犇殿台灣火鍋 (德福廣場1期)

营业中

休息中

今日終於可以下午打邊爐, 等左一陣位, 裡面位闊落枱與枱之間有木板而坐位就有膠板隔住,感覺安心,  店員亦有提醒出去拎食物要帶口罩. 午餐有60分鐘定量兩碟肉套餐$88-$168, 仲有90分鐘吃到飽套餐$138-$238, 湯底有十款揀, 我就揀左人參鍋, 至於肉類有牛小排, 牛三叉同腹板, 牛胸板肉, 豬梅花, 燒酒雞, 出面可以自己拎既有墨魚丸, 海膽丸, 豬肉丸, 菜有生菜, 皇帝菜,通菜, 金菇等等,  飲品有可樂, 韓國飲品, 同無糖茶, 好多選擇. 肉類: 牛肉同豬肉好有肉味, 比其他任食邊爐既好味一D飲品: 都有三個雪櫃嘅選擇配料: 出面自己拎既配料就比其他任食邊爐少D款, 雪糕有韓國雪條, 唔系HD雪糕總括黎講推薦肉類系好味, 百幾蚊值得一試

新一年第一日梗係要食好啲啦😆加上呢幾日凍左，好想打邊爐，記得朋友之前介紹過呢間外賣好抵食又好好食，所以就揀呢間黎試下啦。佢外賣有三個餐選擇，牛魔王嘅我哋，揀左C餐：澳洲M7和牛餐🐮🐮🐮🐮 湯底有10款選擇，太多啦吧🤭 最後揀咗桃膠土雞美人鍋。三個餐只係肉類有分別，其他蔬菜同丸類都係一樣嘅。佢嘅肉分左三盤，而其他蔬菜同丸類一大盤，分量真心多。湯底好好飲，下次要試下其他湯底先😋😋牛肉同豬肉好食都不在話下，佢啲菜同丸都好新鮮，相比起其他邊爐店，呢間係超值，兩個人食，未食個麵已經好飽😆一定會再食過👍🏻👍🏻👍🏻

今次係第二次黎食，一次比一次衰，永無下次🙂第一次夜晚walk in等咗2個鐘，到我哋入座時，原來入面仲有幾張2人枱，但唔係有人book咗，而係間嘢特登制造人龍。第二次食lunch，見無乜人試多次，揀咗$138任食個set，店員同我哋講個款牛有小小肥，請各位自行睇圖，所謂小小肥，只得2成係肉，8成係肥膏，好心啲咁嘅牛就唔好拎出黎賣。經營方式有問題，牛肉質素差，服務態度又好。

星期日去住係德福阿哥屋企打邊爐，因為兩個人阿哥係犇殿訂咗一個245嘅二人外賣套餐！意想不到料超足配菜好多樣睇得出真係用心！阿哥仲話真想唔到套餐比放係店裡面個樣板仲好湯底又多，通常樣板同現實係有出入！講真兩個人買嘢打邊爐買嘢好難做到多元化又食得曬！元旦打算又去阿哥度打邊爐繼續呢個套餐👉

本人極愛打邊爐，麻辣亦是個人必選。但矛盾的是自己又不能吃太辣（像四川麻辣那種）會食到上下噴火🙈所以台或麻辣是本人的至愛，辣得來有點麻但卻不會食到很痛苦。同朋友一齊到犇殿為試試它的麻辣火鍋，海鮮併盤同神仙牛其實除了以上的食品，還有出面任食任夾的部分，單是雪糕雪條已有很多款和品牌！蔬菜很新鮮，特別在有一種芽菜是有花生發出的！一定要試試！海鮮也很新鮮！神仙牛只送一客，本人認為最出色。澳洲M7和牛也很正而且超大塊3個人（是10月時食的，所以沒有犯限聚令）就有兩個鍋選！超滿足呀！我們決定之後解除限聚令再來聚一聚！

平安夜首次買火鍋二人餐，揀佐B餐 “美國黑毛和牛“ ＄198去到已pack好唔駛等👍藥膳麻辣湯底純和不嗆喉👍肉類＆蔬菜款式/份量都好足👍👍美國黑毛和牛肉質嫩滑有牛肉嘅甜味😋樣樣蔬菜都洗得好乾淨👍番兜指數：100％

