狂野麻神麻辣火鍋 (已結業)

終於等到個涼番D既禮拜, 去左打邊爐!麻神麻辣火鍋新開無耐,環境又新淨企理, 6點幾就上去食, 坐得好舒服!叫左個2人餐, 有海鮮有肉有菜, 仲有埋野飲唔洗揀 湯底叫左鴛鴦, 雞湯好甜又唔油, 仲有花膠好補好補!! 店員推介連個麻辣湯都飲得!試過真係唔會油唔係死辣, 又香!!海鮮賣相好正, 一大盤, 仲要勁大隻, 青口同蟶子都好加大碼咁, 仲要好新鮮!!拼盤咩都有D, 2個人都岩食, 唔洗一次過食咁多同一款!鴨血配麻辣湯真係好夾!!手工麵好粗, 所以好煙韌好索汁好好味! 食完好想叫多一個!

<尖沙咀高質邊爐麻神>來自台灣既麻神 主打麻辣同火膠湯底打邊爐 環境舒服 食物高質價錢合理👍🏻🍴海鮮二人餐 668 蚊1.麻神麻辣鍋🌶️ 麻辣鍋係台灣味既麻辣 唔係好嗆辣嗰款 夠香 可以飲少少再打邊爐 👍🏻招牌果凍鴨血 鴨血味香 口感好彈牙😀仲有吸汁 juicy 既台灣蜂巢豆腐 好正 拼 花膠雞湯🐥 花膠雞湯當然飲左先打邊爐 花膠夠彈牙 雞肉味香濃 所以煲出黎既花膠湯 雞油味香 但飲落又唔膩 好正😍2. 迷你牛肉盛 有肥美入口即溶既牛肉粒 軟林牛味濃既牛小排 仲有煙韌彈牙充滿口感既牛頸脊 🐂 切成薄片好香 肥瘦適中既 松板豬🐖3. 海鮮有南非孔雀八頭鮑魚 夠彈牙大隻 煙韌得黎帶 d 清甜 , 紐西蘭蟶子皇 爽口彈牙 味道鮮甜啖啖肉🙂 澳洲新鮮扇貝 大大隻扇貝 最鮮甜係佢 而且好厚肉 吸麻辣汁同花膠湯都好襯👍🏻 紐西蘭刀貝 個貝好大隻新鮮爽口 帶 d海水味既 juicy 4. 台灣翠綠菜籃 🥬🥦有爽口 juicy既台灣 a菜 清甜既娃娃菜 仲有新鮮香既皇帝菜 😀5. 日本烏龍麵🍜6 麻神特飲兩杯 e果茶大大杯 茶味唔錯 ☕有好多生果 菠蘿 西瓜 藍莓 西柚 香橙 火龍

環境：iSquare對面就係 相當方便 每枱之間唔會太近 有卡位亦都有房 適合疫情後約埋一班朋友一齊食服務：上菜執碟加湯都爽手 有個中年姨姨仲特別親切  聽講呢間真係台灣火鍋店 係同台灣傾代理 好多火鍋料、鴨血都係台灣入貨而唔係一般台式火鍋價錢算中高價位 食物質素物有所值以下推介幾款特別值得一試既價錢：7/10食物質素：8.5/101. 湯底鴛鴦鍋 一邊係招牌麻辣鍋 另一係花膠雞湯一上枱店家叫我哋飲左湯先 花膠雞好足料 入面有好幾塊大雞肉同花膠飲落有香甜的雞湯味 夠濃得黎唔會漿喉原來唔止係雞湯 呢間麻辣鍋湯底都飲得因為湯底係用蔬果熬製 而唔係豬牛骨所以無咁油膩同嗆喉兩個湯底比較既話 雞湯好飲啲 麻辣打邊爐惹味啲2. 牛胸爽一片白雪雪 以為佢係牛既脂肪位上網查先發現原來係軟骨位所以食落唔係想像中既軟淋同無油香味 反而係爽口同有濃濃牛味 係意外驚喜3. 松板豬同牛小排拼盤兩款肉都解凍得啱啱好 同時保持到新鮮肉片無因為過度氧化而變啡而且有返少少厚度 食落有口感松板豬食落彈牙又有豬肉香味牛小排就係牛味同油香爆發呢兩款都適合

