犇殿台灣火鍋 (德福廣場1期)

营业中

休息中

講起火鍋，除左川渝既麻辣火鍋之外，最鍾意就係台式火鍋。因爲大部分台式火鍋主打特色湯底，多數都係藥膳湯底。今次就去左【犇殿台灣火鍋】，地方唔算太大，所以要等位既機會比較大。我地就叫左澳洲M7和牛放題套餐。海鮮肉類都係QR code自己點，其他蔬菜、丸、飲品、甜品、醬料都係外面自己攞。 鴛鴦鍋—美白凝膚牛乳鍋，藥膳紅燒牛骨鍋：美白凝膚牛乳鍋唔會太濃味，清香有淡淡奶味，完全唔會搶左其他食材既鮮味。藥膳紅燒牛骨鍋藥膳味重，牛骨湯非常香濃，最適合搭配D比較吸味既食材。兩款都好味又特別，睇下自己鍾意濃味定清淡。 推薦食材 M7和牛套餐贈送-- 神仙牛肉/ 海鮮拼盤：神仙牛肉肥瘦適中，牛味香濃，入口即化。海鮮拼盤裏面既海鮮都好新鮮同鮮甜，尤其鮑魚，完全唔會硬又好鮮甜。 澳洲M7和牛：口感雖然無神仙牛肉禁軟滑，但M7和牛肥膏較少，牛味都好香。 手切琵琶牛肉：幾乎無咩肥肉既厚切牛肉，所以口感豐富比較有咬口，肉味濃郁。 澎湖墨魚滑：非常彈牙，完全無腥味，又鮮甜。 鴨肉丸：非常特別，又唔會好粉，有獨特鴨味，如果可以接受的話非常推薦。 總括都非常高質，如果平日、7點前埋單或者9點後入座，價錢會仲平D。非常推

今日下午13:30去到九龍灣 搵嘢食去到一間叫犇殿嘅放題,考慮咗好耐跟住行入去,叫咗個$148餐,加一個沙茶醬湯底,等咗一陣湯底到咗,個湯底完全冇味,唔掂,點左2碟牛肉,2碟豬肉,2碟羊肉體,等左一陣,肉送到過黎,牛肉肥到…雖然門口個小姐又講到牛肉比較畀阿肥少少點知係肥到咁樣,出到去自助吧取食品,食物質素唔掂,呢啲生菜就黑蚊蚊,嘢食蒜茸標水少少已變壞,取左幾款食物反埋位食野,先試下羊肉,有羊鬚味但好 好硬牛肉第一碟就唔係太肥跟住嗰兩三點嘅就肥到阿媽都唔認得,豬肉呢又係好硬根本完全都食唔到。叫第二轉牛肉,等左10分鐘先到,員工掛住收檔擺位,大佬我食緊野,都送餐快少少,最後食左40分鐘去左,一肚氣,冇下次。

朋友約我九龍灣行街話想食火鍋，我哋就黎德福廣場依間「犇殿台灣火鍋」食個M7澳洲和牛午餐套餐，90分鐘吃到飽，真心抵！餐廳環境寬闊，自助飲品同各類蔬菜同食物，仲有雪糕飲品任食任飲😋當然唔少得芋圓同其他台式美食，店員服務好好，過一陣都會主動加湯、換碟、收碟！我哋揀咗鴛鴦鍋底，御膳麻辣鍋底同台式濃香沙茶鍋底，我就鍾意食麻辣鍋底好惹味，好過癮😋入面仲有我最愛嘅鴨血同豆腐，朋友食沙茶鍋底，用手機落單， 快捷又方便。🐂自選肉類套餐：澳洲M7和牛，手切琵琶牛肉，黑毛牛肩胛肉，美國牛板腱，美國極黑牛三叉，安格斯牛小排，美國牛胸腹板肉，豬梅花，羊肉卷，阿嬤燒酒雞，送海鮮拼盤（海蝦、海蜆、台灣透抽、半殼青口、手打魚滑）🍲湯底: (+＄30可享鴛鴦湯底）M7和牛滿滿雲石紋，肥美豐厚，肉質軟嫩，牛板腱鮮嫩粉色，入口綿化、柔嫰，肉汁鮮香美味😋其他鍋底👉口湖扁魚蛤蜊鍋、一品酸菜白肉鍋、滋補養生人蔘鍋、桃膠土雞美人鍋，美白凝膚牛乳鍋😋

