咪，一於去一探究竟。貓之茶房位於海防大廈裏面有唔少hostel,入到去環境非常舒適唔會太逼夾，亦吸引咗唔少遊客到場玩貓。貓Cafe亦定價非常親民入場費只需要$68一小時飲品食品亦係非常親民價錢。店主亦會喺唔同貓咪頸上圍上頸巾說明貓咪嘅特性，有啲係要再減肥唔可以餵食貓零食，有啲就要先俾佢問吓先可以摸佢。我哋坐低咗叫咗兩杯嘢飲兩件蛋糕加埋入場費都只需要百零蚊非常抵。坐低之後竟然有一隻貓咪主動坐咗喺我大髀上邊瞓覺非常可愛另外亦有唔同貓咪喺場入邊遊走你亦可以用$6購買半份貓零食餵貓，呢個價錢簡直係非常有CP值。貓之茶房喺香港亦有幾間分店我之後亦會去其他分店探吓貓咪。

Cat Tea Room 貓之茶房🐱☕️尖沙咀分店，地點十分方便，整齊潔淨。年輕店員細心講解入埸細節，因為我們帶倆位小童入埸，會更加詳細說解👍一入去小朋友急不及待，就要 摸下貓咪，每隻貓咪也有不同性情所以初初要接觸了解下佢哋先。地方對住九龍公園和清真寺，望出去真美，真治癒，有這個自然太陽光和背景同貓咪影相一流。留左一個鐘小朋友係不足夠玩🤪,唯有下次再來👍😀平日首小時$58 次小時$38芒果梳打 $10 (好香芒果味)凍美式咖啡 $17 (咖啡味好香)可樂 $7餵食貓零食脫水乾雞柳，半份$12；每包$20📍尖沙咀海防道53號海防大廈3樓3室

第一次帶細佬仔去貓貓cafe玩，今次揀左呢間貓之茶房，入去之前職員細心講解入內嘅規則，仲有邊啲貓貓可以摸 ！店內好乾淨，亦無乜異味，入面有好多隻貓貓，自由地行嚟行去，十分乖巧，大部貓貓都可以摸，佢哋嘅毛都好順滑又乾淨 ！我地叫左飲品同蛋糕，一邊食一邊比細佬接觸下啲貓貓，叫左朱古力松露蛋糕、焦糖咖啡、荔枝梳打，味道不錯！呢度地方好舒服，好多貓貓玩，可以揀全日任坐或每小時計算，價錢相宜，休休閒閒咁同貓貓玩一日😺！

貓之茶房｜尖沙咀一直都好想去貓貓Cafe，揀咗一個方便嘅地方，地鐵站一出嗰條馬路就係。Cafe環境好乾淨，有高台亦都有矮嘅枱，適合唔同年齡層嘅客人店入邊大大話話應該都有10幾隻貓貓，唔同品種都有，店員都好熟悉佢哋，就算買貓零食都會清晰交代有啲貓減緊肥唔可以食店入邊提供非常之簡單嘅小食比客人，當天我就同朋友叫咗兩杯嘢飲同一個cheese cake，唔好睇個cheese cake細細舊，味道非常之唔錯，唔會太甜買咗半份貓貓零食，都同咗幾隻唔同嘅貓貓玩同影相，真係超級得意，會再嚟睇貓貓🐱🐈