好耐無去過台灣啦，近日天氣凍咗好多，好掛住台灣嘅麻辣火鍋，於是早日就去咗尖沙咀新開嘅♥麻神麻辣火鍋♥享受充滿台式風味嘅2人海鮮盛宴！餐廳環境寬敞、簡約雅緻，設有不同嘅雅座。服務員細心有禮，入座後即提供醬料，以便我地好好混醬！【海鮮二人餐】HKD668 / 2位*如改鴛鴦鍋 +HKD70呢個餐豐富又足料！♥ 麻神麻辣鍋♥ 迷你牛肉盛 ♥ 松板豬♥ 南非孔雀八頭鮮鮑魚 ♥ 紐西蘭蟶子皇 ♥ 紐西蘭刀貝♥ 澳洲新鮮青口 ♥ 台灣翠綠菜藍 ♥ 台灣手工麵 ♥ 麻神特飲2杯見麻辣+花膠雞湯底都咁吸引，所以加錢改鴛鴦鍋！♥ 麻神麻辣鍋►麻辣湯富台feel，滲有藥材味道，辣而不膩，裡面有招牌果凍鴨血，軟滑又juicy；台灣蜂巢凍豆腐，吸滿湯汁超美味。►花膠雞湯有花膠、雞等多種材料，花膠煙韌，啖啖膠質，雞肉嫩滑，補身養顏。♥ 迷你牛肉盛 牛肉滿有雪花紋，脂肪分佈均勻，口感細嫩；牛肉粒入口爽嫩有筋。♥ 松板豬優質矜貴，入口鮮甜有嚼勁。♥ 台灣手工麵口感煙韌，滲透湯汁，好味。♥ 南非孔雀八頭鮮鮑魚 ♥ 紐西蘭蟶子皇 ♥ 紐西蘭刀貝♥ 澳洲新鮮青口 海鮮優質、新鮮、肥美，入鍋滾一陣，一熟即食，鮮甜度爆燈！♥

冬天一來就特別想打邊爐但疫情咁嚴重 出街食飯都盡量想book間私人嘅房朋友知我鐘意飲湯又鐘意海鮮就特別介紹打呢間重新開張嘅台式火鍋我地嗌左花膠雞+麻辣鍋湯底一滾我地緊係等唔切就落野食啦！但經理即刻停住我地 叫我地飲左個湯先哇唔試還好 一試落去個花膠雞湯真係驚為天人！果然係煲足6個鐘嘅真材實料 膠質勁重 啖啖雞味麻辣湯試左2啖都飲得出藥材味 但就鐘意用來淥野食多過就咁飲不得不提就係佢個鴨血 好厚身好juicy 完全係台灣嘅味道配料方面樣樣野都好新鮮 由牛拼盤 到海鮮拼盤 到蔬菜拼盤 甚至佢送嘅水果茶 全部都係高質又大份埋單大概$500一個人 價錢唔算特別平 但質素完全對得住價錢 岩哂想食高質食材嘅大家☺️

今日要出去做機係之前呢就一個人去左呢間 #麻神 食佢既一人火鍋😍😍訓醒就直接出去餓到暈😢😢😢咁無諗過都幾爆場🤣🤣 所有職員都好落力了~~奈何午餐個個人趕返去自然急左啲既叫左個主打既酸菜魚😌😌上黎時都無諗過咁大兜，一人其實岩岩好不過對我黎講會比較飽咁負責人都好好見同唔同客人互動交流下咁👍🏻👍🏻 水果茶我好鐘意，因為滿滿生果又唔會姓落好多糖水個種感覺～佢地啲可樂仲特登拎隻靚杯仔裝睇到有誠意💟 我已經搵定朋友下次再去 食埋其他湯底😂😂😂😂😂 我呢係咁飲佢地啲酸茶湯底😋 你地去記得叫佢地既人氣果凍鴨血啊‼️

