狎鷗亭居酒屋

营业中

休息中

呢間韓國餐廳向正諾士佛臺樓上，好容易搵，而且平日係開到凌晨三點，岩哂向樓下happyhour完又想搵嘢食再續攤嘅朋友。 上次食過醬油蟹已經覺得好好食，今次朋友話想食韓國菜就諗起呢到，仲要岩岩好星期一有8折優惠。 今次就叫左韓式豬仔腳 - 份量非常大，而且豬腳非常入味，完全唔使用醬都已經好夠味，另外會提供生菜可以包起一齊食。好鐘意試韓國湯嘅我，今次揀左大豆芽湯，滿滿嘅芽菜再加柴魚同青口，非常鮮甜。 店員亦都好細心見湯就快見底會幫我地再加。不得不提佢地嘅前菜有6小碟，每一款都好好食，最愛嘅泡菜醃製得剛剛好。下次要再嚟試埋其他嘢食。

琴晚喺尖沙咀諾士佛臺狎鷗亭居酒屋同朋友食韓國料理，成個夜晚都係滿滿韓味，非常推薦俾鍾意韓食嘅朋友！😋🔸 High Ball/하이볼 味道清新，有微微氣泡感，酒味恰到好處，飲落非常暢快～🥂 琴晚喺尖沙咀諾士佛臺狎鷗亭居酒屋同朋友食韓國料理，成個夜晚都係滿滿韓味，非常推薦俾鍾意韓食嘅朋友！😋🔸 High Ball/하이볼 味道清新，有微微氣泡感，酒味恰到好處，飲落非常暢快～🥂 밥份量剛好，加埋蟹肉鮮味，米飯粒粒分明，配菜味道均衡，食落好滿足～🍚✨ 🔸 Jok Bal/족발 份量超大🤩豬腳嫩滑，沾上特製醬汁後更加分，配啤酒一流！🍖🍺

今晚的晚餐是一場韓式美食的盛宴，特別是豬手和醬油蟹的完美結合，讓人回味無窮。豬手經過慢火燉煮，肉質軟嫩，皮Q彈而不膩，搭配上特製的醬料，每一口都是滿滿的膠原蛋白。芝麻的點綴不僅增加了香氣，更為這道菜增添了視覺的美感。醬油蟹則是另一道令人驚喜的佳餚。新鮮的螃蟹經過醬油的醃制，肉質鮮美，蟹黃濃郁，與醬油的咸香完美融合，每一口都是海洋的饋贈。蟹肉的細膩與醬油的醇厚在口中交織，帶來了層次豐富的味覺體驗。這兩道菜不僅味道出眾，擺盤也相當考究，讓人尚未品嚐就已經食慾大增。餐廳的環境溫馨而舒適，服務員的熱情服務更為這頓晚餐增添了不少色彩。這次的用餐經歷讓我對韓式料理有了更深的認識和喜愛，絕對值得再次光臨。

#🐒😋開頭以為叫 #居酒屋 就係日本菜上到嚟呢間 #狎鷗亭居酒屋 先知原來 #韓國菜 都叫居酒屋 😂── ✦── ✦ ── ✦ ── ✦ ──ʚ #烤什錦牛肉 ɞ 有4款牛肉 牛舌 肥牛 牛柳 牛仔骨最鍾意食牛柳 又稔又香 肥牛配埋佢個辣醬好夾好好食ʚ #水冷麵 ɞ 人生中真係第一次食水冷麵食落有小小似薯粉 呢排又熱返呢個水冷麵就啱哂ʚ #燒黃花魚 ɞ 估唔到竟然有2條咁抵煎到脆卜卜 配埋個小辣嘅豉油 正👍🏻ʚ #柚子檸檬麗塔 & #HighBall ɞ 呢杯酸酸甜甜超好飲 又解渴食韓國嘢有辣就啱哂至於杯Highball 我叫咗小酒精所以相對都好易入口── ✦── ✦ ── ✦ ── ✦ ──

朋友話諾士佛臺除左酒吧樓上都有正宗韓國菜食，今晚想食正宗韓國菜佢就帶左我黎左呢間環境浪漫嘅餐廳，呢度仲好出名醬油蟹，食物款式多，亦都有酒提供，由下午5點營業到凌晨3點🌙！推薦大家一定要試吓佢哋嘅益力多米酒🍶，口感好特別！酸甜開胃易入口，開party飲岩晒。另外，牛肋骨煲嘅牛肋骨厚肉大塊又軟腍，仲用左個煲煮住保持熱度，牛肉醬汁非常惹味，送飯一流🍚！仲有辣炒八爪魚撈麵🐙，八爪魚份量好多，而且每條魚鬚都非常彈牙！

餐廳由韓國人打理，環境舒服得嚟氣氛又好大大碟前菜有六款，特別鐘意合桃魚仔同菠菜，仲可以refill添海鮮炒年糕新鮮海鮮配埋軟滑年糕，辣辣地味道好爽半半炸雞 （有原味/酸甜辣味）熱辣辣，炸得金黃香脆，咬落啖啖肉辣牛肉八爪魚鍋八爪魚新鮮爽口，味道濃郁，牛肉份量都唔少，仲有好多蔬菜，配返杯益力多沙冰，超滿足#dcb食在香港 #dcb吃喝玩樂 #dcb尖沙咀 #食在香港 #香港美食 #美食 #尖沙咀 #尖沙咀美食 #韓國菜 #泡菜#炸雞 #居酒屋