登燈鄧櫈‼️‼️小妹今晚的晚餐係「#犇殿」的外賣台式火鍋二人套餐🥡🫕今晚真係餓到食到一隻牛啊哈哈😂😆湯底係桃膠土雞美人鍋 仲🈶️1/4隻雞 一打開已經聞到好香嘅人蔘味不過淡味左啲♨️🍲雞肉肉質嫩滑 同埋非常鮮甜 湯底仲有桃膠 我唔歡食雞肉都覺得呢個湯底係正👍🏽👍🏽肉肉🈶️澳洲M7和牛 🐮就咁睇好似好肥 但其實唔係而且入口即溶 值🉐️食‼️‼️安格斯牛小排#美國牛板腱 雖然係薄薄的但係食落都好有牛味的喔🤩😍‼️‼️美國豬梅花 肉質嫩滑唔會好韌 okay喎 阿嬤燒酒雞 除咗肉質嫩滑之外 仲食到有陣酒味😚😙蔬菜拼籃 有粟米🌽羽衣甘藍🥬冬菇🍄金菇 菠菜 皇帝菜等全部啲蔬菜都好新鮮 鮮甜👍🏽👍🏽其他配料係🈶️台灣燕餃🥟手工蛋餃🥟貢丸 鴨血 松葉蟹肉棒 等多款食物 真係豐富到不🉐️了 蜂巢豆腐同埋響鈴卷索哂啲汁真係好好食😋😀仲有屏東米粉 關廟麵 小妹都係第一次食 同台式火鍋又真係好夾啵heehee😁😁哩個餐真係高質😋😋價錢又很平民🙂☺️食材非常新鮮和多款式😚🤤大家快點趁哩個冬天外賣返一轉返屋企十下十下啦💛🧡絕對係有回頭的機會!!!!!小妹的阿巴麻咪都表示很歡 方便快捷 唔洗買野同洗野就有得食啦🐷🐽🤤

三人行專登去食火鍋，打電話問話無得預約，於是早D去walk in, 六點上到去，見到人山人海，最少40人係現場，此情此景，彷彿已是很久很久以前。馬上㩒飛，但已經遲了，原來6:15pm開始晚市時段，並訂明2,4,6人枱數員。3 至4人枱只有10張，因為去到時票號已經去到20多張，結果等到8pm方能入座。入座後自己用QR code 下單，所以手腳要快。我們三人一個落單，2人取蔬菜，調味及飲品，可謂完美分工。上菜速度快，牛肉大大份，有肉味。美中不足是只有90min 用餐，略嫌不足。由於掛住食，就沒拍照了。最近打邊爐心水之選，推介推介。P.S.原來犇殿係Mr. Steak集團的。

最近公司附近開咗呢一間台式打邊爐，見到佢嘅餐牌好似好吸引，而且又係任食。所以諗住約同事一齊嚟試吓如何，我哋食晏晝所以唔係好多人排隊，但平時放工見到夜晚門口都堆滿晒人喺度等位，所以如果夜晚諗住食可能就要早啲去等位。我哋揀咗牛三叉嗰個餐，價錢同埋啲牛肉嘅質素係成正比嘅，都係普普通通。下次嘗試吓食貴啲，睇吓啲牛會唔會再靚先。

九龍灣德福開咗間新嘅台式火鍋一段時間啦。。常常都想試可惜晚市總是人山人海🧍🏻‍♀️🧍🏼🧍🏿‍♂️👫👭👬。。佢嘅名字十分奇怪。。竟然有三隻牛🐂🐂🐂。。真係點樣都唔識讀。。於是好奇之下就問咗經理佢答我係台灣的漢字奔跑嘅（奔）。。今日中午終於有機會啦。。。過咗2:00。。冇人排隊仲大把卡位添我哋揀咗最平嘅60分鐘套餐。。每人包兩碟肉。。一個飲品和一個甜品。。。外面的配料就任你食。。。我哋揀選左一品酸菜白肉鍋。。湯底真係真材實料。。酸菜多唔出奇估唔到肉片都好多。。湯底真係好OK啊。。酸度剛剛好對我來講我最鍾意嘅反而係有炸油條。脆響鈴。還有關廟麵。新竹米粉。。非常吸引而且還有一些台式小食凍豬腳和台式肉操飯呢個價錢對我來講性價比好高。。。雖然只係60分鐘。。但係真係好足夠時間

