狂野麻神麻辣火鍋 (已結業)

嚟到尖沙咀食野，都預咗貴貴地。但呢間火鍋店令我好喜出望外，環境舒適乾淨而且價錢唔算貴。66蚊左右就食到火鍋午餐，而且好啱坐低慢慢傾計，好少樓上店會有咁大地方比人坐低~先講野飲，我同朋友分別叫咗洛神花茶同紅棗桂圓茶。雖然唔係好濃，但就咁睇份量同賣相都夠晒班，重點係唔洗加錢，隨餐附送架！終於到主食了，由於係火鍋午市，個鍋會預先煮熱再上。我同朋友都叫咗藥膳雞湯，但麵底就唔同。個人覺得個湯底煮耐咗就更加出味，但唔會太大藥材味。朋友叫咗安格斯牛肉，都幾好食。就算唔加其他配料，都好夠食。我就叫咗麻辣鴨血加餸~ 辣就唔係好辣，但鴨血煮得啱啱好，好有口感，仲好大舊tim! 啱晒好鍾意食嘅人。

有時候2個人想打邊爐覺得人少好難order 野食，發現左呢到有一人一鍋午市選擇(自選湯底和三餸的配搭)所以話宜家打邊爐呢家野真係無分季節同時間~上到2樓發現呢到都好大下仲有D private rooms 可以一班人一齊gathering 唔怕會嘈到人。入座之後 店員俾左個qr code for 自助落單，午市可以有酸菜魚、藥膳醉雞鍋選擇.酸菜魚湯底睇落唔濃味但食落味道岩岩好，酸酸辣辣好可開胃，魚肉質地不淋不散，最衰無薯粉如果唔係更perfect ~ 配料分量好豐富，好多既酸菜同芽菜.藥膳醉雞湯愈煮愈香藥材味，淮山好爽口入味，黑木耳爽口，肉類質素好，入口鮮嫩跟餐飲品選擇也豐富，竟然有青檸蘇打超解渴上菜速度快，一小時內完成一人邊爐鍋都冇問題，啱曬上班一族而且服務不錯，值得再來!

尖沙咀抵食一人一鍋台式麵食火鍋一直都想試下麻神既火鍋，但之前知道佢地有lunch set 價錢好抵，$66 起連飲品，所以星期六就黎左試下 。《酸菜魚一人一鍋午餐》有酸菜魚做底，可以揀一款嘢食同一杯飲品。好似打邊爐咁有個爐熱住，個麵黎到要載着多陣先食得，湯底夠濃，個味都好正宗，而魚嘅份量都唔少呀！加多左份A 菜，索左啲湯汁好好食。 飲品揀咗水蜜桃和橙，雖然冇得揀甜度，但係唔絕對唔會過甜，仲有切咗粒嘅新鮮生果，唔錯唔錯😊《自選三餸麵食》揀咗烏冬左面底然後自選三款打邊爐既餸。揀咗安格斯肥牛，野生竹笙，蔥爆三星貢丸，另外再加左一份果凍鴨血。份量都好足夠，鴨血好好食完全冇香港買嗰啲即食鴨血嘅腥味👍🏼 ，值得一讚，個面嘅湯底我揀咗麻辣湯底，唔會係四川嗰種有油又濃，呢隻麻辣味好香又唔會死辣。飲品叫咗青檸梳打，可以叫小甜或者走甜，會濃味嘢食再飲青檸梳打感覺好fresh。總結，性格比高，係尖沙咀$66 有得一人一鍋，仲要咁多選擇，絕對值得一試wor!

想食下火鍋，但係又唔想咁heavy，黎麻神就啱哂喇，佢地嘅午市有一人一鍋套餐配飲品，價格親民，只需要$60左右，值得一試！酸菜魚配拉麵，酸菜魚湯底非常濃郁，酸菜再加上少量辣椒，十分過癮，而魚片唔係平時滑滑嘅魚肉，而係食到有紋路嘅魚片，吸哂湯汁，非常入味~藥膳醉雞配薯粉，食過酸菜魚，就反而覺得藥膳醉雞有少少淡，有木耳、准山等等嘅藥材，不過如果藥材味太濃，我都會有啲怕XD。雞肉滑滑，食得出有少少酒煮過嘅味道。飲品方面做得一啲都唔馬虎~ 水果蜜桃茶，有大量嘅水果粒，消暑又解渴。另外一杯係青檸梳打。估唔到依度嘅環境好舒適，亦都冇打邊爐嘅煙燻味，一個人黎打邊爐又得，仲設有幾間VIP房，可以book房一班人黎聚餐！

