狂野麻神麻辣火鍋 (已結業)

最近天氣又凍返, 當可以出返街食野, 更珍惜每一餐。今日有空閒可以長時間少少食晏, 貪心d去打個邊爐。今日試麻神麻辣火鍋, 避開人多時段，食得好舒服。一坐底就見到2個爐，嘩，好耐都冇見過咁"傳統"既氣爐係自己枱度, 好懷念呀。下午菜式唔太多, 三種鍋, 我地簡左醉雞鍋配烏冬，同酸菜魚鍋配拉麵，仲有野飲跟, 我地再簡左紅棗桂圓茶。 竟然仲係每人一壺。 真係幾正。醉雞鍋先到。 睇落好足料，雞肉, 鮮淮山, 木耳。 烏冬幾彈牙。 幾滿意佢醉雞鍋食落幾香, 但唔會過濃味。 一定唔會令人醉晒同好大陣藥味返工酸菜魚賣相都唔錯。魚肉幾彈牙, 唔會好耐散, 好結實。 味道都ok, 唔會太辣。 真係幾意外下午咁樣食火鍋一d都唔覺好heavy.而且價錢真係幾抵。 比起趕時間咁食個碟頭飯, 這個火鍋真係唔差。 值得食。

呢幾日天氣涼涼地想打邊爐，就約左朋友試呢間超平價一人一鍋午市真係好鬼抵，$66一個人就有一鍋，除左邊爐仲有酸菜魚食添，而且呢個價仲連埋野飲一壺，真係好耐冇見過咁抵食既餐廳，餐廳環境好寬敞，坐落舒服，同朋友聚會一流👍🏻要左一個番茄鍋，加$8要左生蠔一隻，同時揀左鮮牛肉片同埋台灣A菜，麵食方面要左烏冬！個鍋真係好大份滿到瀉果種，所以都等左一排d野先熟先可以食🤣不過烏冬勁爽口彈牙，仲要吸引哂番茄既精華，酸酸甜甜，令人食唔停；唯一小小失望係生蠔得一隻，同朋友分唔到食另一鍋要左酸菜魚加薯粉，可能我地等得太耐先食魚肉lum左，如果一煮熟即食應該好食好多野飲一d都唔求其，唔係細細杯上而係一壺咁比你🤣要左洛神花茶同紅棗桂圓，睇黎餐廳係行養生路線

麻神火鍋都食左幾年最鍾意佢個麻辣湯底 夠麻夠香 落埋肥牛萵荀好好食隔左一排無食過 見佢lunch menu有酸菜魚 價錢又幾抵就番尼試下火鍋午餐有可以揀湯底+3款餸+1款麵食既火鍋餐 尖沙咀區 $66夠哂抵食亦有酸菜魚 同埋藥膳醉雞既火鍋 配1款麵食我叫左個酸菜魚配薯粉 配凍水果蜜桃茶上枱時賣相都好靚 入面好足料 酸菜同薯粉超級多 差d滿瀉 魚肉無骨啖啖肉 肉質較結實 水滾撈起就最好食 唔好煮太耐 湯底重蒜好香口 辣、酸、麻味平均 唔算太辣唔攻鼻 一開頭唔好急住食薯粉 煮到咁上下 熄左個爐 d薯粉會慢慢變得更加入味不過薯粉份量實在太多 最後都食唔哂好少火鍋店有水果茶 打住邊爐飲好refreshing有西瓜 火龍果 菠蘿等等水果 岩哂用尼消滯朋友唔食得辣 揀左蕃茄湯底 配午餐肉 豬肉 安格斯肥牛肥牛都幾靚 豬肉好食 肉味香甜 午餐肉有4片 仲有唔少生菜娃娃菜南瓜 絕對夠飽有餘

我們四朶金花很久都沒聚在一起開餐了，趁限聚令放寬至四人，今個星期日立即約埋出來逛街吃飯。中午的星期日有少許微涼、陰陰天，我提出了一個與別不同的建議，就是下午茶時段去打邊爐，因為有朋友推介非常抵食又位處尖沙咀，方便我們可食完飯逛街。也難得幾位姊妹也同意。我們一出電梯就看到店舖名稱了。地方也十分乾淨寬敞這家火煱店中午時段主打一人一煱，其實在這段疫情其間，一人一煱又確實比較安全的。這裡點餐也是採用現在時興掃描QR code自助點餐的。看見餐單價格非常驚訝，我從未嘗過一人火煱是這麽便宜價格的。我們四人各點了一個藥膳醉鷄煱、一個酸菜魚，另二個番茄湯底再加了墨魚丸、鮮牛肉、魚腐和牛筋丸等每個湯煱還跟附烏冬、拉麵、薯粉和飯等，可想而知必定吃得飽。這還不特止，每套餐還跟附飲品。我選的雜果特飲和姊妹們選的各有特色。我們幾個一邊吃一邊說超值，還不斷說要推介朋友來試試。最後我們吃得飽飽的再去血拼，晚飯都不用吃，改為吃宵夜算了。