一直都想搵間坐得舒服可以傾吓偈，又可以有寵物嘅Cafe！今日去尖沙咀買嘢，就同朋友去咗一間好正嘅《貓之茶房》！呢間位置勁方便，就係海防道！啱晒買完嘢想搵個地方坐下！一入門口店員都好細心提醒我哋要點樣同啲貓貓玩，仲特別提醒有邊啲貓貓係比較細膽，唔好太大聲傾偈嚇親貓貓們！店內裝修當然都係為咗貓貓為主，有齊曬貓貓嘅屋、同貓貓玩嘅掃等等！可以去摸下佢地，但就因為擔心貓貓會因陌生而有機會爪到人，所以店員都有再三提醒盡量都唔好抱佢哋啦！啲貓貓好似好開心，因為有屬於佢哋自己嘅空間！亦都得知原來有部分貓貓係浪浪，佢地就幫手收養嘅，同時店內都有呼籲大家如可以都可領養貓貓㗎，實在太有愛心太好了，令浪浪都可以有個溫暖嘅家🥰🥰！我地除咗去見下啲貓貓之外，當然Café我地都有order咗知蛋糕同飲品做下午茶啦！我就order咗杯Mocha同藍莓芝士蛋糕！估唔到都幾好味喎，同店員一樣咁有心思㗎！大家如果有經過，又喜歡貓貓嘅話，呢間都係幾好嘅選擇嚟㗎！🐈‍⬛貓之茶房🐈(尖沙咀)📍地址：尖沙咀海防道53號海防大廈3樓3室#貓之茶房 #貓之家 #浪浪 #收養 #領養 #不棄養 #貓貓溫暖之家 #貓Café #catca

連元祖店荃灣大河道在內所有貓之茶房我都有去過如果交通方便來講尖沙咀和旺角店就比較方便，但尖沙咀應該係地方最細呢隻嘢經常座係出餐位唔知點解眼神好似好奸😂入面啲貓貓唔抱得㗎！不過可以座係大脾度（當然要啲貓貓自願，唔迫得㗎）茶房入面有啲書同小遊戲借比客人，都算係打發時間嘅好地方，至於入面提供主要係飲品和輕食，但去到主要都係玩貓食嘢就好少，最多都係飲下嘢！茶房有啲貓零食（1份12＄半份6＄應該無記錯🤔）但係見到呢啲肥貓唔好比零食，太肥了要減肥🤣尖沙咀所有嘅貓貓都係領養，有部分之前仲係浪浪，希望大家多多支持（不過啲飲品就真係好一般🙄）

去尖沙咀呢間新掙又就腳啲嘅貓cafe A出口一出過隔離條街海防道就係！頭一個鐘入場費都只不過$58 2nd鐘先+$38 $118仲可全日任坐🥴同🐱一齊發呆瞓覺 得閒可以黎呢度幫心靈快速差個電💗玻璃開揚 撚貓之餘仲望到片藍天 心靈都滿足啲！ 即使人流唔少 客源都幾多元化 但大家都好守規則💕幾鍾意呢間樓上貓cafe kekee 除咗供應免費差電器 差唔多每張枱都有枝貓棒 永不落空！店員仲好好咁介紹咗隻貓好鍾意玩貓棒der🤩成功吸引咗佢注意 收穫get🥰 感覺眾主子都好備受寵愛 每隻乾淨又有唔同造型 超可愛der 店員又會提示瞓咗覺嘅可以輕摸 所有野都清晰易明 佢地都幾密吸貓毛😂環境舒適 玩都開心啲！最緊要一啲異味都無👍🏿。。。🦔✢ 藍莓芝士蛋糕 $19盒裝cake睇落幾精美的🍰藍莓醬又唔少 當個tea食唔錯 同埋開盒嗰下又引到貓貓過黎🤣借啲二又摸佢幾下趕走佢 ✢ 凍抹茶鮮奶 $16有得揀少甜好評！比想像中大杯幾抵飲 茶味幾出我幾滿意!!🤤

今日又去左尖沙咀嘅貓之茶房玩整體環境好乾淨, 有唔少貓貓擺設同玩具, 俾貓咪足夠嘅空間走動店內有超多貓咪, 整體貓咪都幾活躍, 時不時都會喺旁邊走動, 會同你互動, 仲會走埋去啲嘢食度, 小店有飲品同埋芝士蛋糕選擇, 全程自助落單同自取超級方便柚子芝士蛋糕質地好幼滑, 有淡淡柚子清香, 味道比較清新藍莓芝士蛋糕面頭超多藍莓醬, 芝士質地好Rich 青蘋果紅茶有淡淡青蘋果香, 唔會好甜芒果乳酪特飲芒果味道酸酸甜甜,飲落幾開胃