早幾日同朋友👯‍♀️講起，突然想食麻辣火鍋，於是就有今次嘅分享😚。今日食嘅依間午巿會有一人一鍋，每個鍋都會有獨立嘅煤氣爐。店員送鍋嚟嘅時候，會幫手開埋。落單係用QR code，可以慢慢揀食咩😆。-🍴自選火鍋($66) - 包括咗三款配菜、一款湯底、一款麵同埋一杯飲品。也米😍揀咗沙嗲湯底，而麵款係薯粉。配料係滑雞片🐥、牛柏葉同埋杏鮑菇。店員會放曬全部係一鍋再送上枱，幾方便，而係鍋底會有啲蔬菜配料🥬。沙嗲湯底幾夠味，加上薯粉會吸咗沙嗲湯底嘅精華，好香😋！配料份量唔少，而且都好好味，特別係杏鮑菇，食到好飽😊！依個價錢好抵食🤩！-🍴凍水果蜜桃茶🥤(跟餐) - 都幾大杯，而且水果粒其實好多，差唔多有半杯。水果有菠蘿🍍、火龍果同西瓜🍉。西瓜好甜，火龍果冇乜味，而菠蘿有少少酸。整體來講，蜜桃茶偏甜，不過飲落又幾解渴。

同朋友行開尖沙咀又想打邊爐 由於疫情關係 大家都重視呢方面 所以就係尖沙咀附近想搵一間可以一人一煲既邊爐 於是見到呢一間 呢間野係位一間樓上鋪 樓下會放左menu 我地路過甘岩見到就上左去餐廳環境唔錯 裝修新 當日職員安排我哋坐近窗口坐 中午時分望住大街打邊爐 確係幾寫意佢有三款唔同火鍋 甘我地都簡左自選邊爐 66蚊一人 見到呢個價錢我哋以為好似吉x家果種 點知又唔係 係高質好多既邊爐 其中我哋有叫左生蠔 生蠔大大隻 唔錯 而且啲肉都唔錯 唔係雪藏肉 水果茶真係有大半杯都係水果 套餐仲包左一杯野飲 另外，職員會同你講讚佢地社交平台會有一份小食送返比我哋真係估唔到幾十蚊既野 可以有甘高既CP值 重點係唔收加一 職員服務態度好好 如果你哋行開果邊 真心推介呢間去試

我和媽媽到和媽媽到尖沙咀吃麻神火鍋， 餐廳環境優雅 ，有中國古代風嘅感覺 ， 似置身於中國宮廷一樣。 一入到店舖感覺似係食中國上海嘢,或者北京地道食物。 當我哋一坐低嘅時候，發現原來呢度嘅一人一鍋打邊爐，都好出名。佢有好多唔同嘅鍋物可以畀我哋選擇， 有酸菜魚， 有藥膳醉雞 ，有自選火鍋，可以揀三種食物， 仲配埋嘢飲 ，呢個火鍋套餐非常之抵食。仲有其他特色嘅鍋底，例如鴨血啦，原來呢個係季節限定。仲有花膠拼雞嘅湯底， 非常之養生。仲有其他小食可以揀 ,例如和牛，仲有唔同級數嘅和牛可以選擇。我叫咗酸菜魚配薯粉，味道一流，配料十足，用料新鮮，好正宗，好有水準。魚肉彈牙。我們還叫了藥膳雞，好養生，雞肉好滑，好有口感。多食有益健康。

好耐冇打邊爐啦🤩即使去到夏天都冇阻小編要打邊爐嘅決心🥳 呢日去到呢間一人一鍋店，食落都安心啲☺️ 入座後，店員隨即遞上QR code俾我地自助落單～ 一人一鍋套餐可以自選三款配菜、湯底、麵同飲品🫕一人一鍋午餐 （$66）小編揀左沙嗲湯底，配料有安格斯肥牛(+$10)、美國豬肩胛(+$8)同蔥爆三星貢丸🥰 沙嗲湯底同韓式公仔麵係絕配😋 公仔麵索曬湯底精華，正！豬肩胛口感柔嫩，一啲都唔鞋口🤤貢丸入面有啲蔥花，好特別呀！三款配料都好滿意👍朋友揀左港式麻辣湯底，配料揀左安格斯肥牛(+$10)、黃金粟米水餃同唐生菜配薯粉🥳 牛肉肥瘦均勻，牛味好濃烈🤩肉質夠腍 😋 水餃質素一般，可以唔使試🥟 薯粉配麻辣湯底又係perfect match💯煙煙韌韌，仲要愈食愈辣夠曬過癮🥰