成年冇得去台灣 好掛住台灣既麻辣火鍋啊啊啊😭朋友知道我咁想食 特登帶左我去麻神麻辣火鍋試試佢🍽麻神麻辣火鍋都係台灣過江龍 當然要叫番個麻辣鴨血😈佢一窩有五舊勁大塊鴨血 本身已經有濃濃既麻辣同藥材味 唔洗擺落火鍋就咁食都已經好好食🤤🤤呢度仲有好多台式配料可以點😚 其中最特別既一定係呢碟麻辣牛B 滷得入味仲要爽口彈牙 男女都可以試試🤣不得不提既係呢度既湯底全部都可以飲得😳侍應幫我地上鍋時有特登提我地要飲左湯底先好再加水打邊爐🐒撈一撈就知道個湯底真係落足料 有花膠有雞有龍眼 唔怪之得可以咁好飲!我地仲叫左個4人套餐同加左其他配料🤤 有菜盤有海鮮有靚肉都只係千幾 抵食❗️大力推介大家一定要叫醬爆瀨尿牛丸 一碟四粒每粒都大大粒🤣 濃濃既牛味你一定唔會後悔!

家姐一直嚷着要食麻辣火鍋，佢話麻神麻辣火鍋終於喺尖沙咀開返舖（之前係喺旺角同銅鑼灣），見天氣涼涼地，所以今晚我哋就食火鍋🥢我哋點左個鴛鴦湯底，有麻辣湯同花膠雞湯，先飲完個湯暖暖身再打邊爐😋，麻辣湯底微辣有藥材味👍🏻，不過家姐話可以再濃啲😆，而花膠雞湯濃郁，好飲👍🏻佢哋嘅肉新鮮可口，牛同豬肉都好好味👍🏻👍🏻👍🏻，最特別嘅係有台灣蛋餅👍🏻👍🏻👍🏻新張期仲送咗果杯🍓🫐俾我哋食😆餐廳侍應嘅服務態度熱誠有禮，有效率👍🏻👍🏻👍🏻今晚人唔多，可以慢慢嘆，慢慢傾吓計，輕輕鬆鬆又一晚👍🏻👍🏻👍🏻

至上年12月去完台灣 就無再食過台式麻辣火鍋個心一直心思思 好想食翻台灣麻辣既味道啲大牌子勁full booking 睇食評又一般所以一直無食到最近朋友大力推薦呢一間約左6個朋友去食 因為同朋友慶祝生日 所以問左佢有無房間安排 竟然有！即刻BOOK去到我地就大嗌特嗌 實在太耐無食台式火鍋個湯底一到 個侍應哥哥即刻叫我地快啲飲啲湯 一個花膠雞湯 另一個麻辣鴨血湯 兩個都係可以當湯飲 因為佢地每日都係新鮮煲真心 超好飲 尤其係個花膠雞湯 我地全部狂飲飲到無哂個湯底 （之後佢地再添就係普通湯底嚕～）個麻辣鴨血湯都好飲 藥材味勁濃郁 佢啲鴨血係勁q勁香！超推介！可惜無得任添加 不過聽侍應哥哥講佢地啲鴨血係搭過飛機 台灣空運過黎 每日售罄即止 (我地之後想encall都無哂嗚嗚)所以建議大家要多叫兩份之後黎左兩個萬聖節麻神回歸夜套餐有海鮮 有手切牛肉豬肉 手工面 菜籃全部都大大份 勁新鮮 特別係個海鮮拼盤： 鮑魚，帶子，青口，大蜆 全部都大大隻 超新鮮我地之後再追加左 手切牛肩脊 食神瀨尿醬爆牛丸 新鮮牛胸爽 台式冰巢豆腐 萵筍 響玲6個女仔真係嗌左好多呢間真係食材好 湯底濃 會一直好想食加上