係尖沙咀咀食晏，見天氣陰陰涼涼想打個邊爐，就上左去I square對面既麻神試下，以lunch一人一鍋黎講的確好抵，一行兩人叫左兩個鍋，藥饍雞煲同埋麻辣火鍋。藥饍雞煲可以揀埋個麵底，我就揀左烏冬，藥饍雞煲湯頭清甜，真係有一重養生既感覺，雞、雲耳、准山等等，好足料，雞非常入味，配埋烏冬麵真係一絕。而另一個火鍋就可以揀唔同既湯底，我地揀左港式麻辣，另外配料揀左牛雞豬肉同埋薯粉，麻辣鍋同樣出色，如果可以再辣啲應該會更好味，火鍋料新鮮而且足料，另外重有菜，連埋薯粉一齊食真係好好味。飲品方面都有十幾款選擇，我地揀左水果蜜桃茶，同埋洛神花茶，水果蜜桃茶係既有既蜜桃茶加入西瓜，火龍果等，飲完就去除左打邊爐果種肥膩既感覺。

天氣少少涼，想食啲暖野，但又冇人陪我打邊爐，所以我去左試呢度一人一鍋嘅午市套餐。佢有三種套餐。酸菜魚＋麵食＋飲品。一個湯底＋3個餸＋一款麵食＋一杯飲品。藥膳醉雞湯＋一款麵食＋一杯飲品。鐘意食魚嘅我，第一時間揀左酸菜魚＋米線＋桂圓紅棗。成件事好養生。酸菜魚好出色，唔算好辣，魚肉唔係得雪味嘅急凍魚柳。有魚味，酸菜味中都有魚味，肉質唔霉。可能加多幾樣送or叫飯會飽啲😂😂😂朋友揀左蕃茄湯加豬肉，豬肉丸定唔知牛肉丸，南瓜。加埋大量配菜，芽菜等等。性價比高。蕃茄湯底好清甜，好開胃。另外粒丸驚喜地幾好味🤤好大粒好juicy。景觀嚟講，有啲位係落地玻璃格離，景觀都算開揚。每個位都好闊落，係卡位嚟嘅自己用apps落單, 上菜速度快。整體用餐體驗唔錯。如果你人少少，又想打邊爐，呢個絕對係好選擇👍🤤

係尖沙咀食嘢，價錢都真係有番咁上下貴，今次我同朋友仔好叻呀，搵到樓上舖嘅一人一鍋，價錢好抵食，啱晒我地呢啲月光族。好，坐低睇吓有咩好食先。藥膳醉雞湯，都好大鍋，好多雞件，配菜都份量十足，麵底有好多選擇，配咗拉麵，建議可以先夾開麵條先，因為拉麵比較吸湯。酸菜魚，湯底唔太辣，有海量酸菜，魚片上枱時唔會太熟，所以慢慢煲煲下就啱食，配咗薯粉，薯粉有咬勁，唔錯。青檸梳打，酸酸甜甜，有汽嘅嘢最解渴。桂圓紅棗茶，係用茶壺上，望落幾靚。

今日去尖沙咀，陪女朋友行街。喺海港城行咗好耐，又掃咗啲貨之後，見肚餓就搵吓附近有咩嘢食。聽朋友講話麻神唔錯，就想去試吓。上到嚟環境唔錯，有噴霧消毒都放心。即刻睇吓Menu，喱度係用電話scan個code點餐，幾順。我哋分別叫咗一個一人一鍋午餐with皮蛋芫茜湯底，同一鍋酸菜魚米線。D鍋好快嚟到，望落唔錯，熱辣辣。酸菜魚啲肉唔錯，唔會太酸，齋飲湯都可以。另一方面，皮蛋芫荽都唔會太濃或者搶味，滾完啲料都唔錯。例如芝士丸係好食嘅。青口咬落到可以。個湯底當然相對清少少，但係啱女朋友。推薦相喺靜少少嘅環境打邊爐嘅朋友。離地鐵站唔遠。

