影片
此店以前叫狂潮，现在已转名叫做新狂潮。2时正，下午茶时段，疫情下人客疏落，一个人坐卡位，舒适下午茶的选择 $36-$40，时间为2:00-5:30PM选择了干炒猪扒乌冬配冻柠茶$40+$2=$42不用十分钟热腾腾有镬气炒乌冬上枱，实物豉油色泽比相片浅色，猪扒份量约一件，切成数小件，肉质软淋，唔干柴，乌冬软硬度刚好，吸收豉油味，但又不会太咸，芽菜应是后下，依然爽口，炒得有镬气。冻柠茶少甜有三、四片柠檬，做到少甜要求，但茶味不足。水准合格，有机会试下晩饭小炒。
继续阅读
过完个农历年假又系时候收拾心情，第一日返工同事话出去食开下年，咁就去联和墟啦。点知想食嘅几间舖头都未开，一路行直至见到狂潮，见佢个店名咁有霸气，一于试下先。新春无特别加价，午餐$40起，一般茶记价位ok啦。阿姐好快送上例汤，红萝卜煲猪骨，无乜味，但至少唔系味精啦。冻饮加$2，要左冻柠茶同冻奶茶，好大杯，够冻，茶味仲好浓添。雪菜肉丝炆米（$40）好大碟，多雪菜又多肉丝，味道偏咸少少，整体ok嘅。油鸭脾饭（$50）同事要左油鸭脾饭，哈哈，佢话好耐无食过腊味㖞。饭劲多，鸭脾一只已切件，咸就梗㗎啦话明系腊味，咸得黎都有鸭味，都几好食，但50蚊就好似贵啲㖞。新春都无加一算系咁。
继续阅读
朋友请食饭，居然茶餐厅居然有海鲜食，仲要好好食添，真系估唔到茶餐厅可以食到酒家嘅水准！尤其是个班头腩，超好食😍保证好食个流浮山西贡𠮶啲⋯⋯蛽介靓鱼球都好好食😝雪菜肉丝米粉很弹牙而且一啲都唔油腻👍🏼朋友话只要之前同老细佳哥讲好几时想食同想食啲乜，就可以😋朋友话平时晏昼或者晚饭都会去呢间茶餐厅度食饭，因为呢间茶餐厅啲老火汤好好饮，冇味精，而且小菜价钱合理仲好好食添！我揾日都要去试吓！今餐真系食得好饱！好开心！
继续阅读
第一次入呢间茶餐厅系深夜01:00，啱啱收工鬼咁肚饿！求求其叫咗个我未食过又有啲特别嘅（虾酱豆卜蒸火腩）加白饭，𩠌上到枱嘅时候𠮶啲虾酱味使到胃口大开！食咗2大碗饭。一个字掂！👍👍👍👍👍👍👍跟住成个月都有去帮衬，计有葡汁焗猪扒饭、就算豉汁蒸排骨都好食过大酒楼、仲有个出位嘅虾酱豆付火腩煲、潮式蚝仔粥，最近仲食埋佢个麻辣水煮牛肉，有啲奇怪？点解茶记会有川菜呢？即管叫个试吓啦！因为都几中意食麻辣嘅！去亲川菜食店必点！话咁快牛肉上枱！见到都几简单！只有支竹、芽菜、牛肉同香菜！份量都多嘅！唔食由自可，一食唔停得！又系2大碗饭！喺食紧牛肉之余见到格篱枱好似好香麻辣味咪偷偷哋睇吓人哋食啲乜，见到系大大煲嘅麻辣鸡加蟹煲，仲有其他都食大大碟嘅𩠌！好似系福食，但睇见佢哋又唔似伙记，我估系老板自己食。觉得好特别，乜鸡同蟹夹麻辣嘅咩？好奇心驱使下！咪问吓啰！佢哋话有麻辣鸡煲，菜牌无嘅，佢仲话半只麻辣鸡煲$150蚊，你可以去街市自己买蟹叫大厨煮就得！咁第二晚就买咗只肉蟹俾佢哋煮个麻辣鸡蟹煲！一上枱香到无嘢讲，即刻过对面7仔买2枝大啤队餐饱！埋单都系$180包含$30蟹加工，抵食到死呀！好好味呀！👅👅👅👅👅👅👅佢哋仲话其他海鲜都夹，咁我又中意虾同鲍鱼得唔得！佢哋话都得！第二晚又买咗啲靓虾同鲍鱼仔，佢哋话唔使买大只鲍！细只就得！呢两晚满足到一生难忘，多谢狂潮美食！劲赞！！！👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍
继续阅读