早幾日嚟咗呢間台式火鍋食飯聽朋友講佢哋啲湯底係真材實料去煲而且新開番啲裝修又新淨就去試吓🤣佢哋可以雙併湯底：麻辣同花膠雞湯一上就要飲咗先！因為係最高濃度嘅湯底以花膠雞湯為例～花膠、雞、龍眼肉等煲足6個鐘嘅精華就係齊到！男女飲咗都可以補身養顏😍麻辣湯係台式口味～用咗藥材去煲所以係飲得落肚！唔會太辣～但聽講可以加2種辣度落去跟住就食咗我期待已久嘅空運鴨血🥺真係超正⋯佢質感好似啫喱咁好通透！唔似其他台式火鍋店咁實的的一舊血咁！咬落去好juicy💖吸收咗啲麻辣汁就更加惹味！真係必嗌名物！！我哋叫嘅套餐有海鮮盤㗎🤣🤣但唔記得影全相！有非洲8頭鮑、青口、扇貝同帶子！佢哋勁細心一早就起咗肉～因為雙併鍋真係擺唔落啲殼！好新鮮喎！而且仲隻隻都好肥美你睇下圖就知😳呢個質素係out of expectation～套餐包咗各種肉類！有松板豬、骰仔牛！松板豬超長一塊好厚肉～肉脂分佈均勻唔會韌！好食過普通豬肉100倍😆骰仔牛一粒粒易入口！本身有一定油脂所以入口即溶～同埋勝在冇筋！牛味香濃冇得彈呀～原來有樣嘢叫牛胸爽！未食過都唔知乜嚟白雪雪咁～一淥就會皺哂變得爽口彈牙😱口感好得意！再試咗呢2種丸～細細粒係梅菜豬肉丸

係台灣來到香港既麻辣火鍋🍲見佢開到來尖沙咀 就試下啦🔥大大棧水晶燈好搶眼🤩枱都幾寛落既，有d醬料配料選擇~湯底就選擇左 鍋，一邊係雞湯花膠鍋，一邊係麻神麻辣鍋🔥侍應專登叫我地試一試個湯底先，雞湯既雞鮮味好出，花膠大大塊，真材實料。麻辣鍋就唔算話好辣但係條利留有麻香既感覺🔥🔥海鮮拼盤有八頭鮮鮑魚，蟶子，青口同埋刀貝✨全部都大大件，食得出既鮮味😍呢到既期中一個特色就係果凍鴨血，香港好少火鍋店食到🤨食落感覺係軟綿綿既，而且有一種獨有既香✨肥牛切得薄，色澤靚，肥肉唔多，食落牛味十足🐮呢到既用料新鮮，湯底取勝，而且有比較少眾既鴨血，都值得火鍋迷來試下🐷

自從銅鑼灣分店因為疫情問題暫時停止之後，一直都好掛住麻神既火鍋🥺終於都係尖沙咀開返！！！OMG😍表示興奮😍😍😍打邊爐黎麻神真係一定唔會失望，可以話係我暫時喺香港食過最好食嘅火鍋店👍🏻📍二人套餐HKD$668💸入面有招牌果凍鴨血，有松阪豬，有手切肥牛，有鮑魚，有蟶子，有青口整體來講全部嘅食物都好有水準首先個鴨血就一定冇得輸嘅嘢！🤩由台灣直送嚟香港我相信有好多人過嚟都係掛住呢度嘅鴨血就算我本身好少食血或者內臟，我都覺得好好食❤️海鮮類全部都好鮮甜同埋好大份食得出絕對唔係揸流攤牛肉同豬肉都係入口即溶，本身唔係特別鍾意食豬肉，但係佢呢個豬肉完全冇好肥膩嘅感覺，再加埋佢嘅湯底，真係一定要試👻