疫情底下呢間係好friendly嘅首先有QR code落單 唔洗掂餐牌之後仲要係一人一鍋添 唔洗share口水💦午市時間到都係主sell$66一人一鍋套餐 有酸菜魚，藥膳醉雞湯，自選湯底同餸 3個選擇。包一個麵同一杯飲品我同媽媽嗌左一個酸菜魚同藥膳醉雞湯，因為覺得自選湯底即係打邊爐，黎到要試啲特別嘅嘢所以就一於試試佢個酸菜魚同藥膳醉雞湯啦*\(^o^)/*🔸藥膳醉雞湯自選咗烏冬，滾起嘅時候聞到都幾大浸中藥味，本身身子弱勁我已經食緊中藥，所以當初聞到都有啲驚，但唔使擔心，食落去完全冇苦嗰種中藥味喎，感覺會似滋補緊身子個雞都好新鮮，有木耳、淮山。想特別提淮山同呢個湯底配搭非常之絕配🔸酸菜魚自選左紅薯粉，個粉比較幼，再同海量嘅酸菜撈埋左一齊，幾塊冇骨嘅魚柳。味道比較重，較酸較辣，非常推薦俾極鍾意食酸菜嘅人最後，非常推薦大家飲水果茶，我未試過飲水果茶有咁足料嘅水果🍉食完個鍋飲完杯茶之後仲可以當飯後水果咁食$66蚊有咁多嘢抵啦

呢一兩年都冇點食一人一鍋嘅打邊爐，今日瞓醒突然想食，決定試試麻神麻辣火鍋。晏晝時分冇咩人唔使等位就入到。同男朋友兩個人分別嗌左自選鍋同藥膳醉雞鍋（各包一杯嘢飲）自選鍋：一個鍋可以揀三款配料。我哋揀咗沙嗲湯底，加廣島蠔、嫩滑鮮牛肉同黃金粟米水餃配米線。沙嗲味幾濃郁，牛肉口感軟淋，冇雪味，食落幾新鮮😋 廣島蠔有隻匙羹咁大。鍋仲自帶有唔少配菜例如芽菜、南瓜🎃藥膳醉雞鍋：湯底藥膳味非常濃郁，好似飲緊補湯咁，好岩我口味！😋大量雞件，無骨啖啖肉，肉質鮮美兼非常嫩滑😋超好食😋加埋米線簡直一流！ 木耳脆口冇怪味，食落都新鮮！非常推薦！水果蜜桃茶🍑：好surprise. 一杯入面有一半都係水果粒（西瓜🍉火龍果、菠蘿🍍）好豐富😋飲涷飲都可以好味又健康😋今餐食得好飽，人均$75 好抵食！ 大家經過不妨試吓！

同朋友去尖沙咀工作，好想食火鍋🍲但係又唔想食放題，見到呢間麻神麻辣火鍋有一人一鍋 午市套餐🥰都係六十幾蚊重點係呢間好貼心係用小型便攜爐👍🏻食嘅時候可以保持住溫度，火鍋嘅時候特別滾好耐冇咁樣一人一鍋了🤣🤣好港式👍🏻我就比較鍾意食辣，所以叫港式麻辣湯底😚配豬肉片、午餐肉同加$10要咗安格斯肥牛😋咁呢麵食方面我就嗌左烏冬👍🏻😚麻辣嗰個湯底就越煮越辣，配合埋烏冬個烏冬就好入味😍不過真係辣㗎大家要睇住自己食唔食到😋😋肥牛同豬肉片都好新鮮🥰食辣湯底梗係要叫午餐肉啦😋其實成個份量都好大，每一個煲入邊其實都附送左好多嘅韭菜、芽菜、南瓜、紅蘿蔔😚朋友就點了一個沙嗲湯🍲配米線、豬皮、魚柳、嫩滑鮮牛肉😋首先呢個沙嗲湯底和米線，沙嗲湯就十分濃郁，而且有很香的花生味，至於米線與湯底十分匹配，放在火鍋上煮耐一點，兩者便會更加融洽，沙嗲湯會更香👍🏻🍲米線會吸入所有沙嗲的精華😍鮮美甘淳，滋味濃鬱😚配合豬皮更是齒頰生香😋至於嫩滑鮮牛肉，入口即溶👍🏻不吃辣的人， 可以去嘗試一下呢個湯底👍🏻飲品方面，我哋都叫咗凍水果蜜桃🍑茶🥰呢杯飲品真係要稱讚👍🏻👍🏻勁多新鮮水果🍉有火龍果、有菠蘿🍍、有西瓜🍉茶底好飲👍🏻蜜桃味唔會太甜，好