上星期六放工去左尖沙咀join朋友，同朋友先食飽個肚，於是我地去左麻神食左個lunch set火鍋。價錢又幾抵，當然一口答應喇！一人一鍋自選午餐：自選三款配菜+一款湯底+一款麵+一杯飲品。皮蛋芫茜湯底：由於本人吾食得辣又較偏愛淡味既湯底就決定order左依款！皮蛋芫茜清清地，仲有芫茜香口味道，而仲有少許皮蛋可以食用。依款湯底既好處吾會怕蓋過配菜既味道呢！安格斯肥牛：火鍋配菜既牛就系依款，需要另加十蚊的。安格斯肥牛細細片，而片數吾少。焯後食落口感吾鞋口之餘，仲有少少牛香味。由於本身是比較淡既湯底，可以叫職員提供一些醬料。牛柏葉：個人建議焯至熟就要即時夾起，否則會愈縮愈細呢～口感方面，牛柏葉好爽口，又幾好食！黑椒牛筋丸：我本身極愛既牛筋丸，仲加上黑椒，簡直一流啊！牛筋丸爽口又極之彈牙，仲好重黑椒味道，夠香口又帶左小小辣味！拉麵：依個一人鍋餐好就好在有埋麵類揀，可以令食客更加飽肚啊！拉麵份量岩岩好一人份量刀算飽，拉麵口感彈牙之餘，吸入左湯底好入味呢～凍青檸梳打：食火鍋仲包埋飲品先一個價錢真系夠晒抵食啊！青檸梳打好解渴。----------------------------豬肉片、牛肉、流心

打邊爐雖說人多是比較開心，但晚市禁堂食，上別人家也不太方便，一人一窩就很方便了。雖然有吃過大X樂和X野家那些窩，但質素都很一般，今天這間就很滿意了。午市有很豐富的選擇，像我這樣酸菜魚和藥膳雞都不特別喜歡也有自選湯底和三餸的配搭。用QR code下單，方便又穩陣。自選配料和一般火鍋店一樣多，我選了安格斯肥牛（+10蚊）、青口和杏鮑菇。端上來滿滿的。爐也很容易控制，火候十足很快就有得吃。牛肉的質素很好，入口鮮嫩，油脂分佈平均。（圖中是未煮的，記得煮熟才吃）煮到這樣就可以了，雖然昆布湯沒有麻辣湯或等那麼突出的味道，但也嘗到昆布的鹹香和清甜味道。用來襯托牛肉的原味道就正好。除了自選的配料還有南瓜、豆芽、韭菜、紹菜、粟米等蔬菜。南瓜沒有殼，能全部吃下，有很自然的甜味。杏鮑菇又健康又有咬口，而且吸了湯味道絕不比肉類差。麵食選了拉麵，面質很適合這個一人窩。吃了快20分鐘，麵在窩內也煮了20分鐘，一邊吃也不覺會變淋，始終保持質地爽口。第三款配料青口把湯索入去口升級了成為濃郁的海鮮風味。而且很新鮮，能把殼上的貝柱也簡單地用筷子頂下來吃掉。跟餐飲品選擇也豐富，在一般餐廳屬於特飲的在這裡也不用加錢。特別要求

放假約左朋友係尖沙咀行街，街到餓餓地就諗住搵野食，天氣咁凍我地都想食火鍋，朋友話麻神麻辣午市有一人鍋抵食，我地一於就去打邊爐！🤪🤪午市都有好多選擇，可以揀一人火鍋三個餸呢或者酸菜魚，或者藥膳雞鍋，都係66蚊（要加一）。😎😎我哋就叫咗一個酸菜魚鍋同埋一個藥膳雞鍋。因為我好耐冇食酸菜魚了。用既係gas爐，酸菜魚，有好多配料，酸菜，芽菜，薯粉都好多，但魚就得幾塊，但都幾夠味，薯粉浸完個湯再食好正。😋😋😋藥膳雞入面有好多雞，我地等佢滾耐d先食個雞，藥材味濃郁，完全係覺得食緊藥膳，雞都好夠量，又有木耳食，佢仲有藥材係個鍋到，可見都係真材實料。👍🏼👍🏼👍🏼總言之，66蚊加一黎講，佢都算性價比高，天氣凍不坊黎試下。😚😚😚👍🏼