麻神麻辣火鍋拼花膠雞湯❤️麻神嘅麻辣湯唔使講一定係必點之選撇咗少少油，嗰啖湯係好補身嘅感覺我覺得就算唔係太食辣嘅人都可以接受到❤️反而喜出望外嘅係花膠雞湯有半隻雞係入面，仲有幾舊花膠大大嚿呢個湯底直情係湯😂我未試過係飲打邊爐嘅湯底！所以呢個真係太強勁❤️骨膠原重到湯嘅表面不停起膠🤤❤️重點係就算加湯都係加返呢一個花膠雞湯，唔係加水，值得一讚👍🏻另外叫咗一個龍蝦刺身😳❤️我都係第一次食龍蝦刺身😂😂好鮮甜好好食，好爽口，打邊爐可以食刺身真係滿足晒兩個願望麻辣湯底入面會送咗鴨血🤩❤️個鴨血好似牛扒咁，超級厚身😎好似係食緊西餐咁，果然係呢度嘅招牌菜我另外再點多咗一份，真係食都唔夠😂😂全部都係手打肉丸🤩❤️我個人打邊爐好鍾意食肉丸，全部都係好足料嘅肉丸，好明顯睇得出唔係平時喺街市買嗰啲肉丸咁簡單🤤仲有一個綜合鮮餃拼盤🤩❤️入面有魚皮餃，冬菇椰菜餃，韭菜餃，鮮蝦雲吞全部都係我鍾意食嘅野😉我覺得全部都好值得一試👍🏻

期待已久的麻神麻辣火鍋終於返來了！早排銅鑼灣分店及旺角分店都暫停營業，攪到我哋一班鴨血之友鬼咁失望😩四圍去搵好味嘅麻辣鴨血，但冇一間係取代到麻神嘅地位🤭終於俾我誤打誤撞見到OpenRice有間麻神尖沙咀分店營業中🤩先知原來開咗間分店喺尖嘴，咁我哋以後唔使忍得咁辛苦喇😆 立馬九秒九打去訂位！講返正題先，尖沙咀新店地方唔算好大，裝修簡單中見型格，都坐得舒服，不過如果卡位同卡位之間隔返塊屏風有啲privacy會更加好。至於新店既menu食物多咗好多選擇，我地揀咗經典的麻神麻辣鍋底，喝一口湯，嗰種只麻你口不辣你喉，係久遺了嘅味道😌好滿足呀！我哋叫咗兩客果凍鴨血、一客特選手切牛肉拼盤、珊瑚蚌、牛柏葉、冰菜、萵荀、金菇等等，份量三個女仔食剛剛好。牛肉拼盤以前menu冇的，有五款牛品：牛頸脊、牛小排、牛胸爽、牛舌芯同牛肉粒，手切牛肉油脂分布均勻，好香好淋好好味！珊瑚蚌好鮮甜！其他食物都保持到水準👍🏻到主角果凍鴨血出場喇🎉仍然係咁軟滑彈牙好入味，連埋個湯底邊食邊喝，個口充滿住濃濃嘅麻辣鴨血香，真係不得了！好正！服務方面都好好，店員間唔中會過來幫忙更進食物進度，關心下客人需要，要讚！可能店舖開張兩星期左

朋友介紹話呢間火鍋店嘅麻辣湯底可以飲心諗 “唔係啩 咁咪好辣”不過一試就上咗癮❤️❤️餐廳環境好簡約風成個格局好簡單，我個人好鍾意首先講吓佢嘅湯底1️⃣麻辣湯入面包左兩件台灣直送嘅厚切鴨血湯底係沿用番台灣麻神嘅食譜有少少藥膳嘅味道，辣得來唔會傷喉嚨同埋傷胃，好好飲☺️2️⃣花膠雞湯佢呢個花膠雞湯完全係可以就咁飲嘅花膠雞湯，唔好當佢係打邊爐嘅湯底，佢真係一個好有火喉嘅燉湯，再加上有好厚嘅花膠！呢兩個湯真係必點！！！👍🏻👍🏻食麻神一定要食鴨血咁大個仔真係未試過用刀叉食鴨血超級Juice，好有口感！！如果鍾意食鴨血嘅，一定會食上癮🤤牛肉，豬肉，海鮮整體來講都係水準之上既食材畢竟打邊爐嘅話，食材靚就冇得輸🤣加埋湯底真係一流😎人均消費都係四百幾蚊一位有咁嘅質素嘅打邊爐香港地真係搵唔到❤️❤️極度推介之選