德福新開嘅台式麻辣火鍋，愛辣之人當然一試，哈哈。我哋嗌嘅和牛餐，店員會擺支旗仔喺枱面。麻辣湯底夠辣，食得出湯底係好濃厚，有啲火鍋嘅辣真係可一不可再，但佢嘅麻辣鍋真係做得幾台式。牛肉嘅質素，偏向厚身，肉質當晚我哋食就覺得有啲柴，舊和牛，真係頭幾轉都唔太食得出係和牛，到差唔多埋單嗰轉先係和牛應有嘅質素。所以都難免有點兒失望。鴨血好滑配菜方面都幾有驚喜，擺放位置一目了然，好乾淨企理，質素幾平均。個菠菜好滑口，令我呢個食肉獸食咗幾碟。有台灣小食，但唔算太特別有驚喜。

今日平日中午行過無人等就試下,一試就奶野.食佢個中午定食套餐60分鐘澳洲M7和牛(餐牌最高level).每人有兩碟和牛,每碟兩塊好大塊和牛,油花睇圖,食感柴皮好似食普通肥牛咁,呢d和牛係我食過最差既.湯底揀左款一品酸菜白肉鍋,味淡湯浠,食食吓仲有職員走嚟加水落湯底,無错係水,大佬個湯底咁淡仲加水？又唔問客人,食嗰60分鐘都差不多啦.服務可以讚佢哋快！收野快,行路快,見佢哋咁樣,我都怕我撞到佢哋,所以收野係可以嘈到酒樓咁.跟住配料吧係好多丸同菜款式係多嘅.另外有台式豬手同滷肉,我就只係試過豬手,唔夠淋唔夠味.最後食咗d唔知乜牌子既雪糕~難食.總结係有8款話台灣火鍋湯底加兩款話台灣小食嘅火鍋店.

下午食定量lunch 一個鐘限時每人有兩碟肉我地要等個鍋黎到都無左啲時間去到最尾我地剩番兩塊肉佢就話無得再食因為夠鐘同岀面有人等岀面得2個人等☹️佢話我地食坤個兩塊肉就可以選擇每人加多$50 有半個鐘之後佢就直接拎走啲野我地連甜品都未食服務態度勁差一定唔會再去食!!!!!!!!!!!!!!!!!!!!

同朋友一行3人星期六下午去食新開冇耐既犇殿台式火鍋。我地點左$168 90分吃到飽既套餐，可以任點牛三叉，牛小排，仲有低一級$148 套餐可以食到既牛，豬，羊同雞。餐廳係用電話sacn QR code 落單既，但每次每款肉只可以點2碟，每碟肉既份量唔多，大約3-4 塊，可以避免叫得太多食唔哂既情況。我地主要食牛三叉同牛小排。牛三叉係好大塊，大過塊面，肉味比較濃。而牛小排就細塊好多，比較多油脂，所以食落較滑口。除左有要order 既肉食之外，當然仲有一般火鍋既配料（丸，菜，麵，醬料，響鈴，炸魚皮）同飲品。值得一提既有比較貴價既羽衣甘藍。當我地食左大約一個鐘既時侯，個order 既版面突然話牛小排已售罄。我地咪問下個職員突竟咩事，佢話係ar, 冇哂牛小排。我地心諗放題唔係任食咩，點會冇哂。之後再追問個職員，問佢晚市會有嗎？佢答到口窒窒話要睇下廚房點先知。最後我地都冇追究，唯有食返牛三叉，但就抱住懷疑既心態，究竟間餐廳有冇違反商品說明條例🤔🤔

今日去等了約30分鐘就可以入座，其實食物質素唔錯，我們起先食得也算開心，但在最後卻給一個職員完全破壞了。 那個男職員的態度非常惡劣，我們也知道是限時九十分鐘，但我們是來用餐，不是軍訓，其實平時其他餐廳的，九十分鐘應該也會有五分鐘最後給你飲啖水或食埋最後d 嘢，但不用好像趕收工的不段提醒人夠鐘。在最後我們只是超了兩分鐘，食個雪糕未還未食到落口，他們說雪糕不是給人超時後才食的。 我聽下去還以為超了二十分鐘，不是兩分鐘。這樣的服務態度。就算嘢食點樣好食，都唔會再去吧？ 完全是趕客的態度。