約左朋友係尖沙咀見面，突然想食火鍋，但礙於疫情關係，注重衛生所以我地最後吃一人鍋。機緣巧合搵到呢個上樓既麻神麻辣火鍋，就決定試一試。時間尚早，餐廳環境企理，座位舒適，我當然點左我最愛既麻辣火鍋湯底+烏冬，朋友就點左藥膳醉雞鍋。麻辣火鍋配料好多，lunch set黎講已經夠食麻辣火鍋夠晒濃味，唔會淨係得辣字。朋友點的藥膳醉雞鍋都好出色，雞肉份量多，而且無論聞定食落口都有好濃郁的藥材味，名符其實的藥膳醉雞鍋，十分推介。跟餐有一杯飲品，我地都點左青擰梳打，正！

本人非常鐘意約埋朋友或者同屋企人周圍食火鍋、可以話係火鍋控🥘。可惜！最近因為限聚令關係，大家都好少機會坐埋一齊食嘢，更何況係火鍋！我第一次食台式火鍋🍲仲要係晏晝食火鍋🍲依家非常時期、同朋友二人聚餐，呢隻一人一鍋就啱哂啦！幾日前已經book定枱，侍應安排我哋坐窗口卡位，呢度地方寬躺、環境舒適order咗一個藥膳醉雞鍋配拉麵同玫瑰普洱綠茶另一自選3款配菜：安格斯肥牛🥩黃金粟米水餃🥟果凍鴨血😋沙嗲湯底配埋拉麵🍜同玫瑰普洱綠茶🍵每位都只係$66！認真抵食👍呢個醉雞鍋非常重藥材味，而且仲十分足料，有滋補湯常用嘅淮山、杞子、元肉、黨參、蟲草花同木耳，當然唔少得雞啦！雞好新鮮👍雞肉十分滑沙嗲鍋都一樣正👍牛肉夠新鮮，黃色粟米餃子有特色，個鴨血好入味、有少少麻辣

今日去到尖沙咀食lunch,想打邊爐，但又唔想日式，就上黎search ,就搵到呢間麻神。雖然不在大商場內，但都很方便，就在isquare對面既樓上。呢度係用qr code 落單既，當然如果你唔識都可以搵d工作人員幫你啦。我就叫左個酸菜魚同藥膳醉雞鍋配一杯水果蜜桃茶同一杯青檸梳打。一人一鍋，個鍋都幾大，但份量都足夠我個藥膳醉雞配左拉麵,拉麵吸收咗藥膳醉雞嘅味道，味道香甜且味道香濃，但冇咩酒味，，，就算放lunch食完返去開工都冇問題，酸菜魚就配薯粉，，，薯粉夠煙韌，而且吸收咗酸菜魚嘅精華。雖然有別於一般酸菜魚嘅魚，但魚既肉質都很不錯很有口感。但我都係比較喜歡藥膳醉雞鍋。如果呢兩樣都唔係你杯茶，呢度中有一般打邊爐既湯底，皮蛋芫茜湯底，番茄湯底等，總有一款喜歡掛，，下次再黎試

餐廳午、晚市都係打邊爐，lunch可以每人一鍋，價錢都係大約$66，有特色鍋，仲可以自選，咩配搭都得，另包一個麵食及一杯飲品，抵食。餐廳環境非常大，座位寬敞，抽氣系統唔錯，食得舒服。叫左酸菜魚配薯粉($66)，藥膳醉雞湯配烏冬($66)，飲品凍水果蜜桃茶，熱紅棗桂圓茶。每個鍋都有一個爐頭煮熱食物。熱鍋一上枱，見到滿滿好多配料好豐富。湯底辣得黎唔會嗆鼻，唔算好辣。魚塊肉質結實滑口，每塊都入味，而且處理好冇骨。大量酸菜食極都仲有，唔只係得酸味，仲有d麻麻地既感覺。配搭薯粉可以吸哂d湯汁，一流。湯鍋仲有芽菜、蒜頭等，食到最後其實好飽，d麵食唔哂。藥膳醉雞湯愈煮愈香藥材味，湯底用上淮山、蔘、酒等煮成，煮到變成啡色。雞肉嫩滑唔鞋口，起碼有8大件，帶啖啖酒香味。侍應建議淮山煮到後段食會更好味，果然吸哂d湯，而且軟軟地唔錯，感覺好似薯仔。而黑木耳爽口，數量亦唔少。另外加配左午餐肉($10)，餐肉厚切三大塊，夠哂有口感，煮完又唔會軟散，打邊爐一流。飲品亦唔馬虎，蜜桃茶底濃厚，蜜桃味非常突出，唔會過甜。而且有大量水果如橙、菠蘿、火龍果等，邊食邊飲夠大杯。而桂圓紅棗茶夠養生，要焗一陣，等打完邊爐飲，味道淡