愈黎愈多餐廳都有推出一人鍋，不過品質都有d參差，今日就簡左一間喺尖沙咀isquare對面既餐廳。環境方面，呢一度非常之闊落，其實最擔心打邊爐嘅時候就係好迫，但係呢度唔單止一啲都唔迫，而且冷氣都開得好足，大家唔使驚一路流着汗一路打邊爐！食物方面，今次選擇左兩款鍋，一款係藥膳，另外一份係酸菜魚。兩款嘅味道亦都比較濃，適合重口味人士，酸菜魚嘅酸度十足，如果辣到再勁啲咁就最好喇！另外佢哋魚食落都新鮮，而且有咬口，唔會一夾就散。而藥膳雞入面嘅雞肉都唔錯，如果肉多啲咁就更好啦！不過以價錢去講，一個鍋都只不過係幾十蚊，性價比都真係好高㗎！

朋友介紹話呢間餐廳lunch好抵食，帶我去試一試。餐廳lunch提供一人一鍋，有好多選擇，有酸菜魚，藥膳醉雞鍋同自選火鍋。每個餐都只係$66，仲包埋飲品，真係好抵食。同朋友叫咗一個藥膳醉雞鍋同自選火鍋。飲品方面大家都係叫咗凍水果蜜桃茶。~~藥膳醉雞鍋 (配拉麵)D雞大大件，食落好嫩滑同入味。配料有木耳同淮山等等。拉麵好幼身，口感彈牙，好吸湯。~~自選火鍋 (配韓式公仔麵)湯底叫咗港式麻辣，配料就叫咗安格斯肥牛，廚師腸同墨魚丸。麻辣湯底好香，好重花椒味。中意食辣嘅朋友，可以試一試。安格斯肥牛份量都幾多，食落好嫩滑。特別推介墨魚丸，好大粒，食落係超級彈牙。～～凍水果蜜桃茶唔會太甜，飲落好香蜜桃味。有好多水果包括西瓜，鳳梨同藍梅。餐廳空間好大，坐得好舒服。係地鐵站岀行一分鐘就到餐廳，好方便。

疫情以來已有一段時間冇去食打邊爐，今日朋友介紹說尖沙咀麻神麻辣火煱環境乾淨，地點就腳，味道唔錯，午市推出一人一鍋連飲品都只是66蚊好經濟實惠，所以就聯袂去食。服務員殷勤招待，給我們一個臨街大窗，觀景好好嘅卡座。餐廳在大廈樓上店，面積不少，絕對夠安全距離又整潔，印象分又加一點。用QR code點菜，簡單及安全。 一人一鍋一共有三個選擇酸菜魚、藥膳醉雞鍋同埋一個自選三餸嘅午餐。自選的餸很多選擇總共有39款，概括了一般火鍋配料(其中安格斯肥牛，美國豬肩胛及廣島蠔，都只是每樣加$10就可點) ，湯底都有五款可揀其一、主食六選一，飲品12選一。今日我哋不想糾結就簡單D揀咗一個酸菜魚同埋藥膳醉雞鍋。 主食就揀左薯粉和韓式公仔麵。很快小巧的爐具，餐具就擺放好，都不佔不太多檯面位置。主菜出場，份量不錯，隨湯 逐漸沸騰，香氣滿滿令食慾大增。酸菜魚湯底調得剛好，那酸酸辣辣的味，如食麻辣般一食不能自止，回食無窮，魚肉質地好有質感不淋不散。藥膳鷄的鷄肉也很滑並帶有鮮鷄的味道，大大塊又多的淮山好爽口入味，黨參能再重點就更滿足到喜濃重藥膳味的客人。最後兩種主食吸索湯底的精華成為這餐的靈魂，食到我們飽腹及滿足。玫瑰

放假去尖沙咀行街，見到呢間餐廳好評都好多，於是上去試吓。首先餐廳環境方面，空間大，而且仲有卡位坐。叫嘢食方面，用QR code手機落單，午餐有一人一鍋，有酸菜魚、藥膳醉雞鍋、自選午餐。我叫咗藥膳醉雞鍋午餐、朋友揀咗自選午餐（一款麵底+3款配菜）藥膳醉雞鍋都好足藥膳味，份量都大，一個人食都好足夠，大概有四至五件雞。朋友嘅自選午餐揀咗港式麻辣湯底、拉麵，配料方面有安格斯肥牛、牛柏葉同埋黃金粟米水餃。呢個麻辣湯底都好難，尤其是食到最後湯愈來愈少，配料方面略嫌份量少，粟米水餃煮嘅時候會爛皮。午餐包括一杯飲品，飲品方面揀咗凍水果蜜桃茶，入面有好多水果，唔會太甜，甜度剛剛好。整體方面，份量足夠，味道中上，尖沙咀而言價錢合理，可以再試！