地址：九龍灣偉業街33號德福廣場一期1樓F1號舖環境：幾乎全部都係卡位，座位寬躺唔擠迫，有自取區拎飲品同埋蔬菜食物醬汁，值得一讚係醬料好多選擇，連我最鍾意嘅沙茶醬都有😍特色；台式任食火鍋放題😆 我想食靚肉，今次揀咗澳洲M7和牛放題成人星期一至四：$315成人星期五六公眾假期：325呢位餐會每位會送一人海鮮盤同一人神仙牛肉，前者有鮑魚扇貝生蠔新鮮貴價海鮮，後者長長一排嘅牛肉掛咗係木架上面，超打卡湯底：8揀1，我揀咗沙茶鍋，味道越濃越濃厚😆食物選擇：有多款豬牛部位，仲有魚、海鮮、台灣小食、、餃子、丸菜類同埋飲品等超過50款配料個人心水五強推介：❣️M7和牛：必食！新鮮肉味濃，油脂分佈均勻唔油膩❣️東港海斑片：白滑唔腥，無細骨，大人小朋友都啱食❣️ 澎湖墨魚滑 ：口感爽口彈牙，有粒粒粒粒花枝肉☺️❣️台灣鴨血：順滑嫩口，吸晒湯底精華❤️❣️夜市小香腸：經過香煎先上枱，脆皮香口，有去咗台灣食夜市嘅感覺

難得去到九龍灣，見到呢間犇殿我又忍唔住去咗打邊爐🍲啦我哋就叫咗個C餐 $328/位❤️澳洲M7和牛❤️安格斯牛小排❤️美國牛板腱❤️美國豬梅花❤️呀嬤燒酒雞我地4人，可以揀兩個湯底我哋就揀咗藥膳紅燒牛骨鍋美白礙膚牛乳鍋我覺得呢兩個湯底都比較鹹🥲要不停係咁飲嘢🫣呢個係手切牛肉，佢送既，冇得添食嫁海鮮拼盤都係送㗎澳洲M7和牛點解第三輪既牛就變左😭好難食😭食完之後，出邊自助區有好多甜品我就拎咗沖繩海鹽味同菠蘿椰子🥥味沖繩海鹽味嘅雪糕好特別，佢鹹鹹地👍🏻👍🏻而菠蘿椰子就比較甜，不過都幾好食嫁👍🏻👍🏻👍🏻不過我想講，我坐嗰個位係咁滴水，左邊滴完水，右邊又滴水😭😭😭犇殿台灣火鍋 (德福廣場一期) (九龍灣)📍地址：九龍灣偉業街33號德福廣場一期1樓F1號舖我既評分（5⭐️為滿分）環境：⭐️⭐️食物：⭐️⭐️⭐️服務態度：⭐️⭐️⭐️推薦：⭐️⭐️⭐️