今日去左尖沙咀食韓國嘢，呢間韓國居酒屋真係好值得推介野菜半熟牛肉卷係一道好清新嘅菜式，牛肉煮得剛剛好，保持住咗肉嘅嫩滑，配埋清脆嘅野菜，口感層次分明，再加上特製嘅醬汁，帶出咗鮮甜嘅味道。呢個絕對係健康又好味嘅選擇。**辣炒魷魚拌麵**就係一碗充滿韓式風味嘅主菜，魷魚煮得鮮嫩彈牙，辣醬有一點甜辣平衡得好完美。拌麵吸滿咗醬汁，每一啖都食到香辣嘅味道。呢碟菜係喜歡重口味朋友嘅不二之選。**辣油牛內臟湯飯**，就好啱啲想挑戰辣味耐性嘅食客。湯底濃郁，有深厚嘅辣牛肉香，同埋內臟煮得入味而冇腥味，飯吸晒湯汁後更加香辣惹味。食呢碗湯飯真係暖身又飽肚。**益力多燒酒**真係一個好玩又特別嘅選擇。益力多嘅酸酸甜甜配埋燒酒嘅微醺，感覺上輕鬆同愉快，好適合同朋友傾下偈嘅時候飲。

📍狎鷗亭居酒屋💡尖沙咀天氣一轉冷就特別想食啲暖笠笠嘅嘢，今日臨收工時覺得天氣凍冰冰，於是約咗同事一齊去咗一間韓國餐廳暖一暖胃。今次我哋叫咗幾款菜式同飲品，整體感覺真係好滿足！一上枱就有韓式配菜免費供應，包括泡菜、涼拌豆芽同埋醃蘿蔔等。泡菜酸辣開胃，豆芽清爽脆口，醃蘿蔔就帶點甜味，配菜同主菜一齊食好夾首先上枱係豬骨薯仔湯（$398）湯底濃郁得來唔會太膩，豬骨燉得夠腍，大大舊，肉質軟嫩又入味，薯仔就吸咗湯汁嘅精華，食落軟綿綿好正。份量都幾足夠，兩三個人分都啱啱好，凍天飲碗熱湯真係暖身又暖心。辣炒魷魚五花肉（$258）呢道菜係我今次嘅心頭好！魷魚爽口彈牙，五花肉煎得香脆，配上微辣嘅醬汁，辣度啱啱好，唔會太刺激但夠惹味，食完真係停唔到口柚子檸檬麗塔（$98）酸酸甜甜好清新，柚子味突出，沙冰飲落好解渴又開胃生薑高酒杯（$98）同事話生薑味濃郁，暖胃之餘帶點酒香，凍天飲真係一流最驚喜係逢星期一有全單八折優惠，計落真係抵食咗好多！環境乾淨企理，坐得舒服。整體黎講，呢間韓國餐廳無論食物質素、配菜定係性價比都好值得一試

朋友食過而推介嘅餐廳，即管試一試佢。被安排坐卡位，加上成個氛圍，感覺自己好似去咗韓國😅第一次食生拌牛肉，本來驚驚哋，但食落有驚喜😋另外仲叫咗芝士雞蛋卷、鐵板燒牛肋骨、韓式炸醬麵、海鮮豆腐湯、燒鰻魚，樣樣都好食👍🏻👍🏻👍🏻今日呢班飯腳比較年長😅冇得食炸雞， 下次要再來食炸雞😍😍另外，入門第一印象啲侍應有啲cool😑但其實好nice☺️, 可能韓國人本身就係咁木無表情，總之有問必答，唔會Hard sell, 仲會提你份量差唔多，唔夠再叫👍🏻後會有期！

去開尖沙咀呢一頭拎特區護照同朋友講起，好想食韓國菜跟住佢就話尖沙咀，簡直係韓國菜嘅聖地緣份就帶到我哋嚟到呢一間餐廳好特別，佢係開到凌晨3:00真係好啱想通宵傾偈嘅人 （可惜唔係我）餐廳提供6個小菜，樣樣都好味，我最鍾意泡菜，而我哋叫左三樣嘢，板燒LA牛肋骨，係最好食，啖啖肉，仲包埋生菜，同啲醬料俾你包住食。牛肉炒年糕，好大碟，醬汁好惹味。水冷麵，前排天氣熱，好適合食呢款麵，解一解暑。我哋仲叫左兩杯野飲，有一支蘋果梳打倒轉插落隻杯度，好啱打卡。