最近呢好多飲食平台都見到犇殿呢一個冇人識讀第一個字嘅餐廳 其實犇 佢係「奔」嘅同音字而今次就去咗試最貴嘅M7和牛套餐🥢 今次去到九龍灣呢間分店 公眾假期前夕嘅夜晚等位等一張五人枱足足等咗一個鐘 叫號係完全冇跳過 但係明明keep住見到有顧客食完飯出嚟但係 我就唔明點解餐廳要咁樣安排👍🏻 一開始餐廳嘅上菜速度同埋上鍋嘅速度都幾理想 店員亦都非常有耐性解答我地嘅疑問👎🏻 全晚最唔得嘅體驗就係樓上個冷氣機不停不停咁樣滴水 左手滴完到右手 然後地下亦都有啲油都幾⏳ 至於上菜方面全晚都有幾多漏單嘅情況 同埋有好多時候都嚟咗一啲我哋冇嗌到嘅野 例如我哋只係不停order最貴嘅牛 但係就每一次都嚟咗一兩盆嘅三叉肉✨ 湯底藥膳紅燒牛骨鍋 + 美白凝膚牛乳鍋湯底偏淡，唔係好食得出佢湯底究竟係咩味牛骨湯淥完肉就偏鹹✨ 牛肉質素參差 套餐送嘅兩版牛肉好高質 入口即溶但係M7質素越嚟就越差 明明個樣唔係M7 staff都話係M7 睇吓啲相就會知差幾遠✨ 其他配菜選擇少 refill得慢 飲品選擇亦不多（我係8:40入座）食🉐指數味道：🉐🉐🉐環境：🉐服務：🉐🉐🉐抵食：🉐🉐📍 犇殿台灣火鍋九龍灣偉業街33號德福

九龍灣呢排多咗好多新餐廳，今日就想試吓呢間餐廳，離遠已經見到好多人係門口排緊隊。呢間餐廳係任食打邊爐，有4個餐可以揀，我地揀咗「澳洲M7 和牛餐」，有8款湯底可以揀入到去已經見到一排自助素菜和醬料，野飲選擇都唔少揀完湯底後，店員就放低跟餐送嘅一份特別牛和海鮮拼盤店員會比跟餐嘅兩份肉先，每碟份量唔算太多，但係就可以叫多幾碟呢度叫野食係要用電話點餐，除了牛肉，仲有其他打邊爐食材，例如 丸、墨魚滑、雲吞。每碟份量都唔多，可以試多幾個野食種類。我們亦叫了多款台灣夜市熟食，有鴨血、滷水拼盤最後我地食雪糕完結滿足的一天。

午餐90分鐘放題$148，一個麻辣火鍋湯底諗起就嬲湯底裏面只有四片鴨血但沒有得免費refill要俾錢，另外一個人蔘雞湯底不過不失，雖然我哋係食最平嗰個餐但係啲牛肉質素超差超肥

2922.06.24 takeaway lunch 首先，如果做唔到外賣，又或者午市比較忙，係可以講聲唔做外賣，又或者講聲，須時，起碼等廿分鐘以上！你講明，我哋就絕對冇問題！我哋足足等左半個鍾先有，仲要俾錯嘢，仲要咁嘅價錢，咁嘅質素！ 質素好啲，要等半個鐘條氣都順啲，而家咁樣，真係嬲爆😡😡叫咗兩個定食，要我寫味道，今次真係有點困難，一來我食得好趕，二來個賣相唔得，三來真係唔美味。除咗個鹽酥雞叫做好味啲之外，其他嘅⋯⋯算啦。 台式風味三杯牛 $88，外賣加$3蚊。 啲肥牛真係超級肥牛，雖然知道係有人會鍾意食，但唔係我倆，仲要冇咗個椒鹽四季豆囉！😡 變咗鹽酥雞，好彩呢個鹽酥雞都好味。養生人蔘豚肉豆腐貢丸湯 $78，外賣加$3蚊。個人蔘湯ok有啲味，啲料就正常。服務俾一粒星，係因為等外賣等左成半粒鐘！ 因為門口嘅服務員都好有禮貌。

真係未見過 門口個 侍應竟然 衰到叫，前面個小妹妹 即場除 鞋係量 高度！話 除鞋 先未過 140cm ，先可以小童價 ，即係明知 人地未夠 140cm 玩嘢要人哋除鞋 ，左住曬條 隊！真係 史上見過 最差嘅 服務！ 食物 質素比之前 差左好多，雪糕只得 阿波羅，大不如前，價錢又貴左，唔會再去！

今日在德福廣場打算食另一餐廳, 但見多人等，就到同一樓層其他餐廳睇睇情況, 見到犇殿台灣火鍋, 門口有餐牌有"90分鐘食到飽"同"60分鐘定食", 睇緊之際, 有2個人到左, 唔使等就入左去, 睇完餐牌又見唔使等, 決定食.......就同門口果位小姐講, 我地兩位想揀"60分鐘定食", 佢猶豫左一下話要拎籌等, 禁左張飛係A5 , 之後佢就係咁係度打電話, 等左一陣, 見門口籌號機所有飛都顯示係0, 唔知要等幾耐, 就想問下而家叫到幾多號飛, 前邊仲有幾多張檯。門口小姐: "你張飛係5號, 你前邊咪有4張檯囉!"我: "咁而家叫到幾多號飛, 因為部機無顯示, 唔知道前邊仲有幾多張檯..."門口小姐提高聲量: "而家未開始叫呀, 我地十一點半開門, 食個半鐘, 都未開始叫, 我而家打緊電話, 前邊BOOK左一點, 又唔聽我電話, 如果佢地唔嚟, 你咪可以入去囉!"我地食飯都係想醫肚加開開心心, 門口小姐趕客態度係因為前邊客人唔聽佢電話? 定係公眾假期唔想做定食套餐? 真係不得而知......但就趕走左我地。我地就去左其他餐廳搵食。

上次好掂， 所以今冮再encore，都係叫返最平既2人餐肉都繼續ok， 蔬菜都ok，丸果啲就差左啲（知佢會轉）， 魚蛋仲有少少變味， 最正係啲麵粉碎， 希望下次唔會咁啦~

呢間火鍋店大熱， 成日都好爆， 見有外賣2人餐價錢又唔貴， 所以買黎試下叫左最平既2人餐， 啲牛肉質素ok， 雞比想像中好喎， 貢丸同啲餃都幾好食， 菜份量都ok， 基本上唔大食既話都飽既， 但食肉獸就要自己再啲肉啦人少既話買個餐唔駛煩， 開個爐就掂👍

6點無堂食又係食優惠外賣既時間上網睇到佢做緊優惠2個人最平都係$208咁就試下啦~平時見好多人排隊都無機會食~去到6點幾都已經見到好多人買,檯上面已經放滿order包裝Ok~一拎上手真係好重😂最後2個人係食得曬岩岩好牛不過不失啦 起碼唔會覺得難食我叫左藥膳紅燒牛骨鍋都幾濃食到尾都仲好有味不過配料有機會轉會有d唔一樣菜個d都好新鮮同埋份量都算多關廟麵驚喜幾好食方便突然想打邊爐又無時間既朋友同埋可以支持下餐廳

對於台灣火鍋來講，其實真心小編食過香港好幾間，亦都Share過比大家朋友仔，來來去去就係店名同牛字有關係，遲來的相遇，今次正因為要禁堂食尋訪外賣而結識到有三個牛咁多的，「犇殿」! 唔想睇小編廢話可以直接按下面的訂餐詳情:犇殿主打台式火鍋放題，提供8款地道特色湯底選擇，多款極高質牛肉豚肉及台灣直送火鍋配料、招牌還原來自台灣的味道。呢個時候你又會話:車~都無得坐低任食，食唔到「90分鐘任食放題吃到飽」? 有咩緊要先! 最緊要係，外賣自取攞返屋企安心慢慢嘆靚牛肉先至係重點!2 人火鍋套餐分ABC SET三個價錢，$208/$268/$328就可以食到8個原湯底+3至4款靚肉，再加埋大量的花款配料，小編一家4個人就選左兩個2人SET C $328推介:⭐️⭐️⭐️⭐️⭐️澳洲M7和牛、 安格斯牛小排、美國牛板腱、美國豬梅花四款食落口就愛上的火鍋美物! M7油脂分佈平均，入口即溶!鴛鴦湯底 +$30 有齊桃膠士雞美人鍋 & 台式濃香沙茶鍋 兩大湯碗裝盛，還有用酒醃過阿嬤燒酒雞，啖啖肉帶有酒香法特別滋味。配料方面，特別將堂食的自助區材料放哂一齊呈獻🥳蔬菜拼盤：•菠菜 •蜂巢豆庰 •羽衣甘藍 •甜粟米•皇帝菜