狎鷗亭韓國菜真是令人驚喜，韓國菜不僅正宗，還充滿了地道味道涼拌豬仔腳🐷每一道菜都讓人垂涎欲滴，特別是涼拌豬仔腳，正宗韓國招牌菜，搭配檸檬醬汁口感清新好怡神炒海鮮鍋巴🐙🦐🦀炒海鮮鍋巴都有另一個亮點，新鮮的海鮮有鮑魚、蝦、蟹、魷魚及菇扒，與鍋巴的香脆完美配合，加上惹味醬汁，每一口都充滿驚喜牛筋湯🥣韓國牛筋湯特別鮮甜，雪濃牛骨湯底餚製，湯好鮮甜，牛筋肉好彈性好味道韓國米酒馬格利米酒當然好配搭韓國料理晚餐好滋味

之前朋友聚會黎過一次，店內設有榻榻米區域，亦長期播放韓國歌曲，果陣已經覺得整體氛圍不錯。另外，店員大部分都是正宗韓國人，當然亦有聽得明廣東話的店員。 ⦁醬油蟹 $248上菜見到滿滿橙黃色的蟹膏，我同大佬已經心心眼😍。除了醬油蟹，額外可用$58加購拌飯，最驚喜的是店員主動幫手拌飯！而且蟹肉蟹膏超香。⦁牛筋湯 $128奶香色的湯🍲，湯內好多牛筋，味道偏淡，建議加適量的鹽調味。 ⦁醬烤什錦肉 $328份量好多，有齊豬牛雞肉，香味十足，搭配生菜🥬，生蒜🧄等，更加惹味。⦁High Ball $98/杯點了兩杯🍺分別是生薑口味🫚、檸檬口味🍋。生薑味不重帶點甜，酒精味亦不濃。相反檸檬口味和酒精味偏濃！ ✨著數優惠：逢星期一全單八折🧾

老友約了在狎鷗亭居酒屋🏮聚餐，是位於尖沙咀諾士佛台，位置很便利。韓式小菜有6款，健康又好味。點左支覆盆子酒，慢慢嘆下食下前菜，甜中帶酸，令人開胃之余，更有抗衰老、增強活力💖⋯⋯的功效架。首先點左招牌菜-醬油蟹配伴飯，蟹🦀膏的色澤鮮嫩，肉質晶瑩剔透，入口柔軟香滑，醃製得咸度適中，店員會幫忙將蟹殼的膏，拌入紫菜飯內拌勻，很貼心的啊。韓式牛筋牛骨湯，牛筋份量多，煮得軟淋，牛湯飲落香濃，充滿骨膠原，飲完皮膚都靚啲添。海賊王炸雞拼盤，原隻魷魚🦑同炸雞粒，賣相十分之吸引，彈牙的魷魚配蜜糖牛油味炸雞，炸到金黃色，香脆可口，兩款都好捧啊！

📍狎鷗亭居酒屋嚟到尖沙咀同朋友飲杯野之前想食啲韓國野，不如嚟試下呢間居酒屋啦，現場環境都比較寬闊，食完野落去happy hour 夠哂方便，而野食方面都份量十足，味道唔差㗎，一落完單就會上6種小菜，每種小菜都各有風味，味道較清嘅係食到中後期真係起到個超大作用，好解膩#燒黃花魚 $188本身魚有醃過，所以食落帶有少少鹹香，再點埋個醬汁嚟食真係絕配，令到成個味道昇華哂，估唔到望落普通嘅醬都可以咁好食#炸八爪魚雞 $288呢艘船上嚟個陣真係嘩一聲，冇諗過個份量會咁多，淨係八爪魚都有3隻，店員俾我哋影完相打完卡之後都好細心幫我哋剪細舊啲，方便我哋食，而八爪魚個本炸粉唔算厚，感覺好似有少少椒鹽味咁，而炸雞都保持住鮮嫩多汁，店員向我哋建議蜜糖味，果然冇介紹錯#牛筋湯 $128飲酒前想暖下胃，所以就叫左個熱湯飲下，開頭咩都冇落個陣就會覺得個湯好淡，但當我哋落左鹽之後發現成件事唔同哂，啲牛筋份量好多，又煲到好淋，真係一流其實呢一間嘢啲食物質素都唔錯，而且份量十足，同朋友相聚食飯傾偈都係一個唔錯嘅選擇，我哋仲叫咗 #高杯酒，開頭第一啖飲落去唔係好習慣，不過越飲就越覺得好味，所有嘢都唔錯，不過就係韓仔（唔

《狎鷗亭 居洒屋》裝潢好有狎鷗亭feel, 枱椅以木系為主，設有榻榻米位。✨️雞肉沙拉 份量都算大，雞肉炸到脆卜卜很香口，蔬菜勁新鮮，加埋秘製酸甜沙律醬，十分開胃。✨️狎鷗亭辣雞肉芝士鍋 有專人即席把煮溶嘅芝士放到韓國年糕和雞肉上，見到芝士可以拉絲拉好長，非常治療。咬落仲質地柔軟有彈性。✨️辣牛腩湯 雖然個湯名有個「辣」字，其實不算太辣，一般人應該都接受到嘅辣度。牛腩切絲，肉質軟腍。✨️柚子檸檬麗塔 $98外觀非常吸晴，打咭一流。柚子加上檸檬提鮮，更覺腥胃。📍尖沙咀 諾士弗臺9号冠福中心1樓